11 mar 11:44olke

Samir Abasov gənc mütəxəssislərin müdafiəsinə qalxdı


“Qeyri-peşəkar fikirlərə, öz mənafeyini güdənlərə, paxıllıq edənlərə artıq alışmaq lazımdı”
Ağasəlim Mircavadov adı millimizlə yanaşı çəkilən Samir Abasov, Ayxan Abbasov və Rəşad Sadıqovun yığmanı çalışdırmaq ehtimalı haqda suala “onların klubda hansı uğurları var”, - deyə cavab verib. Maraqlıdı ki, Mircavadov hər dəfə bu barədə sorğuda milli üçün yerli mütəxəssisdən yana olduğunu deyir. O, hətta Azərbaycan yığması üçün “milliləşdirilən” oyunçulara qısıq səslə olsa da, etiraz edir. Həmişə yerlidən yana olduğunu vurğulayır. Buna bir neçə dəfə özüm onunla danışanda şahid olmuşam. Ancaq nə oldusa, Ağasəlim bəy bu dəfə fərqli fikir ortaya qoyub. Bəlkə də AFFA-nın yerli çalışdırıcı ilə işləmək istəməməsinin ardından həmişəki düşüncəsindən daşınıb. Daha doğrusu, öz fikrinin onsuz da heç nəyi dəyişdirmədiyini anlayıb və ehtiyat babını seçib. Ki, onsuz da rəhbərlik istədiyini gətirir, mən niyə mənasız yerə özümü pis edim. Əslində ola bilər. Belə götürəndə, ölkə futbolunda nə olmur ki?! Ancaq hər şeyə rəğmən, adı önə çıxan yerli məşqçilər barədə belə fikirlər səsləndirmək doğru deyil. Həm də absurddu. Çünki o zaman adama qayıdıb “bu günə qədər hansı xarici məşqçinin hansısa klubda bir uğuru olub” deyərlər. Bunu Ağasəlim müəllim bilmir? Təbii ki, bilir. Üstəlik, fikrin çox absurd olduğunu bilə-bilə, yenə də söyləyir. Çünki hər şeyi bilir. Yaxşı bilir ki, bu milliyə yerli gətirsən nə olar, əcnəbi qoysan, nə olar. Ona görə də hər dəfə bir fikir söyləyir. İndiki halda adıçəkilənlərin fikri maraq doğurmaya bilməz. Bu üzən hər üç məşqçi ilə əlaqə saxlamağa çalışdıq. Təəssüf ki, yalnız bir nəfər - Samir Abasov ilə danışa bildik: “Hərə bir fikir söyləyə bilər. Tək Ağasəlim müəllimin yox, hamının məsələ ilə bağlı bir düşüncəsi var. Belə düşünən bəlkə də çox adam var. Sadəcə, o, dilə gətirib. Mənə insanların – jurnalistlərin reaksiyası maraqlı idi. Biz bu gün Azərbaycan millisindən danışırıq. Burda adı çəkilən məşqçiləri oyunçular da tanıyır. Əsas məsələ kimin komandanı ilk oyuna necə hazırlaya biləcəyidi. Yoxsa hər adam bir fikir bildirə bilər. Hamıya reaksiya versək, söhbət daha da böyüyəcək. Məsələn, mən yaşlı veteran olsaydım, başqa cür fikir bildirərdim. Onlara dəstək olardım, mətbuat vasitəsi ilə adı çəkilən gənclərə motivasiya verərdim. Ancaq Ağasəlim Mircavadov bu yolu seçməyibsə, ona bir şey deyə bilmərəm. Yəqin ki, o, bizi baş məşqçi görmür. Hər adam da görə bilməz ki. Normal qəbul edin, alışın artıq belə şeylərə. Düzdü, deyilir ki, digər əcnəbi məşqçilərin də klublarda ciddi uğurları olmayıb. Ümumiyyətlə, əcnəbi mütəxəssislər nəyə görəsə şirin görünürlər. Əcnəbi olanda milyonlar töküləcək, onun qarşısına hədəflər qoyulacaq, öhdəsindən gələ bilməyəndə də danışılmaycaq. Bizim öz-özümüzə belə yanaşmağımız, əsassız fikirlər bildirməyimiz yanlışdı. Burda söhbət yalnız Ağasəlim müəllimdən getmir. Bu gənc məşqçilər nə yatdılar ki, nə də yuxu görsünlər? Təcrübə deyirlər, işləməlidilər ki, təcrübə olsun. Bu gün azərbaycanlı məşqçilərin adı milli üçün çəkilirsə, bizim üçün sevindirici hal olmalıdı. Yaxşı olardı ki, onlara dəstək veriləydi. Yurçeviç komandaya gələndə hansı klubda və ya millidə uğuru olmuşdu? Yaxşı, o zaman niyə belə şeylər danışılmırdı? Ancaq şəxsən mən həmin açıqlamada oxusaydım ki, cavan məşqçilərin namizəd olması bizim üçün sevindiricidi, insanların onlara inanması yaxşıdı, inanın ki, çox xoşbəxt olardım. Təəssüf ki, bizi qəbul etməyənlər, gözü götürməyənlər var. Burda Ağasəlim müəllimdən söhbət getmir. Ancaq yenə deyirəm, siz belə şeylərə alışın. Yəni qeyri-peşəkar fikirlərə, öz mənafeyini güdənlərə, paxıllıq edənlərə artıq alışmaq lazımdı. Təkrar edirəm, burda konkret Ağasəlim bəydən söhbət getmir. Mən bu fikirləri normal qəbul edirəm. Hiss edirəm ki, bəzi jurnalislərə belə fikirlər pis təsir edir. Bununla bağlı onların reaksiyalarını da oxumuşam. Bu günə qədər bu mövzuda bir çox sorğu keçirmisiz. Kimi görmüsüz ki, hansısa cavan məşqçinin adını çəkib, ona dəstək olub? Söhbət yalnız məndən getmir. Azərbaycan futbolunda tək-tük adam var ki, peşəkar fikirlər səsləndirir. Qalan hamısı öz mənafeyini güdür. Bunu Ağasəlim bəyə şamil etməyin. O ağsaqqaldı və öz fikrini bildirir. Ancaq bəziləri sırf kiməsə xoş görünmək üçün bu cür fikirlər səsləndirirlər”.
HƏSƏN
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:43 "Neftçi" ikinci doğma evim, Azərbaycan ikinci vətənimdi" Bu gün, 13:28 “Keşlə” maaşları tam ödəyəcək Bu gün, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... Dünən, 19:19 AFFA UEFA ilə məsləhətləşmələr aparır Dünən, 19:18 Ağarza Rzayev dünyasını dəyişdi Dünən, 19:08 Çingiz İsmayılov AFFA-nın yardımından imtina edib Dünən, 19:01 “Avropaya yollanmaq üçün Mirançuk daha yaxşı oynamalıdı” Dünən, 18:54 Faiq Qarayev də dəstək kampaniyasına qoşuldu Dünən, 18:50 Uayt döyüş üçün yer tapıb, amma açıqlamır Dünən, 18:46 BOK və yaponiyalılar təzyiqə dözmədi Dünən, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar