09 fev 16:16manset

“Mahir Mədətov oğlumun dostudu, mən də atasıyla dostluq edirəm”

“Mahir Mədətov oğlumun dostudu, mən də atasıyla dostluq edirəm”
İlqar Muradov vaxtilə “Sevinc kuboku”nda oynayıb
“Hərdən futboldan danış!” rubrikasının budəfəki qonağı həzin mahnılarıyla ürəkləri oxşayan tanınmış müğənni İlqar Muradovdu. İlqar bəylə futbol haqda danışdıq, musiqiylə bu oyun arasında paralellər apardıq və bəzi maraqlı məqamları ortaya çıxardıq.
“Uşaqlıqda futbolu əyləncə üçün oynamışam, sonradan musiqi mənə güc gəldi”
- Futbola marağınız hardandı və neçə yaşından bu idman növünü izləyirsiz?
- Kiçik yaşlarda özüm də futbol oynamışam. Məhəllə komandasında çıxış edirdim. Bəlkə eşidərsiz, o vaxt “Sevinc kuboku” var idi. Mən hardasa 1965-70-ci illərdən danışıram. Onda məhəllə komandaları bir-biri ilə turnir çərçivəsində qarşılaşırdı. Bu həm də respublika birinciliyi idi. Mən də həmin məhəllə komandasında oynamışam. Komandanın adı da “Vostok-6” idi. Hətta o vaxtlar səhv etmirəmsə, ikinci yerə də çıxmışdıq.
- Bəs o vaxt peşəkar futbolçu olmağı arzulayırdız?
- Yox. Mən onda musiqi məktəbinə də gedirdim. Düzü, uşaqlıqda futbolu əyləncə üçün oynamışam. Amma sonradan musiqi mənə güc gəldi.
- Bəs mövqeyiniz nə idi, harda oynayırdız?
- Əslində o peşəkar səviyyə deyildi. Orta məktəb uşaqları arasında keçirilən turnirlərdə müdafiədə oynayırdım.
- Heç qol vururduz arada?
- Hərdənbir olurdu, əlbəttə (gülür)
- Bəs müdafiədə etibarlı idiz?
- Çox köhnə söhbətdi, uşaqlıq illərindən gedir söhbət, futbola, sadəcə, sevgi var idi. Bütün uşaqlarda belə idi…
- Bəs uşaqlıqda ekran qarşısında əyləşib futbola baxan olmusuz?
- Uşaqlıqda biz “Neftçi”yə daha çox azarkeşlik edirdik. “Neftçi”nin çempionat və kubok oyunlarını izləyirdik.
- Bəs indiki Tofiq Bəhramov adına Respublika stadionuna “Neftçi”nin oyuunlarını izləməyə gedirdiz?
- Əslində uşaqlığım Naxçıvanda keçib. 1981-ci ildən Bakıya gəlmişəm. Amma təbii ki, Tofiq Bəhramov adına Respublika stadionunda çox olmuşam. “Neftçi”nin parlaq vaxtlarında…
- Belə çıxır, “Sevinc kuboku”nu Naxçıvanda oynayırdız…
- Biz Naxçıvan komandası kimi çıxış etmişdik, ancaq respublika birinciliyi səviyyəsində oynayırdıq. Biz orda 2-ci yeri tutmuşduq və nəticədə Naxçıvandan Bakıya gəlmişdik.
“Məncə atası Mahir Mədətovla qürur duyduğuna görə tez-tez onun haqda danışır"
- Bəs beynəlxalq səviyyədə hansı yığma və kluba azarkeşlik edirsiz?
- Siz deyən elə də azarkeş deyiləm. Amma DÇ və AÇ-nin final mərhələsinin oyunlarına baxıram. “Qarabağ”a çox azarkeşlik edirəm. Bu komanda bizi çox sevindirir. Orda bir oyunçu da var ki, o, mənim gözümün qabağında böyüyüb. Söhbət Mahir Mədətovdan gedir. O mənim oğlumun dostudu, mən də atasıyla dostluq edirəm. Biz həm qonşu, həm də çox yaxın insan olmuşuq. Bu gün də onun uğurları məni çox sevindirir.
- Mahirin atası Anarın tez-tez mətbuat önünə çıxması cəmiyyət arasında heç də birmənalı qarşılanmır. Hiss olunur ki, Qurban Qurbanov da atasının Mahiri tez-tez reklam etməsinə görə narahatdı. Onun fikrincə, belə məqamlar futbolçunun oyununa mənfi təsir göstərir. Siz bu haqda nə fikirləşirsiz?
- Məncə, atası oğluyla qürur duyduğuna görə tez-tez müsahibələrində onun haqda danışır. O bilsə ki, belə açıqlamalar onun karyerasına ziyandı, bir də onun barəsində reklam səviyyəli çıxışlar etməz.
- Bəs öz oğlunuzun futbola marağı var?
- Hə, var, o da azarkeş səviyyəsində.
- Bəs hansı komandaya azarkeşlik edir?
- Əsasən Türkiyə futbolu ilə maraqlanır. Düzdü, “Qarabağ”a da azarkeşlik edir, amma “Qalatasaray”a ürək bağlayıb.
- İlqar bəy, əski Bakının romantikasını indiki “Neftçi”də görürsüzmü?
- O vaxt futbola sevgi bir az fərqli idi. Düzdü, indiki məqamda “Neftçi”nin varlığı belə bizə şərəf verir. Ümumiyyətlə, vaxtilə bu komandanın şərəfini qoruyan oyunçuların böyük əksəriyyəti ilə münasibətlərim var. Düzünü desəm, futbolumuzun tarixi siması kimi “Neftçi”ylə qürur duyuram.
- Ümumiyyətlə, futbol adamlarından kiminlə münasibətləriniz var?
- Bəli, orta nəslin nümayəndələri ilə dostluq edirəm. Məsələn, Maşallah Əhmədovla yaxın münasibətdə olmuşam. Vaxtilə “Araz”dan “Neftçi”yə keçən futbolçularla əlaqəm olub. O vaxt Əhməd Ələsgərov da “Araz”dan “Neftçi”yə gəlmişdi. Bununla yanaşı, İqor Ponomaryovla yaxşı münasibətlərim olub. Siyahiya İsgəndər Cavadovu da artıra bilərəm. Bir sözlə, əksəriyyəti ilə…
- Ancaq indiki nəsildən heç kimlə, hə? Yalnız Mahiri tanıyırsız?
- Hə, Mahirin adını çəkmək olar. Ola bilər, adlarını unutduğum idmançılar var. Məndə bir az adlarla bağlı unutqanlıq xəstəliyi var (gülür).
“Futbolda olduğu kimi, musiqidə də zəif tərəflərimiz var”
- Özünüz Naxçıvandansız. Mən bu sualı sizə verəcəkdim, özünüz Naxşıvanın adını birinci çəkdiz. Hazırda Naxçıvanın futbolsuz qalması sizi nə dərəcədə narahat edir?
- Ümumiyyətlə, hazırda Azərbaycanda futbol çox yaxşı inkişaf edir. Amma futzalda “Araz”komandası da Naxçıvanı təmsil edir. Mən o komandaya çox azarkeşlik edirəm. Futzalda yetərincə böyük uğurları var.
- Amma böyük futbolda “Araz Naxçıvan” kölgəyə çəkilib. Bir ara premyer-liqamızda çıxış etdi, sonradan yarışdan çəkildi.
- Belə bir məsəl var ki, əslini danan haramzadədi. Naxçıvana bağlı nə şərəfli iş varsa, bu bizim baş tacımızdı. Mən çox istərdim ki, Naxçıvanın komandası da inkişaf etsin və yaxın zamanlarda hətta dünya futbol klubları səviyyəsinə də yüksəlsin (gülür).
- Gəlin, musiqi ilə futbol arasında paralellər də aparaq. Belə deyək də, musiqi də ansambldı, futbol komandası da hardasa ansambla bənzəyir. Niyə bizdə birinci daha yaxşı alınır, ikinci yox?
- Əslində musiqidə də zəif tərəflərimiz var. Biz hələ indi-indi xor musiqisini inkişaf etdirməyə başlayırıq. Bizdə xor, yəni bərabər bir yerdə oxumaq da çox zəif inkişaf edib. Bu bizdə mentallıqla bağlıdı. İstər idman, istərsə də musiqidə fərdi şəkildə uğurlar var, amma bərabər şəkildə olsa, daha böyük uğurlar əldə etmək olar.
- Yəni Üzeyir Hacıbəylinin yaratdığı Dövlət Xor Ansamblında da futbolumuzdakı kimi problemlər olub?
- Bizdə xor həmişə zəif olub. Elə çalğıçılar arasında da belə anlaşma problemi yaşanır. Məncə, bizdə hər sahədə problem var. Hər kəsin özünə məxsus…
- Mahnı oxumaq üslubunuzu futbolda hansı oyun üslubuna bənzədərdiz?
- Futbolu da mənim oxuduğum üslubda oynasalar, bu idman növü teatrallaşar. Məndə əsasən lirikadı. Futbolda isə daha cəld və atəşfəşanlıqla çıxış etmək lazımdı.
- Sizin düşüncənizlə, futbol daha sərt oyundu…
- Bəli, mən məhz belə düşünürəm.
- Amma bu oyunda yaradıcılıq da var axı. Nağıl kimi ötürmələr, gözəl kombinasiya və qol…
- Təbii ki, futbolun özündə də teatrallıq var. Amma musiqidən fərqli futbolun ritmi tam fərqlidi. Futbolda gözəl oyunun və gözəl ötürmələrin öz yeri var...
- İlqar bəy, bizdə cəmiyyət arasında yığmada oynayan legionerlərə biganəlik var. Hamımız istəyirik ki, millimizdə ancaq yerli futbolçular oynasın. Təəssüf ki, istər futzal, istərsə də futbol yığmamızda legionerlər də çıxış edir. Bəs musiqidə vəziyyət necədi? Hansısa ölkədən gəlib Azərbaycan musiqisini təbliğ etməklə bu nə dərəcədə bənzər haldı?
- Düşünürəm ki, başqa ölkədən gəlib bizim musiqini ifa etsələr, musiqimizin zənginliyini dərk etsələr, bu xalqımızın musiqisinə çox böyük təkan sayılar. Bu çox gözəl işdi. Azərbaycan musiqisini dünya musiqisiylə sintez edəndə ortaya çox yaxşı əsər çıxır. Futbola gəlincə, təbii, biz çox istərdik ki, komandanın bütün üzvləri azərbaycanlılar olsun. Çünki idman bir az musiqidən fərqlənir. Hamısı azərbaycanlı olsa, bu çox yaxşı alınardı, ancaq komandanın ümumi gücünə görə yəqin ki, hələlik başqa yerdən oyunçular dəvət edirik.
- Belə çıxır, indiki şəraitdə bunu məqbul sayırsız.
- Bəli, fikrimcə, güclü oyunçuların dəvət olunması yaxşı haldı. Bu işdə onlar bizə çox yaxşı təkan verir.
- Təbii ki, nəticəyə yaxşı mənada təsir edirsə, sizinlə razıyam. Amma bu həmişə belə olmur. Di gəl ki, musiqidə Manana kimilərin bizə uyğunlaşdığını görürük.
- Elədi, musiqidə daha yaxşı uyğunlaşma görürük.
- Bir problemli məqamı da qabartmaq istəyirəm. Etiraf edək ki, “Qarabağ”ın avrokuboklardakı çıxışını istisna etsək, bizdə stadionlar dolmur. Azərbaycan çempionatının oyunlarını izləməyə çox az azarkeş gəlir. Məsələ ondadı ki, konserts salonları haqda bunu söyləmək olmur. Hansısa müğənni konsert verəndə çox vaxt anşlaq yaşanır. Hətta eləsi var ki, neçə gün dalbadal konsert verir. Niyə konsert salonları dolur, amma stadionlar dolmur.
- (gülür). Əslində çox maraqlı sual verirsiz. Bizim xalqımız çox musiqisevərdi. Kaş onlar idmanı da musiqi kimi sevəydi. Stadiona ola bilər hava şəraiti, tənbəlliik və ya problemlərlə bağı camaat axışmır. Ancaq elə konsertlər var ki, orda da anşlaq olmur.
- Buna rəğmən, qəbul edirsiz ki, Azərbaycan musiqisi futbolumuzdan daha üstdədi.
