28 dek 03:16manset

Fariz Yusifov hakim-inspektor kimi qayıdır

Fariz Yusifov hakim-inspektor kimi qayıdır
“Əvvəllər arxayınlıq var idi ki, onsuz da 5-6 nəfərik, oyunlar ancaq bizə həvalə olunur”
Premyer-liqanın ilk yarısındakı oyunları idarə edən 11 hakim arasında yeganə yaşlısı Ramil Diniyev idi ki, o da cəmi 3 görüşdə iş başında oldu. Qalanlar son illər üzə çıxanlar və cari mövsümdən şans qazananlar idi. Artıq nə Vüsal Əliyev var, nə Anar Salmanov, nə Elçin Məmmədov, nə də Fariz Yusifov. Sonuncu bu ilin əvvəlində iki yerdə çalışmağın çətin olduğunu deyib hakimlikdən uzaqlaşmışdı. Çünki Yusifov eyni zamanda Polis Akademiyasında çalışan xüsusi rütbəli zabit, polis polkovnik-leytenantıdı. Ona görə də əsas işini hakimlikdən üstün tutdu.
Xeyli vaxtdı gözə dəyməyən Fariz bəyi “Keşlə” - “Qarabağ” matçında görmək təəccüb doğurdu. Maraqlananda məlum oldu ki, beynəlxalq dərəcəli hakim növbəti ildən elita oyunlarına hakim-inspektor kimi təyinat alacaq. Özü ilə əlaqə saxlayanda, xəbərə şübhə yeri qalmadı.
- “Keşlə” ilə “Qarabağ” arasında kubok oyununda gördüm sizi. Deyəsən, yenidən futbola qayıdırsız.
- Hakim-inspektorlar üçün günlər ayrılıb, dərslər keçirilir. Artıq həmin dərslərdə iştirak edirəm.
- 2019-dan etibarən sizi hakim-inspektor kimi görəcəyik?
- Qismət olsa, inşallah.
- Frits Stuxliklə görüşüb danışmısız?
- “Bulvar” otelinə yığmışdılar bizi, təlim keçirildi. Həftədə iki dəfə AFFA-nın inzibati binasında ənənəvi dərslərdə iştirak etmişəm. Stuxliklə elə orda görüşdük.
- Hakim-inspektorluğu özünüz istədiz, yoxsa komitədən təklif etdilər?
- Vüsal Əliyevə təşəkkür edirəm, çox hörmətli qardaşımdı. Sağ olsun, o mənimlə əlaqə saxlayıb təklif etdi. İsti yanaşdım və heç bir problemin olmadığını dedim.
- Oyunlara hakim-inspektor kimi getmək akademiyadakı fəaliyyətinizə mane olmayacaq ki? Çünki hakimlikdən gedəndə iki yerdə çalışmağın çətin olduğunu demişdiz.
- Nə demək istədiyinizi anladım. Həftədə bir dəfə istirahət günüm olur. Xahiş edəcəm ki, istirahət günümə təsadüf edən oyunlara təyinat versinlər. Məncə, problem olmayacaq.
- “Keşlə” - “Qarabağ” oyununu stadionda canlı izləyirdiz. Stadionlara tez-tez baş çəkirsiz, yoxsa gəlişinizin səbəbi hakim-inspektorluq ərəfəsində məşq xarakteri daşıyırdı?
- Açığı, stadionlara baş çəkməyə vaxtım olmur. Sadəcə, həmin gün Vüsal Əliyevin dəvəti ilə “ASK Arena”ya yollandım. Bildiyiniz kimi, Vüsal həmin görüşün hakim-inspektoru idi. Oyunu iki qardaş, həm də hakim-inspektor gözüylə yanaşı izlədik .
- Ölkə çempionatı kənardan necə görünür?
- Siz necə görürsüzsə, mən də elə görürəm (gülür). Premyer-liqada komanda sayının çox olmasını arzulayıram. Təəssüf ki, bu gün cəmi 8 komanda mübarizə aparır. Buna baxmayaraq, oyunlar maraqlı keçir, idman mübarizəsi hiss olunur. Stadionda olmasa da, oyunları imkan daxilində televizor qarşısında izləməyə çalışıram. Ən böyük problem tribunaların boş olmasıdı. 50-100 nəfər… Maraqlı futbol izləmək istəyiriksə, ilk növbədə azarkeşlərin sayı çox olmalıdı. Razılaşarsız ki, futbola rəng qatan tribunalardakı ab-havadı.
- Hakimliklə bağlı nə deyə bilərsiz? Maşallah, gənc referilərin sayı gündən-günə artır.
- Maşallah sözünü yerində işlətdiz. Həqiqətən də sevindirici məqamdı. Frits Stuxlik yeni siyasət yürüdür. Bildiyimə görə, yaşı 45-ə qədər olanlara şans verir. Gənclərin üzə çıxması olduqca yaxşı haldı. Təcrübəlilər arxalarında onları kimlərinsə gözlədiyini bilməlidilər. Başqa cür desəm, rəqabət hiss etməlidilər. Əvvəllər arxayınlıq var idi ki, onsuz da 5-6 nəfərik, oyunlar ancaq bizə həvalə olunur. Amma indiki durum ürəkaçandı. Gənc və təcrübəsiz hakimlərin bəzi kiçik səhvləri gözə dəysə də, ümumi mənzərə heç də pis deyil. Qətiyyətli olmaları xoşuma gəlir. Fiziki durumları da qaydasındadı. Gələcək adına ümidverici hakimlər görürəm.
- Ad çəkə bilərsiz?
- 12-ci tur çərçivəsində “Dalğa Arena”da “Zirə” – “Sumqayıt” oyunu keçirilmişdi. Həmin görüşün gənc hakimi Səbuhi Bayramov idi. Açığı, onu yaxından tanımıram. Amma idarəçiliyini həddən artıq bəyəndim. Sakit, soyuqqanlı, qətiyyətli görünürdü. Qaydaların yozumunda müəyyən səhvləri var idi ki, onlar da zamanla düzələcək. Yaxın gələcəkdə özünü sübut edə biləcək. Şəkidən olan hakimi də bəyənirəm.
- Rəvan Həmzəzadə?
- Hə-hə, Rəvan. O da yaxşı formadadı, bəyənirəm.
- İnqilab Məmmədov da xeyli “artırıb”…
- İnqilab heç də, ona gənc demək olmaz. Son vaxtlar premyer-liqada görürəm onu. Yəqin çimərlik futbolu ilə qurtarmaq istəyir (gülür).
- O həm də çimərlik futbolu üzrə FİFA referisidi.
- O heç də. O vaxt yer boş qalmasın deyə, İnqilabın namizədliyini irəli sürmüşdülər. Baxıram ki, premyer-liqaya can atır. Allah işini avand etsin.
- Çempionat görüşlərini izləyəndə “kaş getməzdim” deyib, köks ötürürsüz?
- Xeyr, qətiyyən. Köks ötürməyə ehtiyac yoxdu. Hər başlanğıcın bir sonu var. Kaş indiki cavanlar da mənim yaşıma qədər hakimlik etməyi bacarsınlar. 46 yaşın tamamında hakimlikdən uzaqlaşdım.
- 2018-də əvvəlki illərlə müqayisədə azərbaycanlı hakimlərin avrokuboklardakı oyun sayında xeyli azalma müşahidə olundu. Bunun səbəbini nədə görürsüz?
- Öz aramızdı, guya əvvəlki illərdə bizə nə oyunlar verirdilər? Avroliqanın 1-ci, 2-ci mərhələləri idi də. Düzdü, indi də eyni proses davam edir. Maşallah, Əliyar Ağayev qrup oyunlarına təyinat alır. O da ölkəmizi layiqincə təmsil etməyə çalışır, fikrimcə, bacarır da. Açıq danışmağı xoşlayıram. Səmimi deyəcəm, 8 komandalı çempionatı olan ölkənin hakimi üçün Avroliqanın qrup matçını idarə etməyin özü böyük uğurdu.
- Xaqani Məmmədovla danışmırsız?
- Düzü, əlaqə saxlamağa vaxtım olmur. Hakimlikdən uzaqlaşandan sonra danışmamışam. Elə bir yer də olmayıb ki, üz-üzə gələndə hal-əhval tutaq, söhbətləşək.
- Qurban Qurbanovun yığmaya gəlib-getməyi sizin üçün də yuxu oldu? Sanki nəsə baş verdi, amma anlamaq mümkün olmadı.
- Yuxu deməzdim. Çünki gözlənilən idi. Son illər “Qarabağ”da qazandığı nəticələr Qurbanovu yığmaya aparırdı. Gec-tez gəlməliydi, gəldi də. Yəqin ki, Millətlər Liqasındakı nəticələr gedişinə səbəb oldu.
- Getməliydimi? Dəqiq desəm, göndərilməliydi?
- Yığmadan ayrılmağını soruşursuzsa, belə olacağını gözləməzdim. Bildiyimə görə, baş məşqçi ilə uzunmüddətli – 6 illik anlaşma əldə olunmuşdu. Məncə, şans verilməliydi. Heç olmasa, qarşıdakı seçmə mərhələni də gözləyib, yığmanın sərgilədiyi oyuna və nəticələrə baxmaq olardı. Baş məşqçilərin sənəti elədi ki, özlərini göstərmələri üçün vaxta ehtiyac duyulur. Belə etməklə sanki inamsızlıq göstərdilər.
- İcraiyyə Komitəsinin üzvləri Qurbanovun iki yerdə işlədiyini əsas gətirib, bu qərarı verdilər.
- İşini düzgün qurursansa, heç bir problem olmayacaq. Özüm də neçə illər iki sahədə çalışmışam və çox güman, yenə belə olacaq. İnsan ilk növbədə məsuliyyəti dərk etməlidi ki, Qurbanovu yetərincə məsuliyyətli insan kimi tanıyıram. Günlük planlarımı fiziki gücümə görə bölürəm və şükürlər olsun, heç bir problem yaşamıram.
- “Neftçi”nin fasiləyə “qış çempionu” kimi yollanmasına təəccüblənmədiz?
- Düzünü desəm, yox. Çünki gözlənilən idi. “Qəbələ”nin çempionatın əvvəlindən qeyri-sabit təsir bağışlaması, heyətinin zəifləməsi,“Qarabağ”ın Avroliqanın qrupunda çıxış etməsi ilk yarıdan sonrakı vəziyyətin necə olacağından az-çox xəbər verirdi. Həm də “Neftçi”nin yayda yığdığı heyət, klub rəhbərliyinin inamlı danışması iddialarından xəbər verirdi. Məni ən çox təəccübləndirən “Sabah” oldu. Debütant olmasına baxmayaraq, maraqlı oyun sərgiləyirlər, iddialı rəqiblərin hər birinə boy verirlər. Yəqin ki, ikinci yarıda daha inamlı görünəcəklər.
- Çempion qismində hansı komandanı görürsüz?
- “Neftçi”ylə “Qarabağ” arasında son turlara qədər gərgin mübarizə gedəcək. Sonluğun necə olacağı klub və komandadakı durumdan asılı olacaq. Bu məsələdə, fikrimcə, təcrübə də müəyyən rol oynayacaq.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” 4-02-2020, 12:25 “Ən azı həmin epizodda Beyli qabaqlamaqda çətinlik çəkmədim” 31-01-2020, 12:22 “Ağsu” divizionda çıxışını dayandırdı 31-01-2020, 12:20 Ölkə basketbolunda yeni səhifə - MBA Azərbaycana gəlir! 31-01-2020, 12:08 Şok: basketbol yığmamızın üzvü də danışılmış oyunlara görə tutulub! 31-01-2020, 10:56 “Sabah” Koçukla Rodrigesi transfer etdi 31-01-2020, 10:54 Bunun harası vacib oyundu ki? 31-01-2020, 10:51 Azad Rəhimov yeni federasiyaya xeyir-dua verdi 29-01-2020, 19:03 Tofiq Mikayılov Alesionun təklifini qəbul etməyib 29-01-2020, 19:02 Səfiyarlı Ozobiçin Almeydanı unutduracağını düşünür 29-01-2020, 19:00 “Qarabağ”: bir gündə iki məğlubiyyət 29-01-2020, 18:59 U-19 Şimali Makedoniyanı hər iki oyunda yendi 29-01-2020, 18:57 Füzuli Məmmədov nəticələrdən narazıdı 29-01-2020, 18:54 “Zirə”nin beşinci transferi Moldova millisinin üzvü oldu 29-01-2020, 18:52 Yığma mundiala vəsiqə uğrunda mübarizəyə başlayır 28-01-2020, 12:13 “Altus” gülünc bəhanə ilə Həmkarlar İttifaqının tədbirini pozdu 28-01-2020, 12:10 Ziya Rəcəbov İndoneziya çempionatına qələbə ilə başladı Bütün xəbərlər
Ən çox oxunanlar