29 okt 10:48manset

Aqil Abbas: “Nə olub Böyükağa Hacıyevə, it dişləyib?”

Aqil Abbas: “Nə olub Böyükağa Hacıyevə, it dişləyib?”
İctimaiyyət yığmada yerli mütəxəssis görmək istəyir
Beləliklə, yığmada baş məşqçi postu boşdu. Bu kürsüyə kimin gətiriləcəyi isə hamıya maraqlıdı. Böyük əksəriyyət yerli, müəyyən adamlar isə yenidən əcnəbi mütəxəssisi “sükan arxasında” görmək istəyir. Təbii ki, son söz AFFA rəhbərliyinin olacaq. Ölkənin əsas futbol qurumunun rəhbərləri üçün də hazırda çətin məqamdı. Çünki yığmamızın Millətlər Liqasından AÇ-2020-yə yollanmaq şansı var. Bu aralıqda yanılış seçim həmin şansın itməsi ilə nəticələnə bilər. Yığma ilə yanaşı ən çox “Qarabağ”ın çalışdırıcısı Qurban Qurbanovun adı çəkilir. Düzdü, futbol camiəsi onun Ağdam klubundan ayrılmasını istəmir. Amma eyni anda klubla birlikdə yığmanı da çalışdırmasını arzulayırlar. Bu baş verəcəkmi? Qurbanov buna razı olacaqmı? Təbii ki, çətin suallardı. Ümumiyyətlə, millinin baş məşqçisi yenə əcnəbi olmalıdı, yoxsa artıq yerliyə güvənməyin vaxtıdı? Yerli mütəxəssis gəlməlidisə, kim olmalıdı və nəyə görə? Bu suallara bir neçə tərəfin mövqeyini öyrənməyə çalışdıq. Sorğuya daim millinin yanında olan “Sektor 11” və “Milli Dəstə” azad azarkeş qruplarının rəhbərləri, tanınmış jurnalistlər və təbii ki, futbolla yaxından maraqlanan millət vəkilləri qatıldı.
Atanur Cəfərli, “Sektor 11”: “Düzünü desəm, şəxsən bir azarkeş qrupunun rəhbəri kimi qeyd edə bilərəm ki, mənim üçün heç bir fərqi yoxdu - istər yerli olsun, istərsə də əcnəbi. Əsas dəyişiklik məşqçilikdə yox, assosiasiyanın özündə olmalıdı. Həqiqətən də inkişaf istəyiriksə, AFFA-da dəyişiklik lazımdı. Yığmada yerli mütəxəssislər də işləyib, əcnəbilər də. Lakin nəticələr hər zaman yuxarı-aşağı eyni olub. Deməli, struktur düzgün qurulmayıb. Mütləq dəyişiklik lazımdı. Təbii ki, mən də yerli çalışdırıcının gətirilməsini istərdim. İlk ağla gələn də Qurban Qurbanovdu. O artıq “Qarabağ”la maksimumu bacarıb. AL-də, ÇL-də oynayıb. Milliyə gəlib, özünə də, komandaya da xeyir verə bilər. Əcnəbi mütəxəssis isə nə bizim futbolu, nə çempionatı, nə də mentallığımızı tanıyır. Bizdə bir az başqadı. Hər bir məkanın özünə uyğun futbola yanaşması var. Elə bir çalışdırıcı olmalıdı ki, AFFA onun işinə qarışmasın. Məncə, Qurbanovun işinə qarşıa bilməzlər. Bu üzdən də onu yığmaya gətirməyəcəklər. Sonda bir daha vurğulayım ki, kim gəlir-gəlsin, AFFA-da dəyişiklik olmalıdı. Baş katib, onun müavini və digər şəxslər dəyişməlidi. Rövnəq Abdullayev prezident olsa da, işi başqa adamlara tapşırıb. Lakin illərdi heç bir nəticə yoxdu. Belə qalsa, Joze Mourinyo gəlsə də, xeyri olmayacaq”.
Şamil Mustafayev, “Milli Dəstə”: “Bizim azarkeş qrupu üçün baş məşqçinin kim olacağı maraqlı deyil. Bizi əsasən nəticə maraqlandırır. Həmişə məşqçilər korpusundan, futbolçulardan nəticə tələb etmişik. Deyə bilmərik ki, yerli gəlsin. Tutaq ki, gəldi. Nəticə olmasa, özümüzü niyə günahkar sayaq? Deyəcəklər ki, “Milli Dəstə” yerli məşqçini istədi, amma nəticə olmadı. Yığmaya nəticə verə biləcək çalışdırıcı lazımdı. Hansısa namizədin adını çəkmək də olmur. Çox çətindi. Qurban Qurbanov məsələsinə gəlincə isə, hansısa şərh vermək istəmirik. Çünki ortaq fikir yoxdu. Bəziləri düşünür ki, gəlsə, yaxşı olacaq, çünki oyunçuları yaxşı tanıyır. Digər qism də fikirləşir ki, gəlsə, oyunçu seçimi zamanı qınaq obyektinə çevriləcək, həm də yığma ilə “Qarabağ”ın oyun üslubu eyni olacaq”.
Aqil Abbas, millət vəkili: “Təbii ki, millini yerli mütəxəssis çalışdırmalıdı. Bunu çox istəyərəm. Hər zaman zarafatla deyirəm ki, uduzuramsa, elə özümüzküylə uduzaq da. Məğlub olacağıqsa, o qədər pul verib əcnəbini neynirik? Yerli mütəxəssis gəlsin, amma Qurban Qurbanov yox. Çünki onun “Qarabağ”dan ayrılmasını istəmirəm. Bir məşqçi klubla yanaşı, yığmanı da çalışdıra bilər. SSRİ-də belə nümunələr olub. Valeri Lobanovski “Dinamo”nu çalışdıra-çalışdıra, yığmada da işlədi. Odu ki, Qurbanov gəlsə, mütləq “Qarabağ”da da qalmalıdı. Yığma bir ildə uzağı 10 oyun keçirir. Yəni Qurbanın yetərincə vaxtı olacaq. Berti Foqts var idi. Oyundan 3 gün əvvəl gəlirdi, nanay-nanay edib, çıxıb gedirdi. Nə Foqts, nə də Prosineçki komandanın, futbolumuzun, ölkəmizin içində deyildi. Ona görə də nəticə olmadı. Başqa mütəxəssislərə gəlincə, nə olub Böyükağa Hacıyevə, it dişləyib? Min dəfə Prosineçkidən yaxşıdı. Niyə Vaqif Sadıqov, Ağasəlim Mircavadov kənarda qalıb? Əcnəbilər onlardan yaxşı tanıyır futbolumuzu? Mən AFFA rəhbəri deyiləm. Son qərar onların olacaq. Amma belə pis çıxmasın, futbolu yaxşı bilirəm. Emosiyalı məşqçi gətirmək lazımdı. Bir çalışdırıcı uduzandan sonra üzülmürsə, ağlamırsa, deməli, milliyə layiq deyil. Heç havayı çalışsa da, layiq deyil. Mən futbolçu deyiləm, amma “Qarabağ” uduzanda üzülürəm, hətta ağlayıram. İndiyə qədər heç bir əcnəbidə bu üzüntünü görmədim. Hamısı pul alıb gedirlər. Özü də, hamı çıxıb gedənə yaxın özünə xal qazanır. Foqts deyirdi məni Argentina millisi çağırır, İngiltərə çağırır. Prosineçki də özünü yalandan reklam etdi ki, “Trabzonspor” dəvət edir. Halbuki o klubun yeni baş məşqçisi var, oyuna da çıxıblar. Yəni marka qazanırlar. Belə şey olmaz”.
Fazil Mustafa, millət vəkili: “Birmənalı şəkildə yeni baş məşqçi yerli mütəxəssis olmalıdı. Həm də özünü təsdiq etmiş şəxsə ehtiyac var. Millini indiki durumda Qurban Qurbanova tapşırmaqdan başqa alternativ yoxdu. Çünki Qurbanov əcnəbilərdən fərqli həm ölkə futbolunu yaxşı bilir, həm də psinsipial və ədalətli məşqçidi. Sistem qura bilən çalışdırıcıdı. Yığmanın əsas sütununu “Qarabağ”lılar təşkil edir. Yəni Qurban bəy yaxşı bir komanda ortaya qoya bilər. Söhbət millinin udub-uduzmayacağından yox, sabit çıxışdan gedir. Başqa real alternativ isə yoxdu. Bəli, Qurbanov “Qarabağ”dan ayrılsa, klub müəyyən çətinliklərlə üzləşə bilər. Amma o, hər ikisini çalışdırmaq imkanı qazanacaq. Azərbaycan çempionatı Türkiyə və digər çempionatlar deyil ki, orda hər həftə ciddi oyunlar olsun. Bizim premyer-liqada 3-4 güclü komanda var. Mükafat uğrunda “Qarabağ” və “Qəbələ” mübarizə aparır. Belə şəraitdə Qurbanov üçün iki cəbhədə çalışmaq böyük yük olmaz. Problem 18-20 komanda oynayan çempionatlarda ola bilər. Qurbanın yığmaya gəlişi ilə futbolumuzun gələcəyinə ümidlər artar. Öz övladlarımız oynamalıdı. Xaricdən futbolçu gətirməyi mənasız sayıram. Çoxlu pul verib kimlərisə getirmək doğru deyil. Uzağı orta sahəyə bir futbolçu gətirmək olar. Sıradan oyunçunu cəlb etmək isə bizə heç nə verməyəcək. Eybi yoxdu, qoy yığma sistem tam oturana kimi bir seçmə mərhələdə istədiyi nəticəni əldə etməsin. Amma yavaş-yavaş komanda formalaşacaq. Aşağı yaş qruplarına isə xaricdən savadlı çalışdırıcı gətirmək olar. Çünki orda böyük pullar tələb olunumur. Savadlı və təcrübəli əcnəbi mütəxəssis yaxşı gənclər yetişdirə bilər. Əsas millini isə bütün hallarda əcnəbiyə tapşırmaq doğru deyil”.
Vüqar Zeynalov, jurnalist: “Şəxsi fikrim odu ki, yenə əcnəbi çalışdırıcı gətirilməlidi. Çünki qarşıdakı seçmə mərhələ AÇ-2020-yə aiddi. Həmin mərhələdə çempionatda vəsiqə qazanmaq şansımız var. Lakin yeni əcnəbi çalışdırıcı elə adam olmalıdı ki, son illər yığmalarda işləsin, müəyyən uğurlar qazansın. Məşhur olmasa da, olar. İndi belə çalışdırıcıya ehtiyacımız var. Hazırda yığmanı AÇ-2020-nin seçmə mərhələsinə hazırlaya biləcək yerli məşqçimiz yoxdu. Bu mənim şəxsi fikrimdi. Təbii ki, son qərarı AFFA verəcək. Görək, kimi tapacaqlar?!”
Sənan Şəfizadə, jurnalist: “Məncə, yerli məşqçi dəvət olunmalıdı. Yığmamız Millətlər Liqasında mübarizə aparacaq. Ordan da AÇ-2020-yə çıxmaq şansımız var. Komandamız uğurlu nəticə qazana bilər. Bu realdı. Ona görə də futbolçuları, mentallığı yaxşı tanıyan bir mütəxəssis lazımdı. İstənilən əcnəbi məşqçiyə isə vaxt lazımdı. Futbolçuları, çempionatı tanımaq, adicə jurnalistlərlə ünsiyyət qurmaq üçün müəyyən zamana ehtiyac duyulacaq. Həmin zamana isə bizdə yoxdu. Çünki Millətlər Liqası artıq yaxınlaşır. Yerli mütəxəssis isə Qurban Qurbanovdu. O, bir nömrəli namizəddi. Qurban bəyin “Qarabağ”dan ayrılacağını düşünmək istəmirəm. O, klubda mütləq qalmalıdı. Çünki bu komandanı o yaradıb, formalaşdırıb. Bu klubun oyunçuları millinin özəyini təşkil edir. Amma Qurbanov gələrsə, iki yerdə çalışmaq da çətin olacaq. Yığma istənilən məşqçi üçün böyük məsuliyyət və sınaqdı. Fikir səslənir ki, Qurbanov “Qarabağ”da qazandığı nüfuzu yığmada xərcləyə bilər. Məncə, yığmada çalışmağın özü böyük bir nüfuzdu. Qurbanov iki cəbhədə çalışmağa razı olarsa, qoy gəlsin. O, futbolçuları, ab-havanı çox yaxşı tanıyır. Onun rəhbərliyi ilə yığma Millətlər Liqasından AÇ-2020-yə yollana bilər. Qurban bəy gəlsə, azarkeşlər və jurnalistlər də ona dəstək olmalıdı. Çünki birlikdə nəticə əldə edə bilərik”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-10-2018, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı 19-10-2018, 14:53 Mirheydər Səfiyev “nala-mıxa vurdu” 19-10-2018, 14:49 Hakimin burnunu sındıran baş məşqçi cəzalandı 19-10-2018, 14:46 Sənan Qurbanov “Neftçi”ylə oyuna dönüş nöqtəsi kimi baxır 19-10-2018, 14:24 Qurban Qurbanova yönələn iradlar haqlıdımı? 19-10-2018, 14:17 “Qarabağ”ın yığma ilə bağlı paylaşımı birmənalı qarşılanmayıb 19-10-2018, 14:14 Mahir sosial şəbəkələrdən istifadə etmir 19-10-2018, 14:12 Rüfət Dadaşov Prosineçkinin addımını axmaqlıq sayır 19-10-2018, 14:02 Futbolçu “Kəpəz”in baş məşqçisini döyüb? 19-10-2018, 14:00 “Böyüklər” yekun vuracaq, “birincilər” başlayacaq 19-10-2018, 13:58 “Neftçi” 1 qolla zirvəyə yüksəldi 19-10-2018, 13:56 Emin Mahmudov "Qəbələ"ni təhlükəli rəqib sayır 19-10-2018, 13:55 AFFA 4 xalı 40 min manatla mükafatlandırıb? 19-10-2018, 13:53 U-21 tsikli səfər xalı ilə bitirdi 19-10-2018, 13:51 “Qarabağ”ın oyununa cəmi 7000 bilet satılıb 19-10-2018, 13:50 Bolqar hakim yaxşı qiymət alıb 18-10-2018, 20:04 AFFA hakimə kəllə atan “Laçın”ın məşqçisini cəzalandıracaq 18-10-2018, 20:03 Mirheydər Səfiyevin istədiyi məbləğ AFFA-nı heyrətləndirib 18-10-2018, 20:01 Çempion və mükafatçı qələbəylə başladı 18-10-2018, 19:52 Qurban Qurbanovun “cırtdan”a qarşı gedişləri 18-10-2018, 19:50 Qələbəyə mane olan səbəblər 18-10-2018, 19:48 Mahirə çıxış yolları göstərdilər... 18-10-2018, 19:45 Maltalılar bayram edir 18-10-2018, 19:39 "Sektor 11" BOS-da niyə varlığını göstərmədi? 18-10-2018, 19:37 Vaxtilə məhbus həyatı yaşayanlar Kokorinlə Mamayevdən danışdı 18-10-2018, 19:34 Erkin İbrahimov Skandinaviyaya aparmaq üçün futbolçu axtarır 18-10-2018, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar