18 mar 11:32manset

AFFA-nın Konfransından geriyə qalanlar...

AFFA-nın Konfransından geriyə qalanlar...
AFFA srağagün “Bulvar” otelində 2016-ya yekun vurdu. Konfransda ötən ilin hesabatı təqdim olundu. Bununla yanaşı, İcraiyyə Komitəsində (İK) olan vakant yerə üzv seçildi. Daha sonra isə İK-nın toplantısı keçirildi və bir sıra qərarlar qəbul olundu. İstər 2016-cı ilin maliyyə hesabatı, istərsə də İK-nın bəzi qərarları diqqəti çəkdi və belə məqamlara nəzər salmağı lazım bildik.

AFFA prezidentindən Axundova “yox” cavabı
Məlum olduğu kimi, İK-dakı vakant yerə Futzal Federasiyasının prezidenti Zaur Axundovun namizədliyi irəli sürülmüşdü və o quruma üzv seçildi. Toplantının ardından jurnalistlərin suallarını cavablayan Zaur bəy futzala ayrılan maliyyə ilə bağlı bunları demişdi: “Maliyyə problemlərinə baxmayaraq, AFFA bizə lazım olan dəstəyi verir. Heç bir narazılığımız yoxdu”. Ancaq maraqlıdı ki, assoasiasiya 2015-lə müqayisədə ötən il futzala daha az vəsait ayırıb. Konkret 70 minə yaxın azalma var. AFFA 2015-ci ildə Futzal Federasiyasına 410000, ötən il isə 331030 manat vəsait ayırıb.
Futzalla bağlı ən maraqlı məqam isə AFFA prezidentindən Axundova “yox” cavabının verilməsi oldu. Belə ki, bir müddət öncə Zaur bəy belə bir təklif irəli sürmüşdü ki, Qazaxıstanda olduğu kimi, premyer-liqa klublarının nəzdində də futzal komandası yaradılsın. Ancaq həmin vaxt klublar maliyyə sıxıntılarını əsas gətirib, bu təklifə isti yanaşmamışdı. Axundov həmin məsələni yenidən aktuallaşdıracağını söylədi: “Gələn iclaslarımızda bu məsələni bir daha qaldıracam. Hər bir klubun futzal komandası olsa, daha məqsədəuyğun olar. Maliyyə problemi bütün düyanda var, tək Azərbaycanda deyil. Bunu zamana buraxıb müzakirə edəcəyik. İmkan vermərik ki, Azərbaycanda futzalın səviyyəsi aşağı düşsün. Dünya reytinqində millimiz ilk “10-luq”dadı. Bu nəticəni daha da yaxşılaşdırmalıyıq. Buna görə də AFFA rəhbərliyi də lazımı dəstəyi verir”. Bununla belə, İK-nın toplantısından sonra təşkil olunan mətbuat konfransında Rövnəq Abdullayev Axundovun təklifinə isti yanaşmadı: “Futbol komandalarını piləyə-piləyə saxlayırıq. Hələ ki klublarda futzal komandası yaratmaq planımız yoxdu”. Bununla da Zaur bəyin istəyinin gerçəkləşməsi real görünmür.

Oqtay Abdullayev: “Hər adamı yazmaqla ona təqaüd verilmir”
İK-nın iclasında 7 futbol veteranına AFFA-nın təqaüdünün verilsməsinə də qərar verildi. Bunlar Səməd Qurbanov, Asəf Namazov, Rafiq Mirzəyev, Abdulla Məmmədov, Məzahir Süleymanzadə, Rafiq Quliyev və Rafiq Yusubovdu. Razılaşaq ki, siyahıdakı adların əksəriyyəti bizə tanış olsa da, bəzilərinin ölkə futbolundakı rolunu anlamaq çətindi. Məlum olduğu kimi, təqaüd almaq istəyənlər Futbol Veteranları İttifaqına müraciət edir, həmin qurum isə siyahını İK-ya verir. Bu üzdən Futbol Veteranları İttifaqının sədri Oqtay Abdullayevlə danışmağı lazım bildik: “Biz sənədləri hazırlayıb İK-ya təqdim edirik, onlar qərar verir. Həmin siyahıda 7 yox, 40-dan çox adamın adı vardı. Rafiq Yusubov Gəncədə oynayıb, yaxşı futbolçu olub. “Neftçi”yə də cəlb edilib. Ancaq karyerası əsasən Gəncə ilə bağlıdı. Hazırda da Gəncədə yaşayır. Rafiq Quliyev də tanınmış futbolçulardan biridi. Hazırda Moskvada yaşayır. SSRİ dövründə futbolçu karyerasını bitirdikdən sonra hakimlik edib. Özü də güclü hakimlərdən olub. Orda futbolla bağlı olmayan birini biz yazsaq da, İK qəbul etməyəcək. Ancaq biz özümüz də yazmarıq axı. Hər adamın adını yazmaqla ona təqaüd verilmir. Onun ölkə futbolundakı xidmətlərinə baxılır. Təqaüd birdən-birə verilmir. Bütün sənədlər hazırlanmalıdı. Bizə müraciət edirlər, özləri sənədləri toplayıb gətirirlər. Müavinim Rüstəm Rəhimov baxır, verir AFFA-ya. Orda sənədlərə baxıb, qərar verirlər. Bizim verdiyimiz siyahıda Vaqif Davudovun da adı var idi. O özü də sənədlərini bizə vermişdi, biz də AFFA-ya təqdim etmişdik. İK-da araşdırılır, səsə qoyulur və qərar verilir. İstənilən futbol veteranı müraciət edə bilər. Təbii, 63 yaşdan yuxarı olanlar”.

İki ilin müqayisəsi: gəlir də artıb, xərc də...
Ötən il AFFA-ya daxil olan vəsait 2015-ci ildəkindən daha çox olub. Bu fərq 1845495 manatdı. Ancaq çəkilən xərc də eyni deyil. 2015-lə müqayisədə 2016-cı ildə AFFA daha çox pul xərcləyib. İki il arasında fərq 1342602 manatdı. Göründüyü kimi, gəlirlə yanaşı, xərc də artıb. Həmçinin bəzi maraqlı rəqəmlər də var. Tutaq ki, U-17-nin püşkatma mərasiminə 157 min manatdan artıq vəsait ayrılması diqqəti çəkməyə bilməz. Hansısa Avropa ölkəsinin qrupların tərkibini müəyyən edən mərasim üçün bu qədər pulundan keçəcəyi inandırıcı görünmür.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar