06 apr 00:03olke

Kvekveskiri Gürcüstan və Azərbaycan futbolunu müqayisə etdi

Kvekveskiri Gürcüstan və Azərbaycan futbolunu müqayisə etdi
“Qəbələ”də keçirdiyim ən unudulmaz matç isə “Lill”ə qarşı olub”

“Qəbələ”nin və Gürcüstan yığmasının futbolçusu Nika Kvekveskiri ölkəsinin sportall.ge saytına geniş müsahibə verib. Oxucuların suallarını cavablayan yarımmüdafiəçi Azərbaycan və Gürcüstan klublarını müqayisə etməklə yanaşı, ölkəmizdə xoş münasibət gördüyünü söyləyib. Gələcəkdə məşqçi olmağı düşünən Nika hansı komandanın azarkeşi olduğunu da bildirib.
- Öncə Serbiya və Latviya ilə matçda göstərdiyiniz yaxşı oyuna görə təbrik edirəm. Əminəm ki, Pep Qvardiola sizi izləsəydi, komandasına dəvət edərdi. Millidə Xabi Alonso və Daniele de Rossi kimi futbolçuların mövqeyində oynayırsız. Sürətli düşünmək bacarığına sahibsiz. Bu ancaq istedadla bağlıdı, yoxsa nəzəri biliklər də rol oynayır?
- Mənə verdiyiniz qiymətə görə təşəkkür edirəm. Oyunlarımın videosunu Qvardiolaya göndərmək lazımdı (gülür). Anadangəlmə istedadla yanaşı, nəzəri biliklərə də sahib olmalısan. Xoşbəxtlikdən, əvvəllər olduğu kimi, indi də güclü məşqçilərlə çalışıram. Onlar inkişafıma kömək edirlər. Təbii ki, öz mövqeyimdə çıxış edən ulduz futbolçuların oyununu izləyirəm. Onlardan öyrənməyə çalışıram.
- Uşaq vaxtı kumiriniz olan hansı futbolçu ilə forma dəyişdirmək istərdiz?
- Düzü, onlardan kiminləsə forma dəyişdirmək imkanımın olacağına inanmıram. Həmin futbolçularla yalnız yuxumda qarşılaşa bilərəm.
- Premyer-liqada vurduğunuz ilk qolu xatırlayırsız? Yeri gəlmişkən, məhz ondan sonra Temuri Ketsbaya sizi milliyə dəvət etmişdi...
- Bəli. Onda yığmada Kaxa Kaladze, Levan Kobiaşvili, Aleksandr İaşvili, Malxaz Asatiani, Zurab Xizanişvili kimi təcrübəli futbolçular oynayırdı. Onlarla eyni vaxtda yığmaya düşmək mənim üçün böyük xoşbəxtlik idi. Həmin vaxtdan 7 il keçib və gündən-günə oyunumu gücləndirməyə çalışıram.
- Millinin formasını geymək sizin üçün nə deməkdi?
- Bunu üç sözlə izah etməyə çalışacam: sevgi, məsuliyyət və fəxr.
- “Dila”da çıxış etdikdən sonra “İnter”ə keçdiz. Bakı klubuna transfer olunmağınız karyeranızda həlledici rol oynadı. Daha sonra “Qəbələ”yə yollanmaqla Avropa Liqasının qrup mərhələsində çıxış etdiz. “Qəbələ” sizin üçün nə deməkdi?
- Avropa Liqasının təsnifat və qrup mərhələsində oynamaqla böyük təcrübə qazandım. Bu mənə çatışmazlıqlarımı görməyə və onları aradan qaldırmağa kömək etdi. O ki qaldı “Qəbələ”yə, onsuz bunlara nail ola bilməzdim. Mənim futbolçu kimi inkişaf etməyimdə bu klub böyük rol oynayır.
- Təcrübəli futbolçu kimi gənc oyunçulara hansı məsləhətləri verərdiz?
- Sizi pis oyunçu hesab edənləri həmişə dinləyin. Sizi əla futbolçu adlandıranlara isə qulaq asmayın (gülür). Yalnız inkişafınıza çalışan şəxsləri dinləyin.
- Azərbaycan və Gürcüstan çempionatları arasında hansı fərqlər var?
- Liqalar arasında böyük fərq olduğunu deyə bilmərəm. Amma iki klub – “Qəbələ” və “Qarabağ”la bizimkilər arasında, təəssüf ki, fərq böyükdü.
- Hazırki futbolçulardan kumiriniz kimdi?
- Ən çox bəyəndiyim oyunçu Serxio Buskets, komanda isə “Barselona”dı.
- Uğurlu futbolçular iki cür olur: istedadı və ya zəhməti hesabına irəli gedənlər. Siz hansına aidsiz?
- Bunun yaxşı və ya pis olduğunu bilmirəm. Lakin istedadımın hesabına tanındığımı düşünürəm. Amma layiqli qiymətimi bir qədər gec aldım.
- “Dinamo” və “Qəbələ”nin heyətində keçirdiyiniz ən unudulmaz oyunlar hansılardı?
- Yaxşı yadımdadı, “Dinamo” “Torpedo”ya 2:0 hesabı ilə qalib gəlmişdi. “Qəbələ”də keçirdiyim ən unudulmaz matç isə Fransa “Lill”inə qarşı olub. Biz onları üstələyərək, Avropa Liqasında pley-offa adlamışdıq.
- Meydanda özünüzü daha çox hansı mövqedə rahat hiss edirsiz?
- Yarımmüdafiədə. Demək olar ki, bütün mövqelərdə oynamışam. Amma mənim üçün ən rahat yer hazırda da çıxış etdiyim yarımmüdafiə xəttidi.
- Futbolçu karyeranızı bitirdikdən sonra hansı işlə məşğul olacaqsız?
- Məşqçi olmaq istəyirəm. Toplanışlarda məlumat toplayıram, məşqçilərimin işini diqqətlə izləyirəm və mənə çox maraqlı gəlir. Belə desək, tədricən hazırlaşıram. Ümid edirəm ki, məndən məşqçi çıxacaq.
- Klub karyeranızı daha üstün tutursuz, yoxsa milli?
- Futbolu ilk növbədə yığma üçün oynayırsan. Amma klub karyeran olmadan bu mümkün deyil. Məndən konkret seçim etməyi istəsəz, əlbəttə ki, millini seçərəm. Əminəm ki, bütün futbolçular bu cür cavab verər.
- “Dinamo”ya qayıtmaq istərdiz?
- Belə bir arzum var. Amma bunun nə vaxt və hansı şərtlər altında reallaşacağını bilmirəm. Lakin qayıdışıma sevinərdim.
- Necə düşünürsüz, dünyanın ən güclü çempionatı və komandası hansıdı?
- Bağışlayın, bu suala obyektiv cavab verə bilmərəm (gülür). Təbii ki, İspaniya La Liqası və “Barselona”.
- David de Xeaya vurduğunuz qolu xatırlayırsız?
- Xatırlayıram (gülür). Atamın doğum günündə həmin qola imza atmışdım. O, qol vurmağımı istəmişdi.
- Oyun tərziniz çox xoşuma gəlir. Hazırda Gürcüstanda sizin kimi futbolçuya nadir hallarda rast gəlinir. Maraqlıdı, özünüzü başqa klubda yoxlamağı planlaşdırırsız?
- Tərifə görə minnətdaram. Güclü çempionatda çıxış edən klub mənə maraq göstərsə, məmnuniyyətlə özümü yoxlamaq istəyərəm.
- Azərbaycanlılar gürcülərə necə münasibət göstərirlər?
- Yaxşı. Belə də olmalıdı. Şəxsən mən Azərbaycanda heç vaxt və heç yerdə pis münasibət hiss etməmişəm. Ümumiyyətlə, Gürcüstan futbolunu çox yüksək qiymətləndirirlər.
- Azərbaycan və Gürcüstan futbolu arasında peşəkarlıq baxımından fərq böyükdü?
- Bizdə olduğu kimi öz işində peşəkar olanlar da var, olmayanlar da. Xoşbəxtlikdən həm klub, həm də komanda mənasında mən peşəkarlarla çalışıram və onlardan öyrənərək, inkişaf edirəm.
- Övladınız sizin oyunlarınıza baxır? Baxırsa, hansı məsləhətləri verir?
- Baxsa da, taktikadan anlamır (gülür). Amma atasının hansı cinahda oynadığını, nə vaxt ötürmə verdiyini və hər hansı yerinin ağrıdığını hiss edir.
RƏŞAD hazırladı
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar