08 noy 16:49manset

Əcnəbi klublar həbsdə yatdığına görə Caviddən üz çevirib

Əcnəbi klublar həbsdə yatdığına görə Caviddən üz çevirib
“Bu il çempion olmağımız çətin məsələdi”
“Zirə” ilə səfər qarşılaşmasında Milan Duriçə sillə atdığına görə meydandan qovulan və İntizam Komitəsi tərəfindən 3 oyunluq cəzalandırılan Cavid Hüseynov “Səbail”lə oyunu kənardan izlədi. Bu azmış kimi, “Neftçi” və “İnter”lə matçlarda da iştirak edə bilməyəcək. Halbuki azadlığa çıxmasından cəmi bir il keçib. Yəni diqqət mərkəzində olan belə futbolçular əməllərinə diqqət yetirməli, başqalarına örnək olmalıdılar. Üstəlik, yığmaya bundan sonra Qurban Qurbanov rəhbərlik edəcək. Həmin baş məşqçi ki, intizama xüsusi diqqət yetirir, “mənəm-mənəm” deyən futbolçuları xoşlamır. Cavid isə milli karyerasını davam etdirmək, qınaqlardan qurtulmaq istəyirsə, əməllərinə fikir verməlidi. Dünən onunla əlaqə saxlamaqda məqsəd də bu mövzu ətrafında söhbətləşmək idi. Cavid danışmağa meyillidi deyə, söhbətimiz geniş alındı.
- “Səbail”lə oyunu kənardan izləmək necə hiss idi?
- Təkcə bu görüşü yox, öz komandanın istənilən matçına kənardan baxmaq ağır hissdi. Hətta ehtiyat oyunçular skamyasında oturanda da adamın ürəyi partlayır. Yaxşı ki, “Qəbələ” lazım olan 3 xalı qazandı. Bizə lazım olan əsas budu. Meydanda kimin olmasının fərqi yoxdu.
- Oyuna baxa-baxa ağlından “kaş Duriçi vurmazdım” kimi peşmanlıq fikri keçirdi?
- O bir anlıq əsəb idi, gəldi getdi. Eləmişəmsə, eləmişəm. Gərək olmazdı. Amma indi oturub başıma döyməyim nəyi dəyişəcək? Sonrakı peşmanlıq fayda vermir. Ona görə də fikrimi tam oyuna yönəltmişdim. Başqa heç nə düşünmürdüm.
- İntizam Komitəsinin qərarı 3 oyunluq cəza oldu. Bildiyimə görə, ağır cəza sayırsan.
- Əlbəttə, ağır cəzadı.
- Səncə, neçə oyun olmalıydı?
- Birbaşa qırmızı vərəqəyə görə 2 oyun vermək olardı.
- Sən rəqibə sillə atmısan axı?
- Sillə ona dəyməyib ki. Özünü yerə atıb da.
- Ən azı o qədər azarkeşin, oyunu televizorda canlı izləyənlərin qarşısında rəqibi vurmağa cəhd etmisən. Sənin dediyin 2 oyunluq cəza matç epizodundakı kobudluğa görə verilən “qırmızı”dı. Yəni mübarizə anındakı kobudluq. Sənin etdiyin xuliqanlıq sayılır.
- Bilirəm, başa düşürəm. Amma onu da nəzərə almaq lazımdı ki, rəqib məni bir yox, bir neçə dəfə arxadan vururdu. Bilərəkdən vurmaqla əsəblərimə toxundu.
- Həmin an Duriçin səni təxribata çəkdiyini düşünmürdün?
- Həmin an heç nə düşünmək olmur.
- “Qəbələ” sənə görə apellyasiya şikayəti verib?
- Yalan deyərəm, məlumatım yoxdu.
- Rəhbərlikdən soruşmamısan? Sənə aid olan məsələylə maraqlanmırsan?
- Düzü, heç kimə heç nə deməmişəm. Məsləhət olsa, verərlər.
- Meydandan qovulduğuna görə Roman Qriqorçuk səninlə söhbət etdi?
- Danışığımız oldu. O deməsə də, bilirəm ki, belə hallar yolverilməzdi. Qriqorçuk məni haqlı olaraq qınadı. Baş məşqçidi, o da mənim yaxşılığımı istəyir.
- Rəhbərlik pul cəriməsi kəsdi?
- Yox, cərimə söhbəti olmadı.
- “Qəbələ”də maaşların gecikməsi haqda xəbərlər dolaşır. Yəni maliyyə ilə bağlı ciddi sıxıntı yaşanır.
- Kim deyir, bilmirəm, amma ciddi heç nə yoxdu. Allaha şükür, qələbələrə görə mükafatları oyundan sonra alırıq. Maaşlarla bağlı bir neçə gün gecikmə olur ki, bu da normaldı. İndiyə kimi oynadığım bütün komandalarda kiçik gecikmələr olub. Pulla bağlı ciddi sıxıntımız yoxdu. Bu günə kimi elə bir çətinliklə rastlaşmamışam.
- Robert Prosineçkinin gedişi sənin üçün gözlənilməz oldu, yoxsa belə olacağını əvvəldən hiss etmişdin?
- Son vaxtlar o qədər söz-söhbət gəzirdi ki, adam bilmirdi hansına inansın. Gündə bir söz eşidirdik. Gah “gedir” deyirdilər, gah deyirdilər “qalır”. Ona görə də hamı kimi mən də çaşıb qalmışdım. Ancaq davranışına, işə münasibətinə baxıb gedəcəyini düşünmürdüm. Çünki elə bir görüntü yox idi. Həmişə necəydisə, son vaxtlar da elə görünürdü.
- Son 9 ildə yığmanı əcnəbilər çalışdırıb. Həm Foqts, həm də Prosineçki sənə kifayət qədər şans verib. Bu dəfə də legioner məşqçinin gəlməsini istəyirdin, yoxsa Qurban Qurbanovun təyinatı ürəyincə oldu?
- Qurbanov bu gün yerli mütəxəssislər arasında yığmaya bir nömrəli namizəd idi. Son illərdə ardıcıl nəticələr verən məşqçidi. Sadəcə, düşünürdüm ki, “Qarabağ”ı atıb yığmaya gəlməz. Ona görə inandırıcı görünmürdü mənə. Amma həm klubda, həm də yığmada işləyəcəyini biləndən sonra təəccüblənmədim. Fikrimcə, layiqli seçimdi. Bildiyimə görə, uzunmüddətli plan əsasında gəlib.
- Uzun illərdi bizi narahat edən əsas məsələ həm Foqtsun, həm də Prosineçkinin yığmada layiq olmayanlara şans verməsiydi. Xüsusilə legioner həyatı yaşayıb, klubunda forma geyməyənlərə hədsiz simpatiyaları vardı. Bu da Azərbaycan çempionatında oynayan futbolçuları narazı salırdı. Qurban Qurbanovun gəlişindən sonra bu “ənənə”yə son qoyulacağına görə sevinirsən?
- Qurban müəllim öz çempionatımızın içindədi. Hər şeyi görür, təhlil edir. Kim hansı formadadı, kimdə geriləmə, yaxud inkişaf var, kimlər bu gün layiqdi – bütün bunları görüb sonda qərar verəcək. Üstəlik, yerli futbolçuların hər birini həm futbolçu, həm də insan kimi beş barmağı kimi tanıyır. Bunun özü çox yaxşı haldı. Özümüzdə kifayət qədər yerli futbolçu var. Sadəcə, şans vermək lazımdı.
- Bir çox futbolçular əcnəbi mütəxəssislərin iş prinsipinə öyrəşmişdi. Sərbəstlik, zarafat və s. Qurbanov intizama xüsusi önəm verən adamdı. Bu məqamı göz önünə gətirəndə işinizin çətin olacağını düşünmürsən?
- Düzdü, indiyə qədər heç vaxt Qurban müəllimlə işləməmişəm. Münasibətimiz qaydasındadı, yaxşıdı. Bu dəqiqə hər kəsin istədiyi Qurban Qurbanovun yığmaya fayda verməsidi. Qalan kiçik detallar normaldı. İntizama gəlincə, hər komandada bu olmalıdı, normaldı.
- Legioner həyatı yaşamaq fikrin yoxdu?
- Açığı, bu dəqiqə ağlımda ancaq budu.
- Yadımdadı, həbs olunmamış da legioner həyatı yaşamaq istədiyini deyirdin.
- Əvvəl də istəyirdim, indi də istəyirəm. Futbolçu “artırmaq” istəyirsə, mütləq xaricə getməlidi.
- Vaxtilə məhbus həyatı yaşamağın bu məsələdə problem yaratmaz ki?
- Avropanın bir çox klubları belə məsələlərə həssas yanaşır, fikir verirlər. Vaxtilə həbsdə olanlara soyuq yanaşırlar. Azadlığa çıxandan bir müddət sonra bir-iki klub maraqlanmışdı. Məhz bu söhbəti eşidəndən sonra imtina etdilər. Belə olacağını özüm də bilirdim. Bu aralar legioner həyatı yaşamaq çox beynimə girib. Ən böyük arzumdu. Ancaq hər şey arzuyla həll olunmur.
- Azərbaycan futbolu darıxdırıcı gəlir sənə, yoxsa Avropada yaşamaq istəyinə görədi?
- Azərbaycan futboluna nə olub? Çempionat gərgin keçir, maraqlı oyunlar olur. Ona görə deyil.
- Sadəcə, burdakı futboldan doymusan.
- Doymuşam da deməzdim. Sadəcə, ölkədən kənara çıxmaq istəyirəm. Avropada olmasa da, Türkiyədə gücümü sınaya bilərəm.
- Superliqada?
- Təbii ki.
- İndiyə kimi belə bir təklifin olub?
- Xeyr, real təklif olmayıb.
- “Qarabağ”ın gücü göz qabağındadı. Təkcə “Atletiko” ilə oyunları xatırlamaq kifayətdi. Şablondan kənara çıxıb məsələyə real yanaşsaq, “Qəbələ” mövsümü çempion kimi başa vura biləcək?
- Bizim əsas mübarizəmiz “Qarabağ”ın özüylə deyil. Şəxsi görüşlərdəki oyunların nəticələrinə fikir verin. “Qarabağ”dan heç də geri qalmırıq. Bəzən biz uduruq, bəzən onlar. Nəticələrimiz pis deyil. Bizi geri salan məqam digər komandalarla oyunlarda itirdiyimiz gözlənilməz xallardı. Bu da əsas rəqimizin işini asanlaşdırır.
- Suala konkret cavab verə bilərsən?
- Belə deyim, bu il çempion olmağımız çətin məsələdi. Hər halda, belə görünür. Düzdü, mövsümün sonuna hələ çox var. “Kəpəz” və “Zirə” ilə oyunlardakı məğlubiyyətləri düşünəndə, reallığı qəbul etməli olursan. Bu dəqiqə aramızdakı xal fərqi elə də çox deyil. Şəxsi oyunlarda qalib gəlsək, məncə, vəziyyəti düzəltmək olar. Çətindi, amma özümüzdən asılıdı.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 02:04 Şahin Diniyevin oyunsonrası açıqlamalarının xronikası Dünən, 02:00 Turdan məqamlar Dünən, 01:55 İdman jurnalistlərinin vahid platforması yaradılıb Dünən, 01:50 "Qəbələ" fərqi artırdı Dünən, 01:47 Lökbatanda "6 xallıq" oyun Dünən, 01:43 Hakimlərin mühakiməsi Dünən, 01:38 “Çelsi”ni Bakıdan məyus yola salmaq olar Dünən, 01:34 “Kəpəz”də Yunis Hüseynov dönəmi başladı Dünən, 01:30 “Kəpəz”in Şəhriyarları günahı Diniyevdə yox, özlərində görür Dünən, 01:27 Vüqar yenə qol vursa da… Dünən, 01:25 “Traktorsazi” İsfahanda şok yaşadı Dünən, 01:21 Ruslan Qurbanov yazdı, “Neftçi” azarkeşləri coşdu Dünən, 01:16 İlham Əliyev FİFA-nın prezidentini qəbul etdi Dünən, 01:11 UEFA Azərbaycana 71 min avro göndərdi Dünən, 01:07 Yığma üzvləri Rusiyada sevindi Dünən, 01:05 “Lokomotiv” avrokubokda debüt oyununa çıxır Dünən, 01:01 Olimpiya çempionu Vladiqafqazda fərqləndi Dünən, 00:57 Çingiz Hüseynzadə vəzifəsində qaldı Dünən, 00:55 “Araz”dan çətin qələbə Dünən, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox 20-11-2017, 19:35 Cahangir Həsənzadə danışa bilmir 20-11-2017, 19:34 Konte “Qarabağ”la matçı mövsümün ən vacib oyunu sayır 20-11-2017, 19:32 Debütant önündə yenilgi Diniyevin sonu oldu 20-11-2017, 19:30 Liderlər xal itirmədi 20-11-2017, 19:28 “Qarabağ”ın fanklubları stadionda polis istəmir 19-11-2017, 15:39 U21 millimiz üçün biabırçı 3 ay - XRONOLOGİYA 19-11-2017, 14:59 "21 Oktyabrdan... 20 il sonra" filmi - TRAİLER 19-11-2017, 13:56 Dünya çempionu məşqlərə qatılmır 19-11-2017, 13:50 Tərlan Əhmədov: “Elnur Cəfərov 99 faiz “Neftçi”dən göndəriləcək” 19-11-2017, 13:49 Elnur Cəfərov müsahibədən boyun qaçırdı 19-11-2017, 13:45 Xaqani Məmmədov ofisiant işləyən hakimi yanına çağırdı 19-11-2017, 13:33 “Məsuliyyətdən yayınmaq üçün ictimaiyyətə yanlış fikirlər sırımaq istəyən şəxslə nə danışasan?” 19-11-2017, 13:30 U-21-in üzvləri köməkçi-məşqçilərdən şikayət edib? 19-11-2017, 13:26 Faiq Cabbarov növbəti həftəni gözləyir 19-11-2017, 13:14 Babək Alxasov U-21-dən ayrılmaqla centlmen kimi davrandığını düşünür 19-11-2017, 13:13 Elxan Məmmədov UEFA nümayəndələri ilə görüşdü 19-11-2017, 13:10 Aqil Nəbiyev İmişli stadionuna ziyan vurmadığını deyir 19-11-2017, 13:08 "Qarabağ" azlıqda da güclüdü 19-11-2017, 13:04 Mahmud Qurbanov ÇSKA-nın futbol akademiyasında olub 19-11-2017, 13:01 “Zaqatala” ilk qələbəni çempionla dueldə qazandı 17-11-2017, 22:35 SSRİ idman ustasını MGA-dan da qovdular 17-11-2017, 22:32 “Oyun alğı-satqısı ilə bağlı əsl bazar premyer-liqadadı” 17-11-2017, 22:30 “Kəpəz”in mühasibatlıq sənədləri və möhürü hələ də Bakıdadı 17-11-2017, 22:29 Azərbaycan DÇ-də kimə azarkeşlik edəcək? 17-11-2017, 22:25 Üç yığmaya 4 namizəd Bütün xəbərlər
Ən çox oxunanlar