03 avq 14:28manset

Tiraspolda yazılan tarixi Azərbaycan görmədi

Tiraspolda yazılan tarixi Azərbaycan görmədi
“İdman Azərbaycan” yaxasını kənara çəkdi
Ölkə futbolu adına növbəti ilkə imza atdı “Qarabağ”. Belə ki, indiyədək heç bir klubumuz ÇL-in pley-offuna vəsiqə qazana bilməmişdi. Bunu bacaran “köhlən atlar” artıq Avroliqanın qrupunu özü üçün təmin edib. Daha öncə “Bakı” və “Neftçi” hərəyə bir, “Qarabağ” isə üç dəfə qitənin ən nüfuzlu klub turnirinin 3-cü mərhələsində “ilişmişdi”. Nəhayət, çərçənbə axşamı bu uğursuz sindrom qırıldı. Evdə “Şerif”lə heç-heçən edən (0:0) Qurban Qurbanovun komandası səfərdə qalib gəlməklə (2:1) tarixi uğura imza atdı. Artıq “köhlən atlar” püşkü səbirsizliklə gözləyir. Məhz sabah baş tutacaq mərasimdə “Qarabağ”ın ÇL-in qrupuna düşmək uğrunda hansı komanda ilə mübarizə aparacağı bəlli olacaq.

Moldovalıların iddiaları “suya düşdü”
Hələ Bakıdakı oyundan öncə “Şerif”in baş məşqçisi Roberto Bordinin 0:0 hesablı heç-heçənin onları qane edəcəyini söyləməsi bir qədər qəribə görünmüşdü. Çünki belə oyunlarda səfərdə vurulan qolun hansı məna daşıdığını hər kəs yaxşı bilir. İtaliyalı çalışdırıcının həmin fikri səsləndirməsinin səbəbini müəyyən mənada analamaq olardı. Tiraspolluların hədəfi bəlli idi: “Tofiq Bəhramov”dan məğlub olmadan ayrılmaq və “Şerif” stadionunda qələbəyə ümid etmək. Lakin oyunun axarı göstərdi ki, “arılar” bəxt sayəsində ilk görüşdə yenilməyiblər. O başqa məsələ ki, Tiraspol təmsilçisinin Bakıdakı görüşdə “təmiz” penaltisi verilmədi. Bu isə artıq hakimin işində buraxdığı nöqsandı. “Həmin penalti verilsəydi, “Şerif” mərhələni keçəcəkdi” fikirini əminliklə söyləmək yersizdi. Çünki ondan sonra matçın ssenarisinin necə olacağını heç kim deyə bilməzdi. Fakt budu ki, “Qarabağ” rəqibindən üstün, mərhələni adlamağa daha layiq idi. Futbolda təkcə bəxtə ümid etməklə uğura inanmağın faydasız olduğunu “Şerif”in timsalında gördük. Maraqlı məqam odu ki, Bakıdan qolsuz “sülh”lə dönən molovalılar bunu toy-bayrama çevirdilər, hətta növbəti mərhələ ilə bağlı xəyallar da qururdular. Futbolçuları, baş məşqçini müəyyən mənada anlamaq olar. Ancaq Moldova Futbol Federasiyasının prezidentinin bir-birindən iddialı, lakin əsassız iddiaları zamanın hökmü ilə qüvvədən düşdü. Xatırladaq ki, Pavel Çebanu daha öncə “tiraspollu futbolçular nəticəyə oynayırdılar. Buna da nail oldular. "Şerif" "Qarabağ"dan güclüdü, ona görə də Çempionlar Liqasında çıxışını davam etdirməlidi” söyləmişdisə, cavab oyunu ərəfəsində “Şerif”in pley-off mərhələsinə yüksəlmək üçün çox gözəl şansı var. Çünki onlar nə “Atletiko”, nə “Real”, nə “Barselona”, nə də “Bavariya” ilə qarşılaşacaqlar. Bu komanda “Qarabağ”la üz-üzə gələcək. Doğrudu, rəqibin heyətində yaxşı braziliyalı futbolçular var. Ancaq nəzərə alaq ki, onlar Braziliyadan yox, Azərbaycandan olan klubu təmsil edirlər” deməklə təmsilçimizə yuxarıdan aşağı baxdığını nümayiş etdirmişdi. Çərşənbə axşamı “Şerif” stadionunda tarix yazan Qurbanovun yetirmələri federasiya prezidentinin iddialarını əsassız çıxardı.

Tarixi uğur ekranlara daşınmadı
Təəssüf ki, bu tarixi uğuru azərbaycanlı futbolsevərlər heç də arzuladığı kimi yaşamadı. Söhbət “Qarabağ”ın Tiraspoldakı oyununun canlı yayınlanmamasından gedir. Belədə azərbaycanlı futbolsevərlər saytların, oyunu göstərən portalların ümidinə qaldı. Heç də hər kəs matçı istədiyi kimi izləyə bilmədi. Əvvəlcə 50 min, daha sonra isə 100 min avro qarşılığında yayını bizimkilərə satmaq istəyən Tiraspol təmsilçisi mərhələ arzusu gerçəkləşmədiyi kimi, istədiyi məbləği də ala bilmədi. “Qarabağ”ın ev və səfər oyunlarını canlı yayınlayan “İdman Azərbaycan” isə yaxasını kənara çəkib, Moldova tərəfini günahkar çıxardı. Halbuki dövlət büdcəsindən maliyyələşən telekanal bütün gücünü səfərbər edib, bu tarixi anı ekranlara daşımalıydı. Lakin telekanal bacarıqsızlığının günahını “Şerif”in üzərinə atmaqla sudan quru çıxamağa çalışdı. Telekanalın yaydığı bəyanatda deyilir: "İdman Azərbaycan" Çempionlar Liqasının pley-off mərhələsindən etibarən oyunların yayın hüququna sahibdi. 1, 2 və 3-cü mərhələdəki oyunlar isə klubların öz ixtiyarındadı. Həmin mərhələ zamanı "İdman Azərbaycan" klublara yardım etmiş və səfər oyunlarının da Azərbaycanda yayınlanması üçün rəqiblərlə razılığa gələrək qarşılaşmaları barter etmişdi. Ötən həftə keçirilən "Qarabağ" - "Şerif" oyunu zamanı da "İdman Azərbaycan" matçı çəkərək Moldova tərəfə ötürməyə hazır idi. Lakin "Şerif" bununla razılaşmayaraq, Bakıdakı oyunun Moldovada göstərilməsinə razı olmadı və Tiraspoldakı oyunun da yayınına razılıq vermədi. Bu səbəbdən də "Şerif" - "Qarabağ" oyununun yayınlanmamasının səbəbkarı "Şerif"di".
Maraqlıdı ki, "CBC Sport" da qarşılaşmanı yayınlanmağa cəhd edib. Lakin danışıqlar müsbət nəticələnməyib. Bu haqda telekanalıın baş direktoru Volkan Üst açıqlama verib: “Şerif"lə oyunun yayınlanması üçün "Qarabağ"la birgə etdiyimiz cəhdlər nəticə vermədi. Moldova klubunun rəhbərliyi matçın canlı göstərilməsində maraqlı olmadı. Bu səbəbdən oyunu yayınlaya bilməyəcəyik". Belədə çoxları “Qarabağ”ın əlini cibinə atmasını gözləyirdi. Düzdü, məsələyə peşəkar cəhətdən yanaşsaq, klub buna borclu deyil. Bu məsələdə əsas məsuliyyət telekanalların üzərindədi. Ancaq bizdə durum fərqlidi. Telekanallar yaxasını kənara çəkən kimi gözlər kluba dikilir. Lakin Moldova tərəfinin təklifi önündə “köhlən atlar” da geri çəkildi. Bütün bunların nəticəsi isə bu oldu ki, azərbaycanlı futbolsevərlər, həmin gün “Qarabağ”ın uğurunu toy-bayram edənlər tarixi zəfəri istədiyi kimi yaşaya bilmədi.

Növbəti hədəf ÇL-in qrupudu
Hər kəs tarixi uğuru qeyd etdi, “Qarabağ”ın bunu bacarmasına sevindi. “Şerif” səddini dəf edən “köhlən atlar” Avroliqanın qrupuna vəsiqəni özü üçün təmin edib. Bu nəticə ilə Qurbanovun komandası ilk missiyanın öhdəsindən gəldi. Həmçinin 3 il ardıcıl AL-in qrupunda çıxış edən “Qarabağ” bir addım irəli getmiş oldu. Təkcə “Tofiq Bəhramov”da ÇL-in himinin səslənəcəyini düşünmək adama əlavə ruh yüksəkliyi verir. Ancaq “Avroliqanın qrupu təmin olunub” fikri ilə kifayətlənmək olmaz. “Qarabağ”ın qarşısında duran hədəf qitənin ən nüfuzlu klub turnirində bunu bacarmaqdı. Lakin bu sabahkı püşkatmanın nəticəsindən də asılı ola bilər. Ümid edək ki, püşk ağdamlıların üzünə güləcək və pley-offda onların bəxtinə münasib rəqib düşəcək. Daha bir maraq doğuran məqam isə “Qarabağ”ın növbəti hədəfə çatmaq üçün atacağı addımdı. Hər kəs bu düşüncədədi ki, klub daha bir transfer gerçəkləşdirməlidi. Təbii, hədəf ÇL-in qrupudusa, səviyyəli bir legioner alınmalıdı. Ki, mümkün uğursuzluq fonunda bu məqam sonradan əsas səbəb kimi qabardılmasın. Bu bir fürsətdi. Növbəti mövsüm necə olacağını heç kim deyə bilməz. Ancaq o da məlumdu ki, ÇL-in formatında dəyişiklik ediləcək və qrupa düşmək daha da çətinləşəcək. Odu ki, budəfəki imkandan maksimum yararlanmaq lazımdı.

“Qarabağ”ın qazancı – 3320000 avro
Qazanılan uğurla ölkə futbolunda bir ilk yaşandı, reytinq əmsalımıza əlavə olundu. Bunlar öz yerində. Məsələnin maliyyə tərəfini də unutmayaq. Müsair futbolda pulun necə önəm daşıdığını izah etməyə ehtiyac yoxdu. ÇL-in 2-ci təsnifat mərhələsində 320 min avro əldə edən “köhlən atlar” pley-offa vəsiqə qazanmaqla 3 milyon avronu da özü üçün təmin etdi. Belə deyək, artıq 3 milyon 320 min avro ağdamlıların “cibindədi”. Bu da klub üçün önəmli bir məbləğdi. Maraq üçün maliyyə qazancının necə dəyişə biləcəyini də qeyd edək. Pley-offdakı mümkün uğursuzluq fonunda AL-in qrupunda yarışacaq “köhlən atlar” göstərilən məbləğlə kifayətlənəcək. Qrupda isə hər qələbə və heç-heçəyə görə verilən mükafat da öz yerində. Ancaq “Qarabağ” ÇL-in pley-offunu uğurla dəf edərsə, həmin 3 milyon 2 milyona endiriləcək, lakin ÇL-in qrupuna düşdüyünə görə 12,7 milyon avro əlavə veriləcək. 2-ci təsnifat mərhələsindəki 320 mini, pley-offdakı uğura görə 2 milyonu və qrupa düşməyə görə verilən 12,7 milyonu nəzərə alsaq, deməli, ÇL-in qrupuna vəsiqə qazanarsa, “Qarabağ”ın qazancı 15 milyon avrodan çox olacaq. Bu da məsələnin maliyyə tərəfi. Qrupdakı heç-heçə və qələbələrə görə verilən mükafatları da artıq qeyd etdik.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar