13 iy 12:12olke

İki azərbaycanlı ulduzun avrokubok macəraları


Vəli Qasımov 6, Nazim Süleymanov 7 oyuna bir qol vurub
Srağagün səfərdə “Jöness” ilə qolsuz bərabərliyə razılaşan “Tobol” Avroliqada 2-ci təsnifat mərhələsinə adlamaq şansını saxlayır. Bunun üçün həmyerlimiz Emil Balayev cavab görüşündə də qapısını toxunulmaz saxlamalı, komanda yoldaşları isə onun əziyyətini qollarla “mükafatlandırmalıdı”. Təbii ki, Emil Azərbaycan futbolunun başqa ölkənin komandasının heyətində avrokuboklarda çıxış edən ilk yetirməsi deyil. Tarixə baş vuranda bir çox maraqlı məqamla rastlaşmaq mümkündü. Bu yazıda müstəqillik dönəmi əsas götürülüb. SSRİ dövrünə qayıtsaq, hələ İsgəndər Cavadovun 1982-ci il sentyabrın 15-də UEFA kubokunun 1/32 finalının səfər oyununda Polşa “Şlensk”inin qapısına yol tapmasını xatırlamaq olar.
Vəlinin xaricə yolunu açan qol
1991-ci ildə SSRİ çempionatında 6-cı yeri tutan Moskva “Dinamo”su avrokubokların 1992/93 mövsümündə mübarizə aparan dörd Rusiya klubundan biri idi. “Dinamoçular” UEFA kubokunun ilk mərhələsində evdə “Rusenborq”a 5:1 hesabıyla qalib gələndən sonra səfərdə 0:2 uduzmaqla növbəti mərhələdə “Torino”ya rəqib oldu. Vəli Qasımov norveçilərlə ilk oyunda 90, cavab görüşündə isə 89 dəqiqə (Spanderaşvili ilə əvəzləndi) oynadı. İtalyanlarla səfər oyununda qəhrəmanlıq növbəsi Vəliyə çatdı. “Delle Alpi”də keçirilən və ünlü alman referi Helmut Kruqun idarə etdiyi oyunun 44-cü dəqiqəsində həmyerlimiz hesabı açdı. Entso Şifo 55-ci dəqiqədə italyanları ümidləndirsə də, Vəlinin başladığı hücumu İqor Simutenkov 67-ci dəqiqədə vurduğu qolla bitirdi və demək olar ki, cütün taleyini həll etdi. Cavab görüşündə qolsuzluq və “Dinamo” növbəti mərhələdədi. Maraqlıdı ki, Vəli Turində 89-cu, Moskvada isə 87-ci dəqiqədə əvəzləndi və hər iki halda da erməni Sarkis Ohanesyanla! “Dinamo”nun zəfər yürüşünü heyətində Paulu Souza, Ruy Koşta, Sergey Yuran, Aleksandr Mostovoy kimi ustaların olduğu “Benfika” dayandırdı. Evdə heç-heçə edən (2:2) ruslar səfərdə iki cavabsız qola üzüldü. Hər halda, Vəli bu oyunların ikisində də 90 dəqiqə meydanda oldu. Arxivimə göz gəzdirərkən Pavel Alyoşinin Rusiyanın “Futbol” həftəliyinin 13 dekabr 1992-ci il tarixli sayında cavab görüşü ilə bağlı yer alan aşağıdakı qeydləri diqqətimi çəkdi: “Mövsümün sonunda moskvalılar son tapıntısını – Rusiya çempionatının bombardiri Vəli Qasımovu da itirməli oldu. O, Kobelevlə birgə İspaniyanın ikinci dəstəsinin “Real Betis” klubu ilə ilkin müqavilə bağlayıb. Bu cütlüyün oyununu izləmək üçün Sevilyadan Lissabona az qala “Real Betis”in bütün rəhbərliyi gəlmişdi”.
Mübaliğəsiz demək olar ki, məhz “Torino”nun qapısına vurduğu qol Vəlini 9 il sürəcək legionerlik yoluna çıxardı. Bu müddətdə “Betis”, “Albasete”, “Esixa”, “Setubal” və “İmortal” kimi komandaların formasını geyən Qasımov bir daha avrokuboklarda görünmədi.
Nazim Süleymanov: 7 oyun, 1 qol
Azərbaycan futbolunun daha bir parlaq yetirməsi Nazim Süleymanov isə avrokuboklarda 1993-cü ildə debüt etdi. Onun “Alaniya”sı sentyabrın 15-də səfərdə keçirdiyi ilk oyundan 0:0 ilə qayıdanda çoxlarına elə gəlirdi ki, Dortmund “Borussiya”sının işi bitdi. Amma iki oyunda 180 dəqiqə meydanda olan Süleymanovun və komanda yoldaşlarının fədakarlığına rəğmən, Stefan Şapyuzanın Vladiqafqazdakı görüşün 60-cı dəqiqəsində vurduğu qol yeganə oldu.
Rusiya çempionatının 1994 mövsümündə 5-ci yeri tutan “Alaniya” UEFA kubokunun 1995/96 mövsümündə elə ilk mərhələdəcə “Liverpul”a rəqib oldu. Sentyabrın 12-də Vladiqafqazda keçirilən ilk oyunda Valeri Qazzayev Nazimi meydana buraxmır və “Alaniya” Mircəlal Qasımovla hesabı açsa da, uduzur – 1:2. İki həftə sonra əzəmətli “Enfild Roud” azərbaycanlı futbolçunun ustalığına bələd olsa da, hesab açılmır.
1995-də çempion olan “Alaniya” növbəti yay artıq Çempionlar Liqasında mübarizə aparırdı. Və yenə püşkdə vladiqafqazlıların bəxti gətirmir. Səfərdə keçirilən və Dmitri Kramarenkonun qapını qoruduğu, Nazimin isə 77-ci dəqiqədə əvəzləndiyi oyunda “Reyncers” 3:1 hesabıyla qalib gəlir. Bununla belə, hər kəsə elə gəlirdi ki, cavab görüşündə vəziyyəti dəyişmək mümkün olacaq. Amma ilk 18 dəqiqədə üç qol vuran şotlandlar osetinlərə elə divan tutdu ki, bizlər yalnız 90 dəqiqə oynayan Süleymanovun penaltidən vurduğu qolla təsəlli tapdıq – 2:7. ÇL-dən qovulan “Alaniya” UEFA kubokunun ilk oyununda evdə güclü “Anderlext”i məğlub edə bildi – 2:1. Amma Brüsseldə Valeri Qazzayevin komandası acı məğlubiyyətlə üzləşdi – 0:4. Evdə Nazimi 90 dəqiqə oynadan Qazzayev səfərdə onu ehtiyatda saxladı və yalnız 58-ci dəqiqədə İnal Cioyevin əvəzinə meydana buraxdı. Bu vaxt artıq hesab 2:0 idi, necə deyərlər, “Alaniya” üçün qatar çoxdan getmişdi. Düz iki ay sonra Süleymanov “qızıl oyun”da da əlverişli imkanı boşa verəcək və bununla da onunla Qazzayev arasında münasibətlərdə yaranan çat daha da dərinləşəcəkdi.
...Təbii ki, müstəqillik dönəmində başqa ölkələrin klubları üçün mübarizə aparan azərbaycanlı futbolçuların sırası Vəli Qasımov və Nazim Süleymanov ilə məhdudlaşmır. Dima Kramarenko və başqaları da var. Onlar haqda isə gələn həftə danışacağıq.
HUŞƏNG
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 10:06 Həftənin idman proqramı Bu gün, 10:01 “Sumqayıt 70”dən yubiley hədiyyəsi Bu gün, 09:59 “Neftçi” – “Sperantsa”: hakimlər açıqlandı, biletlər satışa çıxarıldı Bu gün, 09:56 "Forza Neftçi" bu gün Bakıya çatacaq Bu gün, 09:54 Emil Balayev qol buraxmadı, rəmzi komandaya düşdü Bu gün, 09:52 “Dauqavpils” Əli Şirinovu rənglərinə bağladı Bu gün, 09:47 Stankoviç Kişinyovda oynamadığına görə üzgündü Bu gün, 09:43 Yığmanın heyəti açıqlandı Bu gün, 09:42 AÇ üçün rekord müraciət 15-07-2019, 14:37 PFL yeni mövsümə yenilənmiş Əsasnamə ilə başlayacaq 15-07-2019, 14:35 Çimərlik futbolu üzrə yığmanın üzvlərinə danışmaq qadağası qoyulub 15-07-2019, 14:32 Kamran Quliyev legioner transferini istisna etmədi 15-07-2019, 14:28 “Neftçi” işinin öhdəsindən gəldi 15-07-2019, 14:26 Vidadi Rzayev “Səbail”in də şansının olduğunu düşünür 15-07-2019, 14:24 Ramil “Dinamo”nun heyətində rəsmi oyuna çıxdı 15-07-2019, 14:21 Ağabala dubl edəcəyini gözləmirmiş 15-07-2019, 14:18 “Sevindirici haldı ki, Kişinyova hər iki gəlişim uğurlu alınıb” 15-07-2019, 14:15 Yaşıllığa bürünən, dəbdəbədən uzaq Kişinyov... 15-07-2019, 14:13 Proqrama pul tapmadız? 15-07-2019, 14:11 Mövqeyimiz dəyişmədi 15-07-2019, 14:07 Transfer dosyesi 15-07-2019, 14:04 Rəşid Mahmudov Moskvada Peleni canlı izləyib 13-07-2019, 15:35 Voleybol yığmamız Bolqarıstana yollandı 13-07-2019, 15:28 Nazim Babayev bayrağımızı dalğalandırdığı üçün qürur hissi keçirir 13-07-2019, 15:23 Nikola Yurçeviçin məzuniyyəti bitdi 13-07-2019, 15:20 “İmarət”dən “Forza Neftçi”nin Moldova səfərinə atmaca 13-07-2019, 15:16 Rəmiş Malıyev “Keşlə”dən və futboldan getdi 13-07-2019, 15:09 “Forza Neftçi” Kişinyovda da tribunaya fişəng keçirdi 13-07-2019, 15:01 “Neftçi” mərhələnin taleyini Kişinyovda həll etdi 13-07-2019, 14:56 “Sperantsa”nın baş məşqçisi boşboğazlıq etdi 13-07-2019, 13:17 “Qəbələ”nin gücü bir hissəyə çatdı 13-07-2019, 13:15 Region Liqasının mükafatçısı üçün tədbir 13-07-2019, 13:09 Aftandil Hacıyev: “Əlbəttə, çalışacağıq, amma çox çətin görünür” 13-07-2019, 12:59 Ağabala “Səbail”i məğlubiyyətdən qurtara bilmədi 13-07-2019, 12:48 “Qarabağ” səhərəyaxın qayıtdı 13-07-2019, 12:44 “Qarabağ” biletləri satışa çıxardı 13-07-2019, 12:39 Aqolli heç-heçəni “Qarabağ” üçün uğurlu nəticə sayır 13-07-2019, 12:35 “Partizani” rəhbərliyi məmnundu 13-07-2019, 12:24 “Neftçi”ni məyus etmiş komandanın oyunçusu “Keşlə”də 13-07-2019, 12:18 Əsgər Abdullayev “Araz Naxçıvan”da! 13-07-2019, 12:15 Nazim Süleymanovun qalmaqallı müsahibəsinə sözardı 13-07-2019, 12:12 İki azərbaycanlı ulduzun avrokubok macəraları 12-07-2019, 12:36 Federasiya Fransa çempionu olan basketbolçuyla maraqlanmır 12-07-2019, 12:33 Yığmanın baş məşqçisi istefa verdi 12-07-2019, 12:30 Məğlubiyyətdən başqa istənilən nəticə Bordini qane edəcək 12-07-2019, 12:26 "Sperantsa" ilə oyunöncəsi 9 saatlıq yolculuq 12-07-2019, 12:22 “Forza Neftçi” gömrük məntəqəsində problemlə üzləşdi 12-07-2019, 12:20 "Neftçi" yayın hüququnu 5 min avroya aldı 12-07-2019, 12:11 “Zirə”nin prezidenti istefa verdi 12-07-2019, 12:01 Nazim Süleymanov “vulkan kimi püskürdü” 12-07-2019, 11:58 “Tofiq Bəhramov” avropalılar önünə sökük örtüklə çıxacaq 12-07-2019, 11:55 Riad Rəfiyev Nazim Süleymanova cavab verməyi lazım bilmədi 12-07-2019, 11:47 MOK və AFFA Vaqif Davudovu yubileyi münasibətilə təbrik etdi 12-07-2019, 11:45 “Qəbələ” Adeniyini 100 min avroya icarəyə verdi 12-07-2019, 11:44 “Sabah” transferlərdən “doymur” 12-07-2019, 11:42 Rəhim Həsənov Slovakiyaya gedir 11-07-2019, 18:36 Sakit Alıyevin xatirə turniri başa çatdı Bütün xəbərlər
Ən çox oxunanlar