29 sen 01:47manset

Qol var, xal da olacaq...

Qol var, xal da olacaq...
Çempionlar Liqası
Qrup mərhələsi, 2-ci tur
Qarabağ – Roma (İtaliya) 1:2 (1:2)

13. İbrahim Şehiç
25. Ansi Aqolli
55. Bədavi Hüseynov
14. Rəşad Sadıqov (k)
5. Maksim Medvedev
2. Qara Qarayev
20. Riçard Almeyda
11. Mahir Mədətov
(77. Vild-Donald Gerye, 81)
8. Miçel
(99. Dani Kintana, 88)
10. Pedro Enrike
(18. Tarik Elyunussi, 76)
9. Dino Ndlovu
Ehtiyat oyunçular
1. Anton Kanibolotski
7. Rahid Əmirquliyev
52. Yakub Jezniçak
91. Coşqun Diniyev
Baş məşqçi: Qurban Qurbanov

1. Alisson Beker
11. Aleksandr Kolarov
5. Juan Jezus
44. Kostas Manolas
25. Bruno Peres
4. Raca Naynnqolan (k)
21. Maksim Qonalon
(16. Daniele De Rossi, 67)
7. Lorentso Pelleqrini
(6. Kevin Strotman, 82)
92. Stefan Əl-Şaaravi
23. Qriqori Defrel
(24. Alessandro Florentsi, 58)
9. Edin Dzeko
Ehtiyat oyunçular
28. Lukaş Skorupski
17. Çengiz Ündər
20. Federiko Fasio
30. Jerson
Baş məşqçi: Eusebio Di Françesko
Qollar: K.Monalos, 7 (0:1). E.Dzeko, 15 (0:2). P.Enrike, 28 (1:2).
Vərəqələr: Q.Qarayev, 39. P.Enrike, 41. M.Qonalon, 43 – sarı.
Hakimlər: ARTUR DİAŞ, Ruy Tavares, Paulo Soareş, Bruno Rodriges, Tyaqo Martins, Joao Pineyro (hamısı Portuqaliya).
Hakim-inspektor: Haim Yakov (İsrail).
UEFA nümayəndəsi: Oleq Xarlamov (Estoniya).
27 sentyabr. Bakı. Olimpiya stadionu. 67200 tamaşaçı.
Birinci hissəyə 1, ikinci hissəyə 3 dəqiqə əlavə olunub.
13 (1) qapıya (“çərçivə”yə) zərbə 15 (9)
4 korner 9
5 ofsayd 1
21 qayda pozuntusu 8
2 vərəqə (qırmızı) 1
Dünən azərbaycanlı futbolsevərlər daha bir tarixi anın şahidi oldu. Belə ki, ölkəmizdə ilk dəfə Çempionlar Liqasının qrup oyunu keçirildi. Düzdü, cari mövsüm artıq bir dəfə paytaxtımızda qitənin ən nüfuzlu klub turnirinin himni səslənmişdi. Bu pley-off oyunu zamanı baş vermişdi, indi isə qrup matçında o möhtəşəm himn səslənəcək, azarkeşlər coşacaq, hər kəs bu sevincin qürurunu yaşayacaqdı.
“Roma” favorit olsa da, “Qarabağ”sevərlər də tam ümidsiz deyildi. Futbol elə sürprizlərinə, bəzən aşkar üstün görünən tərəfin uğursuzluğa düçar olmasına görə də sevilir. Hər halda, Olimpiya stadionunda bir sıra tarixi məqamlar yaşana bilərdi. Vurulacaq qol, mümkün 1 xal ÇL-in qrupundakı ilklər kimi ölkə futbolunun tarixinə düşəcəkdi.
İlk turda “Roma” evdə “Atletiko” ilə qolsuz heç-heçə etmiş. “Qarabağ” isə “Çelsi” səfərindən ağır məğlubiyyətlə dönmüşdü. Odu ki, ağdamlılar Londondakı 0:6-nı hansısa yolla unutdurmaq niyyətindəydi. Bu ən yaxşı halda “Roma”dan qoparılacaq xal hesabına da ola bilərdi, ən pis halda qol vurmaq və daha yaxşı oyun sərgiləmək hesabına da. Hər halda, ilk dəfə avrokubok oyununa “qucaq açan” Olimpiya stadionuna axışan onminlərlə azarkeş “Qarabağ”a inanırdı. Ölkənin ən nəhəng arenasında qeydə alınan ölkəmiz üçün rekord tamaşaçının gözü önündə Qurbanovun yetirmələri uğurlu nəticə üçün döyüşəcəkdi. “Qarabağ”ın start heyətinə gəlincə, zədəsini sağaldan Ansi ilk “11-lik”də idisə, Jezniçak və Gerye matçı ehtiyat oyunçular skamyasından izləyirdi.
İlk dəqiqələrdə “Qarabağ” pis təsir bağışlamasa da, tezliklə “Roma” üstünlüyü ələ aldı. Qurbanovun yetirmələrinin həyəcanı fonunda təzyiqi artıran “canavarlar” erkən qol arzusuna da çatdı. 7-ci dəqiqədə kornerdən qapı önünə asma zamanı Şehiç topu düz Pelleqrininin üstünə qaytardı. Lorentso isə qapı önünə sürətli ötürmə etdi, Manolas dəqiq baş zərbəsi ilə “atəşkəsi pozdu”. Bundan sonra meydan sahibləri bir qədər fəallaşdı. Hətta Enrike ilə qurulan əks-hücum da yaddaqalan alındı. Həmin anda Pedronun, ardından Sadıqovla Riçardın zərbəsinin qarşısını rəqib müdafiəçilər aldı. İtalyanların növbəti hücumu isə qolla nəticələndi. Defrel çətin vəziyyətdə olmasına baxmayaraq, Dzekoya ötürmə etdi. Sonuncu topu sinəsi ilə saxladı, Rəşadı ikili mübarizədə məğlub etdi, qüvvətli vuruşundan sonra top tirə dəyib, tora daxil oldu. 26-cı dəqiqədə topu ələ keçirən Dino irəliləmək qərarına gəldi, halbuki həmin anda rəqib qolkiper xeyli önə çıxmışdı və “kürə”ni onun başı üzərindən tora göndərmək olardı. Zaman göstərdi ki, Ndlovunun irəliləmək qərarı doğru deyilmiş və müdafiəçilər təhlükənin böyüməsinə imkan vermədi. 28-ci dəqiqədə Dzekonun uzaqdan vuruşunu Şehiç zərərsizləşdirdi. “Qarabağ” isə bunun cavabını dərhal, özü də qolla verdi. Dino topu ələ keçirib, Pedroya ötürmə etdi. Enrike onun zəhmətini lazımınca dəyərləndirib, qapıya qarşısıalınmaz zərbə endirdi. Bu qol həm ölkə futbolu, həm də “Qarabağ” adına ÇL-in qrupundakı ilk qol kimi tarixə düşdü. Buraxılan qoldan sonra “canavarlar” təzyiqi artırdı və Şehiçin qoruduğu qapıya “yükləndi”. 33-cü dəqiqədə Əl-Şaaravinin baş zərbəsi zamanı İbrahim topun tora daxil olmasına imkan vermədi. Bundan bir qədər sonra isə “köhlən atlar” yerli azarkeşləri ayağa qaldıra bilərdi. Riçard əla ötürməylə Pedro üçün fürsət yaratsa da, müdafiəçilər bu dəfə braziliyalıya əl-qol açdırmadı. Hissənin sonlarına doğru Di Françeskonun yetirmələri iki yaddaqalan hücum təşkil etdi. 40-cı dəqiqədə Kolarov cərimə zərbəsindən birbaşa qapını nişan alsa da, Şehiç topu qaytardı. Cəmi 3 dəqiqə sonra isə Defrel diqqət mərkəzinə düşdü. Ancaq o da fasiləyə kimi hesabı dəyişə bilmədi.
İkinci hissəyə “Qarabağ” fəal başladı. 50-ci dəqiqədə Miçelin zərbəsi təhlükəli alınsa da, dəqiq deyildi. Az sonra qonaqlar bunun cavabını qolla verməyə yaxın oldu. Pelleqrininin vuruşundan sonra Şehiç barmaqlarının ucu ilə topu kornerə çıxardı. Ümumiyyətlə, ikinci hissədə “köhlən atlar” inamlı görünürdü. Qurbanovun yetirmələri təhlükəli hücumların sayı baxımından da ilk yarıyla müqayisədə daha yaxşı təsir bağışlayırdı. Bununla belə, irəli xətdəki fəallığa rəğmən, müdafiədə boşluqlar da diqqəti çəkirdi. Belə epizodlardan birində - 61-ci dəqiqədə isə “Roma” hesab arasındakı fərqi artırmağa yaxın oldu. Dzeko əla ötürmə ilə Peresi zərbə mövqeyinə çıxardı, Brunonun vuruşu zamanı İbrahim komandasını real qoldan xilas etdi. Bundan sonra bir müddət qapılar qarşısında qol vəziyyətinin şahidi olmadıq. Daha çox qayda pozuntuları fonunda qapıçıların işi çox deyildi. 73-cü dəqiqədə isə “Qarabağ” “status-kvo”nu bərpa edə bilərdi. Aqollinin qapı önünə ötürməsini Manolas qaytardı, Riçardın ayağı boşa çıxsa da, Qara qüvvətli zərbə endirdi. Lakin bu dəfə də blok topun qarşısını aldı. Bu dəqiqələrdə “kohlən atlar” əməlli-başlı üstünlüyə yiyələnmişdi. Qurbanov tarixi qola imza atan Enrikeni Elyunussi ilə əvəzlədi. Oyunun son 10 dəqiqəsi də dramatik axarsa keçdi. Sonradan meydana çıxan Gerye Elyunussini zərbə mövqeyinə çıxarsa da, sonuncunun vuruşu effektli alınmadı. 90-cı dəqiqədə isə Olimpiya stadionunda, eləcə də ekranların qarşısında olan azarkeşləri coşdurmaq olardı. Ansi qapı önünə asma etdi, Dino əla baş zərbəsi ilə topu qapıya yönəltsə də, vuruşunda cüzi dəqiqlik çatmadı.
Beləliklə, “Qarabağ” ardıcıl ikinci oyunda da uduzdu. Lakin xüsusən ikinci hissədə sərgilənən oyuna görə komandanı qınamaq olmaz. İlk 20 dəqiqədəki həyəcan və inamsızlıq olmasaydı, bəlkə də bu komandadan xal qoparmaq olardı. Heyətlə bağlı seçimlər – Jezniçakla Geryenin ehtiyatda qalması isə müzakirə mövzusu ola bilər. Hər halda, bu oyunda qol vurmaqla təsəlli tapan komanda növbəti oyunlarda xal arzusunu gerçəkləşdirməyə çalışacaq. Bunun nə qədər mümkün olub-olmayacağını isə zaman göstərəcək. Onu da qeyd edək ki, “Qarabağ” növbəti oyununu da evdə keçirəcək. Ağdamlılar oktyabrın 18-də “Atletiko”nu qəbul edəcəksə, həmin gün “Roma” “Çelsi”nin qonağı olacaq.
FARİZ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:36 Nazim Süleymanovu tərk edənlərin ortaq dərdi var Bu gün, 12:35 Almeyda Şeferin komandasında oynayacaq Bu gün, 12:34 Mahir Əmrəlinin gözəl qolu kifayət etdi Bu gün, 12:32 Birinci oyunu özbəklər, ikincini yığmamız qazandı Bu gün, 12:31 “Keşlə” ikinci oyunda da uduzdu Bu gün, 12:29 “Neftçi”də ispan məşqçi Bu gün, 12:28 “Sabah” "Spartak"ın gəncləri ilə “sülh bağladı” Bu gün, 12:24 “Zirə” toplanışı qələbəylə bitirdi Bu gün, 12:20 “Zirə” Krnetanı qaytardı Bu gün, 12:17 Kvaşuk Azərbaycan xatirələrini bölüşdü Bu gün, 12:13 “Sumqayıt” Türkiyədə ilk qələbəsini qazandı Bu gün, 12:10 Samir Abasov aşağı yaş qrupu üzrə yığmaları çalışdırmaq istəmir Bu gün, 12:07 Rüfət Dadaşovu qınayırlar... Bu gün, 12:05 2020-ci ildə ilk heç-heçə Bu gün, 12:03 Xoş gəldin, Vassaras! Xoş getdin, 5000 avro... Bu gün, 11:58 Yeni federasiyanın ilk iclası keçirildi 22-01-2020, 12:17 Yanvarın 28-də seçki yox, təyinat olacaq! 22-01-2020, 12:15 Rövnəq Abdullayev 4-cü dəfə prezident olmaq istəyir 22-01-2020, 12:14 “Neftçi” Bordinə təzminat ödəyəcək 22-01-2020, 12:12 Rauf Əliyevin qanunlara “hörməti”: həm deputatdı, həm də biznesmen 22-01-2020, 12:09 “Forza Neftçi” Bordinin göndərilməsini gecikmiş qərar sayır 22-01-2020, 12:08 U-19-un düşərgəsində növbəti qalmaqal 22-01-2020, 11:58 “Qarabağ” sonda məğlubiyyətdən qaçdı 22-01-2020, 11:56 “Sabah” əzmkar qələbəyə sevindi 22-01-2020, 11:51 80 dəqiqəlik məşq 22-01-2020, 11:49 Fuad Əsədov Elxan Məmmədovun yalanını üzünə çırpdı 22-01-2020, 11:46 “Kəpəz” rəhbərliyi şəhidlərin yaxınlarından üzr istədi 22-01-2020, 11:44 “Qəbələ”nin yoxlama görüşü yarımçıq qaldı 22-01-2020, 11:37 Füzuli Məmmədov Bordinlə bağlı sualdan yayındı 22-01-2020, 11:34 İki flaqmanın duelini “Dinamo” qazandı 20-01-2020, 11:34 Vasif Talıbov Apeldorn uğursuzluğunun səbəblərini açıqladı 20-01-2020, 11:31 “İnşallah, bu il komandamız elitada oynayar və...” 20-01-2020, 11:30 “Ağsu” divizionda çıxışını dayandıra bilər 20-01-2020, 11:28 Əcnəbi klublar azərbaycanlı futbolçularla maraqlanır 20-01-2020, 11:26 Emin Abbasov Deviçin qayıdışına aydınlıq gətirdi 20-01-2020, 11:25 Tərlan Əhmədovu nəticə maraqlandırmır 20-01-2020, 11:23 “Keşlə” iki qapıçısını itirdi və …darmadağın oldu 20-01-2020, 11:20 “Çempionluq yoluna “Sumqayıt”ı udmaqla başlamaq lazımdı” 20-01-2020, 11:15 Fuad Musayev Samir Ələkbərovu kimin təklifi ilə qaytarıb? 20-01-2020, 11:13 “Sumqayıt”ın Futbol Akademiyasında şok olay 20-01-2020, 11:09 Faciənin yarımçıq qoyduğu səfər… 18-01-2020, 12:09 “Kəpəz” rəhbərliyi Mehman Allahverdiyevi yubileyində yada salmayıb 18-01-2020, 12:05 PFL Antalyaya böyük heyətlə gedib 18-01-2020, 12:00 Şok iddia: AFFA Qriqorçukla danışıq aparır 18-01-2020, 11:58 Niassenin məsələsində nöqtə qoyulmayıb 18-01-2020, 11:54 “Zirə” Antalyada qələbə həsrətinə son qoydu 18-01-2020, 11:46 Buzovna “Xəzri”si necə yaşayır? 18-01-2020, 11:20 "Modern Hospital"da məskunlaşan yığma natamam heyətlə hazırlaşır 18-01-2020, 11:16 "Viktoriya” Fərid Nəbiyevin transferini açıqladı 18-01-2020, 10:58 30 il əvvəl, məhz bu gün... 18-01-2020, 10:48 Deviç “Sabah”a döndü 17-01-2020, 12:30 Şəhriyar övladları ilə bir arada 17-01-2020, 12:28 Biletlərin 81 faizi xarici ölkə vətəndaşlarına satılıb 17-01-2020, 12:25 AFFA Azad Həmkarlar İttifaqı İlham Əliyevə müraciət hazırlayır 17-01-2020, 12:19 Yunis Hüseynov Antalyaya gedir 17-01-2020, 12:15 İcra başçısı ilə görüşün təşəbbüskarı şəmkirli məşqçilər olub 17-01-2020, 12:13 Dario Federiko yoxlama oyununda qol vurdu Bütün xəbərlər
Ən çox oxunanlar