15 iy 15:41manset

Karapetyan oyunu “İdman Azərbaycan”dan izləyib

Karapetyan oyunu “İdman Azərbaycan”dan izləyib
Xanım həmkarımız erməni futbolçunun maraqlı görüntülərini qələmə alıb
“Qarabağ”ın Çempionlar Liqasında əla başlanğıcından sonra Avroliqa iştirakçılarımızın da azarkeşləri sevindirəcəyini düşünürdük. Hər halda, rəqiblərin Macarıstan, Lüksemburq və Malta təmsilçiləri olması buna əsas verirdi. Qorxduğumuz macarlar idi ki, “Neftçi” “Uypeşt”ə nəfəs dərməyə imkan vermədi və yekunda 3:1 hesablı qələbəyə sevindi. “Qəbələ” ilə “Keşlə” isə bir çox komponentlərdə özlərindən zəif olan komandalara uduzdular. Müvafiq olaraq 0:2 və 1:4. Cavab oyunlarında hansı hesabların qeydə alınacağı öz yerində. Bu gün üçün maraqlı olan həmin ölkələrdə təmsilçilərimiz, başqa cür desək, oyun haqda yazılanlardı.
Macarıstan mətbuatına göz gəzdirdik və demək olar, heç bir xüsusi yazıya rast gəlmədik. Bu ölkədən Bakıya heç bir jurnalist səfər etmədiyindən, saytlar ümumi məlumatla kifayətlənib. Heyətlər, oyunun hesabı və baş məşqçinin fikirləri. Yenilgi fonunda hansısa həmkarımızın “əl işi” rastımıza çıxmadı. Görünür, Macarıstanda köşə və ya müəllif yazılarına yer verilmir.
Əvəzində “cırtdan” saydığımız Lüksemburq saytlarının birində, dəqiq desək, tageblatt.lu saytında olduqca maraqlı yazı qarşımıza çıxdı. Deməli, adı çəkilən saytın xanım əməkdaşı Kristelle Dyederix oyunu Bakıya səfər etməyən Aleksandr Karapetyan və ailə üzvləri ilə birgə izləyib. Dyederix 90 dəqiqə ərzində Karapetyanın hər hərəkətinə diqqət yetirərək, gördüklərini qələmə alıb: “Proqress” dünən Azərbaycanın vittse-çempionu “Qəbələ”ni səfərdə komandanın ən sərrast futbolçusu Aleksandr Karapetyanın yoxluğunda 2:0 hesabı ilə udmağı bacardı. Hücumçu siyasi səbəblər üzündən Bakıya uçan təyyarədə yer ala bilməmişdi. Odu ki, Niderkornda qalmağa məcbur idi. Fürsətdən istifadə edib oyunu birgə izləmək şansı qazanmağım öz təşəbbüsüm idisə, buna razılıq verən “Kara”ya da təşəkkür etməliyəm.
Görüşüb otururuq. Sol ayaqqabısının bağını bağlayır, xristianlara xas əlamətlə sağ əlini iki çiyninə və alnına aparıb dua edir. Üzündəki təri siləndən sonra əsl qladiator görkəmində yerini rahatlayır. Ekranda göstərilən “No racism” (irqçiliyə yox) sözlərindən təsirləndiyini hiss etməmək mümkün deyil. Özünü saxlaya bilmir: “irqçiliyə son” deyirlər, amma siyasi münasibətlərə görə mən komandamın yanında deyiləm”. Dostlarından 4500 kilometr aralı düşən forvard olduqca əsəbi görünür. Üzündə elə bir mimika var ki, sanki hakimin start fitini meydandakılardan daha səbirsizliklə gözləyir.
“Bu gün səhər “vatsap”da uşaqlara yazmışam: ürəyim partlayır, heç cür özümə gələ bilmirəm. Bu dəqiqə sizin yanınızda olmaq istəyirəm” – içində nə hisslər keçirdiyini yaxşı anlayıram. Xanımı təsəlli verir, həyatda hər cür hadisələrə hazır olmasını məsləhət görür. Amma o idmançıdı, mübarizlik var içində. Xanımların nə demək istədiklərini anlamaz.
Yerli Azərbaycan telekanalı Qəbələyə qoşulur. Bu isə o deməkdi ki, bir neçə dəqiqə sonra hakim start fitini səsləndirəcək. “Bu dəqiqə baş məşqçi tuneldə uşaqlara son tapşırıqlarını verir. Futbolçular da səbirsizliklə gözlədikləri Avroliqa matçına çıxmağı gözləyirlər. Kənarda qalmaqdan ağır şey yoxdu. Bir var zədəli olasan, cəzan ola. Amma bu cür durumla üzləşmək...”
İlk dəqiqələrdə meydan sahiblərinin üstünlüyü nəzərə çarpır. Cinah hücumlarını, qapı qarşısına asmaları və künc zərbələrini görən Karapetyan özünü saxlaya bilmir: “Nəsə bu standart vəziyyətlər heç xoşuma gəlmir. “Qəbələ”nin futbolçularını hava toplarına yaxın buraxmaq olmaz”. Meydan sahiblərinin ən fəal oyunçularından olan Qurbanovla Adeniyinin çıxışı diqqət çəkir. Yanımdakı futbolçu da mənimlə eyni fikirdədi. Əslində “Proqres” də pis təsir bağışlamır. Sadəcə, yarımmüdafiə ilə hücum xətti arasındakı əlaqə tez itir. Eyni problem “Qəbələ”də də müşahidə olunur. “Onların ən təhlükəli futbolçusu Manu (Jozef-Monroz) topu hiss etməkdə çətinlik çəkir. Bu onun üçün minusdu. Belə davam etsə, bizim xeyrimizə olacaq”.
Xeyli vaxt əvvəl sifariş verdiyi qəlyan oyunun 20-ci dəqiqəsində hazır olur. Ofisianta narazılığını bildirən anda Sebastyan Till qapı istiqamətinə ünvanlanan ilk təhlükəli zərbənin müəllifi kimi yadda qalır. “Kara” elə qışqırıb, havaya tullanır ki, yanındakı xanımı və iki övladı sanki şoka düşürlər. 30-cu dəqiqədə bu dəfə Olivye Till rəqibin iki oyunçusundan sıyrılıb şansını boşa verir. Erməni futbolçu yenə özünü saxlaya bilmir: “Vur da, bunu vur. Əlinizə bir imkan düşür, ondan istifadə edə bilmirsiz. Amma eybi yox, 0:0 da əla nəticədi”.
Bilmirəm niyə, amma qəfil cavab oyunu haqda düşünür və düşündüklərini bizə danışır: “Gələn həftə burda yağış yağsa, əla olar. Onlar yağışlı havada oynamağa öyrəşməyiblər. Cərimə meydançalarına nə qədər çox top ötürsək, xeyrimizədi. Bacara bilməyəcəklər”. Oyun günü Qəbələdə havanın hərarəti minimum 42 dərəcə idi deyə, “Kara”nın yağışla bağlı proqnozunu anlamaqda çətinlik çəkmirəm.
Hissənin sonları yaxınlaşır. Bayaqdan neçə zəngi qulaqardına vuran futbolçu bu dəfə dəstəyi qaldırır. Ən yaxın dostlarından biridi deyə, saymazlıq etmək istəmir. Xanımı da dəstəyi qaldırmasını xahiş edir. Telefonun o başındakı ürəyini boşaldandan sonra “Kara” başlayır: “Hər şeydən xəbərim var. Oyuna canlı baxıram. Sənə deyim ki, uşaqlar pis oynamırlar. “Qəbələ”nin bir-iki epizodunu çıxsaq, ciddi heç nə yoxdu. Bura azı heç-heçə ilə qayıda bilərlər. Sadəcə, topa nəzarəti rəqibə vermək olmaz. Nisbət 67-nin 33-ə onların xeyrinədi. Görək fasilədən sonra nə olacaq”.
İkinci hissə başlayır və rəqibin ilk hücumundaca Mario Mutş kobud səhvə yol verir. Aleksandr qəzəblənir, özü də çox pis: “Lazım deyil! Bu nədi etdiyin? Bu cür axmaq səhvə görə bir qol vursalar, altından çıxa bilməyəcəyik. Təcrübəli futbolçu, nə edirsən sən? Cərimə meydançası daxilində bu cür səhvə yol vermək ölümə bərabərdi”. Dəqiqələr irəliləyir və “Proqres” oyuna nəzarəti əlinə alır. Karapetyan, elə mən özüm də mümkün qol haqda düşünürük. Və budu, Almeyda hesabı açır: “O kim idi? Almeyda? Halaldı sənə. Qol öz yerində, amma hücum nəyə desən, dəyərdi. Bu oğlan dəhşətdi”. Vurulan qola “Kara”nın azyaşlı oğlunun sevincini görməyə dəyərdi. Sanki nə baş verdiyini anlamır, amma ürəkdən sevinir. Atasının sevincinə şərik olur.
İlk qolun sevincini doyunca yaşamamışdıq ki, hakim meydan sahiblərinin qapısına haqlı penalti təyin edir. Till topu tora qovuşdurunca, azərbaycanlı şərhçinin səsi batır. Və bu an Karapetyan şərhçilik bacarığını nümayiş etdirir. Uca səslə qolun necə vurulduğunu nəql edir, ardınca bir neçə dəfə “qol, qol” qışqırmaqla ətrafdakıları da ayağa qalxmağa məcbur edir: “Bax, indi rahatlaşdım. Amma uşaqlar rahatlaşmamalıdı. Bu futbol elə insafsız oyundu ki. Hər an hər şey dəyişə bilər. Arxayınlaşmırıq, 3-cü qolun dalınca gedirik”.
Oyunun sonrakı bölümündə üstünlük rəqibin tərəfinə keçir. Bu da başadüşüləndi. Təmsilçimiz qələbə hesabını qorumaq istəyir, meydan sahibləri isə qol vurmaq arzusundadı. 22 saatlıq uçuş, 42 dərəcə isti və rəqib meydanı qəhrəman futbolçuların qələbə qazanmasına mane ola bilmir. Moldovalı hakimin final fiti “Proqres”in qələbəsini təmin edir. Karapetyanın sevincinin həddi-hüdudu yoxdu. Qarşısına çıxan hər kəsi öpüb, bağrına basır: “Biz “Borussiya” ilə “Lill”in bacarmadığını etdik. “Borussiya” Azərbaycandakı oyunda qapının toxunulmazlığını qoruya bilməmişdi. “Qəbələ” almanların qapısına yol tapmışdı, amma bizə vura bilmədilər. “Lill”i isə məğlub etmişdilər. Ötən il “Reyncers” səddini keçməyimizə sürpriz adı verənlər bu dəfə də başqa ad fikirləşərlər yəqin”.
Ayağa qalxır, sanki məşqdəymiş kimi isinmə hərəkətləri edir: “Nəyə baxırsız? Cavab oyununa hazırlaşıram”. Bəndənizin “burdan çıxıb kluba gedirsən” sualına cavabı inanılmaz, amma doğru olur: “Nə danışırsız? Dostlarım yorğun halda yol gələcək, mən əylənməyə gedəcəm? Ola bilməz. Maşına, ordan da birbaşa evə gedirəm. Kluba sabah uşaqlarla birgə getmək olar. Səhər tezdən hava limanında komandanı qarşılamalıyam”.
Sonda Malta mətbuatına da göz gəzdirdik. Baxdığımız üç yerli saytın idman bölməsində “Baltsan”ın “Keşlə” üzərində 4:1 hesablı qələbəsi sanki belə də olmalıymış kimi, yəni adi qaydada təqdim olunmuşdu. Təmsilçilərinin rəqib qapısına hansı dəqiqələrdə yol tapdığını yazıblar, bir də matçın stenoqramı, vəssalam. “Keşlə”nin çıxışı, yaxud oyunda görmədiyimiz xüsusi məqamlar haqda heç nə tapa bilmədik.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? 17-03-2019, 14:28 “Xəzər Lənkəran” uduzdu: 9 min manatımızı verin! 17-03-2019, 14:26 Samir Əliyev ərəblərlə oyunlar üçün heyəti açıqladı 17-03-2019, 14:24 Qurbanovlar bir-birini sevindirdi 17-03-2019, 14:03 “Qarabağ” penalti qolu ilə sevindi 17-03-2019, 14:01 Qaxda da mükafatçılar müəyyənləşdi 17-03-2019, 13:56 "Zirə" şərikini udub, başqasına şərik oldu 17-03-2019, 13:54 Zirvədə ikihakimiyyətlik yarandı 17-03-2019, 13:53 Uğursuzlar qalibi müəyyənləşdirə bilmədilər 17-03-2019, 13:51 Şeydayev gündə beş dəfə namaz qılır 17-03-2019, 13:48 İcraiyyə Komitəsinin üzvləri yığmaya uğur arzuladı 17-03-2019, 13:43 “Traktorsazi” zirvəyə yüksəldi 17-03-2019, 13:41 Böyükağa Hacıyev bir ildən sonra sükutu pozdu 17-03-2019, 13:35 Turnir cədvəlində yerdəyişmə olmadı 17-03-2019, 13:33 Gürcülərə uduzdular 17-03-2019, 13:33 Gürcülərə uduzdular 17-03-2019, 13:31 Balayevli “Tobol”dan ardıcıl ikinci qələbə 14-03-2019, 23:12 "Ağsu" paytaxtda sürpriz gerçəkləşdirdi 14-03-2019, 23:10 Klublar Komitəsi PFL-ə məktub göndərəcək 14-03-2019, 23:08 Yurçeviç sürprizlərlə zəngin siyahı açıqladı 14-03-2019, 23:07 “CBC Sport”un iclasında günahkarlara irad bildirilib 14-03-2019, 23:06 “Bürünc “Neftçi”nin daha bir üzvü yubileyini qeyd etdi 14-03-2019, 23:04 Stuxlik özü müəyyənləşdirdiyi tələbləri pozdu 14-03-2019, 23:01 Elxan Məmmədov və PFL rəsmiləri KK-nın iclasına qatıldı 14-03-2019, 22:56 İntizam Komitəsi “Sumqayıt”ı baş məşqçisiz və qapıçısız qoydu 14-03-2019, 22:55 Koçuk Fransa və Türkiyə ilə oyunlara dəvət aldı 14-03-2019, 22:53 “Bakcell Arena”da yalnız qələbə üçün döyüşəcəklər 14-03-2019, 22:50 Elnurla Nazim “Dauqavpils”ə lazım olmadı 14-03-2019, 22:49 Litva 23 futbolçu ilə gəlir 14-03-2019, 22:47 EFA azərbaycanlı uşaqları Avropa üçün hazırlayır 14-03-2019, 22:41 “Sumqayıt” Zakir Mahmudovu işlə təmin etdi 14-03-2019, 22:40 “Qəbələ” ölkəmizi Çempionlar Liqasında təmsil edəcək 14-03-2019, 22:38 Tur sabah başlayıb 10 gün sonra bitəcək 14-03-2019, 22:37 U-19 ADBTİA ilə bacarmadı 14-03-2019, 22:36 Ağatahir Əzimov hamıdan narazıdı 14-03-2019, 22:34 Mustivar Kuba ilə oyuna çağırıldı 14-03-2019, 22:32 Aqolli vida müsahibəsini verib, bəndənizdən şübhələndi 13-03-2019, 12:58 Turun statistikası 13-03-2019, 12:55 Turun məşqçisi 13-03-2019, 12:55 Turdan məqamlar 13-03-2019, 12:52 Yığmanın heyəti açıqlandı 13-03-2019, 12:50 İlham Əliyev Avroliqanın finalı ilə bağlı sərəncam imzaladı 13-03-2019, 12:48 Nikola Yurçevçin siyahısında kimlər yer alacaq? 13-03-2019, 12:46 “Zirə” – “Keşlə” matçını PFL yayınlayacaq 13-03-2019, 12:45 “Atromitos” Əliyarın idarəçiliyindən narazı qaldı 13-03-2019, 12:41 Rövşən Əhmədov oğlunun idarə etdiyi oyunu izləməyib 13-03-2019, 12:40 “Qəbələ”nin məşqçisinə “Tərəqqi” medalı verildi 13-03-2019, 12:39 İlk “3-lük”də dəyişiklik 13-03-2019, 12:37 AÇ üçün 14 nəfərlik heyət 13-03-2019, 12:36 Medvedev Hüseynov qardaşlarını qabaqladı 13-03-2019, 12:34 Turnirdə ikinci məğlubiyyət 13-03-2019, 12:32 “Sabah”lıların hərəsi uğursuzluğa bir səbəb göstərdi Bütün xəbərlər
Ən çox oxunanlar