10 iy 17:55manset

Ruslan Abışov nə “Uypeşt”dən, nə də “Sevilya”dan çəkinir

Ruslan Abışov nə “Uypeşt”dən, nə də “Sevilya”dan çəkinir
“Çox istərdim “Bakcell Arena”da oynayaq”
Mövsüm başa çatar-çatmaz Tərlan Əhmədovu yola salan “Neftçi” rəhbərliyi uğur qazanmağın tək yolunu əcnəbi mütəxəssislə güclənməkdə gördü. Və çox keçmədən bu niyyətlə ötən mövsüm “Şerif”i Avroliqanın qrupuna daşımış Roberto Bordinlə müqavilə imzalandı. İtalyan mütəxəsssisin gəlişindən sonra transferlər sıralanmağa başladı. Odu ki, 10-a yaxın yerli və əcnəbi futbolçu “Neftçi”ylə müqavilə bağladı.
Baş məşqçisi və futbolçularının əksəriyyəti yenilənən komandanın yeni mövsümdə necə təsir bağışlayacağı maraqla gözlənilir. Lakin bir faktı – “ağ-qaralar”ın 4 yoldaşlıq görüşünün hamısında qalib gəldiyini düşünəndə, gələcəyə ümidlə baxmaq olur. Bir məqam da var ki, sınaq matçları aldadıcı olur. Yəni hazırlığın əsl qiymətini avrokubok matçları verir. Həmin oyunlar isə iyulun 12-si və 19-da “Uypeşt”lə baş tutacaq. “Neftçi” necə görünəcək, mərhələni kim adlayacaq, Bordin nəyi dəyişib – bu sualların cavabına iki görüşün yekununda aydınlıq gələcək. İndiki məqamda isə bizi maraqlandıran suallara cavab tapmağa çalışdıq. Təbii ki, komandanın təcrübəli kapitanı Ruslan Abışovla söhbətdə.
- Türkiyə toplanışından sonra, yəqin ki, müəyyən yorğunluq var...
- İstirahətdən sonrakı məşq prosesləri həmişə ağır olur. Bu da başadüşüləndi. Bəli, ağır məşqlərdən sonra müəyyən yorğunluq var idi. Lakin hazırda özümü gümrah hiss etdiyimi deməliyəm. Bütün diqqətimizi “Uypeşt”lə oyunlara ayırmışıq.
- Yeni baş məşqçi və yeni futbolçular. Komandada ümumi ab-hava necədi?
- Dediyiniz kimi, baş məşqçimiz yenidi. O da bacardığı qədər bizə nələrisə başa salmağa, öyrətməyə çalışır. Biz də öz növbəmizdə Bordinə diqqətlə qulaq asır, tələb və istəklərini yerinə yetirməyə çalışırıq. Deyərdim ki, daxildəki ab-hava ürəkaçandı. Nədənsə gileylənməyə, narazılıq etməyə haqqımız yoxdu.
- Yeni transferlərin “Neftçi”yə uyğunlaşma prosesinin başa çatdığını demək olar, yoxsa hələ də həmin prosesi keçməkdədilər?
- Yenilərdən Tural Axundovla Rəşad Eyyubov özümüzkülərdi. Onların nəyəsə uyğunlaşmasına ehtiyac yoxdu. Baqali Dabo ilə Dario Federiko da “azərbaycanlılardı”. Artıq neçə illərdi ölkəmizdə top qovurlar, hər şeydən xəbərdardılar. Onların da nədəsə çətinlik çəkdiklərinə inanmıram. Yalnız digər üç nəfərin – Slavko Braliç, Qoran Paratski və Kvame Karikarinin müəyyən çətinliyi ola bilər ki, onlar da hamıya qaynayıb-qarışır, deyib-gülürlər. Biz yerli futbolçular da həmin oyunçuların komandaya daha tez uyğunlaşması üçün onlarla ünsiyyət qurur, bilmədiklərini başa salırıq. Fikrimcə, ciddi problem olmayacaq.
- Qeyd etdiyin kimi, yaxından tanımadığımız üç legioner var. Maraqlıdı, kapitan kimi onların səviyyəsini necə qiymətləndirirsən? Səncə, “Neftçi”ni yüksək zirvələrə daşıya biləcək gücdədilər?
- Hər biri bacarıqlı, istəkli, belə deyim, “Neftçi”yə kömək edə biləcək gücdə futbolçulardı. Hansı kluba gəldiklərinin fərqindədilər. Məncə, azarkeşlərin də dəstəyi sayəsində ən qısa zamanda hər kəsin sevgisini qazanacaqlar. Sadəcə, uyğunlaşma prosesini tez başa vurmalıdılar.
- Bordin məşqlərdə əsasən nəyə üstünlük verir? Oyun fəlsəfəsi necədi?
- Hücum futbolunun tərəfdarıdı. Topla müdafiədən hücuma tez çıxmağımızı və topa daha çox nəzarət etməyimizi istəyir. Bir sözlə, müasir futbolun incəliklərini tələb edir.
- İtalyan mütəxəssis və hücum futbolu? Bir az təəccüblüdü sanki...
- Hücum futbolu o demək deyil ki, 90 dəqiqə irəlidə “oturmalıyıq”. Əlbəttə, ilk növbədə intizamlı oyunun tərəfdarıdı. Daha çox topla davranmağımızı və rəqibi daim təzyiq altında saxlamağımızı istəyir. Əlbəttə, fiziki hazırlığa da xüsusi önəm verir.
- İtalyanlar deyib-gülən, zarafat edən, kefikök adamlar olur. Bordin istisna deyil ki?
- Xeyr, qətiyyən. Tipik italyandı. Dediyiniz keyfiyyətlər onda var. Futbolçularla səmimi olmağı xoşlayır. Amma aradakı ciddiliyi itirmədən. Belə deyim, sərt üzü də var, deyib-gülməyi də xoşlayır.
- Qarşıdan “Uypeşt”lə vacib oyunlar gəlir. Azarkeşlər sizdən nə gözləsin?
- Bilirəm ki, hər kəs yenilənmiş “Neftçi”ni iş başında görmək istəyir. Açıq desəm, bu, özüm üçün də maraqlıdı. Yoldaşlıq oyunları öz yerində, amma rəsmi görüşlərin həyəcanı, ab-havası başqadı. Müasir futbolda “asan yem” kimi baxacağın rəqib yoxdu. Bildiyiniz kimi, “Uypeşt” köklü klubdu, təcrübələri var. Məqsədimiz ilk oyunda sərfəli nəticə qazanmaqdı. Bunu bacarsaq, cavab görüşündə işimiz rahat olar. Hər şey özümüzdən asılıdı. Yaxşı hazırlıq keçmişik, qalır işin psixoloji tərəfi. Matça lazımınca köklənməli, qələbə qazanmalıyıq. İnşallah, bunu bacarıb, azarkeşlərimizi sevindirəcəyik.
- “Uypeşt”i təhlil etmək imkanınız olub?
- Düzü, bu vaxta qədər əsas diqqəti öz oyunumuza ayırmışdıq. Qarşıda 3-4 gün zamanımız var. Bu müddətdə komanda şəklində yəqin ki, oyunlarına baxıb, təhlillər aparacağıq. Lakin özüm internet qaynaqlarında “Uypeşt”in müəyyən oyunlarını izləmişəm, məlumatlar toplamışam. Oyun saatına qədər baş məşqçimiz də rəqibin güclü və zəif cəhətləri barədə öz məlumatlarını, tapşırıqlarını verəcək.
- İkinci mərhələdəki rəqibin “Sevilya” olacağını nəzərə alsaq, hədəfiniz nədi?
- Bu dəqiqə əsas məqsədimiz “Uypeşt” səddini adlamaqdı. Yalnız və yalnız buna köklənmişik. Bacarsaq, Avropanın tanınmış komandalarından biri olan “Sevilya” ilə qarşılaşacağıq. Amma yenə də sona qədər mübarizə aparıb, növbəti mərhələyə adlamaq haqda düşünəcəyik.
- Yəqin ki, “Sevilya”nın adını eşidəndə təəssüfləndiz...
- Təəssüfləndiz deməzdim. Əksinə, bu cür komandalara qarşı oynamaq, İspaniyada çox sayda azarkeşin qarşısına çıxmaq xüsusi hissdi. Bir futbolçu kimi “Sevilya”nın adını eşidəndə sevindim. Sadəcə, bu oyunun ikinci mərhələyə təsadüf etməsi üzücü oldu. Əsas “Uypeşt”i keçək, qalanı öz əlimizdədi. Bu dəqiqə məğlubedilməz komanda yoxdu. Hazırda davam edən dünya çempionatında nələrin baş verdiyini görürsüz. Ona görə də qorxub-çəkinməyə ehtiyac yoxdu. Sadəcə, istəmək, sona qədər döyüşmək lazımdı.
- Türkiyə toplanışında qazandığınız ardıcıl dörd qələbənin futbolçuları arxayınlaşdıra biləcəyindən ehtiyatlanmırsan?
- Xeyr, qətiyyən. Əksinə, bu qələbələr psixoloji baxımdan bizə çox lazım idi. Artıq futbolçularda qələbə əzmi formalaşıb. Hamı başa düşür ki, qalib gəlmək öz əlimizdədi. Makedoniya “Şkupi”si yetərincə ciddi rəqibdi. Onları məğlub edə bildiksə, deməli, istənilən rəqibə qarşı oynayıb, lazım olan nəticəni qazanmaq olar. Yoldaşlıq oyunlarındakı nəticələrin aldadıcı ola biləcəyi ehtimalını da yaddan çıxarmırıq.
- Maraqlıdı ki, “Neftçi” rəqibini “Bakcell Arena”da yox, “Dalğa”da qəbul edəcək. Üstəlik, növbəti mərhələyə adlasaz, “Sevilya” kimi ünlü rəqib də Mərdəkanda meydana çıxmağa məcburdu. Bu məqam sizi narahat etmir?
- Əlbəttə, “Bakcell Arena”da oynamaq bizə rahatdı. Həm meydana alışmışıq, həm də azarkeşlərin dəstəyini daha yaxşı hiss edə bilirik. Orda oynamağımız rəqiblər üçün də təhlükəlidi. Çox istərdim “Bakcell Arena”da oynayaq. Lakin orda təmir işləri gedir, edə biləcəyimiz bir şey yoxdu. Eybi yox, çalışıb lazım olan qələbələri “Dalğa”da qazanmalıyıq.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib Bütün xəbərlər
Ən çox oxunanlar