27 mar 17:39olke, manset

Böyük ajiotaj və gözlənilən xəyal qırıqlığı

Böyük ajiotaj və gözlənilən xəyal qırıqlığı
İkiillik fasilədən sonra Tofiq Bəhramov adına Respublika stadionu qapılarını yığmamızın üzünə açdı. Sonuncu dəfə millimiz bu arenada Maltanı məğlub etmişdi. Almaniya 3-cü dəfə onlar üçün uğursuz hesab olunan hakimin adını daşıdığı arenada meydana çıxırdı. Ancaq bu dəfə son dünya çempionu statusuyla Bakıya gəlmişdilər. Həm bu, həm də komandamızın seçmə mərhələdə 7 xal toplaması səbəbindən oyuna maraq hədsiz böyük idi. Təsadüfi deyil ki, görüşə 2 gün qalmış bütün biletlər satılmışdı.
Həriflənən almanlar...
Gözləmək olardı ki, qarşılaşmanın statusuna uyğun “qara bazar” ayaq tutub yeriyəcək. Ancaq belə olmadı. Matçın startı ərəfəsində kütləvi şəkildə var-gəl edən işbazlar gözümüzə dəymədi. Hə, 2-3 nəfər əl altdan, xəlvəti bilet satırdı. Belə ki, onlar 2 manatlıq bilet üçün 20-25 manat qiymət qoymuşdu. İşləri də yağ kimi gedirdi. Çünki “Gənclik” metrostansiyasından çıxıb, bilet axtaran o qədər azarkeş var idi ki. Onlar bu oyunu izləmək üçün həqiqi dəyərindən 10 qat artıq təklif olunan biletləri tərəddüd etmədən alırdı. Almanları isə əməlli-başlı hərifləyirdilər. 2 manatlıq bilet üçün 40 manatından keçən qonaqlar var idi.
...pivəyə daraşdı
Almanlardan söz düşmüşkən, qonaq komandanın azarkeşləri müxtəlif tribunalarda yerləşmişdi. Ancaq əksəriyyət – fəal fanatlar 29-30-cu sektorları zəbt etmişdi. Onlar 12-ci qapıdan stadiona daxil olurdu. Könüllülər biletləri, polislər isə fanatların üzərini əllə yoxlayırdılar. Almanların pivə “xəstə”si olduqlarını anlamaq üçün 5 dəqiqəlik müşahidə kifayət idi. Stadionun yaxınlığındakı kafedə boş yer yox idi. Almanlar sanki kafeni özəlləşdirmişdi. Pivə ilə yanaşı, çay və kofe içənlər də var idi. Almanlar yetərincə sərbəst və pərakəndə gəzirdilər. Sanki VİP-lojada, jurnalistlər üçün ayrılmış sektorun aşağısındakı oturacaqlarda yerləşən almanlar da vardı. Stadion önündə alman sosisinin satışı da “xodovoy” idi. Bundan başqa 3 çadır quraşdırılmışdı. Kiçik ölçülü çadırlarda əsasən şirin sular satılırdısa, böyük çadır sırf qonaq azarkeşlər üçün nəzərdə tutulmuşdu. Burda spirtli içkilərlə ayaqüstü qəlyanaltı etmək mümkün idi.
Sponsorlar iş başında idi
7-ci qapının yanında səhnəcik və tordan qəfəs quraşdırılmışdı. Səhnəcikdəki mini-konsert azarkeşlərin diqqətini cəlb etmək üçün idi. Aparıcı isə AFFA-yla əməkdaşlıq edən “Hundai” və “Bakcell” şirkətlərinə aid sualları ünvanlayır, düzgün cavabı tapanlar mükafatlandırılırdı. Qəfəsdə isə qapıya zərbələr endirilirdi. Elektron tabloda zərbənin gücü hesablanırdı. Bəlli limiti aşanlar hədiyyəsiz qalmırdı. Qısası, bəzi azarkeşlər start fitinə qədər bu yolla vaxt “öldürə” bilirdi. Ancaq buna imkan tapmayanlar, daha doğrusu, vaxtında stadiona çatmayanlar start fitindən bir neçə dəqiqə sonra yerlərini tutdular. Oyunun başlamasına az qalmış arenanın önündəki polislər azarkeşləri metal axtaran cihazla başdansovdu yoxlayırdı. Tribunaların qapılarının önündəki asayiş keşikçiləri isə plastik su şüşələrinin qapaqlarını açıb tulladıqdan sonra azarkeşləri içəri buraxırdı.
Yad adamlar orda nə gəzir?
Maraqlıdı ki, bir nəfər İtaliya ilə ötən tsikldəki oyunun akkreditə kartını boynundan asıb stadiona keçə bilmişdi. Ümumiyyətlə, jurnalist kimi hansısa yolla qeydiyatdan keçmiş yad adamlar çox idi. Media sektorunun mərkəzi hissəsi alman həmkarlarımız üçün ayrılmışdı. Fasilədə jurnalistlər üçün ayrılmış otaqda o qədər adam var idi ki. AFFA-nın əməkdaşı Törə Əhmədova Az.TV-nin əməkdaşlarından narazı idi. O, dövlət televiziyasının texniki əməkdaşlarının media nümayəndələri üçün ayrılmış otağa girməyə icazəsinin olmadığını izah etməyə çalışsa da, cəhdləri faydasız qaldı.
Fanklublar sonadək dəstək verdi
Hər zaman olduğu kimi, start fitinə 1 saat qalmış Sənan Şəfizadə azarkeşləri coşdururdu. Həmkarımız futbolçularımızın soyadlarını deyir, tərəfdarlar isə xorla oyunçuların adını səsləndirirdi. Rəşad Sadiqovun adı xüsusi coşğuyla və daha gur söylənildi. Komandalar isinmə hərəkətlərini edərkən iki baş məşqçi şirin-şirin söhbət edirdi. Yerli azarkeşlər bu zaman iş başında idi. Xüsusən də 2-ci sektorda cəmləşən fanklublar fəallığıyla diqqət çəkirdi. “Azərbaycan, Azərbaycan”, “Azərbaycan bir olsun, istəməyən kor olsun” şüarlarını tez-tez səsləndirən azarkeş qrupları Avropa çempionatında İslandiya futbolsevərlərinin istifadə etdiyi ritmlə alqış təzahüratından yararlandı. Start fiti ərəfəsində komandamızın üzvləri həmin azarkeşlərə doğru hərəkət edib, alqışla minnətdarlıqlarını bildirdilər. Ancaq 24-cü sektorda qərarlaşan “Milli Dəstə” yaddan çıxdı. Adətən, ölkə xaricindəki oyunlarda yığmamızı tək qoymayan fanklub sektor boyunca bayraqlarımızın rənglərini əks etdirən lent açmışdı. Yeri gəlmişkən, 60-cı dəqiqədə “Milli Dəstə” bir plakar açdı. Adı “23-lüy”ə salınmayan Renat Dadaşova şamil olunan pankartda “Renat, evə xoş gəlmisən” sözləri yazılmışdı. 10 dəqiqə sonra bu fanklub neytral azarkeşləri “Meksika dalğası”yla ayıltdı. “Asteklər”in dünya futboluna bəxş etdiyi təzahürat 3-4 dəqiqə davam etdi. Bundan alman azarkeşlərin də məmnun qaldığı aşkar görünürdü. Bu dəqiqələrdə tribunalar telefon işıqlarıyla daha gözəl görünürdü.
Nazarov coşdurdu, İsmayılov susdurdu
Qonaqlar yalnız ilk dəqiqələrdə və Dmitri Nazarovun qolundan sonra uğultuya məruz qaldı. Başqa heç bir azarkeş təzyiqindən söhbət gedə bilməzdi. Ancaq bizimkilər hər dəfə ağıllı ötürmələr verəndə, uğurlu fint edəndə, rəqibin hücumları sovuşdurulanda azarkeşlər cuşa gəlirdi. Meydandakı ən parlaq yığma üzvü olan Nazarovun əməyini də danmaq olmaz. Soyuqqanlı və texnikalı oyunuyla azarkeşlərin zövqünü oxşayan Dmitri bərabərlik qolunu vuranda arena sevinc sədalarından az qala dağılırdı. Hətta bəzi alman azarkeşlər də onun qoluna alqışla reaksiya verdi. Ancaq nədənsə Nazarovun qol müəllifi kimi adı diktor tərəfindən elan olunmadı. “Status-kvo” bərpa olduqdan sonra ənənəvi “bir daha” şüarlarını eşitdik. Ancaq Əfran İsmayılovun kobud səhvindən sonra almanlar yenidən hesabda önə çıxanda fanatların ümidi qırıldı. Belədə tribunalar xeyli sakitləşdi. Əfranın bu səhvinə Robert Prosineçki sərt reaksiya verdi. Ağzına gələni deyən xorvat çalışdırıcı texniki zonada hirsindən partlamaq dərəcəsinə çatmışdı. Baş məşqçi qəzəbini kənardakı topa zərbə endirməklə soyutmağa çalışdı.
Bu dəfə sakit idilər
Qapımıza vurulan 4-cü qoldan sonra azarkeşlər meydanı yavaş-yavaş tərk etməyə başladı. Almanların isə kefi kök idi. Ancaq nədənsə klub müstəvisindəki turnirlərdə Bakıda tribunaları susduran Adolf Hitlerin həmyerliləri bu dəfə o qədər də fəal deyildi. Əvvəlcə 15-ci dəqiqədə varlıqlarını göstərdilər. Daha sonra hər qoldan sonra qısamüddətli şüarlar səsləndirirdilər. Bəlkə də özlərini yormağa ehtiyac görmür, sadəcə, futbol tamaşasından sakitcə zövq almağa çalışırdılar.
Müller Nazarovun formasını istədi
Məsut Özil meydana çıxanda yerli azarkeşlər də əl çaldı. Final fitindən sonra türk əsilli futbolçu ayaq qoruyucularını topdaşıyan uşaqlara atdı və alqış sədaları altında paltardəyişmə otağına yollandı. Buna qədər isə meydana 1 gənc və 2 uşaq çıxaraq almanlardan forma almağa cəhd etdi. UEFA buna görə AFFA-nı cərimələyə bilər. Oyundan sonra Qurbanov Hummelsə, Mirzəbəyov Şürle ilə köynəyini dəyişdi. Müller isə özü Nazarova yaxınlaşaraq formalarını dəyiş-düyüş etməyi xahiş etdi.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-09-2018, 23:17 Tomaş Ayan EOC-dan narazıdı 21-09-2018, 23:14 "Arsenal"la oyuna maraq böyükdü 21-09-2018, 23:13 U-17 yenə darmadağın oldu 21-09-2018, 23:10 Stadiona 9-cu mərtəbədən baxış, portəgiz jurnalistin təəccübü və 27 azarkeş... 21-09-2018, 23:07 Yenilgidə hakim izi olmadı 21-09-2018, 23:06 Üzücü başlanğıc 21-09-2018, 23:04 Vitali Borisovun imtinası absurd faktı üzə çıxardı: liqa peşəkardı, futzalçılar yox! 21-09-2018, 23:02 Baba Rzayev Mingəçeviri futbolsuz qoydu 21-09-2018, 23:01 AFFA 10 min manata görə özünü hörmətdən salır 21-09-2018, 22:52 Sabiqlər yerli sədrin tərafdarıdı 21-09-2018, 22:50 Babək Quliyev Vüsal Əliyevi nişan verdi 21-09-2018, 22:48 “Sumqayıt-2” zirvəyə darmadağınla yüksəldi 21-09-2018, 22:46 “Turan” adının yaradıcısı dünyasını dəyişdi 21-09-2018, 22:44 Dünya çempionatına yaxşı başlamadıq 21-09-2018, 22:42 “Sumqayıt”ın “qırmızı” problemi 21-09-2018, 22:39 Adil Məmmədov 60-ı geridə qoydu 21-09-2018, 22:24 İsgəndər Cavadov doğum günündə tarixi vərəqlədi 21-09-2018, 22:23 İkinci tur 2 günə sığacaq 21-09-2018, 22:21 Mik Benet təqdim olundu 21-09-2018, 22:20 Qurban Qurbanov gözləmədiyi sualı eşitdi 20-09-2018, 22:07 “Bayıl Arena”da Əliyar Ağayevin də səhvi olub 20-09-2018, 22:05 Stuxlik Xaqani Məmmədovun otağında oturur 20-09-2018, 22:04 Emin Ağayev yığmada potensial görür 20-09-2018, 22:02 “CBC Sport” DÇ-ni yayınlamaq istəyir 20-09-2018, 22:01 Cüdo yığmamızda məcburi dəyişiklik 20-09-2018, 22:00 Dünya çempionatının püşkü atıldı 20-09-2018, 21:56 “1982-ci il” ilə Lissabona 7 saatlıq səfər 20-09-2018, 21:54 Uğurun bünövrəsi Lissabonda qoyulsun! 20-09-2018, 21:52 "Arsenal"la oyunun biletləri satışda 20-09-2018, 21:24 Vaqner "Qarabağ"ı portəgizlərə təriflədi 20-09-2018, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” 20-09-2018, 21:04 Alesio yığmanın heyətini açıqladı 20-09-2018, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi 20-09-2018, 21:00 Mundialda üzümüzü kim(lər) güldürəcək? 20-09-2018, 20:58 Məmmədyarova “qaralar”la xal qazana bilmir 20-09-2018, 20:55 Sənan Qurbanov “Qəbələ”nin problemlərini açıqladı 20-09-2018, 20:53 “Kəpəz” ilk qol və ilk xal axtarışında 20-09-2018, 20:52 Anar Salmanovun reaksiyası gecikmədi 20-09-2018, 20:51 Azarkeşlər ÇL oyunları zamanı çətinliklə üzləşir 20-09-2018, 00:29 Almaniyada Ömər Paşayevin səhhətində ciddi problem aşkarlanmayıb 20-09-2018, 00:27 Heç bir klub mətbuat katibinə protokol doldurmağı tapşırmır 20-09-2018, 00:26 Xaqani Məmmədovun düşmənləri sosial şəbəkədə “at oynadır” 20-09-2018, 00:23 Voleybolçular dünya çempionatına inamlı yollanır 20-09-2018, 00:21 Alesio yığmanın heyətini bu gün açıqlayacaq 20-09-2018, 00:19 “Sportinq” qrup mübarizəsinə uğursuz başlayır 20-09-2018, 00:05 Turun oyunçusu 20-09-2018, 00:04 TURUN SİTATI 20-09-2018, 00:02 Məhsuldarlıq rekord vurdu 20-09-2018, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Bütün xəbərlər
Ən çox oxunanlar