01 okt 14:09manset

BOS-un direktoru azarkeşləri qınadı

BOS-un direktoru azarkeşləri qınadı
“60 min adam eyni anda stadiona gəlirsə, problemlər qaçılmazdı”
“Qarabağ”ın Çempionlar Liqasının qrup mərhələsindəki ev oyunlarını Bakı Olimpiya Stadionunda (BOS) keçirməsi qərara alındıqda bu xeyli müzakirələrə səbəb olmuşdu. BOS-la bağlı yeganə yaxşı məqam arenanın daha çox azarkeş tutumuna malik olması idi. Öncədən bilinirdi ki, müəyyən problemlər olacaq. Arenanın yerləşdiyi məkan, stadiona gediş-gəliş məsafəsi və başqa məqamlar bunu deməyə əsas verirdi. Amma “Roma” ilə oyunda gözləniləndən daha çox problemlər ortaya çıxdı. Məsafədən əlavə, media üçün ayrılmış yerin yağış sularına qərq olması, giriş-çıxışlarda yaranan sıxlıq, media mərkəzində fasilə zamanı qida probleminin yaranması, bəzi könüllülərin təlimatsız olması, əvvəlcədən söz verilənin əksinə, media-zonada monitorların quraşdırılmaması və oyundan sonra Bakı Nəqliyyat Agentliyinin (BİA) avtobuslarının azarkeşləri daşımamasına qədər çatışmazlıqlar bir daha göstərdi ki, BOS böyük idman tədbirlərini qəbul etməyə tam hazır deyil. Bütün bunlar 2019-cu ildə Avroliqanın finalını qəbul edəcək arena üçün böyük nöqsanlardı. Düzdü, qarşıda təxminən iki ilə qədər vaxt var. Amma “Qarabağ”ın “Atletiko” və “Çelsi” ilə ev oyunlarını da nəzərə almaq lazımdı. Görəsən, həmin görüşlər zamanı da bu çatışmazlıqlar davam edəcək? Çərşənbə günü gördüklərimizlə bağlı BOS-un direktoru Cavid Qarayevlə danışmağı lazım bildik.
- Stadionun girişində azarkeşlər müəyyən problemlərlə üzləşdi. Nəticədə sıxlıq yarandı. Bilinirdi ki, bu matça xeyli azarkeş gələcək. Fanatların rahatlığı üçün nəsə düşünməmişdiz?
- Təəssüf ki, bizdə futbola gələn adamlar oyuna 1 saat qalmış stadionun yanında olurlar. Qapılar matçın başlamasına 3 saat qalmış açılıb. Biz sıxlığı nəzərə aldığımız üçün bu addımı atmışdıq. 60 min adam eyni anda stadiona gəlirsə, problemlər qaçılmaz olur. Bizdə videolar var, görürük ki, ilk 1 saat ərzində stadiona cəmi 1500-2000 nəfər gəlib. Oyunun startına bir saat qalmış isə 60 minlik kütlə girişə yaxınlaşdı. Burda edə biləcəyimiz nəsə yox idi. Orda yoxlama gedirdi. Üstəlik, yağış yağırdı. Bu da prosesə maneə törətdi. Sıxlığı aradan qaldırmaq fiziki cəhətdən mümkün olmadı.
- Bəs növbəti matçlarda bu problemi aradan qaldırmaq üçün hansısa ideyalarınız varmı?
- Dünən (srağagün) oyundan sonra “Qarabağ”ın nümayəndələri və mühafizə orqanları ilə görüş keçirdik. Növbəti matçlardan öncə də bu cür görüşlər olacaq. Müəyyən addımlar atacağıq ki, azarkeşlər stadiona sərbəst girib-çıxa bilsinlər. Boşluqları aradan qaldırmağa çalışacağıq.
- Azarkeşlərin stadiondan çıxışı zamanı da müəyyən çətinliklər yaşanıb. BNA tərəfindən söz verilən avtobuslar BOS-a gəlməyib və nəticədə azarkeşlər güclü yağışda islanıb, yollarda qalıblar.
- Bizim BNA ilə müqaviləmiz yoxdu. Daşınma ilə bağlı problemin olduğunu bilirəm. Amma səbəbi bilmirəm. Bunu həmin şirkətdən soruşsaz, daha yaxşı olar.
- Könüllülərin xidməti də yüksək səviyyədə deyildi və düzgün təlimatlandırılmamışdılar. Onlar qarşısına çıxan adamları hansı tərəfə yönəltməli olduqlarını bilmirdilər. Könüllülərin təlimatlandırılması sizin səlahiyyətinizdə idi, yoxsa “Qarabağ”ın?
- Yox, onları biz təlimatlandırmamışıq. Könüllülər sırf “Qarabağ”ın işi idi. Bu haqda konkret nəsə deyə bilmərəm. Bəli, yaxşı olardı ki, onlar güclü təlimatlandırılardılar. Çatışmazlıqlar olsa da, onlar bizə çöx kömək etdilər. Oyundan 3 gün əvvəl xeyli təlim keçmişdilər. Yenə deyirəm, havanın yağışlı olması müəyyən işlərə mane oldu. Könüllülər gənc insanlardı. Böyük təcrübələri yoxdu. Yəqin ki, bəzi təlimatları unudublar. Amma “Qarabağ” onları həm yağışdan qorudu, həm də qidalanmalarını yüksək səviyyədə təmin etdi.
- Bilirik ki, BOS-da media tribunası meydandan çox uzaqdadı. Deyilmişdi ki, jurnalistlərin oyuna daha rahat baxa bilməsi üçün monitorlar yerləşdiriləcək. Lakin biz bunu görmədik.
- Bəli, belə ideya var idi. Amma bunu fiziki cəhətdən çatdırmadıq. Biz monitorları birinci mərtəbədən 5-ə demontaj etməliydik. Bunun üçün də vaxt lazımdı. Matça 3 gün qalmış UEFA baxış keçirən zaman monitorları tələb etdi. Lakin çatdıra bilmədik. Bilirsiz, monitor quraşdırılandan sonra da başqa problem ortaya çıxa bilərdi. Axı, media zonasının üstü tam örtülü deyil. Yağış hər yeri isladır. Bu halda monitordan nəyəsə baxmaq mümkünsüzdü. Dünən (srağagün) quraşdırmış olsaydıq belə, bütün monitorlar işlək vəziyyətdə olmazdı. Qarşıdakı oyunlarda bu çatışmazlıqlar aradan qaldırılacaq.
- Bəli, elə media zonasına yağış yağdığına görə normal işləyə bilmədik. Həmin hissənin bağlanması üçün iş görəcəksiz?
- Stadionun konstruksiyası elədi ki, ora yağış düşür. İndi fikirləşirik ki, həmin problemi necə aradan qaldıraq? Heç kim istəməz ki, jurnalist gəlsin, islansın, normal işləyə bilməsin. Kameramanlar öz kameralarını selofanlarla örtmüşdülər. Amma bilgisayarları örtmək bir az müşkül məsələdi. Bunu düşünürük və mütləq şəkildə iş görəcəyik.
- Digər sualımız BOS-da azarkeşlər üçün xidmət göstərən bufetlərlə bağlıdı. Bildimiz qədər həmin bufetlərdə qiymətlər çox yüksək olub. Bunu siz tənzimləyirsiz, yoxsa şirkətlər?
- Qiyməti biz yox, şirkətlər təyin edir. Biz buna müdaxilə edə bilmərik. Düzünü desəm, mən qiymətlərlə maraqlanmamışam. Amma çoxları seçimin geniş olduğunu vurğulayırdı.
- Fasilədə jurnalistlər üçün açılan furşet zamanı da müəyyən çatışmazlıqlar oldu. Çay verilmədi, yemək çatmadı. Media mənsublarına yeməyi BOS hazırlamışdı?
- Biz bunu “Qarabağ”la birgə təşkil etmişdik. Yəni işi tək biz görməmişdik. Orda hansısa problemin yaşandığını eşitməmişəm. Bu cür problem görmüşdüzsə, gərək bizə xəbər edəydiz. Orda həm “Qarabağ”ın, həm də bizim nümayəndələrimiz olub. Çatışmazlığı rahat aradan qaldıra bilərdilər. Hamınızdan xahiş edirəm, oyun zamanı stadionda gördüyünüz bütün problemləri bizə çatdırın. Biz də onları aradan qaldıraq.
- Sizcə, dünənki oyun fonunda BOS Avroliqanın final görüşünü qəbul etməyə neçə faiz hazırdı?
- Çatışmazlıqlar var. Gəlin, şkala ilə hesablayaq. Mən BOS-un hazırlıq səviyyəsinə 10 ballıq şkala ilə 8 bal verərəm. Qalan iki bal da çatışmazlıqlardı ki, onların üzərində işləyib, arenanı ideal vəziyyətə gətirməliyik.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-10-2017, 00:59 Hidayət Heydərov 11 illik həsrətə son qoydu 21-10-2017, 00:57 Prosineçki yenə vədinə xilaf çıxdı 21-10-2017, 00:56 “Neftçi” Gəncədə 18 min azarkeşin qarşısına çıxacaq 21-10-2017, 00:55 Məsuliyyəti üzərinə götürən Mirbağır İsayev istefa haqda düşünmür 21-10-2017, 00:53 Bədavi azı 2-3 həftə oynamayacaq 21-10-2017, 00:51 BOS-dakı avtomobil parkı bir saata dolub 21-10-2017, 00:50 “Köhlən atlar” mərc həvəskarlarını ziyana salıb 21-10-2017, 00:47 Son anda fərqli qərar verilsəydi... 21-10-2017, 00:45 Dinonun "qırmızı"sı haqlı müzakirələrə yol açdı 21-10-2017, 00:40 20 ildi “Futbol+”də hesab-kitab aparan şəxs 21-10-2017, 00:33 “Gözəgörünməz qüvvə”: operatorlar “Futbol+”dəki illərini necə xatırlayır? 21-10-2017, 00:30 “Traktorsazi”yə son dəqiqə şoku 19-10-2017, 18:04 “Canlı ensiklopediya” 65-i geridə qoydu 19-10-2017, 17:57 Boris Xetaqurov da bizi təbrik etdi 19-10-2017, 17:54 Tarixi sayı “Qarabağ”ın bütün heyətinə imzalatdıran oxucu 19-10-2017, 17:32 “Futbol+”in işi klubların gözündə 19-10-2017, 17:30 Klubların əksəri aşağı yaş qruplarına buts paylaya bilmir 19-10-2017, 17:28 MOİK rəhbərliyi Ramil Əliyevi saxladı 19-10-2017, 17:27 Cərimələr 20 mini ötdü 19-10-2017, 17:26 Tərlan Əhmədovdan örnək addım 19-10-2017, 17:24 “Atletiko”nun prezidenti Hafiz Məmmədovun qonağı oldu 19-10-2017, 17:20 Gənclər “Atletiko”ya müqavimət göstərə bilmədi 19-10-2017, 17:18 “Qarabağ” “Koroğlu”nun ətrafını bayram yerinə çevirdi 19-10-2017, 17:16 İlk qol, ilk xal, bəs sonra… 19-10-2017, 17:14 Anar Salmanovdan idarəçiliyə qiymət: biabırçılıq! 19-10-2017, 17:11 Zabit Səmədov tanınmış döyüşçünü Bakıya gətirmək istəyir 19-10-2017, 17:09 Prosineçki yenə ləngidi 19-10-2017, 17:07 Superliqa oyunları ölkəmizdə yayınlanmayacaq 19-10-2017, 17:05 Futzalçılar Alesioda günah görmür 19-10-2017, 17:03 Maşallah Əhmədovdan 300 min manat tələb olunur 19-10-2017, 17:01 Yığmanın sabiq çalışdırıcısından şok açıqlama 19-10-2017, 16:58 Reaksiyalar 19-10-2017, 16:55 Qurbanov fransız hakimin qərarı ilə razılaşmır 17-10-2017, 16:51 Təmkin yenə “Kəpəz”in başına oyun açdı 17-10-2017, 16:50 “Qəbələ” ikinci dövrəyə də darmadağınla start verdi 17-10-2017, 16:48 “Arada düşünürəm ki, bu qəzet olmasa, mən necə yaşaya bilərəm” 17-10-2017, 16:44 20 ildə “Futbol+”in bütün saylarını yığan oxucu 17-10-2017, 16:31 Fərhad “Qəbələ”liləri vaxtı uzatmaqda qınadı 17-10-2017, 16:29 Cavid Hüseynov da Prosineçkinin qalmasını istəyir 17-10-2017, 16:26 “Sabah”dan darmadağın 17-10-2017, 14:51 Mahir Mədətovun əmisinə xəsarət yetirdilər 17-10-2017, 14:50 Birinci divizionda ilk istefa 17-10-2017, 14:49 “Neftçi” “Səbail”in borcunu artıqlaması ilə qaytardı 17-10-2017, 14:47 Abasov yetirmələrini təriflədi 17-10-2017, 14:44 Qriqorçukun “avtobus taktikası” özünü doğrultdu 17-10-2017, 14:42 “Araz” mübarizəni dayandırdı... 17-10-2017, 14:40 Rahid Əmirquliyevin təftişi: iki halın heç birində oxumadı 17-10-2017, 14:38 “Qarabağ” “Atletiko”nu məğlub etsə, azarkeşlər pulsuz taksidən yararlanacaq 17-10-2017, 14:37 Prosineçki Sloveniya variantını təsdiqlədi 17-10-2017, 14:34 Antalyada ikiqat uğur 17-10-2017, 14:31 Ölkə çempionunu Danimarkada “döydülər” 17-10-2017, 14:30 Yığma üzvü Rusiyada kapitan oldu 17-10-2017, 14:28 İlk “üçlük”lə başqaları arasında uçurum dərinləşir 15-10-2017, 14:34 Errera və Barqasla anlaşma yeniləndi 15-10-2017, 14:32 Cavadovlar qız gözləyəndə Vaqif doğulub 15-10-2017, 14:28 “Qarabağ” sonda sevindi 15-10-2017, 14:26 “Azəryol” heyətini açıqladı Bütün xəbərlər
Ən çox oxunanlar