05 yan 22:09manset

Mahir Mədətov Qriqorçuka lağ etdi, “Qəbələ” coşdu

Mahir Mədətov Qriqorçuka lağ etdi, “Qəbələ” coşdu
“Qarabağ”ın gənc futbolçusu haqda ölçü götürməsini gözləyirik”
Adətən, qış transfer dönəmində səs-küylü keçidlər az olur. Bunun da obyektiv səbəbləri var. Ancaq “Qəbələ”də bu baxımdan heç vaxt sıxıntı olmayıb. Hər nə qədər daxili bazarda “dişə vurulası” futbolçu olmadığını söyləsələr də, klub menecerləri altdan-altdan fəaliyyətini davam etdirir. Və budu, yenə “transfer pəncərəsi”nin əsas “bomba”sı bölgə təmsilçisindən gəldi. Son illər ən çox yüksəlişdə olan futbolçulardan biri “qırmızı-qaralar”a keçdi.
Hallidey də getdi
Söhbət “Zirə”nin döyünən ürəyi sayılan Təmkin Xəlilzadədən gedir. Ancaq onun yeni komandasının əsas heyətində özünə yer tapacağını dəqiq söyləmək çətindi. Bir çox yerli futbolçular Roman Qriqorçukun oyun modelinə uyğunlaşa bilməyərək “Qəbələ”ni erkən tərk edib. Ruslan Abışov, Vüqar Nadirov, Vaqif Cavadov, Araz Abdullayev və başqaları ukraynalı mütəxəssisin rəhbərliyi altında çox duruş gətirməyib. Təmkinin bunu bacarıb-bacarmayacağını zaman göstərəcək.
Yığmaya da çağırılan futbolçunun bunaqədərki karyerasına qısa nəzər salmağa dəyər. 10 yaşında “Xudafərin”də Elbrus Məmmədovun rəhbərliyi altında futbolun sirlərinə yiyələnməyə başlayan Təmkin daha sonra “Qarabağ”da püxtələşib. Elə peşəkar karyerasına da “köhlən atlar”da start verib. Qurban Qurbanov 2011/12 mövsümündən onu ara-sıra əsas komandaya cəlb edib. Ancaq ardıcıl 2 mövsüm çempionat oyunlarını kənardan izləyən Xəlilzadə 2013/14 “futbol ili”ndə premyer-liqada debüt edib və 4 oyunda iş başında olub. Növbəti mövsümü icarə əsasında AZAL-da keçirib, 23 görüşdə tər töküb. 2015/16 mövsümündən karyerasının ən uğurlu - “Zirə” mərhələsi start götürüb. Debütantın heyətindəki ilk mövsümündə 29 oyuna çıxıb. 2016/17 mövsümündə 2 qola imza atıb. Ölkə çempionatında ilk qolunu “Neftçi”nin qapısından keçirib.
Əvəzində Endi Hallideylə yollar ayrılıb. “Reyncers”dən icarəyə götürülən dayaq yarımmüdafiəçisinin gedəcəyi gözlənilirdi. Çünki 26 yaşlı futbolçu çempionatda cəmi 3 oyunda meydana çıxa bilmiş və 242 dəqiqə qazon üzərində qaçmışdı. İcarə müddəti mövsümün sonunadək olsa da, qarşılıqlı razılıq əsasında Hallidey vətəninə yola salınıb. Daha bir neçə gənc futbolçu oyun praktikasını artırması üçün müxtəlif klublara icarəyə verilib. Roman Hüseynov “Kəpəz”də, Ülvi İsgəndərov “Sumqayıt”da, Ülvi İbazadə isə “Xəzər”də təcrübə qazanmağa çalışacaq.
“Slaviya” “Qəbələ”nin yetirmələrinə göz qoyub
Bu da son deyil. “Slaviya” Fərid Nəbiyevin ardınca “Qəbələ”nin daha iki futbolçusunu heyətinə qatmağı planlaşdırır. Bildiyiniz kimi, Nəbiyev hazırda Çexiya klubunun əvəzedicilərində çıxış edir. Görünür, 18 yaşlı yarımmüdafiəçinin uğurlu çıxışı “qırmızılar”ın təmsilçimizin akademiyasının üzvlərinə marağını artırıb. Əvəzedici komandada çıxış edən müdafiəçi Amin Seydiyevlə vinger Rövlan Muradov hazırda Çexiya klubunda baxışdadı. 19 yaşlı futbolçular yanvarın 28-dək “Slaviya”nın əvəzedici komandasının toplanışında iştirak edəcək. Bəyənilsələr, iki klub arasında müqavilənin şərtləri müzakirə ediləcək. Onların Çexiya klubuna yollanmasında menecer Vaqif Heydərli vasitəçi olub. Xatırladaq ki, Heydərli Nəbiyevin “Slaviya”ya keçidində də önəmli rol oynayıb.
Qazaxlarla qarşılaşacaqlar
Bu gün “Qəbələ” fasiləyə son qoyur. Komanda səhər saatlarında Antalyaya yollanacaq. Fevralın 3-dək Türkiyədə toplanış keçəcək “qırmızı-qaralar”ın yerli “Akhisar Bələdiyyəspor” ( 10 yanvar), İsveçrə “Sürix”i (17 yanvar), Makedoniya “Rabotniçki”si (24 yanvar), Rusiya “Arsenal”ı (27 yanvar), Çexiya “Bohemians”ı (31 yanvar) və Makedoniya “Şkendiya”sı (3 fevral) ilə qarşılaşacağını bilirsiz. Artıq bölgə təmsilçisinin yanvarın 14-ü üçün nəzərdə tutulan yoxlama oyununda hansı komandayla qarşılaşacağı da böyük ölçüdə dəqiqləşib. Qeyri-adi bir şey baş verməsə, “Qəbələ” Qazaxıstan çempionatının son mövsümünü 8-ci yerdə başa vurmuş “Atırau” ilə münasibətləri aydınlaşdıracaq.
“Qəbələ” Mahir Mədətova görə bəyanat yaydı
Dünən “Qəbələ” belə bir bayanat yaydı: “31.12.2017-ci il tarixində “CBC Sport” telekanalının efirində “Qış nağılı” verilişi yayınlanıb. Verilişin qonaqlarından biri millimizin və “Qarabağ”ın üzvü Mahir Mədətov olub. Mədətov verilişin formatına uyğun olaraq, maraqlı əhvalat nəql edərkən mövzu kimi komandamızın baş məşqçisi və futbolçular arasında olan dialoqu seçib və özünəməxsus şəkildə təqdim edib. “Qəbələ” Mədətovun bu çıxışını peşəkar idmançıya yaraşmayan, məsuliyyətsiz, qeyri-etik addım kimi dəyərləndirir, uydurma əhvalatın ictimailəşdirilməsini və uğursuz gülüş obyektinə çevirmək istəyini qınayır. Hesab edirik ki, belə şüursuz açıqlamalar, baş məşqçimiz Roman Qriqorçukun məsxərəyə qoyulması onun və klubumuzun imicinə xələl gətirməklə yanaşı, ictimaiyyətdə yanlış fikir formalaşdırmağa xidmət edir. Bütün bunları nəzərə alaraq, “Qarabağ”ın gənc futbolçusu haqda ölçü götürməsini, Mədətovun etdiyi hörmətsizliyə görə “Qəbələ” və Qriqorçukdan üzr istəməsini gözləyirik”.
Qeyd edək ki, həmin verilişdə Mahirdən hansısa bacarığının olub-olmadığı soruşulur və cavabında parodiya etmək qabiliyyətinin olduğunu söyləyir. Futbolçu Qriqorçukun futbolçularından birini oyuna köklədikdən sonra “bacararsanmı” sualını verdiyini və müsbət cavab aldıqdan sonra “lazım deyil” ifadəsini səsləndirdiyini bildirir. Mədətov “ne nado”nu Roman İosifoviçin danışıq tərzinə uyğun söyləyir. Əslində burda yığma üzvünün rəqib komandanı və onun çalışdırıcısını ələ saldığını iddia etmək ağır ittihamdı. Ancaq istənilən halda, Mahirin əzəli rəqiblə bağlı gülüş doğuran ifadə deməsi etik normalara zidd sayıla bilər.
Mədətov olayla bağlı “qafqazinfo”ya belə deyib: “Orda kimisə parodiya etməyimi istədilər. Ağlıma Roman Qriqorçuk gəldi. Lakin dedim ki, onun kimi məşqçini parodiya etməyim yanlış anlaşıla, ayıb sayıla bilər. Həmin anda Roman Qriqorçuk kameranın arxasına gəldi. Verilişin aparıcılarına dedim ki, ondan icazə alın, danışım. İcazə aldılar və o da normal qarşıladı. Hətta parodiyaya bir xeyli güldü. Onunla münasibətim çox yaxşıdı. Hər kəslə əl verib görüşdüyü zaman mənimlə qucaqlaşıb salamlaşır. Dostlarımla oturanda da Qriqorçukun necə böyük məşqçi olduğundan danışırıq. Ona böyük hörmətim var. Taktikası, futbolu doğrudan da təqdirəlayiqdi. Videoya gəlincə, orda kimisə təhqir etməmişəm. Sadəcə, icazəli olub. Üzr istəməyimi gözlədiklərini yazıblar. Üzr istəmək böyüklükdü və mən bunda problem görmürəm. Sadəcə, ortada üzr istəməli bir şey yoxdu”.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:28 "İçki içmirəm, siqaret çəkmirəm, başqa nə etməliyəm?" Bu gün, 14:25 Yuri Maksimovu iki mövqe narahat edir Bu gün, 14:24 "Zirə" daha bir transfer edəcək Bu gün, 14:22 "Keşlə"dən 3-cü qələbə Bu gün, 14:17 “Gilan Holdinq” “Qəbələ” stadionuna tablo alıb 19-01-2018, 20:34 Şəhriyar Karuanaya necə qalib gəlib? 19-01-2018, 20:32 Tofiq Heydərov AAAF-ın bu il üçün hədəflərini açıqladı 19-01-2018, 20:17 Ruslan Abışov ateist olduğuna görə Dreksayla danışmırmış 19-01-2018, 20:15 Fazil Mustafa yığmanın Kosovo ilə oynamasında problem görmür 19-01-2018, 20:14 Ruslar “Qarabağ”a tərif yağdırdı 19-01-2018, 20:12 Ndlovu “Qarabağ”dakından üç dəfə çox qazanacaq 19-01-2018, 19:27 Samir Əliyev yetirmələrinin “Sumqayıt” üzərində qələbəyə sevinməsini normal sayır 19-01-2018, 19:16 Samirlərin duelindən Əliyev qalib ayrıldı 19-01-2018, 19:03 Əsgər Abdullayev: “Adda hərfin dəyişməsi qorxulu deyil...” 19-01-2018, 18:57 Sloveniyada hədəf 1/4 finala yüksəlmək olacaq 19-01-2018, 18:55 Liderdən böyükhesablı qələbə 19-01-2018, 18:53 Xəzər Babazadə vahid liderdi 19-01-2018, 18:51 Həsənzadə sertifikat payladı 19-01-2018, 18:46 “Qəbələ”nin futbolçularından Bakıya gələn də var, Antalyada qalan da 19-01-2018, 18:45 Moldova millimizlə oyun üçün heyəti açıqladı 19-01-2018, 18:43 Hakimlər Maksimova qaydaları öyrətdi 19-01-2018, 18:41 “Sabah” Qvanzavı transfer etdi 19-01-2018, 18:39 Vaqif Əliyev “Simurq”lu günlər üçün darıxır 19-01-2018, 18:32 Ərtoğrul Sağlam “Traktorsazi”nin baş məşqçisi olacaq 19-01-2018, 18:28 Şeydayevlə Mədətov U-21-də 19-01-2018, 18:27 Araz yenə sözünü deyib 19-01-2018, 18:23 “Qarabağ”ın qələbəsi idman uğurudu, amma bizə torpaqları qaytarmaq lazımdı” 18-01-2018, 22:38 “Lokomotiv” Yunanıstandan əliboş dönür 18-01-2018, 22:30 Şəhriyar Karuananı udub, liderlər qrupuna yüksəldi 18-01-2018, 22:23 “Rəhbərlikdə təmsil olunanlar özləri belə yayda klubun taleyinin necə olacağını bilmirlər” 18-01-2018, 22:20 “Neftçi” Antalyaya 18 futbolçuyla uçdu 18-01-2018, 22:17 Yığma İranda turnirə qatılacaq 18-01-2018, 19:08 Şehiç “Qarabağ”dan getmək istəmir 18-01-2018, 19:07 "Qarabağ" penaltini yana vurmaq ənənəsini davam etdirdi 18-01-2018, 19:06 "Qarabağ"ın əsas devizi intizam və peşəkarlıqdı" 18-01-2018, 19:04 “Qəbələ” ilk mərhələni məğlubiyyətlə bitirdi 18-01-2018, 19:01 “Kəpəz” daha üçüylə müqavilə bağladı, növbədə braziliyalılardı 18-01-2018, 19:00 Arif Əsədov Yunis Hüseynovdan narazıdı 18-01-2018, 18:58 Mustafa Dənizli “TRT Spor”la müqavilə üzündən “Traktorsazi”yə gəlmədi 18-01-2018, 18:57 Moldova yığmamıza qarşı tam heyətlə oynamayacaq 18-01-2018, 18:55 Yarım mövsümün rəqəmli tablosu 18-01-2018, 18:53 Yığma bu gündən “Bayıl Arena”ya köçür 18-01-2018, 18:51 Ndlovu “Qarabağ”dan daha sərfəli müqavilə gözləyirmiş 18-01-2018, 18:50 U-16 Avropa çempionatında Ermənistanla qarşılaşacaq 18-01-2018, 18:49 Məkan və saat dəqiqləşdi 18-01-2018, 18:48 Ozancan “Velveyk”i seçməsinin səbəbini açıqladı 18-01-2018, 18:47 Elbrus Məmmədovun komandasının rəqibləri bəllidi 18-01-2018, 18:45 Rəşad Sadıqovlu U-21-dən uğurlu başlanğıc 18-01-2018, 18:43 Məşqçilər Komitəsinin üzvləri də Antalyaya yollanacaq 18-01-2018, 18:42 Ruslan Abışov atasının sözünə görə saqqalını qırxıb 18-01-2018, 18:37 "Keşlə"də daha bir ukraynalı 18-01-2018, 18:36 U-17 “Antalyaspor”u darmadağın etdi 17-01-2018, 18:57 Yeni vitse-prezident güləşçilərlə görüşdü 17-01-2018, 18:53 Yunis Hüseynov baxışda olan yerlilərin hamısını yola saldı 17-01-2018, 18:52 Topaz premyer-liqası 17 pillə gerilədi 17-01-2018, 18:51 Elxan Məmmədovla Qurban Qurbanov Lozannaya gedəcək 17-01-2018, 18:48 Seqoviya haqq yoluna gəlir Bütün xəbərlər
Ən çox oxunanlar