- Yox, mən elə demirəm. Düzdü, Azərbaycan musiqisi dünyanın ən zəngin musiqisidi. Mən bunu deyə bilərəm.
- Qastrol səfərlərinə gedəndə məşhur stadionlarda hansısa oyuna baxmaq fikrinə düşmüsüzmü?
- Səmimi desəm, xarici ölkələrdə belə stadionlarda olmamışam. Ancaq belə imkan əldə etsəydim, təbii ki, maraqlı olardı.
“Tarixin ən güclü futbolçusu? Pelenin adını cəkərdim”
- Xarici futboldan söz düşmüşkən, artıq klassikləşən bir sualı sizə vermək istərdim: Messi, yoxsa Ronaldo?
- (gülür). Hər ikisi. Həm Messinin, həm də Ronaldonun oyunundan həzz alıram. İnanın, çox səmimiyəm. Onlar seçilmişlərdi. Belə bir atalar sözümüz var: hansı barmağı kəssən, qan çıxar. Onlar futbolun ən tanınmış ulduzlarıdı. Ola bilər, hansısa komponentdə güclü və zəif olmaq mümkündü, buna rəğmən, reytinqləri dünya səviyyəsindədi. Onlar seçilmişlərdi, Tanrı onlara böyük istedad bəxş edib.
- Sizcə, Maradona onların ikisindən üstündü?
- Peledi, Maradonadı, onların öz dövrü var. Futbol get-gedə inkişaf edir, başqalaşır. Hərəsi öz dövrünün ulduzlarıdı.
- Bəs sizcə, tarixin gəlmiş-keçmiş ən güclü oyunçusu kimdi?
- Pelenin adını çəkərdim.
- Pelenin oyunlarını izləmisiz?
- Əlbəttə, Pelenin oyunlarına baxmışam. Özü də sevərəkdən…
- Yığma komandalardan kimə azarkeşlik etmisiz? Pelenin adını birinci çəkdizsə, oyunlarını sevərəkdən izlədiyinizi söylədiszə, onda Braziliya deyərsiz…
- Hamımız futbolun Braziliyada necə inkişaf etdiyini bilirik də. Biz gözümüzü açandan Braziliya seçilmiş komanda olub.
- Qarşıdan DÇ gəlir. Özü də yaxın yerdə, yəni Rusiyada keçiriləcək. Gedib baxmaq fikriniz var?
- Yox, hələ belə planım yoxdu. Amma DÇ-yə stadiondan baxmaq arzum var. İmkanım olsa, böyük məmnuniyyətlə ora gedərdim.
TAHİR MİRZƏ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:09 “Kəpəz” rəhbərliyi Mehman Allahverdiyevi yubileyində yada salmayıb Bu gün, 12:05 PFL Antalyaya böyük heyətlə gedib Bu gün, 12:00 Şok iddia: AFFA Qriqorçukla danışıq aparır Bu gün, 11:58 Niassenin məsələsində nöqtə qoyulmayıb Bu gün, 11:54 “Zirə” Antalyada qələbə həsrətinə son qoydu Bu gün, 11:46 Buzovna “Xəzri”si necə yaşayır? Bu gün, 11:20 "Modern Hospital"da məskunlaşan yığma natamam heyətlə hazırlaşır Bu gün, 11:16 "Viktoriya” Fərid Nəbiyevin transferini açıqladı Bu gün, 10:58 30 il əvvəl, məhz bu gün... Bu gün, 10:48 Deviç “Sabah”a döndü Dünən, 12:30 Şəhriyar övladları ilə bir arada Dünən, 12:28 Biletlərin 81 faizi xarici ölkə vətəndaşlarına satılıb Dünən, 12:25 AFFA Azad Həmkarlar İttifaqı İlham Əliyevə müraciət hazırlayır Dünən, 12:19 Yunis Hüseynov Antalyaya gedir Dünən, 12:15 İcra başçısı ilə görüşün təşəbbüskarı şəmkirli məşqçilər olub Dünən, 12:13 Dario Federiko yoxlama oyununda qol vurdu Dünən, 12:11 “Sumqayıt” 7 qolun vurulduğu oyunu uduzdu Dünən, 12:10 MTK gücünü “Qəbələ”yə göstərdi Dünən, 12:07 Amit Quluzadə Albaniyaya qayıtmaq istəyib Dünən, 12:05 “Turan Tovuz” rəhbərliyinə premyer-liqa ilə bağlı heç nə deyilməyib Dünən, 12:04 U-19 hər ay toplanış keçəcək Dünən, 12:02 Hakimlərimiz beynəlxalq arenada nəinki yerində sayır, hətta geri gedirlər Dünən, 11:59 Bakı metrosunda əcaib irqçilik Dünən, 11:56 Kintananın getmək qərarının arxasındakı sirr 8-01-2020, 11:16 Mirabdulla “Neftçi”yə qayıtdı, Rıbka da gedir 8-01-2020, 11:14 PFL kubokun finalının yeri ilə bağlı yekun qərar verməyib 8-01-2020, 11:09 “Neftçi”ylə “Zirə”nin 200 mini əlində qaldı 8-01-2020, 11:07 Bordinin taleyinə bu gün aydınlıq gəlməlidi 8-01-2020, 11:03 Almeydadan xəbər yoxdu 8-01-2020, 11:00 Güloğlan Cabbarov deputat olmaq istəyir… 8-01-2020, 10:54 “Ümid edirəm ki, “Səbail” futbolda özünəməxsus tarix yazacaq” 8-01-2020, 10:50 İl yeniləndi, dekadanın acıları unudulmadı 3-01-2020, 16:35 Ümummilli sorğuda 2-ci dəfə qapıçı qalib gəldi! 3-01-2020, 16:26 “Zirə”dən Elvinə “get” deyən olmayıb 3-01-2020, 16:13 Teymur Rəcəbov 2019-un ən yaxşı idmançısıdı! 3-01-2020, 11:00 “Sabah”ın ilk transferi Marina oldu 3-01-2020, 10:54 Veteranların duelini “Sumqayıt” qazandı 3-01-2020, 10:48 Cəfərquliyevlə Həsənov AFFA-nın qərarıyla razılaşmır 3-01-2020, 10:45 “Qəbələ”: 2019-dan 12 məqam 31-12-2019, 08:18 Ruslan qış fasiləsinin dönüş nöqtəsi olacağını düşünür 31-12-2019, 08:13 Musa Qurbanlı “Qarabağ”ı tərk edə bilər 30-12-2019, 21:22 Agentlərin qış “transfer pəncərəsi” ilə bağlı gözləntiləri 30-12-2019, 21:00 Şahin Zəkiyev “Keşlə”də haqsızlıqla üzləşib 30-12-2019, 20:55 “Azərbaycandan gələn təklifləri gözdən keçirmək fikrim yoxdu” 30-12-2019, 11:04 Mənzilin verilməsi Vladislav Qədirov üçün sürpriz olub 30-12-2019, 11:01 Aftandil Hacıyev: “Elə oyunçular var ki, 3-4 aydı pul ala bilmirlər” 30-12-2019, 10:58 Elvin Yunuszadə yerli klublarla danışıq aparır 30-12-2019, 10:55 Yaşar Vahabzadə “Kəpəz”in oyunlarının videoyazısını dəfələrlə izləyir 27-12-2019, 12:41 Güləş ailəsi bir araya gəldi 27-12-2019, 12:39 Riçard “Qarabağ”dan 1 milyon tələb edir 27-12-2019, 12:37 “Neftçi” rəhbərliyi Bordini yola salmağın planlarını cızır 27-12-2019, 12:35 “Forza Neftçi”nin rəhbəri üsyan edir 27-12-2019, 12:31 Yunanov “Sumqayıt”dan ayrılmağı düşünmür 27-12-2019, 12:29 “Azarkeşlərin AFFA-ya qarşı mübarizəsini parlamentdə də davam etdirəcəyik” 27-12-2019, 12:26 “İlin futbolçusu” sorğusu: adlar və tanıtma 27-12-2019, 12:24 Milli Olimpiya Komitəsində 2019-a yekun vuruldu 27-12-2019, 12:20 AFFA, “Neftçi” və “Qəbələ”… Bütün xəbərlər
Ən çox oxunanlar