16 avq 16:02manset

Rauf müqavilə bağladı, “İnter”in icraçı direktoru coşdu

Rauf müqavilə bağladı, “İnter”in icraçı direktoru coşdu
“FİFA düz mövqedə olduğumuzu ortaya qoyacaq”
Artıq neçə gündü ki, futbol ictimaiyyəti Rauf Əliyev – İnter qarşıdurmasının necə yekunlaşacağını maraqla gözləyir. Xatırladaq ki, ötən həftə Albaniyaya yollanan forvard “Kukesi” ilə müqavilə imzalamaq istəsə də, “İnter” rəsmiləri onun klublaə müqaviləsinin olduğunu əsas gətirərək, transfer vərəqini göndərmir. Əlyev isə əksinə “İnter”lə anlaşmasının qüvvədən düşdüyünü bildirərək, azad agent olduğunu söyləyir. Əslində bu məsələdə kim haqlıdı? Bu suala cavab tapmaq üçün klubun icraçı direktoru, AFFA-nın sabiq hüquqşünası Rəmiş Malıyevlə danışmağı lazım bildik.
- Sizi Rauf Əliyevin məsələsinə görə narahat edirik. Bizə ötürülən məlumata görə Rəmiş Malıyev AFFA-da Oyunçuların Statusu və Transferi Komitəsinin sədri olduğuna görə vəzifəsindən sui-istifadə edərək futbolçunun “Kukesi” ilə anlaşmasına mane olur. O da bildirilir ki, ortada ikili müqavilə var və “İnter” rəhbərliyi buna söykənərək, qarşı tərəfdən təzminat qoparmaq istəyir. Buna münasibət bildirməyinizi istərdik.
- Mən bu məsələyə hüquqşünas kimi yanaşıram. Raufun bizimlə qüvvədə olan müqaviləsi var. Özü də bu sənəd 2016-cı ilin mayın 25-də Rəşad Qasımovla futbolçu arasında imzalanıb. İyulun 1-dən də müqavilə qüvvəyə minib. Mənim adımı hallandıranların nəzərinə çatdırmaq istəyirəm ki, həmin vaxt Rəmiş klubda deyildi. Hüquqşünas kimi problemlə bağlı FİFA-da müraciət edəcəm. Hər şey söylənilən kimi olsaydı, elə Səlahəti də saxlayardıq da. Eyni sözləri başqa futbolçularla da bağlı deyə bilərəm. Niyə saxlaya bilmədik? Çünki əlimizdə sənəd yox idi.
- Raufun müqaviləsində “1+1” şərti göstərilib?
- Xeyr, konkret ikiillik anlaşmadı. İstəyirsizsə, həmin müqaviləni sizə təqdim edə bilərəm. Ofisə gəlsəz, özünüz də baxa bilərsiz.
- Rauf dünənki uşaq deyil ki, “İnter”lə müqaviləsi ola-ola, başqa kluba yollansın. Sizcə, yığma üzvü sanksiyaya məruz qalacağını bildiyi halda, nədən bu addımı atsın? Hər halda, o da nəyəsə əsaslanaraq Albaniyaya yollanıb.
- Bu sualı ona və agentinə vermək lazımdı. Bizdə olan agentlər arasında hörmət etdiyim də var, hörmət etmədiyim də. Bir məqamı yadda saxlayan ki, məndən fərqli agentlər hüquqşünas deyil. Mən bu məsələyə hüquqi müstəvidən baxıram.Tərəflər arasındakı münasibətləri özündə əks etdirən bank çıxarışları var. Məgər Rauf ayda 579 manat maaş alıb? Heç şübhəsiz, onun real maaşı daha çox olub. Həmin çıxarışları da sizə göstərə bilərəm. Mənim Raufla heç bir ədavətim yoxdu. Klub qarşısında öhdəliyi varsa, sona qədər yerinə yetirməlidi. Komandanı yarıyolda qoyaraq başqa yerə üz tutub-tutmayıb - bu işə qarışmıram. İstənilən futbolçu müqaviləsi olsa da, olmasa da, yeni klubla anlaşa bilər. Bunun üçün sivil yollar var. Təzminatı ödə, hara istəyirsən, get. Bu iki vur iki kimi asan məsələdii. Başa düşmürəm ki, bunlar niyə hay-küy qaldırıblar? Mən mövqeyimdən istifadə etmirəm. Belə etsəydim, Səlahətin də keçidinə müdaxilə edərdim. Məni artıq AFFA ilə, demək olar ki, heç nə bağlamır. Orda tutduğum postları da yavaş-yavaş təhvil verirəm.
- Raufun klubla müqaviləsi varsa, nəyə görə adı PFL-ə təqdim olunan sifariş ərizəsində yoxdu?
- O çempionatın startı ərəfəsində rəhbərliyə yaxınlaşaraq klubdan ayrılmaq istədiyini bildirdi. Ona deyildi ki, qalsan, daha yaxşı olar, çünki müqavilən var. Lakin ayrılmaq fikrinin qəti olduğunu söylədi. Bilirsiz, çox qəribə bir durum yaranıb. Bütün futbolçular ancaq özünü düşünür. Bəs klubun marağı? Ona təzminat ödəməklə istədiyi yerə gedə biləcəyini dedim.
- “Kukesi”dən tələb etdiyiniz təzminatın məbləğini açıqlaya bilərsiz? Söylənilənlərə inansaq, albanlardan 100 min manat istəmisiz.
- Mən bu haqda danışmaq istəmirəm. Yaxşı olar ki, bu suala cavab tapmaq üçün Zaur Axundovla danışasız. Bu məsələ onun səlahiyyəti çərçivəsində olduğundan detallarla bağlı sizə dolğun cavab verə bilər. Raufun özü ilə də bu haqda söhbətləri olub. Qarşı tərəfə də mövqeyimizi bildirmişik. Ancaq onlar təzminat ödəmək istəmir. Yuxarı instansiyalara şikayət etmək üçün bütün sənədləri hazırlamışıq. Biz istəmirik ki, problem AFFA, FİFA səviyyəsində həll olunsun.
- “Kukesi” rəhbərliyinə Əliyevin “İnter”lə müqaviləsinin davam etdiyini bildirəndə onlar buna necə reaksiya verdi?
- Biz tərəfdən də müəyyən nüanslarda boşluğa yol verilib. Bəzi texniki məsələlərdə səhlənkarlıq olub. Notarial qayadada müqavilə təsdiq olunmayıb. Ancaq məsələnin kökü başqadı. Hüquqda “yalançı əqd” deyilən bir anlayış var. Raufun əlində olan yalançı əqddi. Bizim əlimizdə olan isə həqiqi. Futbolçu da, klub da bu əqdə riayət etmək məcburiyyətindədi. Real münasibətlərimiz bizdə olan müqavilə əsasında tənzimlənib. Əsas olan əməkhaqqı məsələsidi.
- Özünüz də qeyd etdiz ki, əlinizdə olan müqavilə notariusda təsdiqlənməyib. Belə olan halda necə deyə bilərsiz ki, futbolçunun sizinlə müqaviləsi var?
- Hüquqşünas olduğuma görə istəmərəm ki, sabah qarşıma çıxacaq hansısa həmkarım səhv fikir səsləndirdiyimi bildirsin. Xatırlayırsızsa, “Xəzər Lənkəran”ın Culius Vobayla bağlı problemi olmuşdu. Klub müqavilənin iki, futbolçu isə birillik olduğunu iddia edirdi. “Xəzər Lənkəran” PFL-ə təqdim etdiyi anlaşmada futbolçunun iki il onlara məxsus olduğunu göstərmişdi. Şəxsi müqavilədə isə müddət bir il idi. FİFA bu məsələyə baxdı və qərar verdi ki, münasibətlər şəxsi müqavilədə göstərilənlərlə tənzimlənir. Artıq bu cür məsələlərə son qoyacağıq. Hər şey şəffaf formada olacaq. Klub olaraq futbolçuya görə vergi ödəyirik, Sosial Müdafiə Fonduna vəsait keçiririk. 2016-cı ildə olan məsələyə görə indi probelm yaşayırıq. İnşallah, yanvardan bizim klubda hər şey şəffaf şəkildə sənədlərdə əksini tapacaq. Müqavilə bir dənə olmalıdı.
- Sözlərinizdən belə aydın oldu ki, bu gün bütün klublarda, o cümlədən “İnter”də ikili müqavilələrdən istifadə olunur...
- Mən konkret özümüzdən misal çəkdim.
- Etiraf edirsiz ki, “İnter”də bu var?
- Bizdə ikili müqavilə yoxdu. Xahiş edirəm bu məsələni xüsusi vurğulamayın. Ancaq... belə çıxır ki, var.
- Konkret deyin: Raufun məsələsində ikili müqavilə var, ya yoxdu? Gah belə deyirsiz, gah elə.
- Bəli, Əliyevdə ikili müqavilədi.
- Sizdə olanla futbolçunun əlində olan müqavilə arasında fərq nədi?
- Arada kiçik texniki problemlər var. Nə AFFA-nın, nə də PFL-in buna aiddiyyatı yoxdu.
- FİFA-ya müraciət edəcəyinizi bildirdiz. Əminsiz ki, ali futbol qurumu xeyrinizə qərar qəbul edəcək?
- Həyatda heç nəyə əmin olmaq olmaz. Xüsusən belə məsələlərdə. Hüquqşünas kimi haqlı olduğumuzu düşünürəm. İnanmasaydıq, sona qədər getmək fikrinə düşməzdik. Etiraf edirəm ki, bizim də zəif cəhətlərimiz var. Qeydiyyatdı, oyunçunun adını sifariş ərizəsinə salınmamasıdı, sənədin notariusda təsdiq olunmamasıdı – bunlar hardasa əleyhimizə olan məqamlardı. Ancaq FİFA düz mövqedə olduğumuzu ortaya qoyacaq. Ali futbol qurumu reallığı nəzərə alır. Reallıq nədi? Rauf bizdən xeyli əməkhaqqı alıb, ona görə vergi ödəmişik, başqa hesablaşmalar olub.
- Ancaq futbolçu keçmişdə aldığı əməkhaqqının əvəzini verib. O meydana çıxaraq futbol oynayıb.
- Mən demirəm ki, aldığının qarşılığını verməyib. Dedyim odu ki, Əliyev real qəbul etdiyi müqavilənin şərtlərinə əməl etməlidi.
- Sizin sözlərinizdən belə başa düşmək olar ki, Raufun əlində olan müqavilədə müddət bitsə də, o geridə qalan illərdə əməkhaqqını sizdəki anlaşmaya uyğun alıb. Yəni şəxsi müqaviləsində maaşı az, klubla olan müqavilədə isə çox göstərilib. Və futbolçu da ikinciyə uyğun pul alıb. Səhv demədim ki?
- Tam düzdü. Əliyev klubla olan anlaşmanın düz olmadığını iddia edirsə, nəyə görə maaşı məhz orda göstərilən kimi alıb? Şəxsi müqaviləsini ortaya atırsa, aldığı artıq pulları gətirib qaytarsın. Nəyə görə o ancaq özünə sərf edən məqamları qabardır? Bizim istədiyimiz də budu. Ona görə də deyirəm ki, real hüquqi münasibətlər əlimizdə olan anlaşmaya uyğun aparılıb.
RƏŞAD
P.S. Dünən gün ərzində hər iki tərəf əlində olan müqaviləni ictimaiyyətə açıqladı. Raufun yaydığı müqavilədə anlaşmanın qüvvədən düşdüyü görünür. “İnter”in təqdim etdiyi müqavilədə isə forvardın hər ay 10 min manat maaş aldığı və 2018-ci il iyunun 30-na qədər kluba bağlı olduğu göstərilib.
P.P.S. Arada yaşanan ciddi narazılıqlara baxmayaraq, Rauf dünən “Kukesi” ilə müqavilə imzalayıb və artıq təqdimat mərasimi də keçirilib. Klubun rəsmi saytı bununla bağlı şəkil və xəbər paylaşıb. Təqdimat mərasimi ilə bağlı 1-ci səhifədə oxuyun.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:25 Faiq Cabbarovun məhkəməsi təxirə salınıb Dünən, 23:23 BOS-a iynələr vasitəsilə süni qazon əkilir Dünən, 23:21 “Qəbələ”də də maaşlar gecikir Dünən, 23:19 Vüqar məlum uğura görə Qurban Qurbanova zəng edib Dünən, 23:15 Nazarov qələbəyə sevindi Dünən, 23:14 “Araz” daha bir braziliyalı transfer etdi Dünən, 23:09 “Binə” iki qolla sevindi Dünən, 23:07 Elçin Məmmədov “Mançester Yunayted”in oyununda Dünən, 23:06 AFFA rəsmisi Göyçayda uşaqları sevindirdi Dünən, 23:05 Azərbaycanlı səfir “Atletiko”nun prezidenti ilə görüşdü Dünən, 22:57 “Rəhmətlik həmin vaxt ağır xəstə idi, çətinliklə danışırdı” Dünən, 22:46 “Qarabağ” cəmi 17 dəqiqəyə “Sumqayıt”a yerini göstərdi 23-09-2017, 00:46 Alı Alıyev “İnter”i çətin vəziyyətdən çıxara bilər 23-09-2017, 00:43 “Sumqayıt” Nicata vəkil tutmayıb 23-09-2017, 00:42 “İnter”də maaşlar ödənildi! 23-09-2017, 00:41 İsgəndər Cavadov Futbol Akademiyası yaratdı 23-09-2017, 00:39 “Kəpəz” Adil Məmmədovun ad günündə “Xəmsə”ni yendi 23-09-2017, 00:38 UEFA-nın qərarı ciddi müzakirələrə səbəb oldu 23-09-2017, 00:37 AMADA yalnız “Zirə”nin düşərgəsində problemlə üzləşib 23-09-2017, 00:35 PFL oyunların yerini dəyişdi, klubları razı saldı 23-09-2017, 00:34 “Vətən” Ruslan Tağızadə ilə maliyyədə anlaşa bilmədi 23-09-2017, 00:33 “Roma” Bakıya 500 nəfərlik “ordu” ilə gəlir 23-09-2017, 00:31 “Araz”dan əzmkar qələbə 23-09-2017, 00:28 Mikayıl Cabbarov AQF-yə yeni zal bağılşayıb 23-09-2017, 00:26 Ehiosun yenidən “Qəbələ”də 23-09-2017, 00:24 Tərlan Əhmədov ünsiyyətdən qaçır 23-09-2017, 00:23 PFL Apellyasiya Komissiyasının cavabını gözləyir 23-09-2017, 00:22 Dəniz Yılmaz dubl etdi 23-09-2017, 00:21 “Futbol+”: 20 yaşa bir ay qalmış... 22-09-2017, 23:59 Şahin Diniyev Coşquna görə “Terek”i ataraq Bakıya qayıdıb 22-09-2017, 23:56 “Qran-pri” üçün heyət açıqlandı 22-09-2017, 23:55 Yeni prezident fransız oldu 22-09-2017, 23:54 Nazir Belarusa yollandı 21-09-2017, 20:42 FİFA Aqolliyə görə “Qarabağ”a təzminat ödəməlidi 21-09-2017, 20:41 UEFA Avroliqanın finalını Bakıya verdi! 21-09-2017, 20:38 “Araz” təbrizlilərə rəhm etmədi 21-09-2017, 20:36 Bu gün Faiq Cabbarovun məhkəməsi olacaq 21-09-2017, 20:35 “Qaradağ Lökbatan”ın baş məşqçisi Kanadaya getmək istəyir 21-09-2017, 20:33 “Binə”dən heç-heçə və iki müqavilə 21-09-2017, 19:33 Qılıncoynatma Federasiyasında Nazim İbrahimov erası başa çatdı 21-09-2017, 19:31 Kamranın ayağı düşərli oldu 21-09-2017, 19:29 Emin Mahmudov qələbəyə köklənib 21-09-2017, 19:28 Rakitiç Prosineçki olmaq istəyirmiş 21-09-2017, 19:27 “Sumqayıt” Ağamusa Bağırovun yubileyini qeyd etdi 21-09-2017, 19:21 “İnter” “Zirə” ilə oyuna çıxmaya bilər 21-09-2017, 19:19 Ölkəni tərk edən məşqçilər bu gün qayıdır 21-09-2017, 19:16 Çempion turnir cədvəlini baş-ayaq salıb 21-09-2017, 19:14 "Səbail" bir kasetə 400 manat ödəyəcək 21-09-2017, 19:13 “CBC Sport” rəsmisi Türkiyə superliqasını nə vaxt yayınlayacaqlarını bilmir 21-09-2017, 19:11 “Şüvəlan”dan növbəti qələbə 21-09-2017, 19:04 Nicat Muxtarov 3 aylıq həbs olundu 20-09-2017, 17:44 "Qəbələ" sürprizə imkan vermədi 19-09-2017, 16:04 “Cəhənnəm”də “sülh” 19-09-2017, 15:59 “Neftçi” ümid verib, uduzdu 19-09-2017, 15:50 "Kəpəz"dən başqa hamı qol vurdu 19-09-2017, 15:49 Superliqanın “CBC Sport”da yayını gecikir 19-09-2017, 15:46 Coşqun yenə atasını məyus etdi Bütün xəbərlər
Ən çox oxunanlar