04 fev 15:11manset

Ramin Musayev bilərəkdən Tərlan Əhmədovun zənglərinə cavab vermir

Ramin Musayev bilərəkdən Tərlan Əhmədovun zənglərinə cavab vermir
“Bəzi klubların izinə düşmüşük, rusların sözü olmasın, “vot-vot”du”
Hakimlərin, “Səbail”in və jurnalistlərin qaldığı “Mirakl” otelində PFL prezidenti Ramin Musayev də məskunlaşıb. Günortalar şəxsi görüşləri olan, o qədər də gözə dəyməyən qurumun rəhbəri ilə şam yeməyindən sonra rastlaşırıq. Şirin zarafatları, üzləşdiyi maraqlı əhvalatları dilinə gətirməklə bir növ arada səmimiyyət yaradır. Bir neçə jurnalist ayrı-ayrılıqda Musayevdən müsahibə götürmək istəsə də, bunun xeyli vaxt aparacağını və artıq əziyyət olacağını deyən PFL-in sözçüsü Aslan Şahgəldiyev ən yaxşı variant kimi mətbuat konfransında sorğu-sual etməyi irəli sürdü. Dünən saat 12.00-da otelin konfrans zalında görüşüb, bizi maraqlandıran suallara cavab tapdıq. Ramin bəy öncə düşündüklərini dilə gətirdi: “Təklifimizi qəbul edib yanımızda olduğunuz üçün hər birinizə təşəkkür edirəm. Bizim üçün də xoş oldu. Zəhmətiniz çoxdu, əziyyət çəkirsiz. Həm AFFA rəhbərliyi, həm də öz adımdan sizə təşəkkür edirəm. Bu cür təlim-məşq toplanışları artıq xeyli vaxtdı ənənə halını alıb. Bu təşəbbüsün səbəbkarları da Rövnəq Abdullayevlə Elxan Məmmədovdu. İstirahət etməklə yanaşı, klublarımızın nə işlə məşğul olduğunu görə bilirik. Hakimlərin Antalya toplanışında idarə etdikləri oyunların sayı mövsümboyu idarə etdikləri matçların sayına bərabər olur. Bu dəfə 74 oyunda iş başında oldular. Məqsədimiz hakimlərin fiziki və nəzəri cəhətdən “artırmasına”, kiminsə haqqının tapdanmamasına çalışmaqdı. Özünüz də görürsüz ki, hakimlər hər gün səhər 7-də məşqçi Namiq Quliyevi gözləyirlər. Tək hakimlər yox, klubların işiylə də maraqlanırıq. Düzdü, təsir etmək imkanımız yoxdu. Amma sabah kimsə söz deyəndə, biz də sözümüzü deyə biləcəyik. Mən səmimiyyəti sevirəm. Və heç kimə “bunu yazma” deməmişəm. Sadəcə, haqqına yazmağı xahiş edirəm. Nə varsa, hamı bilməli, görməlidi”.
“Çox gözəl uşaqdı, amma atası ona mane olur”
- Əsas hakimlərdən Fariz Yusifov hazırlıqda iştirak etmədi. Halbuki çempionatda ən ağır oyunlar ona həvalə olunur.
- Bir dəfə futbola baxırdıq. Həmkarınız Əli dedi ki, bu nə hakimlikdi, Xaqani Məmmədov meydanın ortasında kreslo qoyub otursa, bundan yaxşı hakimlik edər. Söhbət təcrübədən gedir. Fariz karyerası ərzində özünü sübut etmiş adamdı. Fiziki hazırlığına söz ola bilməz. Çalışdığı sahə də bunu tələb edir. Ona görə də narahatlığa ehtiyac yoxdu. İnanıram ki, yenə həmişəki Fariz Yusifovu görəcəyik.
- Tərlan Əhmədovun “Neftçi”yə gəlişində az rolunuz olmamışdı. Hətta ona zamin durduğunuz deyilirdi. Əldə etdiyimiz məlumata görə, hazırda münasibətləriniz qaydasında deyil, hətta Əhmədovun telefon zənglərinə də cavab vermirsiz. Soyuqluq var?
- Siz cavansız, bir az yaşlılar xatırlayar. SSRİ dövründə bir insan Kommunist Partiyasına üzv seçilmək istəyəndə, üç nəfər onun namizədliyinə zamin durmalıydı. Danmıram, mən də Tərlan Əhmədovun “Neftçi”də çalışması üçün zamin olmuşam. İndiki zamanda bankların belə bir qanunu var ki, zamin duranları daha çox incidirlər (gülür). Tərlan Əhmədov yaxşı məşqçidi, gözəl insandı. Ona görə də namizədliyini irəli sürdüm. Az öncə dediyim kimi, klublarda çalışanların nə işlə məşğul olduğu haqda xəbərim var. Və mənə məlumat daxil oldu ki, Tərlan Əhmədov bəzi vaxtlarını komandadan kənarda keçirir. Mən də ona ismarıc göndərdim ki, sənə zamin durmuşam. Ona görə də ondan incimişəm. Bəzi adamlara sözlə təsir etməlisən, bəzilərinə hərəkətlə. Tərlan Əhmədovun zənglərinə cavab verməməyim onun üçün böyük zərbədi. Tərifləmək istəməsəm də, deyəcəm. Tərlan Əhmədov yaxşı oğlan, yaxşı məşqçidi.
- “Neftçi”nin son mövsümləri titulsuz başa vurması nə ilə bağlıdı? “Neftçi”də çalışmış, bu klubu sevən adam kimi klubun, komandanın daxilində nələrin baş verməsindən xəbərdarsız?
- Vallah, bunu çox şişirdirik. Klubda pis heç nə yoxdu. Hamı öz işiylə məşğuldu. Orxan Hüseynzadə qabiliyyətli oğlandı, klubda nələrinsə baş verdiyinə inanmıram. Söz-söhbət nəinki klubun içində, hər bir ailədə var. Sizin ailədə də, bizim ailədə də.
- Klubların hazırlıqlarını izlədiyinizi, nöqsanları gördüyünüzü dediz. Bəlkə həmin səhvləri indi açıqlayasız.
- Burda açıqlama vermək istəmirəm. Elə adam var ki, səhvini başa düşür, sənə hörmətlə yanaşır. Eləsi də var ki, bunu başqa cür başa düşür. Ona görə də vaxtı gələndə sözümü deyəcəm. Mən sözü boşuna deyən adam deyiləm. Həm də belə şeyləri mətbuata açıqlamaq düzgün deyil. Lazım gələndə bildiklərimi, gördüklərimi dilə gətirəcəm. Sabah kimsə sponsorun qarşısında bəraət qazanmaq üçün AFFA ilə PFL-i suçlayanda, mən də öz növbəmdə lazım olan sözləri deyəcəm.
- Hakimlərin hazırda hansı formada olduğunu bilirsiz, görürsüz. Qış fasiləsindən sonra “Qarabağ”la “Qəbələ” arasında keçiriləcək gərgin oyuna hansı referini layiq görürsüz?
- Bu günə qədər hansı hakimin hansı oyuna getməsi ilə bağlı istəyimi irəli sürməmişəm. Halbuki müqavilə əsasında bunu etməyə ixtiyarım var. Çempionatı keçirən qurum rəhbəri kimi məndə məlumatlar olur. İradlarımı bildirməyə ixtiyarım var. Amma deyə bilmərəm ki, Əlini yox, Vəlini qoy. Sadəcə, iradlarımı bildirə bilərəm. “Qarabağ”la “Qəbələ” arasındakı oyun çempionluğun taleyini həll etmir. Hələ qarşıda neçə tur olacaq. Rauf Cabbarov, Fariz Yusifov, Əliyar Ağayev və digər hakimlərimiz də bu matça təyinat ala bilər. Rövşən Əhmədovun oğlu hazırda hakimlik edir – Rəşad Əhmədov. Çox gözəl uşaqdı, amma atası ona mane olur. Çünki Rövşən tələsir. O istəyir ki, uşaq birdən-birə yetişsin. Hər şeyin vaxtı var. Rəşad bu gün artıq hazırdı. İnanıram ki, həmin oyunu ona versək, gözəl idarəçilik edə bilər. Sadəcə, Rəşada mənim kimi insan dəstək verməlidi. Mən də buna hazıram.
“Elə burdan səslənirəm ki, Xaqani müəllim, sən də hazırlaş”
- Çempionatın qalan hissəsindəki mübarizəni necə qiymətləndirirsiz? Sizcə, çempion kim olacaq?
- Çempionun kim olacağını deyə bilmərəm. Yoldaşlıq görüşlərində komandalarımızın uduzması onların zəifliyi demək deyil. “Səbail”in matçında oldum. Gördüm ki, baş məşqçi bəzi futbolçuların mövqeyini dəyişib. Bunu Qurban Qurbanovda da görmüşəm. Bu il daha çox 3-4-cü yerlər uğrunda çox böyük mübarizə gedəcək. Elə burdan səslənirəm ki, Xaqani müəllim, sən də hazırlaş (gülür).
- Birinci divizionla bağlı fikirləriniz necədi? Aşağı dəstədən premyer-liqaya komanda çıxacaq?
- Açığı, birinci divizionla bağlı sualı daha əvvəl gözləyirdim. “Xəzər” klubu çox xoşuma gəldi. Bu dəqiqə bizim üçün premyer-liqadan vacib aşağı dəstədi. Çünki uşaqlar ordan yetişib gəlməlidi. Birinci onu deyim ki, istər AFFA rəhbərliyi, istərsə də PFL rəhbərliyi kənardan maliyyələşən klubların sayının çox olmasını istəyir. Yəni şəxsi büdcələri hesabına ayaqüstə dayana bilsinlər. Elə klublar var ki, deyir, adımızı püşkatmaya əlavə et, davamı gələcək. Amma gəlmir. 1-2 dəfə başımıza gəlib. Ona görə də növbəti səhvə yol vermək istəmirik, ehtiyatlı davranırıq. Hansısa komandanın çempionatı yarımçıq tərk etməsini istəmirik. Çox istərdim ki, aşağı dəstədən premier-liqaya komandalar gəlsin. “Xəzər” rəhbərliyi ilə Antalyada söhbətim oldu və mənə sual verdilər ki, premyer-liqaya gələ bilərik? Dedim, niyə də yox?! Tək Bakıda olan komandalar yox, bölgələrdən də gəlsinlər. Sırf futbolun inkişafı naminə gəlmək istəyənlər olsa, biz onlara dəstək olacağıq. Hə, onu da deyim ki, birinci divizionda növbəti çempionat tam fərqli olacaq. Bu mövsüm başa çatmamış, ola bilsin, 1-2 komandanı yola saldıq. Bəzi klubların izinə düşmüşük, rusların sözü olmasın, “vot-vot”du. Elə klublardı ki, inanmağınız gəlməz. Hansı ki, rəhbərləri danışanda geniş danışırlar.
- Millinin Moldova ilə oyunu haqda fikriniz necədi?
- Yeni futbolçular gördüm. Bəzi oyunçuları vaxtilə görməmişdik, bu dəfə yığma formasında gördük. Qurban müəllim gənc futbolçulardan istifadə etməyi bacarır. İnanıram ki, qısa zamanda yığmalarımız da azarkeşlərini sevindirəcək. Millinin oyununda bir yoldaşı gördüm. Bakıdan birbaşa Antalyaya yığmanın matçına baxmaq üçün gəlmişdi. Özü də iş-güc adamı idi. Bir də “Fənərbaxça”nın Bakıdan gələn balaca uşaqlarını gördüm, onlar da milliyə dəstək verdilər. Vallah, ləzzət elədi.
“Klublardan borclarımızı ala bilsək, vəziyyət daha da yaxşılaşacaq”
- Gürcüstan futbolunda komandaların əvəzedici heyətləri və bir neçə aşağı yaş qrupları ləğv olunub. Bizdə də belə bir sistem tətbiq oluna bilərmi?
- Bu addımın müsbət olub-olmayacağını hələ bilmirik. Amma gör-götür dünyasıdı. Futbol komandaları nə qədər çox yarışlarda iştirak edərlərsə, bir o qədər yaxşıdı. Gürcülər cəmi 3 aşağı yaş qrupu saxlayacaqlar. Məncə, bu, yanlış fikirdi. Hər yaş qrupunun öz çempionatı olmalıdı. Bilirsiz ki, PFL yaranana qədər bizdə əvəzedicilərin çempionatı ləğv olunmuşdu. Tərifləmək olmasın, biz bunu bərpa etdik. Əvəzedici heyəti ləğv etmək yox, başqa planımız var. O gün Rəşad Sadıqov bura gəlmişdi. Söhbət etdik, ümumi bir fikir irəli sürdük. Onu bu gün açıqlamaq istəmirəm. Amma çox bəyəndim, yaxşı fikirdi. İcra edə bilsək, hamımızın ürəyincə olacaq. Sadəcə, klubların razılığı olmalıdı. Maddi yox, mənəvi.
- Maşallah, bütün premyer-liqa təmsilçilər Antalyadadı. Deyəsən, maddi baxımdan əvvəlki günlərə qayıdırlar, vəziyyət yaxşılaşır.
- Şükür Allaha, vəziyyətimiz bu gün yaxşıdı. Məncə, əvvəlkindən də yaxşı olacaq. Əvvəlki illərdən fərqli, bu gün klublarımızın əksəriyyəti kəmiyyətdən çox keyfiyyətə üstünlük verir.
- PFL sosial layihələrlə bağlı vaxtilə çox hərəkətli idi. Yenidən bu baxımdan fəallıq gözlənilir?
- Klublarımızın vəziyyəti düzəlirsə, inşallah, bizim də vəziyyətimiz düzələr (gülür). Əvvəl klublarımızın vəziyyəti yaxşı olmadığı üçün borc məsələsində onları çox sıxa bilmirdik. Vəziyyət normaldı. Amma klublardan borclarımızı ala bilsək, vəziyyət daha da yaxşılaşacaq.
- İki futbolçu ömürlük uzaqlaşdırılandan sonra başqa sanksiyalar olmadı...
- Hər birimizin bir məqsədi var: təmizlik, düzgünlük olsun. Baş katib Elxan Məmmədov da bunu istəyir. Oyunçularla bağlı vəziyyətdə sakitlik deyil. İşlər gedir. AFFA və PFL birgə çalışır. Hər şey məxfidi. Açıqlasaq, işin gedişinə mane ola bilər.
“İnanıram ki, Sadıqov beş yerdə də çalışsa, vicdanla işləyəcək”
- Növbəti mövsüm premyer-liqada 8-dən çox komanda olacaqmı?
- Klublarımızın vəziyyəti yaxşıdı. Bu il Antalyaya 8 klubun hamısı gəldi. Birinci diviziondan premyer-liqaya gəlmək istəyənlərə maneə törətməyəcəyik. Maddi durumları imkan verərsə, dəstək olmaq bizim borcumuzdu. AFFA-nın prezidenti Rövnəq Abdullayev demişkən, gəldilər, qoymadıq? “Xəzər” və “Binə” müraciət edib. Hər şey ola bilər. Amma indidən konkret söz deyə bilmərəm. Təki gələn il premyer-liqada 12 komanda olsun.
- “Araz Naxçıvan”ın premyer-liqaya qayıtmaq variantı varmı?
