26 dek 17:16manset

“Səbail” Türkiyəyə gedir, “Zaqatala” ölkədə qalır, “Şahdağ” isə cavab gözləyir

 “Səbail” Türkiyəyə gedir, “Zaqatala” ölkədə qalır, “Şahdağ” isə cavab gözləyir
Musa Qurbanov: Komandanı gücləndirməyə ehtiyac yoxdu”

Bu yay yaradılan və birinci divizionda mübarizəyə qoşulan “Səbail” elə debüt mövsümündəcə qarşısına premyer-liqaya vəsiqə qazanmaq məqsədi qoyub. Aşağı dəstədə normal çıxış edən komanda fasiləyə turnir cədvəlinin 4-cü pilləsində yollanıb və liderdən cəmi 5 xal geri qalır. Artıq çempionatın ikinci yarısına hazırlıqlara start verən paytaxt klubunun 6 futbolçu ilə yollarını ayırdığını xəbər vermişdik. Bakılılar Əli Həsənli, Rəsul Babazadə, Fərman Qənbərov, Murad Quluzadə, Fərid Əsədov və Vüsal Əliyevlə vidalaşmışdı.
Dünən klubun qış planları ilə bağlı icraçı direktor Yusif Həsənovla əlaqə saxladıq. O, komandanın Türkiyəyə yollanacağını bildirdi: “Artıq ikinci dövrəyə hazırlıqlara start vermişik. Toplanışımızın ilk yarısı Bakıda olacaq. Yanvarın 14-də isə Türkiyəyə gedəcəyik. İkinci təlim-məşq toplanışımız Antalyada baş tutacaq və iki həftə davam edəcək”.
Həsənovun sözlərinə görə, qış fasiləsində komanda güclənəcək: “Biz hazırda biz neçə futbolçu ilə danışıqlar aparırıq. Onlar arasında premyer-liqada çıxış edən oyunçular da var. İndi adları açıqlamaq bir az doğru çıxmaz. Onu bildirim ki, hər mövqeni gücləndirmək istəyirik. Bildiyiniz kimi, 6 nəfərlə yolları ayırdıq. Bu o demək deyil ki, daha heç kimlə vidalaşmayacağıq. Bakı toplanışından sonra, ola bilər, daha bir neçə nəfəri göndərək. Türkiyəyə getməmişdən əvvəl baş məşqçi bizə siyahı təqdim edəcək. Bu təlim-məşq toplanışında özünü yaxşı tərəfdən göstərməyənlər komandadan gedəcək”.
Çempionluq uğrunda mübarizə aparan, premyer-liqaya digər iddialı “Zaqatala” isə ikinci yarıya hazırlığı ölkə daxilində keçəcək. Bu haqda klubun Müşahidə Şurasının sədri Musa Qurbanov açıqlama verdi: “Toplanışımız Azərbaycanda, daha doğrusu, Zaqatalada baş tutacaq. Komanda ölkə xaricinə çıxmayacaq. Hələ buna maliyyə durumumuz imkan vermir. Komanda yanvarın 5-də bir araya gələcək. 15 günlük toplanışdan sonra isə Bakıya yollanacağıq. Paytaxtda bir neçə yoxlama oyunu keçirmək qərarına gəlmişik. Təlim-məşq toplanışında nəyə nail olacağımızı və ikinci yarıya hazırlıq səviyyəmizi həmin yoxlama oyunları göstərəcək”.
Musa Qurbanov komandanı gücləndirməyə ehtiyac görmür: “Elə də böyük transferlərimiz olmayacaq. Komandanı gücləndirməyə ehtiyac yoxdu. Ola bilər ki, bir-iki mövqeyə oyunçu aldıq. Hazırda bu heyəti qorumağa çalışırıq. Yaxşı və formalaşmış kollektivimiz var”.
“Səbail” və “Zaqatala”dan fərqli, turnir cədvəlinin alt pillələrində qərarlaşan “Şahdağ”da isə vəziyyət qeyri-müəyyən olaraq qalır. Bir neçə gün əvvəl qəzetimizə açıqlama verən klub prezidenti Ərəstun Niftiyev bildirmişdi ki, “Şahdağ” yeni sponsorla danışıqlar aparır. Klub rəhbəri bir neçə günə yeni baş məşqçinin də adına aydınlıq gələcəyini söyləmişdi. Üstündən xeyli vaxt keçməsinə baxmayaraq, şimaldan səs-soraq yoxdu. Bu üzdən yenidən Ərəstun bəylə danışmağı qərara aldıq: “Bizimlə əməkdaşlıq etmək istəyən şirkətin adını açıqlaya bilmərəm. Vaxt gələr, hər kəs bilər. Həmin şirkətin rəsmiləri əsas sponsorumuz olan “Azenco” rəhbərliyi ilə də görüşüb. Görüş yaxşı keçib. Amma detalları məlum deyil. Həmin şirkət rəhbərliyi bildirib ki, xəbər edəcəyik. Lakin hələ ki səs-soraq yoxdu. Komanda hazırda istirahətdədi. Üç-dörd günə yeni baş məşqçi ilə müqavilə bağlayacağıq”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar