07 avq 22:58manset

Uğursuz “Qəbələ”nin baş meneceri danışdı

Uğursuz “Qəbələ”nin baş meneceri danışdı
Adlı-sanlı, ustalıq səviyyəsi yüksək olan oyunçuları Azərbaycana gətirmək çox çətindi”
Avropa Liqasının üçüncü təsnifat mərhələsində “Panatinaikos”a yenilərək qitəmiqyaslı turnirdən kənarda qalan “Qəbələ”də artıq bütün diqqətlər premyer-liqaya yönəlib. Ardıcıl iki il Avroliqanın qrup mərhələsində çıxış edən “qırmızı-qaralar”ın bu yay uğursuzluğa düçar olmasını ictimaiyyət heç də birmənalı qarşılamadı. Mütəxəssislərin fikrincə, şimallıların heyətinin hər dəfə mövsümlərarası fasilədə sökülüb-yığılması, Roman Qriqorçukun əlinin altında oturuşmuş heyətin olmaması uğursuzluğu şərtləndirən əsas amillərdən biridi. Bu cür düşünənləri hardasa başa düşmək olar. Doğrudan da hər yay “Qəbələ” rəhbərliyi düşərgədə kütləvi dəyişikliklərə əl atmaqla yadda qalır. Bəs bu addımı zəruri edən nədi? Maliyyə, baş məşqçinin futbolçularla yola getməməsi və ya başqa səbəb? Bu və bizi maraqlandıran başqa suallara cavab tapmaq üçün şimallıların baş meneceri Zaur Əzizovla danışmağı lazım bildik.
- Rəhbərlik komandanın avrokuboklardan kənarda qalmasına necə reaksiya verdi?
- Heç şübhəsiz, klubda çalışan istənilən şəxs, o cümlədən rəhbərlik də komandanın “Panatinaikos” səddini aşmasını istəyirdi. Ən azı son iki ildə olduğu kimi komandanı Avroliqanın qrup mərhələsində görməyi arzulayırdı. Ancaq bu dəfə alınmadı. Və buna görə də rəhbərlik təəssüf hissi keşirdi.
- Yalnız təəssüf hissi?
- Cavab görüşündən öncə, demək olar ki, həftəboyu oyun barədə rəhbərliklə fikir mübadiləsi aparır, real durum haqda danışırdıq. Odu ki, qeydə alınan məğlubiyyət o qədər də kəskin reaksiya doğurmadı. Bizim durumumuz, rəqibin səviyyəsi özünü göstərdi.
- Əksər mütəxəssislərin fikrincə, mövsümlərarası fasilədə “Qəbələ”də bu qədər dəyişikliklər olmasaydı, komanda qitəmiqyaslı turnirlərlə belə erkən vidalaşmazdı. Heyətdə əsaslı dəyişiklikləri zəruri edən səbəbləri bilmək istərdik. Nəyə görə hər yay “Qəbələ”də eyni proseslər yaşanır?
- Hamının fikrinə hörmətlə yanaşırıq. Bu gün “Qəbələ” pley-offa vəsiqə qazansaydı, heç kim bu nüansı qabartmayacaqdı. Necə ki ötən illərdə heç kim heyətdə baş verən dəyişikliklərə toxunmadı, bunu problem kimi qabartmadı. Əksinə, həmin vaxt hamı “Qəbələ”nin transfer siyasətini tərifləyir, düzgün iş qurduğunu söyləyirdi. Bu dəfə mübarizəni erkən dayandırdığımızdan belə söz-söhbət ortaya çıxır. Necə deyərlər, uğurun şəriki çox olur, məğlubiyyət isə yetimdi. Ötən il, ondan əvvəlki mövsüm komandanın uğurundan ağızdolusu danışanların sayı sonsuz idi. Hətta kluba yaxından-uzaqdan bağlılığı olmayanlar belə qazanılan nəticələri öz adlarına çıxırdı. Bu işdə onların da xidmətlərinin olduğunu vurğulayırdılar. Ancaq bu gün xırda çatışmazlıqları belə şişirtməyə çalışanlar var. Həmin şəxslər, onlar kimi düşünənlər klubun içində olmadığından bir çox məsələlərdən xəbərsizdilər. Biz də istəmərik ki, hər yay heyətdə böyük dəyişikliklər olsun, avrokubok oyunları ərəfəsində vaxtımızı heyəti komplektləşdirməyə sərf edək. Lakin müəyyən səbəblər var ki, bunu qaçılmaz edir. Bu haqda geniş danışmaq, klubdaxili sirri ictimaiyyətə açıqlamaq istəmirəm. Bəlli olan odu ki, bu addımı məcburiyyətdən atmalı oluruq.
- Müsahibələrinizin birində “paytaxt təmsilçilərindən fərqli, bölgə klubuna səviyyəli leginer dəvət etmək çox çətindi” söyləmişdiz. Və ardınca “bunu nəzərə alıb, yeni mövsümdən daha çox Bakıda məskunlaşacağıq” bildirmisiz. Doğrudanmı əcnəbilər Qəbələyə gəlmək istəmir?
- Əvvəlcə onu söyləyim ki, bu gün səviyyəli legioneri nəinki “Qəbələ”yə, ümumiyyətlə, Azərbaycana dəvət etmək çətindi. Üstəlik, komanda bölgə təmsilçisi olanda bu çətinlik ikiqat artır. Maraqlandığımız legionerlərlə danışıq masası arxasına oturanda onlar maliyyədən öncə yerli şəraitlə maraqlanırlar. Legionerləri daha çox övladlarının hansı məktəbdə təhsil alacağı, asudə vaxtlarını necə keçirəcəkləri maraqlandırır. Burdakı şərait onları qane edəcəyi halda artıq maliyyə məsələsinin müzakirələri başlayır. Bu yay dəfələrlə belə halla qarşılaşdıq. Avropada sözün həqiqi mənasında “Qəbələ” ətrafında müsbət imic formalaşıb. Kimlərlə görüşdüksə, hamısı klubumuz haqda xoş sözlər eşitdiklərini dilə gətirdilər. Lakin yuxarıda qeyd etdiyim şərtlər bəzən bizə mane oldu.
- Belə çıxır ki, bu yay istədiyiniz transferləri həyata keçirə bilmədiz?
- Elə deməzdim. Bizim transfer siyahımızda hər mövqe üçün 3-4 futbolçu nəzərdə tutulmuşdu. Bütün nüansları nəzərə alıb əvvəlcədən ehtiyat variantlar da fikirləşmişdik. Adı siyahıda birinci olanların bəziləri ilə qeyd etdiyim səbəblərdən ortaq məxrəcə gələ bilməsək də, ikincilərlə anlaşa bildik. Onların hər biriylə danışmaq, müsbət cavab almaq xeyli vaxtımızı apardı. Bu üzdən onlar komandaya gec qoşuldular. Məncə, bu yay rənglərimizə bağladığımız legionerlərin hamısı meydana çıxdıqları oyunlarda ümidləri doğrultdular. Yenə deyirəm, adlı-sanlı, ustalıq səviyyəsi yüksək olan oyunçuları Azərbaycana gətirmək çox çətindi. Bütün klublarımız eyni problemlə üzləşir.
- Yeni transferlərinizin düşərgəyə gec qoşulduğunu bildirdiz. Bəlkə “Qəbələ”nin avrokuboklarla erkən vidalaşmasının kökündə məhz bu məqam durur?
- Ola bilər. Bunu inkar etmək, danmaq düzgün olmazdı. Seçim zamanı səhvə yol verməmək üçün çox çalışdıq. Belə olanda isə istər-istəməz vaxt itkisinə yol vermiş olursan. Ancaq hər şeyi bu məqama bağlamaq da düzgün deyil.
- Bayaq verdiyim suallardan birinə aydınlıq gətirmədiz. “Qəbələ”də premyer-liqanın əksər klubları kimi yeni “futbol ili”ndən paytaxtda məskunlaşacaq?
- Xeyr. Komanda həmişə olduğu kimi, bu il də təmsil olunduğu bölgədə məskunlaşacaq. Sadəcə, yeni mövsümdə Bakıda keçirəcəyimiz çempionat matçlarına əvvəlki illərdə olduğu kimi bir gün öncədən yox, daha tez gələcəyik. Ev oyunlarımızı isə Qəbələdə keçirəcəyik.
- Çempionatdan söz düşmüşkən, avrokuboklarla erkən vidalaşmaq bəlkə də “Qəbələ”nin işinə yarayacaq. Üç “cəbhə”də mübarizə aparmağın çətin olduğunu nəzərə alsaq, indi bütün diqqətlər premyer-liqaya və ölkə kubokuna yönələcək. Yəni “Qarabağ”ın ən azı dekabra qədər qitəmiqayaslı turnirlədə iştirak edəcəyini nəzərə aldıqda 2017/18 mövsümü titul qazanmaq üçün əla şansdı.
- “Qəbələ” artıq neçə mövsümdü çempionluq uğrunda mübarizə aparır. Ancaq hər dəfə hardasa büdrəyərək istəyimizə çata bilmirik. Bunun da obyektiv və subyektiv səbəbləri var ki, indi o haqda danışmaq istəmirəm. Bu il də hədəf dəyişməyib. Əsas məqsəd qızıl medalı qazanmaqdı. Heyətimiz də buna imkan verir.
- “Transfer pəncərəsi”nin bağlanmasına hələ xeyli vaxt var. Qarşıdakı günlərdə heyətə yeni futbolçu cəlb etmək fikriniz var?
- Hər bir baş məşqçi istəyər ki, sərəncamında daha çox oyunçu olsun. Ancaq hər şeyin həddi var. Məncə, bugünkü heyətimiz genişdi və düşərgədə olanlar da yaxşı oyunçulardı. Kiminsə gəlməsi üçün kiminsə getməsi gərəkdi.
- Kuluarlarda yayılan söz-söhbətlərə inansaq, komanda bu il də çempion ola bilməsə, hazırda rəhbərlikdə təmsil olunanlar və baş məşqçi işini itirəcək. Bununla yanaşı, klubun büdcəsi də kəskin azalacaq və heyətdə əsasən akademiyanın yetirmələri çıxış edəcək. Söylənilənlər nə dərəcədə doğrudu?
- Bayaq söylədiyim kimi, hamının fikirlərinə hörmətlə yanaşsaq da, bizim öz yolumuz, strategiyamız var. Bir, iki, üç ildən sonra nə olacaq - bunu indidən heç kim proqnozlaşdıra bilməz. Bir də ki biz heç vaxt iki-üç il sonranı fikirləşmirik. Hər çempionat oyunundan sonra artıq bütün diqqəti növbəti tura yönəldirik. Nəyin necə olacağını isə zaman göstərəcək.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:13 Yayın ilk keçidi Amin Seydiyev oldu Bu gün, 10:56 Agentlər Aminin ölkə xaricinə yollanacağını düşünürlər Bu gün, 10:47 EFA, “Fireland Football Club”, “Dortmund Bakı”, yox bir qaşqaldaq… Bu gün, 10:28 Koronavirus olmasaydı... Bu gün, 10:25 “Futbolu qaldırsa, veteranlar qaldıracaq” Dünən, 11:14 Əməkdar məşqçi ölüm-qalım mübarizəsi aparır Dünən, 11:02 “Qəbələ”nin elitada ilk qolunun müəllifi dükan işlədirmiş Dünən, 10:58 AFFA-da qanvermə aksiyası Dünən, 10:57 Bakı UEFA-ya təminat verib Dünən, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı 20-05-2020, 11:18 Nazarovun qol sevinci yadda qaldı 20-05-2020, 11:17 Millət vəkillləri çempionatın bərpasını istəyir 20-05-2020, 11:14 İsmayıllı Olimpiya İdman Kompleksindən məhkəməyə şikayət olundu 20-05-2020, 11:12 “Futbolla vidalaşandan sonra yəqin ki fermada yaşayacam” 20-05-2020, 11:10 UEFA təxirə saldı, PFL-in rəisi maraqlı şərh yazdı 20-05-2020, 11:09 Brifinqdə yenə futbol unudulmadı 20-05-2020, 11:05 Ploeştidə meydandan qovulan Ramin Nəsibov imiş… 18-05-2020, 14:27 Şahin Diniyev yığmanın baş məşqçisiz qalmasını məqsədəuyğun sayır 18-05-2020, 14:26 Ramin Musayev müalicə aldığına görə videokonfransa qatılmayıb 18-05-2020, 14:13 Yığma üzvlərinin maaşı aprelin sonunda ödənilib 18-05-2020, 14:10 “Qurban Qurbanova “deputatsan, toxunulmazlığın var, futbolçunu itələyərlər də” dedim” 18-05-2020, 14:07 Futzal niyə yada düşmədi? 18-05-2020, 14:05 Şensoy Konkovu təbrik etməyəcək 18-05-2020, 13:59 “Avrokuboklara gedəcək klublar indidən hazırlaşmalı, məşq etməlidilər” 18-05-2020, 13:57 Futbolçular yeniliyi müsbət qarşıladılar 18-05-2020, 13:53 Mətbuat Şehiçi “yoluxdurdu” 18-05-2020, 13:37 “Azərbaycandakı iqlim qazon saxlamaq üçün əlverişli deyil” 18-05-2020, 13:32 Futbolla bağlı qadağa bu həftə götürüləcək 17-05-2020, 11:28 Türk şahmatçı Mahir Məmmədovun FIDE-də çalışmasını düzgün saymır 17-05-2020, 11:26 Karlsen bizimkiləri “görmür” 17-05-2020, 11:20 Beş əvəzləmənin müsbət və mənfi tərəfləri 17-05-2020, 11:17 Klublar Komitəsinin iclasında daha çox təqvim müzakirə olunub 17-05-2020, 11:13 Skarlatake “Sumqayıt”la əlavə oyun istəyir 17-05-2020, 11:10 “Ağsu Siti” yeni arenaya köçür 16-05-2020, 10:56 Hər şey hazırdı, başlaya bilərik! 16-05-2020, 10:31 “Qəbələ”nin 195 iddialısı 16-05-2020, 10:27 “Neftçi” liderdi, baş məşqçinin oğlu bombardir 16-05-2020, 10:23 Namaşko “Keşlə”dən yeni müqavilə gözləyir 16-05-2020, 10:19 Baba yaşında ...ata olacaq 16-05-2020, 10:15 Elnur Əşrəfoğlu: “İndi həmin şərhimə qulaq asanda gülməyim gəlir” 16-05-2020, 10:09 Türklərə qarşı oynayan yığmanı Ələkbər Cəfərov çalışdırıb Bütün xəbərlər
Ən çox oxunanlar