18 yan 13:40manset

“CBC Sport” daha on nəfəri ixtisar etdi

“CBC Sport” daha on nəfəri ixtisar etdi
Telekanalın “Saran Holdinq”ə 3 milyon manata yaxın borcu var

“CBC Sport”un direktoru Volkan Üstün başı ikinci dəfə ailə qurmağa qarışdığı vaxtda telekanalda ixtisarlar sürətlə davam edir. Ötən ilin sonlarında xeyli işçi - operator, montajçı və şərhçilərlə vidalaşan telekanaldan yenə ayrılanlar var. İki gün əvvəl “CBC Sport”un futbol şərhçisi Murad Axundov telekanaldakı işinin başa çatması ilə bağlı özünün “feysbuk” səhifəsində məlumat verib. Düzdü, o, 1 il 3 ay çalışdığı işindən öz istəyi ilə ayrıldığını qeyd edib və telekanal rəhbərliyiylə işçilərə uğurlar diləyib. Həmkarımızın səmimiyyətinə inanmaq olar, amma onun öz xahişi ilə iş yerini tərk etdiyi o qədər inandırıcı deyil. Özü də “savadlı adama hər yerdə iş tapılar” deyiminin işləmədiyi bu çətin dövrdə. Əldə etdiyimiz məlumata görə, Murad iş şəraitindən və məvacibdən narazı qaldığı üçün telekanaldan ayrılıb. Ötən həftənin cümə günü isə Axundovdan sonra telekanaldan daha 10 nəfər işdən azad olunub, yəni ixtisara düşüb. Onların əksəriyyəti operator və montajçıdı. Deyilənə görə, artıq “CBC Sport”da maaş problemi də yaranmağa başlayıb. İşçilər ötən ilin dekabrının maaşını iki dəfəyə – yarısı dekabrın sonunda, qalanı isə yanvarın ilk 10 günlüyündə - alıblar.
Bəlli məsələdi ki, son iki ildə ölkədə hökm sürən iqtisadi böhran xüsusilə SOCAR-dan maliyyələşən şirkətlərə və qurumlara mənfi təsir göstərib. Təbii, neft şirkətindən maliyyələşən “CBC Sport”un da vəziyyəti ağırdı. İlyarım yaşı olan telekanal yarandığı gündən layihələr və yeniliklərlə gündəmdə olsa da, son vaxtlar ciddi problemlərlə üzləşib. 2016-cı ilin sonlarında telekanalda hətta yayınla bağlı da axsamalar müşahidə olundu. Mövsümün əvvəlindən premyer-liqanın hər turunda 4 oyunun hamısını canlı yayınlayan “CBC Sport” fasiləyə yaxın cəmi bir matçı tamaşaçılara birbaşa təqdim edə bildi. Buna səbəb isə telekanalın “Saran Holdinq”dən icarəyə götürdüyü STS-in (Səyyar Televiziya Stansiyası) şirkət tərəfindən geri alınması idi. Məlum olmuşdu ki, STS-i daha bir neçə aylığa kirayələmək üçün maddi imkan yoxdu. Etibarlı qaynaqlardan əldə etdiyimiz məlumata görə, “Saran Holdinq”in STS-i verməməsinin əsas səbəbi “CBC Sport”un şirkətə olan borcudu. Borcun məbləği isə nə az, nə çox - düz 3 milyon manata yaxındı. Şirkət həmin borcu qaytarmamış qətiyyətlə STS-i kirayə verməyəcəyini bildirib. Yəni telekanal rəhbərliyinin KİV-ə “mövsümün ikinci yarısında STS-i kirayələyəcəyik” tipli açıqlamaları, sadəcə, fikirləri yayındırmağa yönəlib. Odu ki, tamaşaçılar mövsümün ikinci yarısında da premyer-liqada hər tur ya bir, ya da iki matçı izləyə biləcəklər.
Yuxarıda qeyd etdiyimiz məsələlərlə bağlı telekanalın baş redaktoru Şəmsəddin Abbasovla əlaqə saxladıq. O, “CBC Sport”un müəyyən qədər borcu olduğunu dilə gətirsə də, 3 milyon məsələsini yaxına buraxmadı: “Sizə bu informasiyaların hardan ötürüldüyü mənə də maraqlıdı. Hazırda bizdə ixtisarlar yoxdu. 10 nəfər işdən azad olunub? Bu rəqəmin hardan çıxdığını bilmirəm. Borc məsələsinə gəlincə, 3 milyon manat şişirdilmiş rəqəmdi. Borcumuz var, amma çox az miqdarda. Bununla bağlı da “Saran Holdinq”lə razılıq əldə etmişik, il ərzində hissə-hissə ödəyirik. STS-i kirayə götürürdük. Bu isə bizə sərf eləmir. Çox yaxın zamanda bizdə iki STS olacaq. Cəmi biri ilə qalmayacağıq. Oyunlar başlasın, buna şahidlik edəcəksiz. “CBC Sport”da əməkhaqqı vaxtında ödənilir. Heç bir maliyyə çətinliyimiz yoxdu. Bəlkə də yeganə telekanalıq ki, maaşları və vergi aktlarını gecikdirmədən ödəyirik. Biz media adamlarıyıq, qulağımıza çatır ki, müxtəlif telekanallarda maliyyə böhranı var, maaşlar gecikir. Bizdə isə belə şey yoxdu. Odu ki, tamaşaçılarımız narahat olmasınlar. Fəaliyyətimiz yüksək səviyyədə davam edəcək. Müxtəlif maraqlı layihələr nəzərdə tutmuşuq. Yaxın zamanda canlı studiya verilişlərimizə də yenidən start verəcəyik”.
Xatırladaq ki, geridə qoyduğumuz 2016-nın dekabrında da “CBC Sport” 15 nəfərə yaxın işçi ilə yollarını ayırmışdı. Onların arasında iki şərhçi də var idi - Əbdürrəhman Mollaçiyev və Ceyhun Rzayev.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı Dünən, 14:53 Mirheydər Səfiyev “nala-mıxa vurdu” Dünən, 14:49 Hakimin burnunu sındıran baş məşqçi cəzalandı Dünən, 14:46 Sənan Qurbanov “Neftçi”ylə oyuna dönüş nöqtəsi kimi baxır Dünən, 14:24 Qurban Qurbanova yönələn iradlar haqlıdımı? Dünən, 14:17 “Qarabağ”ın yığma ilə bağlı paylaşımı birmənalı qarşılanmayıb Dünən, 14:14 Mahir sosial şəbəkələrdən istifadə etmir Dünən, 14:12 Rüfət Dadaşov Prosineçkinin addımını axmaqlıq sayır Dünən, 14:02 Futbolçu “Kəpəz”in baş məşqçisini döyüb? Dünən, 14:00 “Böyüklər” yekun vuracaq, “birincilər” başlayacaq Dünən, 13:58 “Neftçi” 1 qolla zirvəyə yüksəldi Dünən, 13:56 Emin Mahmudov "Qəbələ"ni təhlükəli rəqib sayır Dünən, 13:55 AFFA 4 xalı 40 min manatla mükafatlandırıb? Dünən, 13:53 U-21 tsikli səfər xalı ilə bitirdi Dünən, 13:51 “Qarabağ”ın oyununa cəmi 7000 bilet satılıb Dünən, 13:50 Bolqar hakim yaxşı qiymət alıb 18-10-2018, 20:04 AFFA hakimə kəllə atan “Laçın”ın məşqçisini cəzalandıracaq 18-10-2018, 20:03 Mirheydər Səfiyevin istədiyi məbləğ AFFA-nı heyrətləndirib 18-10-2018, 20:01 Çempion və mükafatçı qələbəylə başladı 18-10-2018, 19:52 Qurban Qurbanovun “cırtdan”a qarşı gedişləri 18-10-2018, 19:50 Qələbəyə mane olan səbəblər 18-10-2018, 19:48 Mahirə çıxış yolları göstərdilər... 18-10-2018, 19:45 Maltalılar bayram edir 18-10-2018, 19:39 "Sektor 11" BOS-da niyə varlığını göstərmədi? 18-10-2018, 19:37 Vaxtilə məhbus həyatı yaşayanlar Kokorinlə Mamayevdən danışdı 18-10-2018, 19:34 Erkin İbrahimov Skandinaviyaya aparmaq üçün futbolçu axtarır 18-10-2018, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar