13 may 16:47olke

“Qarabağ”ın veteranları Mehman Alışanova 120 manat göndərib


“Elit”də məşqçi işlədim, heç 1 il olmadı, ordan da çıxardılar”
Müstəqillik tarixinin ilk illərində yaşıl meydanlarda xarüqələr yaradan, verdiyi ötürmələr, vurduğu qollar ilə azarkeşlərin qəlbinə yol tapan öz zamanının məşhurlarının bir çoxu bu gün kənarda qalıb. Bir neçəsi başqa ölkəyə üz tutdu, burda qalanların çoxu işsizdi. Ailəsinə bir tikə çörək yedirmək üçün fəhləlik edənlərə də rast gəlmək mümkündü.
Belələrindən biri də Mehman Alışanovdu. Azərbaycan milli çempionatlar tarixində vurulan ilk qolun müəllifi, “Qarabağ”ın heyətində ölkə çempionu və ölkə kubokunun sahibi olan mingəçevirli balası. Bir ara səs-sorağı məhbəsdən gəldi. Səhlənkarlığı və diqqətsizliyi ucbatından başqasının badına gedib ömrünün 5 ilini “dəmir barmaqlıqlar” arasında keçirməli oldu. Azadlığa çıxandan sonra gah fəhləlik etdi, gah da məşqçilik. İndi yenə qeybə çəkilib.
Bu yaxınlarda mingəçevirli dostlardan birindən Alışanovun boya-başa çatdığı şəhərdə boş-bekar gəzdiyini eşidəndə təəccüblənmədim. Böyük əksəriyyət o gündədisə, nəyə təəccüblənəsən?! Qısası, növbəti müsahibim diqqətdən kənarda qalmış Mehman Alışanovdu.
- Neynirsiz? Necəsiz?
- Şükür, yaxşılıqdı. Nə edəcəm? Bütün gün evdə-eşikdə oluram. Başqa nə edəcəm?
- Gəncəli Rövşən Əhmədovdan xəbəriniz var?
- Yox, nəsə olub ki?
- Fəhləlik edirdi, karantin dövründə işsiz qalmışdı deyə, “Kəpəz” rəsmiləri Əhmədovun yaşadığı ünvana sovqat aparmışdılar. Məsələdən xəbər tutan millət vəkili Müşfiq Cəfərov Rövşəni nəzarətə götürüb, işlə təmin edəcəyinə söz verdi. Dedik, sizi də danışdıraq, bəlkə kim(lər)insə yadına düşərsiz.
- Allah sizlərdən razı olsun. Nə qədər savab iş görmüsüz. Mən də dediyim kimi, bütün gün evdəyəm. Elə bir işim yoxdu.
- Bir ara fəhləlik edirdiz...
- Türmə həyatından sonra ailəmi dolandırmaq üçün məcbur qalıb fəhləlik edirdim. Sonra bir müddət Zaur Qarayevlə birgə “elit”də məşqçi işlədim, heç 1 il olmadı, ordan da çıxardılar.
- Niyə?
- Bilmirəm ki. Yəqin yaşımıza görə.
- Kateqoriyan var?
- C kateqoriyasıdı.
- İşdən çıxarılan adam səbəbini soruşar. Səbəbsiz iş olmaz axı.
- Mən Elşən Mustafayevlə Yevlaxda işləyirdim, Zaur Qarayev də Samir Məmmədovla Mingəçevirdə. Bir neçə nəfəri işdən azad etdilər. Belə başa düşdüm ki. tələbat cavanlaradı, biz qocalmışıq. O vaxt “elit”ə Nikolay Adam nəzarət edirdi. Onların vaxtı 2015-də başa çatdı deyə getdilər. Onlar gedən kimi ixtisarlar başladı. 2016-dan bu yana işsizəm.
- Necə dolanırsız, nə yeyib-içirsiz?
- Ötən ilin mayında bir sponsor tapılmışdı. Mənə dedi ki, sən uşaq yığ, nə lazımdısa, verəcəm, təşkil edəcəm. Ayda 300 manat maaş demişdi mənə. Sağ olsun, bir müddət komandaya baxdı, pul xərclədi. Amma 3 aydan sonra pul kəsildi. 7-8 aydı pulsuz işləyirəm. Buna iş demək olarsa. İndi də iki aydı koronavirusa görə hər yer dayanıb.
- Nə komanda idi elə?
- U-12-lərin liqasında çıxış edən Mingəçevir “Ulduz”udu. Hazırda final mərhələsinə yüksəlmişik. Bu yaxınlarda zəng eləmişdilər ki, çempionatı davam etdirmək istəyirik, komandanı yığa biləcəksiz? Dedim, niyə yığmıram, təki başlayaq.
- İşləmirsiz, gəlir yeriniz yoxdu. Bəs nə ilə dolanırsız?
- İki oğlum var, işləyirlər, Allah canlarına dəyməsin, evə onlar baxır. Həm də U-12 liqasında hər oyuna görə AFFA məşqçilərə 25 manat qonorar verir, onu da evə gətirirəm. Başqa heç yerdən qazancım, gəlirim yoxdu. Bilmirəm, deməyim doğru olar, ya yox. Bu yaxınlarda... (susur)
- Deyin, nəyisə gizlətməyin adı yoxdu.
- Nə bilim, vallah. Birdən pis başa düşülər.
- Yaxşı adamı pis başa düşməzlər...
- Bu yaxınlarda “Qarabağ”ın veteran futbolçuları – bildiyimə görə, 1993-də çempion olan heyətin uşaqlarıdı – yığışıb, koronavirusa görə 120 manat pul göndərmişdilər. Tək mənə yox, bildiyimə görə, Zaur Qarayevə də, deyəsən, başqa bir neçə nəfərə də.
- İşlə bağlı AFFA-ya, Mingəçevirin gənclər və idman idarəsinə müraciət etmisiz?
- Açığı, AFFA-ya müraciət etməmişəm. Amma Mingəçevirdə hamı bir-birini tanıyır, xəbərdardı. İşsiz olduğumu bilirlər.
- Rövşən Əhmədova Gəncədən deputat seçilmiş Müşfiq Cəfərov dayaq çıxdı. Mingəçevirdə sizi işlə təmin edə biləcək elə bir adam yoxdu?
- Nə bilim, vallah. Olsaydı, indiyə qədər olardı. Bayaq dediyim bir nəfər var idi, o da 3 ay baxdı, sonradan davamı gəlmədi. 7-8 aydı xəbər-ətər yoxdu. Yenə sağ olsun, o vaxt 10 dənə top almışdı, forma, məşq ləvazimatları... Onlar qalıb, məndədi. Mən bir tərəfə, o uşaqlara heyfim gəlir. Komandanı atsam, o uşaqlar məhv olub gedəcəklər. Yarışların bərpasını gözləyirəm, başlasın, aparıb “Qəbələ”yə, ya da başqa klublara təklif edəcəm. O uşaqları yerbəyer etsəm, ürəyim rahat olardı, çəkilib durardım qıraqda.
- O uşaqları hansısa klub heyətinə qatacağı halda sizə maliyyə yardımı olacaq?
- Qurana and olsun, bu dəqiqə o uşaqlara görə pul arzusunda deyiləm. Verərlər-verərlər, verməzlər də canları sağ olsun. Aparıb kiməsə futbolçu satası deyiləm ki. Sadəcə, bacarıqlı uşaqları, istəmirəm futbolu atsınlar, qıraqda qalsınlar. Yaxşı şəraiti olan komandaya düşsələr, sizi inandırım, 5-10 ilə adlarından söz etdirəcəklər. Mən də istəyirəm ki, nə vaxtsa həmin uşaqların oyununa baxıb fəxr edim. Özüm də nə vaxtsa onların yaşında olmuşam, bilirəm ki, təkan vermək lazımdı.
- Tutaq ki, o uşaqları hansısa kluba verdiz, getdilər. Bəs sonra? Ondan sonra nə edəcəksiz?
- 52 yaşım var, bundan sonra nə edəcəm? İş olsun ki, işləyim. İnşallah, nə vaxtsa Mingəçevirin öz komandası olar, bəlkə hansısa işi təklif edərlər. Yoxsa belə vəziyyətdə ümidverici heç nə görmürəm.
- Türmədəki yoldaşlardan xəbər yoxdu? Danışıb-görüşmürsüz?
- Yox, qardaş. Mən o yolun yolçusu deyiləm. Təsadüfən gedib ora düşmüşdüm. Elə bir dost-tanışım yoxdu orda. Nə var idisə, elə orda da qaldı. Çıxandan sonra daim ailəmin yanındayam.
- Bilirsiz, niyə soruşdum?
- Niyə?
- Deyirəm, indi azadlıqda olan dustaq yoldaşlarınızdan kimsə bəlkə kömək əlini uzadar, iş tapmağınıza yardımçı olar.
- Yox-yox, elə bir şey yoxdu. 5 il “yatıb” çıxdım, o vaxtdan heç kimlə əlaqəm yoxdu.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
25-05-2020, 17:50 U-19 liqasının formatında dəyişiklik olmayacaq 25-05-2020, 17:49 İcraiyyə Komitəsi növbəti həftə yığışacaq 25-05-2020, 17:48 Foqts yığmamızın sayəsində liderlər sırasındadı 25-05-2020, 17:36 Futbolumuzun əcnəbiləri bir çatışmazlığı qeyd etdilər 25-05-2020, 17:34 “Təəssüf ki, “Bakı”nın bazası ilə bağlı belə məsələlər oldu” 25-05-2020, 17:26 Aftandil Hacıyev mövsümün bərpasını istəmir 25-05-2020, 13:43 Yaşar Bəşirov lisenziya müəmmasına aydınlıq gətirdi 25-05-2020, 13:31 “Azərbaycan millisini seçdiyimə görə valideynlərimə Bakının mərkəzində mənzil verilməyib” 25-05-2020, 13:29 Aydan ulduZa Türkiyə futbolu 25-05-2020, 13:20 “Nə göz-qaş edirsən, baş məşqçi artıq yatıb, istirahət etmək istəyirəm” 24-05-2020, 11:13 Yayın ilk keçidi Amin Seydiyev oldu 24-05-2020, 10:56 Agentlər Aminin ölkə xaricinə yollanacağını düşünürlər 24-05-2020, 10:47 EFA, “Fireland Football Club”, “Dortmund Bakı”, yox bir qaşqaldaq… 24-05-2020, 10:28 Koronavirus olmasaydı... 24-05-2020, 10:25 “Futbolu qaldırsa, veteranlar qaldıracaq” 23-05-2020, 11:14 Əməkdar məşqçi ölüm-qalım mübarizəsi aparır 23-05-2020, 11:02 “Qəbələ”nin elitada ilk qolunun müəllifi dükan işlədirmiş 23-05-2020, 10:58 AFFA-da qanvermə aksiyası 23-05-2020, 10:57 Bakı UEFA-ya təminat verib 23-05-2020, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı 20-05-2020, 11:18 Nazarovun qol sevinci yadda qaldı 20-05-2020, 11:17 Millət vəkillləri çempionatın bərpasını istəyir 20-05-2020, 11:14 İsmayıllı Olimpiya İdman Kompleksindən məhkəməyə şikayət olundu 20-05-2020, 11:12 “Futbolla vidalaşandan sonra yəqin ki fermada yaşayacam” 20-05-2020, 11:10 UEFA təxirə saldı, PFL-in rəisi maraqlı şərh yazdı 20-05-2020, 11:09 Brifinqdə yenə futbol unudulmadı 20-05-2020, 11:05 Ploeştidə meydandan qovulan Ramin Nəsibov imiş… 18-05-2020, 14:27 Şahin Diniyev yığmanın baş məşqçisiz qalmasını məqsədəuyğun sayır 18-05-2020, 14:26 Ramin Musayev müalicə aldığına görə videokonfransa qatılmayıb 18-05-2020, 14:13 Yığma üzvlərinin maaşı aprelin sonunda ödənilib 18-05-2020, 14:10 “Qurban Qurbanova “deputatsan, toxunulmazlığın var, futbolçunu itələyərlər də” dedim” 18-05-2020, 14:07 Futzal niyə yada düşmədi? 18-05-2020, 14:05 Şensoy Konkovu təbrik etməyəcək 18-05-2020, 13:59 “Avrokuboklara gedəcək klublar indidən hazırlaşmalı, məşq etməlidilər” 18-05-2020, 13:57 Futbolçular yeniliyi müsbət qarşıladılar 18-05-2020, 13:53 Mətbuat Şehiçi “yoluxdurdu” 18-05-2020, 13:37 “Azərbaycandakı iqlim qazon saxlamaq üçün əlverişli deyil” 18-05-2020, 13:32 Futbolla bağlı qadağa bu həftə götürüləcək 17-05-2020, 11:28 Türk şahmatçı Mahir Məmmədovun FIDE-də çalışmasını düzgün saymır 17-05-2020, 11:26 Karlsen bizimkiləri “görmür” 17-05-2020, 11:20 Beş əvəzləmənin müsbət və mənfi tərəfləri Bütün xəbərlər
Ən çox oxunanlar