15 avq 11:36manset

Boris Xetaqurov göz yaşını saxlaya bilmədi

Boris Xetaqurov göz yaşını saxlaya bilmədi
“Çingiz Abdullayevin hərəkəti yadıma düşür, yanıb-yaxılıram”
“Neftçi”nin “Qarabağ”a uduzmasına ən çox məyus olan sıravi azarkeşlərlə yanaşı, həm də Boris Xetaqurov idi. Bu da təsadüfi deyil. Avqustun 12-də 77 yaşını tamamlayan stajlı həkimin ad günü bir gün öncə, məhz məlum qarşılaşmadan əvvəl klub rəhbərliyi tərəfindən qeyd olundu. Üzərinə ad və soyadı, həm də “77” yazılmış tort kəsildi ki, ömrünün 50 ildən çoxunu futbola həsr etmiş biri üçün bundan gözəl hədiyyə ola bilməzdi. 1965-ci ildən 2003-cü ilə qədər “Neftçi”də, 2004-dən 2011-ə qədər “Xəzər Lənkəran”da çalışan təbib 2011-də yenidən “Neftçi”yə döndü və 2015-ci ilə qədər klubda çalışdı. Lakin “ağ-qaralar”da Elnur Məmmədov dönəmi başlayandan sonra “Neftçi”nin bir çox əfsanələri kimi, Boris Naneyeviç də unuduldu. Dünən səbəbkarla əlaqə saxlamaqda məqsədim doğum günü ilə bağlı bəzi suallara cavab tapmaq olsa da, söhbət bir qədər geniş alındı.
- 1966-ci ildə “bürünc” qazanan heyətdə yer alanlardan sağ qalan azsaylı “Neftçi”lilərdən birisiz. Sizi bir daha təbrik edir, cansağlığı arzulayırıq.
- Çox sağ olun. Daim mənimlə maraqlandığınıza, təbrik etdiyinizə görə qəzetinizin rəhbərliyinə və kollektivinə təşəkkür edirəm.
- Avqustun 11-də “Neftçi” rəhbərliyi sizi stadiona dəvət edərək, oyundan əvvəl təbrik etdi. Gözləyirdizmi?
- Düzünü desəm, yeni rəhbərliyin gəlişindən sonra klubda ciddi inkişaf görürəm. Bu rəhbərlik keçmişi unutmur, yeni işlər görmək istəyir. Ona görə də hansısa yolla təbrik edəcəklərini, maraq göstərəcəklərini bilirdim. Amma bu cür təbrik etmələri, açığı, mənim üçün sürpriz oldu.
- Necə baş verdi? Oyuna baxmağa getmişdiz, yoxsa sırf dəvət əsasında “Bakcell Arena”daydız?
- Oyundan bir gün əvvəl klubun əməkdaşı Rüstəm Əfsərli zəng vurub, “Qarabağ” – “Neftçi” matçını canlı izləməyə dəvət etdi. Ad günüm ayın 12-də olacaqdı deyə, bir gün əvvəl təbrik edəcəklərini gözləmirdim. Amma danışıq əsnasında başa düşdüm ki, hansısa ideyaları var. Düzü, təsirləndim. İki il əvvəl “Neftçi”dən ayrılandan sonra klubda heç kimin yadına düşmürdüm. Elnur Məmmədov, Vəli Qasımov, hətta Çingiz Abdullayev elə davranırdılar ki, sanki “Neftçi”nin tarixində Boris Xetaqurov adlı şəxs olmayıb. Hətta 75 illiyimdə belə, yada salan olmadı. O vaxt ordakılardan heç kimə pisliyim dəyməmişdi ki, məndən incisinlər, mənə qarşı soyuq davransınlar. 75 illiyimdə qəzet və saytlar yazdı, jurnalistlər müsahibə aldılar, AFFA təbrik etdi, amma “Neftçi”dən səs çıxmadı. Quru “təbrik” sözünü də eşitmədim.
- Elnur Məmmədovla Vəli Qasımovu “Neftçi” və onun tarixi maraqlandırmırdı ki...
- Qətiyyən! Nəinki maraqlandırmırdı, dəqiq desək, veclərinə də deyildi. Özləri ilə görüşüb sözümü demək üçün dəfələrlə cəhd etsəm də, müraciətimə baxan olmadı. Amma hiss edirəm ki, indiki rəhbərlik ciddi işlər görmək istəyir. Bunu onlara xoş görünmək üçün demirəm. 77 yaşlı veteranın üzünü güldürmək, jurnalistlərlə və azarkeşlərlə münasibətləri qaydasına salmaq, müxtəlif sosial layihələr təşkil etmək – bütün bunlar klubda çalışanların nəsə etmək istəyindən xəbər verir. Yeri gələndə 77 yaş yubiley sayılmır, adi telefon zəngi ilə də kifayətlənə bilərdilər. Lakin onlar şənimə tort kəsməyi qərara aldılar. Üstəlik, “skay-boks”da əyləşdirdilər. Sizi inandırım, həmin an dünyaları mənə verdilər. Çox gözlənilməz sürpriz oldu. Bir az komandanın işləri düz getmir. O da zamanla düzələcək. Əsas odu, indiki rəhbərliyi uğur qazanmaq maraqlandırır.
- Demək istəyirsiz ki, indiki rəhbərlik keçmişdən qalan “zibilləri” təmizləyir?
- Məhz dediyiniz kimidi. Mən də sizin kimi düşünürəm. İndiki rəhbərliyin şənimə tort kəsməsi sırf Boris Xetaqurova yox, “Neftçi”yə və onun tarixinə olan dəyərdi, hörmətdi. “Bürünc” tarixindən qalan 3-4 nəfərik. Bir neçə ildən sonra biz də olmayacağıq. Kimdənsə pul, yaxud iş istəmirəm, qapı-qapı gəzmirəm. Sadəcə, dəyər versinlər, arada yada salsınlar. 77 yaşdan sonra bizə nə lazımdı? Diqqət, qayğı, başqa heç nə. “Qarabağ” – “Neftçi” oyunu günü evə dalımca maşın göndərmişdilər. Bundan artıq hörmət nə ola bilər axı? Heç nə!
- Klub rəhbərliyini bildik. Bəs Müşahidə Şurasının rəhbəri Çingiz Abdullayev necə, görüşüb təbrik etdi?
- Çingiz Abdullayev stadiondaydı ki? Yox, təbrik etmədi. Mən elə bilirdim stadionda deyil. Stadionda olub, amma yaxınlaşıb bir kəlmə deməyib? Baxın, bu da sizə bayaqdan dediklərim. Onların mənə, bizə olan diqqəti. Oyunda olduğuna əminsiz?
- 100 faiz! Hətta matçdan sonra həmkarlarım ondan müsahibə götürmək istəyib.
- Ayıbdı, vallah, ayıbdı. Mənim hədiyyəyə, pula, var-dövlətə ehtiyacım yoxdu e. Yaxınlaşıb quru təbrik edərdi, bir az söhbət edərdik. Nə olacaqdı?
- Hədiyyə demişkən, ancaq tort kəsildi, yoxsa başqa dəyərli hədiyyə də oldu?
- Vallah, o tort da lazım deyildi. Olmasaydı da, inciməzdim. Ad günümü unutmamaları, məhz oyun günü dalımca maşın göndərib oyuna dəvət etmələri, “skay-boks”da yer ayırmaları mənim üçün dünyalara bərabərdi. Bununla da kimlərinsə üzümə bağladıqları “Neftçi”nin qapılarını yenidən açdılar. Bu komanda mənə doğmadı, mənim ailəmdi. “Neftçi”nin adı gələndə tüklərim biz-biz olur. Bu komandada mənim pis-yaxşı günlərim olub. Ömrümün 40 ildən artığını “Neftçi”yə vermişəm. Ailəmə ayırmadığım vaxtı kluba, komandaya ayırmışam. SSRİ dönəmində komanda yüksək liqanı tərk etdi, ancaq mən heç yerə getmədim. Bütün bunlara baxmayaraq, iki il əvvəl öz evimin qapılarını mənim üzümə bağladılar (gözləri dolur, səsindən qəhərləndiyini hiss edirəm deyə başqa suala keçirəm).
- Ad gününüzə qayıdaq. Yəqin ki, oyunun yekun nəticəsi hədiyyəni korladı.
- Nəticəyə görə çox üzüldüm. Sadəcə, rəqib “Qarabağ” idi deyə, özümə təsəlli verməyə çalışırdım. Sizi inandırım, komanda bu il yaxşı çıxış edəcək. Sadəcə, bir az vaxt lazımdı. Rəhbərlik ki, mənim kimi bir ayağı o tərəfdə olanların üzünü güldürür, Allah onların bu yaxşılığını yerdə qoymayacaq. Çingiz Abdullayevin hərəkəti yadıma düşür, yanıb-yaxılıram. Necə ola bilər ki, stadionda olsun, ancaq ad günümdən xəbər tutmasın, əlimi sıxıb iki kəlmə xoş söz deməsin? Hörmətli adamdı, dünyaca tanınmış yazardı. Həqiqətənmi Boris Xetaqurovu tanımır, çəkdiyi əziyyətlərdən xəbərsizdi? Nə isə... Nəyə istəyirsiz and içim, mənə heç nə lazım deyil. Nə pul, nə iş, nə var-dövlət. Sadəcə, köməyimə ehtiyac duysunlar, hansısa mənada işlərinə yarayım. Bilim ki, futboldayam, ömrümün son illərində müəyyən mənada kömək edirəm. Mən “Neftçi”nin yaşayan canlı tarixiyəm, çiyinlərimdə illərin həkimlik təcrübəsi var. Geridə qalan 50 ildə nələr görmüşəm, nələrlə rastlaşmışam, Allah bilir. Onları gələcək nəsillərə xatirə qoymaq istəyirəm.
- Ad gününüz avqustun 12-dəydi. Necə qeyd etdiz, hardaydız?
- Bağda qeyd etdik. Özümüz idik, ailəm. Qızım, kürəkənim, nəvələrim. İndi də bağdayam. Eh səni, Çingiz Abdullayev. Söz tapa bilmirəm e. Sən o çəkidə Çingiz Abdullayev, mən bir ayağı o tərəfdə olan Boris Xetaqurov, nə oldu, bir quru təbrik qədər hörmətim olmadı? Nə günah işləmişəm ki, mənə belə münasibət göstərir? Bu birinci belə hal deyil. İki il əvvəl də nələrisə görüb, hiss etmişdim. Rusiyadan, Bolqarıstandan, Almaniyadan, Kanadadan, ABŞ-dan nə qədər təbrik mesajı aldım. Amma Çingiz Abdullayev burdan-bura təbrik etmədi. Eybi yox, Allah canını sağ eləsin.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar