27 okt 11:46manset

Səmədağa Şıxlarova futbolda yer yoxdu deyə, həndbola üz tutub

Səmədağa Şıxlarova futbolda yer yoxdu deyə, həndbola üz tutub
“Elxan Məmmədovla görüşmək üçün üç dəfə müraciət etdim, qəbul eləmədi”
Bir çox futbolçular var ki, onları məşhurlaşmasına səbəb məhz SSRİ dövründə “Neftçi”nin şərəfini qoruması olub. O vaxt ağ-qara formanı geymək böyük fəxr idi, futbolda möhür sayılırdı. 70-80-ci illərdə azarkeşlərin sevgisini qazananlardan İsgəndər Cavadov, Maşallah Əhmədov, İqor Ponomaryov, Səməd Qurbanovun adlarını çəkə bilərik. Bu siyahıya asanlıqla Səmədağa Şıxlarovun adını da əlavə edə bilərik. “Neftçi”də keçirdiyi oyun və qol sayına görə kimlərdənsə geri qalsa da, azarkeşlərin sevgisini qazanan futbolçulardan olub. 1955-ci ildə anadan olan Şıxlarov müxtəlif illərdə “Neftçi”nin, Sumqayıt “Xəzər”inin, Bakı “Avtomolbiçi”sinin, Kiyev SKA-sının uğurları üçün tər töküb. 1974-dən 1984-cü ilə qədər ümumilikdə 8 mövsüm bakılıların formasını geyən Səmədağa bəy bu müddətdə 152 oyunun həyəcanını hiss etməklə 30 qola imzasını yazdırıb. O dönəmdə bu göstəriciyə imza atmaq hər adama nəsib olmurdu. Qısası, “Neftçi”nin keçmişində Şıxlarovun da imzası var. Amma haqqında söz açdığımız şəxs bu gün nə özünə doğma olan kluba lazımdı, nə də Azərbaycan futboluna. Bu ilin iyununda müqaviləsi uzadılmayan ötənlərin futbolçusu “Neftçi”dən ayrılmaq məcburiyyətində qaldı. O vaxtdan sonra səs-sorağı eşidilmirdi. İki gün əvvəl onunla bağlı xəbəri eşidəndə qulaqlarımıza inana bilməsək də, özüylə danışandan sonra məlumatın doğruluğuna əmin olduq.
- Nə iş görürsüz? Haralardasız?
- Hardayam? Futboldan uzaqda.
- Həndbolda?
- Bəli.
- Neynirsiz orda?
- Futbolda yer olmayanda başqa idman növlərinə getməlisən də. Güləşə, basketbola, boksa. Mən də həndbola gəldim.
- Bu boyda ölkə futbolunda sizə yer tapılmadı?
- Görün bu gün “Neftçi”də kimlər işləyir ki, Səmədağa Şıxlarovu klubdan uzaqlaşdırırlar. Kimləri saxlayırlar, özləri bilər, mənə aidiyyatı yoxdu. Mənim harda olmağım, nə işlə məşğul olmağım heç kimin vecinə deyil. Nə klub rəhbərliyinin, nə də AFFA-da əyləşənlərin. Baş katib Elxan Məmmədovla görüşmək üçün üç dəfə müraciət etdim, qəbul eləmədi.
- Kimə müraciət etmisiz?
- Katibəsinə.
- Niyə qəbul eləmir?
- Yəqin vaxtı yoxdu da.
- “Neftçi” rəhbərliyi ilə necə?
- Onlara heç nə deməmişəm. Kimi işdən çıxarıb, kimi gətirdiklərini özləri yaxşı bilirlər.
- Başqa klublar necə, “Qəbələ”, “Qarabağ”, “Zirə”?
- Heç kimlə danışmamışam. Görünür, üstümüzdən birdəfəlik xətt çəkiblər. Dünyada 70 yaşında məşqçilər işləyir. Mənim 62 yaşım var, qocalmışam, heç kimə lazım deyiləm.
- Həndbola üz tutmağınız necə oldu?
- Federasiyanın prezidenti Saleh Məmmədovla 25 ildi tanışam. Vaxtilə bir yerdə işləmişik. Ona müraciət etdim, sağ olsun, işlə təmin etdi. Nə olsun ki, işləyirəm. Həndbol mənim sahəm deyil axı. Mən burda yadam, yad. Boksdan futbola gələn adam necə olur, ona necə baxırlar? Mən də burda eləyəm. Şükür, həndboldan anlayışım var, müəyyən terminləri, oyun qaydalarını anlayıram. Qaydalar aşağı-yuxarı futboldakı kimidi. Sadəcə, həndbolda özümü futboldakı kimi rahat hiss etmirəm. Ömrümün 50 ilini futbola vermişəm, zarafat deyil.
- Vəzifəniz nədi?
- Menecerəm. İdman şöbəsində otururam. Yarışların keçirilməsinə nəzarət edirəm, təşkilatçılıqla bağlı işlərə baxıram.
- Dolanışıq var, heç olmasa?
- Belə də. Qazandığım pul maşının təmirinə ancaq çatır. “Bu günümüzə şükür” deyib oturmuşam.
- Oğlunuz Almaniyadadı. Madam ki, ölkə futbolunda sizə yer yoxdu, bəlkə yanına gedəsiz?
- Yayda baş çəkməyə getmişdim. Yox e, oralar mənlik deyil. Yaşaya bilmərəm. Oğlumun işi-gücü var, bütün gün məşğul olur. Mən də dil bilmirəm, gedib orda nə edəcəm? Bundan sonra ora getmək gecdi. Oğlum yanında olmağımı istəyir. Onun istəməsi ilə deyil ki. Reallıq var. Burda mənə yer yoxdusa, başqa idman növündə işləməliyəm. Başqalarına da məsləhət görürəm ki, basketbola, voleybola meyil salsınlar. Sizi inandırım, 50 illik ömrümü verdiyim futbola nifrət edirəm. Belə haqsızlıq olmaz. Almaniyada sənədi olan itlərin saxlanılması, qidalanması, müalicə olunması üçün ayda 1500 avro pul verirlər. Amma bizdə mənim kimi futbol adamlarına iş tapılmır. Belə çıxır ki, Almaniyadakı itlər bizdən daha şərəfli, daha hörmətlidi.
- İcraiyyə Komitəsinin üzvləri Kazbek Tuayevlə, İsgəndər Cavadovla münasibətiniz necədi?
- Açığı, o sferaya yaxınlaşmıram. Tuayevlə münasibətim yaxşıdı, qonşumdu.
- Bəlkə dərdinizi onlara deyəsiz?
- Yox-yox, elə şeylər mənlik deyil. Guya “Neftçi”dən çıxarılmağımı İsgəndər bilmirdi? Ona maraqlıydısa, zəng vurub soruşardı da, Səmədağa, nə olub, nə məsələdi? Sırtıqlıqla, gözəgirməklə aram yoxdu. Ona görə də çəkilib durmuşam qıraqda. Siz zəng vurmasaydız, guya həndbolda olduğumu kim biləcəkdi? Nə varsa, özümdə saxlayıram. Kiməsə demərəm ki, bunu yaz, belə yaz. Sadəcə, “Futbol+”də çalışanların xətrini çox istəyirəm. Ona görə danışıram. Kazbek Əliyeviç məni görəndə soruşur, maraqlanır. Deyirəm hər şey yaxşıdı, şükür. Yayda “Neftçi”dən çıxanda mətbuat konfransı keçirib, bəzi açıqlamalar vermək istəyirdim. Dost-tanış qoymadı, dedilər səbirli ol. Bu qədər səbr edirəm, xeyri yoxdu. Adamın ürəyi partlayır. Futbol oynamışıq, canımızı qoymuşuq, pis-yaxşı hansısa mənada nəsə eləmişik. Bu cür münasibət nəyə görədi, anlaya bilmirəm.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 02:04 Şahin Diniyevin oyunsonrası açıqlamalarının xronikası Dünən, 02:00 Turdan məqamlar Dünən, 01:55 İdman jurnalistlərinin vahid platforması yaradılıb Dünən, 01:50 "Qəbələ" fərqi artırdı Dünən, 01:47 Lökbatanda "6 xallıq" oyun Dünən, 01:43 Hakimlərin mühakiməsi Dünən, 01:38 “Çelsi”ni Bakıdan məyus yola salmaq olar Dünən, 01:34 “Kəpəz”də Yunis Hüseynov dönəmi başladı Dünən, 01:30 “Kəpəz”in Şəhriyarları günahı Diniyevdə yox, özlərində görür Dünən, 01:27 Vüqar yenə qol vursa da… Dünən, 01:25 “Traktorsazi” İsfahanda şok yaşadı Dünən, 01:21 Ruslan Qurbanov yazdı, “Neftçi” azarkeşləri coşdu Dünən, 01:16 İlham Əliyev FİFA-nın prezidentini qəbul etdi Dünən, 01:11 UEFA Azərbaycana 71 min avro göndərdi Dünən, 01:07 Yığma üzvləri Rusiyada sevindi Dünən, 01:05 “Lokomotiv” avrokubokda debüt oyununa çıxır Dünən, 01:01 Olimpiya çempionu Vladiqafqazda fərqləndi Dünən, 00:57 Çingiz Hüseynzadə vəzifəsində qaldı Dünən, 00:55 “Araz”dan çətin qələbə Dünən, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox 20-11-2017, 19:35 Cahangir Həsənzadə danışa bilmir 20-11-2017, 19:34 Konte “Qarabağ”la matçı mövsümün ən vacib oyunu sayır 20-11-2017, 19:32 Debütant önündə yenilgi Diniyevin sonu oldu 20-11-2017, 19:30 Liderlər xal itirmədi 20-11-2017, 19:28 “Qarabağ”ın fanklubları stadionda polis istəmir 19-11-2017, 15:39 U21 millimiz üçün biabırçı 3 ay - XRONOLOGİYA 19-11-2017, 14:59 "21 Oktyabrdan... 20 il sonra" filmi - TRAİLER 19-11-2017, 13:56 Dünya çempionu məşqlərə qatılmır 19-11-2017, 13:50 Tərlan Əhmədov: “Elnur Cəfərov 99 faiz “Neftçi”dən göndəriləcək” 19-11-2017, 13:49 Elnur Cəfərov müsahibədən boyun qaçırdı 19-11-2017, 13:45 Xaqani Məmmədov ofisiant işləyən hakimi yanına çağırdı 19-11-2017, 13:33 “Məsuliyyətdən yayınmaq üçün ictimaiyyətə yanlış fikirlər sırımaq istəyən şəxslə nə danışasan?” 19-11-2017, 13:30 U-21-in üzvləri köməkçi-məşqçilərdən şikayət edib? 19-11-2017, 13:26 Faiq Cabbarov növbəti həftəni gözləyir 19-11-2017, 13:14 Babək Alxasov U-21-dən ayrılmaqla centlmen kimi davrandığını düşünür 19-11-2017, 13:13 Elxan Məmmədov UEFA nümayəndələri ilə görüşdü 19-11-2017, 13:10 Aqil Nəbiyev İmişli stadionuna ziyan vurmadığını deyir 19-11-2017, 13:08 "Qarabağ" azlıqda da güclüdü 19-11-2017, 13:04 Mahmud Qurbanov ÇSKA-nın futbol akademiyasında olub 19-11-2017, 13:01 “Zaqatala” ilk qələbəni çempionla dueldə qazandı 17-11-2017, 22:35 SSRİ idman ustasını MGA-dan da qovdular 17-11-2017, 22:32 “Oyun alğı-satqısı ilə bağlı əsl bazar premyer-liqadadı” 17-11-2017, 22:30 “Kəpəz”in mühasibatlıq sənədləri və möhürü hələ də Bakıdadı 17-11-2017, 22:29 Azərbaycan DÇ-də kimə azarkeşlik edəcək? 17-11-2017, 22:25 Üç yığmaya 4 namizəd Bütün xəbərlər
Ən çox oxunanlar