17 apr 20:45olke

“Neftçi” muzeylə fan-şopunu istifadəyə verəcək

“Neftçi” muzeylə fan-şopunu istifadəyə verəcək
Folprext vətəninə qayıtmaq istəmir
“Sumqayıt” və “Kəpəz”ə məğlub olmaqla avrokuboklara vəsiqə qazanmaq yolunda ciddi zərbə alan “Neftçi”də vəziyyət ürəkaçan deyil. İstər klub rəhbərliyi olsun, istər məşqçilər heyəti, istərsə də futbolçular – hər kəs mövsümü 4-cü yerdə başa vurmağın çətinliyini yaxşı dərk edir. Təbii ki, bu siyahıya azarkeşləri də əlavə edə bilərik.
Odu ki, “Neftçi” – AZAL qarşılaşmasında tribunalarda gördüyümüz mənzərə təəccüblü olmadı. Belə durumda bakılı tərəfdarların “Bakcell Arena”nın yolunu tutmaması başadüşülən idi. “Forza Neftçi”nin təxminən 150 nəfərdən ibarət üzvləri olmasaydı, şənbəgünkü vəziyyəti sözlə ifadə etmək çətin olardı. Sıravi azarkeşlərlə “forzalılar”ın sayı üst-üstə 500-ü ötməzdi. Amma oyunun protokoluna baxanda üç yox, dörd rəqəmli sayla rastlaşdıq. Söhbət azarkeş sayının 1000 nəfər göstərilməsindən gedir. Təbii, AFFA nümayəndəsi Ramiz Mustafayev bunu fantaziyasının məhsulu kimi yazmayıb. Nümayəndə sayı dəqiqləşdirmək üçün ya stadion, ya da klub rəsmilərindən birinin köməyinə ehtiyac duyur. Yəni ev sahibinin təqdim etdiyi rəqəm əsas tutulur. “Bakcell Arena”da bilet satışının təmin olunduğunu nəzərə alsaq, deməli, oyunu izləmək üçün 1000 nəfər əlini cibinə salıb. Ya da onlara müxtəlif dəvətnamələr verilib. Elədisə, həmin 1000 nəfər oyunu harda izləyirdi? Bəlkə stadionda gözlə görünməyən hansısa yer var? Yoxsa bilet alıb stadiona gəlməyi vacib saymayanlar var?
Sualları “Neftçi”nin Mətbuat və İctimaiyyətlə Əlaqələr Departamentinin rəhbəri Mehman Rəsulova ünvanladıq. Klub rəsmisinin verəcəyi cavab gözlənilən olduğundan, eşitdiklərimizə təəccüblənmədik: “Bütün ev oyunlarında olduğu kimi, AZAL-la görüşdən əvvəl də bilet satışı həyata keçirilmişdi. Azarkeş sayına gəlincə, müşahidələrinizlə razı deyiləm. Jurnalistlərin əyləşdiyi media sektorundan stadionun dörddəüç hissəsi görünür. Azarkeşlərin böyük əksəriyyətinin əyləşdiyi VİP-loja, yəni media-sektorun aşağı hissəsi görünmür (Mehman bəyin söylədiyi həmin sektoru bir neçə dəfə şəxsən müşahidə etdim – H.). Bilet alan azarkeşlər, xüsusi qonaqlar, “skay-boks”larda əyləşənlərin ümumi sayı 1000 nəfər olub. Onu da qeyd edim ki, “skay-boks”ların bəzilərində 25-30 nəfər yer alır. Həmin azarkeşlərin müəyyən qismi görüşü eyvanda yox, otağın içində izləyir. Belədə onları da görməməyiniz mümkündü”.
Klubun 80 illik yubileyini qeyd edən rəhbərlik silsilə tədbirlərə start verib ki, onlardan ikisi baş tutub. Martın 18-də, “İnter”lə ev oyunundan əvvəl “Bakcell Arena”da maraqlı səhnələrə tamaşa etmişdik. Martın 30-da isə Bakı Əyləncə Mərkəzində vaxtilə ağ-qara formanı geymiş, lakin uzun illərdi xaricdə yaşayan bəzi veteran futbolçuların da iştirak etdiyi ziyafət baş tutmuşdu. Həmin vaxt Mehman Rəsulov qəzetimizə verdiyi müsahibədə tədbirlərin silsilə xarakter daşıyacağını diqqətə çatdırmaqla yanaşı, yaxın vaxt kimi apreli nişan vermişdi. Yəni bu ay azarkeşlər sevindici xəbər eşitməlidi. “Neftçi”nin muzeyi ilə yanaşı, fan-şopu da istifadəyə verilməlidi. Çempionatın başa çatmasına cəmi iki tur qalsa da, məsələ ilə bağlı hansısa yenilik yoxdu. Olmaya həvəsdən düşən rəhbərlik fan-şop layihəsinin üstündən növbəti dəfə xətt çəkib? Ya da muzeyin yaradılması ilə bağlı ortaya hansısa əngəl çıxıb. Rəsulovu dinləyək: “Fan-şop və muzey layihəsi, demək olar, tam hazırdı. Açılış mərasiminin vaxtı da böyük ölçüdə müəyyənlədirilib. Lakin indi bu haqda məlumat vermək istəmirəm. Dəqiq bilgi bu həftə ərzində veriləcək. Ən yaxın vaxtda açılış mərasimi baş tutacaq”.
AZAL üzərində inamlı qələbədən sonra jurnalistlərin əhatəsinə düşən Zdenek Folprext çoxsaylı sualları cavablayıb. Onlardan biri də icarə müqaviləsi aprelin sonunda bitəcək futbolçunun karyerasını “Slovan”da, yoxsa “Neftçi”də davam etdirmək istəyi ilə bağlı olub. Folprextin cavabı belə olub: “Müqavilə ilə "Slovan"a məxsusam. Artıq “Neftçi” ilə “Slovan” arasında danışıqlar başlayıb və bu proses davam edir. Bu iki klub arasında seçim etməli olsam, “Neftçi”ni seçəcəm. Çünki burda yaradılan şərait ürəyimcədi”. Klubun sözçüsü ilə əlaqə saxlamışkən, Zdenekin məsələsinin nə yerdə olduğuna aydınlıq gətirmək istədik. Yəni “ağ-qaralar” Avroliqaya vəsiqə qazanmayacağı təqdirdə çex futbolçuya ehtiyac duyulacaq? Yoxsa məqsəd Folprextin xidmətindən avrokuboklarda istifadə etməkdi? “Folprextin “Slovan”da çıxış etməsi nəyə qadir olduğundan xəbər verir. Üstəlik, qısa vaxtdı oynamasına baxmayaraq, “Neftçi”də özünü yaxşı tərəfdən göstərir. Bununla bağlı klub rəsmiləri arasında danışıqlar davam edir. Lakin müqavilə müddətinin başa çatmasına vaxt var. Ona görə də indidən nəsə demək düzgün olmaz. Hadisələri qabaqlamadan mövsümün sonunu gözləyək. Hər hansı yenilik olan kimi ictimaiyyətə məlumat veriləcək”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:46 Yığma üzvü zədələnib Dünən, 19:44 Yığmanın baş məşqçisi mətbuat konfransı keçirəcək Dünən, 19:41 “Xəzər Lənkəran” mərkəzi stadionu “Masallı”ya verildi Dünən, 19:39 Yığmamız mövqeyini qorudu Dünən, 19:36 Federasiya klublarla çempionatı müzakirə etdi Dünən, 19:32 “Qarabağ” rəsmisi qazondakı problemləri problem saymır Dünən, 19:30 “Qarabağ” rəhbərliyi ilə AFFA prezidenti arxa qapıdan yararlanıb Dünən, 19:27 AFFA-nın gözü yol çəkir, Prosineçki vətənindən əl çəkmir Dünən, 19:25 Yol polisi Rəşadın maşınını əlindən alıb Dünən, 19:22 “Qəbələ” “Qalatasaray”la oynayacaq? Dünən, 19:16 “Mil-Muğan”da köhnə-yeni baş məşqçi Dünən, 19:13 Elmar Vəliyev stadiona görə Yevlaxın icra başçısına zəng vurub Dünən, 19:11 Yeni yaradılan “Xəzər” birinci divizionda çıxış edəcək Dünən, 19:07 “Qarabağ” “Parken”də dəstəksiz qalmayacaq Dünən, 19:02 Şehiç yığmaya dəvət aldı Dünən, 18:56 “Qarabağ” səfərdə nə etməlidi? Dünən, 18:52 “Qarabağ” iki gün əvvəl gedir Dünən, 16:41 Əsasnamənin havadan asılı qalan müddəaları Dünən, 16:39 “Fikrimcə, ikili müqavilələr tək “İnter”də yox, başqa klublarda da var” Dünən, 16:32 Ramil yenə meydana çıxmadı Dünən, 16:29 Kəmaləddin Heydərov postunda qaldı Dünən, 16:25 AQF saxta konfrans keçirib, Yaşar Məmmədovu neytrallaşdırdı Dünən, 16:22 Dünya mətbuatı Ramil Quliyevdən yazır Dünən, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı Bütün xəbərlər
Ən çox oxunanlar