18 in 00:31olke

Ruslan Abışov “Neftçi”dən ayrılmasının səbəbini gizlətmədi

Ruslan Abışov “Neftçi”dən ayrılmasının səbəbini gizlətmədi
“Vaxtilə mənə “Nefçi”nin yetirməsi” deyənlərdən çətin günlərdə həmin münasibəti görmədim”
“Neftçi”də ard-arda yeni futbolçuların transferi kənardan xoş görünsə də, Ruslan Abışovun komandanı tərk etməsi bir o qədər gözlənilməz oldu. 2018/19 mövsümünü zədə səbəbindən boşa verən təcrübəli müdafiəçinin növbəti çempionatda əsas heyətdə görəcəyimizə ümid etsək də, bilmədiyimiz səbəblər üzündən ayrılıq yaşandı.
Ruslan artıq “Sabah”ın futbolçusudu. Yığmada 55 oyunda meydana çıxıb 4 qola imza atan arxa xətt oyunçusu yeni klubuyla ikiillik müqavilə bağlayıb. Abışovla hələ bir müddət öncə danışmaq istəsək də, o bir qədər gözləməyi xahiş etmiş, yaxın günlərdə müsahibə verəcəyinə söz vermişdi. Dünən əlaqə saxladıqda suallarımızı cavabladı.
- “Sabah”ı seçməyinin xüsusi səbəbi nə oldu?
- “Neftçi”dən ayrılandan sonra bir neçə təklif almışdım. Fürsətdən istifadə edib hər birinə təşəkkür etmək istəyirəm. Danışıqlarımız oldu, nədənsə “Sabah”ın şərtləri və planları maraqlı gəldi. Rəhbərliklə söhbətimiz oldu, müzakirə apardıq. Hiss etdim ki, gələcəyə hesablanmış cəlbedici planları var. Bu məqamda Elşad Əhmədov rolunu da qeyd etmək istərdim. Elşad müəllimlə “Neftçi”də qısa müddət də olsa, işləmişəm. İnsanlığına və məşqçi bacarığına yaxından bələdəm. Bu iki məqamı nəzərə alıb seçimimi “Sabah”ın üzərində etdim.
- Maddi plan rol oynamadı?
- Bütün şərtlərdə ortaq məxrəcə gəldik.
- Bildiyimə görə, “Zirə”ylə “Keşlə” də səni heyətində görmək istəyirdi.
- Bunlar keçmişdə qalıb. Yenə də hər bir məşqçiyə və klub rəhbərinə təşəkkür etmək istəyirəm. Bundan sonra “Sabah”ı düşünürəm.
- Nə üçün yenidən legioner həyatı yaşamadın?
- İstəsəm də, mümkün deyildi. Ona görə də bu barədə fikirləşmədim. Avropada onsuz da reklamımız güclü deyil. Belədə mükəmməl mövsüm keçirməlisən ki, bəlkə hansısa klubun diqqətini çəkəsən. Mən isə bildiyiniz kimi, zədə səbəbindən ötən mövsüm oynaya bilmədim. Agentlər və klub rəsmiləri futbolçu ilə maraqlananda dərhal son mövsümdəki oyun və dəqiqə sayına baxırlar.
- “Neftçi”dən ayrılmağın gözlənilməz oldu və indiyə qədər əsl səbəbi bilinmir. Öz dilindən eşitmək istərdik.
- “Neftçi” barədə danışmaq mənim üçün çətindi. Bu klub mənim evimdi, bundan sonra harda olmağımdan, oynamağımdan asılı olmayaraq, məni “Neftçi”li Ruslan kimi xatırlayacaqlar. Sadəcə, belə alındı.
- Niyə?
- Baş məşqçinin fikrini öyrəndim və başa düşdum ki, “Neftçi”dən getməklə komandaya xeyir vermiş olaram.
- Voislav Stankoviçin gəlişindən sonra rəqabətdən çəkinərək komandadan ayrılmağın haqda söhbətlər dolaşır. Sanki rəqabətdən qorxdun.
- İndiyə qədər heç bir futbolçudan, heç bir rəqabətdən qorxub-çəkinməmişəm. İdmanın istənilən sahəsində rəqabətin olması normaldı. İnsanların fikirlərinə hörmətlə yanaşıram, hərə bir cür düşünə bilər. “Qəbələ”də Stankoviçlə eyni komandada çıxış etmişəm və əsas heyətdə yer almışam. Bu məsələdə Stankoviç, yaxud başqa futbolçu amili rol oynamadı. Sırf baş məşqçi ilə söhbətdən sonra bu qərarı verdim. Nə qədər çətin olsa da, doğru addım atdığımı düşünürəm.
- Belə başa düşdüm ki, “Neftçi”də sənə haqsızlıq olmayıb.
- Bu barədə danışmaq istəmirəm. Bir şeyi dərk edirəm ki, idmanda, hətta həyatın özündə də güclüsənsə, ayaq üstəsənsə, sənə hədsiz hörmət, diqqət olur. Bir az “axsadınsa”, sənə olan münasibət də dəyişir. Vaxtilə mənə “Nefçi”nin yetirməsi, “Neftçi”nin rəmzi” deyənlərdən çətin günlərdə həmin münasibəti görmədim. Əsasən bu məni məyus etdi. Amma heç kimdən incimirəm. Hər şey qaydasındadı, bundan sonra “Sabah” və onun uğurları haqda düşünürəm.
- Yığmanın oyunlarına baxdın?
- Əlbəttə.
- Düşüncələrin necədi, nə hisslər keçirdin?
- Təbii ki, ağır mənzərəydi, belə olmasını istəməzdim. Hər iki rəqibin səviyyəsi göz qabağındaydı. Yekunda səviyyə fərqi özünü göstərdi.
- Məşqçi və futbolçuları müdafiə edirsən sanki.
- Hər şeyə real yanaşmalıyıq. İnanmıram ki, hansısa futbolçu yığmanın formasında ruhsuz oynasın, yaxud bilərəkdən zəif çıxış etsin. Hər biri qalib gəlmək istəyir, amma hər şey istəməklə həll olunmur. Rəqib güclü olanda ya sənə oynamaq imkanı vermir, ya da sən istədiyin kimi oynaya bilmirsən. İndi yığmada deyiləm deyə səbəbi başqa yerdə axtara bilmərəm. Çünki özüm də o formanı geyəndə güclü rəqiblərə qarşı oynayıb uduzmuşuq.
- Səbəb nədi, nə vaxta kimi davam edəcək?
- Razılaşarsız ki, çempionatın səviyyəsi 5-10 il əvvəllə müqayisədə aşağı düşüb. Komanda sayı azalıb, rəqabət əvvəlki kimi deyil, əvvəlki səviyyədə legionerlər yoxdu. Əvvəl macarlar, slovaklar bizə “dişimizə görə” görünürdüsə, futbolumuzun səviyyəsi aşağı düşdükcə onlarla aramızdakı fərq artır. Əvvəl çempionatda güclü legionerlərə qarşı oynadıqca təcrübəmiz artırdı, nələrisə öyrənirdik, səhvlərimizi görürdük. Və bunlar bizə beynəlxalq oyunlarda kömək edirdi. Çempionluq uğrunda 5-6, hətta 7 komanda mübarizə aparırdı, son mövsümdə isə cəmi iki komanda “qızıl” uğrunda döyüşürdü.
- Söhbət heç də səviyyə fərqində deyil. Onsuz da səviyyə baxımından həmişə avropalılardan geri qalmışıq. Məncə, yığma üzvlərində ruh, istək, əzmkarlıq da çatmır.
- Kənardan ruh və istək kimi görünə bilər. Amma futbolda təcrübə çox şey deməkdi. Bu gün futbolçularda çatışmayan təcrübədi. Həmin illərdə yığmada kimlər oynayırdı? Rəşad Sadıqov, Mahir Şükürov, Kamran Ağayev, Elnur Allahverdiyev... Yəni qapıda və müdafiə xəttində təcrübəli, soyuqqanlı oyunçular vardı. Xüsusən müdafiə xəttində təcrübə vacib rol oynayır. Özündən güclü rəqiblərlə görüşlərdə təcrübənin və fiziki hazırlığın sayəsində nəsə edə bilirsən. Ona görə də əvvəlki milli indikindən güclü görünürdü.
- Yəqin ki, bundan sonrakı hədəfin həm də yığmaya qayıtmaq olacaq.
- Mütləq və mütləq. Bunun üçün “Sabah”da daim oynamalı, əvvəlki günləri xatırlatmalıyam. 31 yaşım var, fikrimcə, müdafiəçi üçün ən gözəl vaxtdı. İnşallah, ən qısa zamanda yenidən millidən dəvət alaram.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 17:16 Qol vura bilməməsi Raufu narahat edir Dünən, 17:14 İsgəndər Cavadov “Kəpəz”in prezidenti, Yaşar Vahabzadə baş məşqçisi təyin olundu Dünən, 17:11 “Sumqayıt” yeni loqoya görə xərcə düşməyib Dünən, 17:05 “Səbail”in debüt səhvləri Dünən, 17:02 Əmsalımız artsa da, mövqeyimiz dəyişmədi Dünən, 16:54 Sənan Qurbanov “Dinamo” ilə bağlı ətraflı məlumat toplayıb Dünən, 16:51 “Qarabağ”lılar diqqətli olmalıdı! Dünən, 16:49 “Dandolk”un məşqçisi təmsilçimizi təriflədi Dünən, 16:44 “Qəbələ” “Dinamo” ilə oyun ərəfəsində daha bir legionerlə anlaşdı Dünən, 16:42 Moldovalı azarkeşlərin Efrosa demədikləri qalmadı Dünən, 16:24 Transfer dosyesi Dünən, 16:21 Yaşar Vahabzadə AFFA-dan başqa hamını qınadı Dünən, 16:09 Gerye: qovulub, yoxsa qaçıb? Dünən, 16:07 “Sabah”da yeni qapıçı Dünən, 16:06 Rüfətin komandası heç-heçə ilə başladı Dünən, 15:58 Tuladakı oyunun saatı bilindi, biletlər satışa çıxarıldı 19-07-2019, 13:46 10 idman növündə 122 idmançı 19-07-2019, 13:43 Kənan Hənifəyev bu dəfə Tulaya səfərin anonsunu verdi 19-07-2019, 13:39 Nazim Süleymanov və tərəfdarları deputatlarla görüşdü 19-07-2019, 13:37 Sabiq “Everton”lu “Qarabağ”ın qol ümidi oldu 19-07-2019, 13:34 Stuxlik “Olimpiakos”un oyununa təyinat aldı 19-07-2019, 13:29 Gerye növbəti dəfə diqqəti çəkdi 19-07-2019, 13:19 “Partizani” getdi, “Dandolk” gəlsin! 19-07-2019, 13:16 Qurban Qurbanov Ayltonla Geryeni müqayisə etmək istəmədi 18-07-2019, 17:41 "Sperantsa" mətbuat katibini Bakıya gətirməyib 18-07-2019, 17:39 “Biz axmaq deyilik ki, meydanı sulayaq” 18-07-2019, 17:37 Bordini istənilən hesablı qələbə qane edəcək 18-07-2019, 17:33 “Qəbələ” vətənə qələbə ilə dönür 18-07-2019, 17:30 “Qəbələ”nin futbolçusu Çexiya klubunda 18-07-2019, 17:28 Sezar “Keşlə”də icarə əsasında oynayacaq 18-07-2019, 17:26 “Sumqayıt”a Türkiyədə Ukrayna və Rusiyadan futbolçular qoşulacaq 18-07-2019, 17:22 Yurçeviç hesabat verib? 18-07-2019, 17:19 Papure: “Sabah sizə göstərəcəm!” 18-07-2019, 17:13 “Səbail” möcüzə axtarışında, “Neftçi” üçün formal oyun 17-07-2019, 15:43 Mirabdulla səfərdə qələbə qazanacaqlarına inanır 17-07-2019, 15:40 “Səbail” bu gün yola düşür 17-07-2019, 15:35 Azər Bağırov “Turan Tovuz”u çalışdıracaq 17-07-2019, 15:33 Gerye “Qarabağ”ı aldatdı 17-07-2019, 15:30 “İmarət”lə “Qarabağ Ordu”nun hərəsində 500 nəfər olacaq 17-07-2019, 15:29 “Qarabağ” “Partizani”ni “Dalğa”da boğa biləcəkmi? 17-07-2019, 15:27 Albaniyadan nə azarkeş gəlir, nə də jurnalist 17-07-2019, 15:25 Lerda “Qarabağ”ın büdcəsini açıqladı 17-07-2019, 15:20 “Qarabağ”da mərakeşli müdafiəçi 17-07-2019, 15:18 “Zirə”nin həkimi Samir Abasova görə istefa verdi 17-07-2019, 15:16 Bezotosnı Ukrayna mətbuatına danışdı 17-07-2019, 15:14 “Zirə”dən növbəti transferlər 17-07-2019, 15:07 Pərdisin keçidi yubanır, Sezar da gəlir 17-07-2019, 15:02 “Sabah” Sumqayıtdan qalib döndü 17-07-2019, 10:06 Həftənin idman proqramı 17-07-2019, 10:01 “Sumqayıt 70”dən yubiley hədiyyəsi 17-07-2019, 09:59 “Neftçi” – “Sperantsa”: hakimlər açıqlandı, biletlər satışa çıxarıldı 17-07-2019, 09:56 "Forza Neftçi" bu gün Bakıya çatacaq 17-07-2019, 09:54 Emil Balayev qol buraxmadı, rəmzi komandaya düşdü 17-07-2019, 09:52 “Dauqavpils” Əli Şirinovu rənglərinə bağladı 17-07-2019, 09:47 Stankoviç Kişinyovda oynamadığına görə üzgündü 17-07-2019, 09:43 Yığmanın heyəti açıqlandı 17-07-2019, 09:42 AÇ üçün rekord müraciət Bütün xəbərlər
Ən çox oxunanlar