- Real danışmaq lazımdı. Naxçıvan blokadadadı. Bu yaxınlarda eşitdim ki, oraya qatarla gedib-gəlmək bərpa olunacaq. Bu baş versə, məncə, qayıda bilərlər. Həm də başqa klubların Naxçıvana getmək imkanı da yaranar. “Araz Naxçıvan”ın istəyi var, amma ümumi vəziyyət indiki durumda buna imkan vermir.
- Ölkə kubokunun finalı harda keçiriləcək?
- İki məkan üzərində dayanmışam: birinci Gəncə, sonra Qəbələ. Qəbələdə oyun keçirməyimiz işimizi 50 faizdən artıq yüngülləşdirir. Çünki klub bizə dəstək olur. Amma Gəncəyə doğru da addım atmaq istəyirik. Təkcə işıqlandırma ilə bağlı problemimiz var. Mayın 28-nə qədər Gəncə stadionu bu baxımdan hazır olsa, orda keçirəcəyik. Əks təqdirdə Qəbələni seçəcəyik.
- “Mil-Muğan”a rəhbərlik etdiyinizi deyirdiz. Sanki istədiyinizi ala bilmədiz...
- İstədiyimi aldım. İstədiyim o idi ki, komandada hər şey qaydasında olsun. Ancaq gördüm ki, sən hansı havanı çalırsan çal, öz havalarına oynayırlar. Buna görə də geri çəkildim.
- Rəşad Sadıqovun eyni anda üç yerdə çalışması ona çətin olmayacaq?
- Rəşada dedim ki, idman edib, arıqlamısan? Dedi yox, müəllim, məndə yatmaq yoxdu (gülür). Vaxt var idi ki, Rəşad haqda bəziləri başqa fikirlər söyləyirdilər. Amma insan atdığı addımlarla kim olduğunu sübut edir. İnanıram ki, Sadıqov beş yerdə də çalışsa, vicdanla işləyəcək. Çünki onun üçün əsas məsələ paklıqdı.
- Kubokun final matçının Lənkəranda və ya İmişlidə keçirilməsi mümkündü?
- O zonaya da böyük hörmətim var. Amma öyrəndik ki, Lənkərandakı stadionun ot örtüyü yaxşı vəziyyətdə deyil. Şərait olmalıdı. Hazırda orda işlər dayanıbsa, bizim işimiz daha da artıq olar. İmişli də öz torpağımızdı. Mən təkcə seçdiyimiz rayonu yox, ətrafı da fikirləşirəm. Oyunu İmişlidə keçirsək, hansı rayonlardan gələcəklər? Həm də orda, maraqlanmışam, şərait yaxşı deyil.
- Həm Qurban Qurbanovun, həm də Rəşad Sadıqovun eyni anda bir neçə yerdə çalışması “Qarabağ”a mənfi təsir etməyəcək?
- Qurban Qurbanov millinin düşərgəsində olanda belə, klubda təlimatlarını verir. Əsas odu, inam olsun. Birgə işlədiyin yerdə sənə arxa dururlursa, onda problem olmayacaq. Qurban müəllim yığmada olanda komandanı Rəşada tapşırdı. Amma tapşırıqları yenə Qurbanov vermişdi. Düzdü, Qurban müəllim birdən-birə fantastik nəticələr göstərməyə bilər. Cavandı, vaxt vermək lazımdı. Neçə il Berti Foqtsa, Robert Prosineçkiyə dözdük? Bir az da buna vaxt verək. Qurban dostum, yaxınım olduğu üçün demirəm. O, məsuliyyətli insandı və ömürboyu məsuliyyət daşıyacaq. Xoşbəxtliyimiz ondadı ki, o insan həmişə üzünün ağ, gördüyü işin keyfiyyətli olmasını düşünür. Əcnəbi məşqçi qaranquş kimidi, vaxtı çatanda uçub gedir. Amma yerli məşqçi elə deyil. O daha çox məsuliyyət daşıyır. Çünki sabah üz-üzə gələndə ondan soruşulacaq, cavabdehliyi çoxdu. Qurban işgüzar insandı. İnanıram ki, yaxşı olacaq.
“Çaşmağım mümkün deyil”
- Hakimlər Komitəsinin sədri Xaqani Məmmədov telefon zənglərimizə heç də həmişə cavab vermir. Əliyar Ağayevi “Neftçi” – “Qəbələ” oyununa təyin etməklə onu odun içinə atmadızmı?
- Ən çox arxalandığım hakim Əliyar Ağayev bura gələndə cəzalı idi. Heç kim toxunulmaz deyil. Hamımız istəyərik ki, haqq-ədalət olsun. Əliyar cəzalandı ki, ayılsın. FİFA referisi olsa da, bizə vacib öz çempionatımızdı. Psixoloji təzyiqə alışmalıdı. Xaqani Məmmədov isə ixtisasca jurnalist olsa da, danışa bilmir (gülür). Ona görə də zəngləri cavabsız qoyur. Hansısa problem, qalmaqallı oyun olsa, onunla bağlı siz jurnalistlərlə görüş keçirə bilərik. Orda bütün suallara aydınlıq gələr. Heç bir problem yoxdu. Xaqani Məmmədovun danışmamaq ixtiyarı yoxdu. O vəzifəni tutursa, açıqlama verməlidi. Sadəcə, danışa bilmir də (gülür).
- PFL-ə növbəti seçki ilə bağlı nə düşünürsüz? Uzun müddətdi Azərbaycan futbolundasız, çempionatın əsas təşkilatçısısız. Əsasnamə nə deyir, rəqibiniz varmı?
- Bezdirmişəm sizi? (gülür) Vallah, düz deyirsən, haqqına deyirsən ki, adam nə qədər PFL-də Ramin Musayevi görər? Təki o vaxta qədər yaşayaq, görək nə olur. Rəhbərlik məsləhət bilərsə, seçki ərəfəsində özümüzü doğrulda bilsək, xeyrimiz dəyərsə, yəqin ki, davam edərik. Çaşmağım mümkün deyil.
HƏBİB, Bələk
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 06:34 Sərbəst güləş yığmamız toplanışa başladı Bu gün, 06:29 “Yunanıstanda çempionat dayanır, hakimin maşınını partladırlar, Vassaras isə hakimlərimizə ağıl öyrədir” Bu gün, 06:27 Ölkə futbolunun iddialıları İcraiyyə Komitəsindən yan qaçır Bu gün, 06:24 Elşad Əhmədov Kvaşukun cavabını verdi Bu gün, 06:21 Ovusu Kvabena “Qarabağ”da Bu gün, 06:18 Region Liqası: ümumi mənzərə və komandaların pley-off şansı Bu gün, 06:16 “Ağsu Siti” dağılmaq təhlükəsiylə üz-üzədi Bu gün, 06:13 1/16-in püşkü atıldı, finala qədər yola işıq düşdü Bu gün, 06:08 Rizvan Fərzəliyev özbəklərlə oyunları vacib sayır Bu gün, 06:06 Yığmadan Xorvatiyada nə gözləyək? Bu gün, 05:41 Təcrübəli həkimlər AFFA-nı qınadılar Bu gün, 05:32 Baş katib həm hörmətsizlik edir, həm də yol göstərir 24-01-2020, 12:36 Nazim Süleymanovu tərk edənlərin ortaq dərdi var 24-01-2020, 12:35 Almeyda Şeferin komandasında oynayacaq 24-01-2020, 12:34 Mahir Əmrəlinin gözəl qolu kifayət etdi 24-01-2020, 12:32 Birinci oyunu özbəklər, ikincini yığmamız qazandı 24-01-2020, 12:31 “Keşlə” ikinci oyunda da uduzdu 24-01-2020, 12:29 “Neftçi”də ispan məşqçi 24-01-2020, 12:28 “Sabah” "Spartak"ın gəncləri ilə “sülh bağladı” 24-01-2020, 12:24 “Zirə” toplanışı qələbəylə bitirdi 24-01-2020, 12:20 “Zirə” Krnetanı qaytardı 24-01-2020, 12:17 Kvaşuk Azərbaycan xatirələrini bölüşdü 24-01-2020, 12:13 “Sumqayıt” Türkiyədə ilk qələbəsini qazandı 24-01-2020, 12:10 Samir Abasov aşağı yaş qrupu üzrə yığmaları çalışdırmaq istəmir 24-01-2020, 12:07 Rüfət Dadaşovu qınayırlar... 24-01-2020, 12:05 2020-ci ildə ilk heç-heçə 24-01-2020, 12:03 Xoş gəldin, Vassaras! Xoş getdin, 5000 avro... 24-01-2020, 11:58 Yeni federasiyanın ilk iclası keçirildi 22-01-2020, 12:17 Yanvarın 28-də seçki yox, təyinat olacaq! 22-01-2020, 12:15 Rövnəq Abdullayev 4-cü dəfə prezident olmaq istəyir 22-01-2020, 12:14 “Neftçi” Bordinə təzminat ödəyəcək 22-01-2020, 12:12 Rauf Əliyevin qanunlara “hörməti”: həm deputatdı, həm də biznesmen 22-01-2020, 12:09 “Forza Neftçi” Bordinin göndərilməsini gecikmiş qərar sayır 22-01-2020, 12:08 U-19-un düşərgəsində növbəti qalmaqal 22-01-2020, 11:58 “Qarabağ” sonda məğlubiyyətdən qaçdı 22-01-2020, 11:56 “Sabah” əzmkar qələbəyə sevindi 22-01-2020, 11:51 80 dəqiqəlik məşq 22-01-2020, 11:49 Fuad Əsədov Elxan Məmmədovun yalanını üzünə çırpdı 22-01-2020, 11:46 “Kəpəz” rəhbərliyi şəhidlərin yaxınlarından üzr istədi 22-01-2020, 11:44 “Qəbələ”nin yoxlama görüşü yarımçıq qaldı 22-01-2020, 11:37 Füzuli Məmmədov Bordinlə bağlı sualdan yayındı 22-01-2020, 11:34 İki flaqmanın duelini “Dinamo” qazandı 20-01-2020, 11:34 Vasif Talıbov Apeldorn uğursuzluğunun səbəblərini açıqladı 20-01-2020, 11:31 “İnşallah, bu il komandamız elitada oynayar və...” 20-01-2020, 11:30 “Ağsu” divizionda çıxışını dayandıra bilər 20-01-2020, 11:28 Əcnəbi klublar azərbaycanlı futbolçularla maraqlanır 20-01-2020, 11:26 Emin Abbasov Deviçin qayıdışına aydınlıq gətirdi 20-01-2020, 11:25 Tərlan Əhmədovu nəticə maraqlandırmır 20-01-2020, 11:23 “Keşlə” iki qapıçısını itirdi və …darmadağın oldu 20-01-2020, 11:20 “Çempionluq yoluna “Sumqayıt”ı udmaqla başlamaq lazımdı” 20-01-2020, 11:15 Fuad Musayev Samir Ələkbərovu kimin təklifi ilə qaytarıb? 20-01-2020, 11:13 “Sumqayıt”ın Futbol Akademiyasında şok olay 20-01-2020, 11:09 Faciənin yarımçıq qoyduğu səfər… 18-01-2020, 12:09 “Kəpəz” rəhbərliyi Mehman Allahverdiyevi yubileyində yada salmayıb 18-01-2020, 12:05 PFL Antalyaya böyük heyətlə gedib 18-01-2020, 12:00 Şok iddia: AFFA Qriqorçukla danışıq aparır 18-01-2020, 11:58 Niassenin məsələsində nöqtə qoyulmayıb Bütün xəbərlər
Ən çox oxunanlar