23 dek 02:44manset

Boris Xetaqurov Qurban Qurbanovla razılaşmır

Boris Xetaqurov Qurban Qurbanovla razılaşmır
“Diqqət ayırsalar, dəvət edib danışsalar, o qədər savadlı idman həkimlərimiz var ki”
Qurban Qurbanovun çərşənbə gününə təsadüf edən mətbuat konfransında bir çox məqamlar ortaya çıxdı. Əvvəla o məlum oldu ki, həm də “Qarabağ”ın baş məşqçisi olan mütəxəssis milliyə sırf əsas komandayla nəticə verməyə gəlməyib. Adam ölkə futbolunun gələcəyini də düşünür və bunun üçün bütün işlərə kompleks yanaşır. Yəni hətta 13-15 yaşlıların inkişafı da Qurbanovun nəzarətində olacaq. Laım olan tövsiyyələrini verəcək, problemləri AFFA rəhbərliyinin diqqətinə çatdıracaq. Elxan Məmmədovun sözü olmasın, menecer-məşqçi kimi fəaliyyət göstərəcək.
Diqqəti çəkən nöqtələrdən biri də Qurban bəyin futbolun əsas qollarından olan həkimliklə bağlı dedikləri idi. Hiss olunurdu ki, təcrübəli çalışdırıcı ölkə futbolunda həkim-fizioterapevt sahəsindən narazıdı. Hər halda, dediklərini bir də gözdən keçirək: “Futbolçudan əvvəl yetişdiriləsi insanlar var. Məsələn, məşqçi, həkim, fizioterapevt, hətta masajçı da. Uşaq futbolundan danışırıqsa, ilk növbədə bu insanların sağlam olması vacibdi. Bu gün nə idman həkimimiz, nə fizioterapevtimiz var. AFFA rəhbərliyi ilə bundan sonra daha tez-tez görüşlərimiz olacaq. Bu məsələ AGİN səviyyəsində qaldırılacaq. 8-10 yaşlı uşaqları sağlam insanlara tapşırmalıyıq. Onların həkimləri sağlam, savadlı olmalıdı. Bundan sonra bu barədə daha çox düşünəcəyik. Onların yetişməsi üçün kurslarımız olacaq. Bu günə kimi deməmişdim, bundan sonra bu haqda daha çox düşünəcəyik. Görüləsi işlər çoxdu”.
Ölkə futboluyla az-çox maraqlananlar Boris Xetaqurovu tanıyır. Azərbaycan futbolunda həkimlikdən danışanda, ağıla ilk olaraq bu ad gəlir. Təkcə ona görə yox ki, ömrünün 50 ilini futbola həsr edib, 1966-cı ildə “bürünc” qazanan “Neftçi”nin futbolçularına tibbi yardım göstərib. Boris Nanayeviç həm də neçə-neçə həmkarının həkim kimi formalaşmasında rol oynayıb. Odu ki, bu mövzuda söhbət düşəndə, onun fikirlərinə yer ayırmamaq olmur. Dünən Xetaqurovla söhbətdə yığmanın baş məşqçisinin dediklərini diqqətinə çatdırıb, verdiyi cavabı dinlədik: “Qurban Qurbanovun dediklərini konfransdan dərhal sonra mətbuatda oxudum. Həkimliklə bağlı səsləndirdiyi fikirlə tanışam. Açığı, nəyi nəzərdə tutduğunu tam başa düşə bilmədim. Çünki ölkəmizdə kifayət qədər savadlı idman həkimləri var. Futbolda, cüdoda, gimnastikada, voleybolda. Konkret nəyi nəzərdə tutduğunu anlamaq çətindi. Bədən Tərbiyəsi Dispanseri var ki, orda savadlı mütəxəssislər çalışır. 3-4 il əvvəl Tibbi-İdman Mərkəzi istifadəyə verildi ki, orda da yaxşı həkimlər var. Üç gün əvvəl ölkə başçısı İlham Əliyev idman həkimi kimi tanınan Kamil İsgəndərova “Əməkdar həkim” adını verdi. Var, niyə yoxdu ki? Sadəcə, AFFA rəhbərliyi onları görmür, savadlı kadrlar kənarda qalıblar, ya da başqa idman növlərində işləyirlər. İdman həkimliyinin səviyyəsini yüksək qiymətləndirirəm. Rəhim Məhərrəmov var, vaxtilə futbol sahəsindəydi, indi cüdoda işləyir. Yetirməm olduğuna görə demirəm, amma əla kadrdı. Həkim-fizioterapevtdi. 20 ildi BƏƏ-də işləyən Faiq Hüseynovun adını çəkərəm. Savadsız olsaydı, futbola milyardlar xərcləyən ərəblər onu saxlayardı? Pulları var, gedib daha yaxşısını gətirərdilər. Faiq özü də Azərbaycana qayıtmaq, burda işləmək istəyir. Dəvət etsinlər, işləsin də. Diqqət ayırsalar, dəvət edib danışsalar, o qədər savadlı idman həkimlərimiz var ki. Bilirsiz niyə yox kimi görünürlər? Çünki hərəsi bir tərəfdədi. Çağırsınlar, gəlib futbola xidmət göstərsinlər. Hətta belə bir problem yaşanırsa, mənə müraciət edə bilərlər. Kimdənsə iş istəmirəm ki, sükür Allaha, işlədiyimi işləmişəm. Sadəcə, soruşsunlar, cavab verim, kömək edim. “İdman həkimi” deməklə iş bitmir. Kurslar təşkil edək, lazım gələrsə, özüm mühazirə oxuyaram. Xaricə dəvət edirlər, gedib orda mühazirə oxuyuram. Elə özümüzkülərə kömək edərəm də. Rəhim Məhərrəmov Belçikada seminara qatılmışdı, vətənə diplomla qayıtdı. Cəmi üçünün adını çəkdim: Kamil İsgəndərov, Rəhim Məhərrəmov, Faiq Hüseynov. Belələri çoxdu, sadəcə, maraqlanmaq, işləməyə imkan yaratmaq lazımdı. Hamını uzaqlaşdırıblar, yaxın buraxmırlar, danışanda da “kadr yoxdu” deyirlər. Qurban Qurbanov ehtiyac duysa, istənilən vaxt onunla görüşüb hansısa mənada kömək edə bilərəm. Yenə deyirəm, mənə iş-zad lazım deyil. Sırf kömək məqsədi ilə deyirəm”.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 06:34 Sərbəst güləş yığmamız toplanışa başladı Bu gün, 06:29 “Yunanıstanda çempionat dayanır, hakimin maşınını partladırlar, Vassaras isə hakimlərimizə ağıl öyrədir” Bu gün, 06:27 Ölkə futbolunun iddialıları İcraiyyə Komitəsindən yan qaçır Bu gün, 06:24 Elşad Əhmədov Kvaşukun cavabını verdi Bu gün, 06:21 Ovusu Kvabena “Qarabağ”da Bu gün, 06:18 Region Liqası: ümumi mənzərə və komandaların pley-off şansı Bu gün, 06:16 “Ağsu Siti” dağılmaq təhlükəsiylə üz-üzədi Bu gün, 06:13 1/16-in püşkü atıldı, finala qədər yola işıq düşdü Bu gün, 06:08 Rizvan Fərzəliyev özbəklərlə oyunları vacib sayır Bu gün, 06:06 Yığmadan Xorvatiyada nə gözləyək? Bu gün, 05:41 Təcrübəli həkimlər AFFA-nı qınadılar Bu gün, 05:32 Baş katib həm hörmətsizlik edir, həm də yol göstərir 24-01-2020, 12:36 Nazim Süleymanovu tərk edənlərin ortaq dərdi var 24-01-2020, 12:35 Almeyda Şeferin komandasında oynayacaq 24-01-2020, 12:34 Mahir Əmrəlinin gözəl qolu kifayət etdi 24-01-2020, 12:32 Birinci oyunu özbəklər, ikincini yığmamız qazandı 24-01-2020, 12:31 “Keşlə” ikinci oyunda da uduzdu 24-01-2020, 12:29 “Neftçi”də ispan məşqçi 24-01-2020, 12:28 “Sabah” "Spartak"ın gəncləri ilə “sülh bağladı” 24-01-2020, 12:24 “Zirə” toplanışı qələbəylə bitirdi 24-01-2020, 12:20 “Zirə” Krnetanı qaytardı 24-01-2020, 12:17 Kvaşuk Azərbaycan xatirələrini bölüşdü 24-01-2020, 12:13 “Sumqayıt” Türkiyədə ilk qələbəsini qazandı 24-01-2020, 12:10 Samir Abasov aşağı yaş qrupu üzrə yığmaları çalışdırmaq istəmir 24-01-2020, 12:07 Rüfət Dadaşovu qınayırlar... 24-01-2020, 12:05 2020-ci ildə ilk heç-heçə 24-01-2020, 12:03 Xoş gəldin, Vassaras! Xoş getdin, 5000 avro... 24-01-2020, 11:58 Yeni federasiyanın ilk iclası keçirildi 22-01-2020, 12:17 Yanvarın 28-də seçki yox, təyinat olacaq! 22-01-2020, 12:15 Rövnəq Abdullayev 4-cü dəfə prezident olmaq istəyir 22-01-2020, 12:14 “Neftçi” Bordinə təzminat ödəyəcək 22-01-2020, 12:12 Rauf Əliyevin qanunlara “hörməti”: həm deputatdı, həm də biznesmen 22-01-2020, 12:09 “Forza Neftçi” Bordinin göndərilməsini gecikmiş qərar sayır 22-01-2020, 12:08 U-19-un düşərgəsində növbəti qalmaqal 22-01-2020, 11:58 “Qarabağ” sonda məğlubiyyətdən qaçdı 22-01-2020, 11:56 “Sabah” əzmkar qələbəyə sevindi 22-01-2020, 11:51 80 dəqiqəlik məşq 22-01-2020, 11:49 Fuad Əsədov Elxan Məmmədovun yalanını üzünə çırpdı 22-01-2020, 11:46 “Kəpəz” rəhbərliyi şəhidlərin yaxınlarından üzr istədi 22-01-2020, 11:44 “Qəbələ”nin yoxlama görüşü yarımçıq qaldı 22-01-2020, 11:37 Füzuli Məmmədov Bordinlə bağlı sualdan yayındı 22-01-2020, 11:34 İki flaqmanın duelini “Dinamo” qazandı 20-01-2020, 11:34 Vasif Talıbov Apeldorn uğursuzluğunun səbəblərini açıqladı 20-01-2020, 11:31 “İnşallah, bu il komandamız elitada oynayar və...” 20-01-2020, 11:30 “Ağsu” divizionda çıxışını dayandıra bilər 20-01-2020, 11:28 Əcnəbi klublar azərbaycanlı futbolçularla maraqlanır 20-01-2020, 11:26 Emin Abbasov Deviçin qayıdışına aydınlıq gətirdi 20-01-2020, 11:25 Tərlan Əhmədovu nəticə maraqlandırmır 20-01-2020, 11:23 “Keşlə” iki qapıçısını itirdi və …darmadağın oldu 20-01-2020, 11:20 “Çempionluq yoluna “Sumqayıt”ı udmaqla başlamaq lazımdı” 20-01-2020, 11:15 Fuad Musayev Samir Ələkbərovu kimin təklifi ilə qaytarıb? 20-01-2020, 11:13 “Sumqayıt”ın Futbol Akademiyasında şok olay 20-01-2020, 11:09 Faciənin yarımçıq qoyduğu səfər… 18-01-2020, 12:09 “Kəpəz” rəhbərliyi Mehman Allahverdiyevi yubileyində yada salmayıb 18-01-2020, 12:05 PFL Antalyaya böyük heyətlə gedib 18-01-2020, 12:00 Şok iddia: AFFA Qriqorçukla danışıq aparır 18-01-2020, 11:58 Niassenin məsələsində nöqtə qoyulmayıb Bütün xəbərlər
Ən çox oxunanlar