07 in 14:15manset

Ruslan Qurbanov “yalnız və yalnız qələbə” dedi

Ruslan Qurbanov “yalnız və yalnız qələbə” dedi
“Azarkeşlərdən xahiş edirəm, həmin atmosferi ayın 10-da da yaratsınlar”

Yığma Avstriyada ikihəftəlik təlim-məşq toplanışını başa vurub vətənə qayıtdı. Mayın 15-də Bakıda bir araya gələn, 5 gün sonra Motsartın vətəninə yola düşən milli üzvləri 14 gün ərzində Şimali İrlandiya ilə vacib oyuna hazırlaşdı. Lakin qanqaraldıcı xəbər ölkənin bir nömrəli komandasının Avstriyada yoldaşlıq görüşü keçirmək üçün rəqib tapa bilməməsi oldu. Halbuki bir aydı futbolsuz qalan bir çox futbolçulara belə oyun lazım idi. Oyun təcrübəsinin azlığının iyunun 10-da millinin çıxışına necə təsir edəcəyini zaman göstərəcək. Biz isə belə məqamda üç həftədi Robert Prosineçkinin sərəncamında olan futbolçulardan biri – Ruslan Qurbanov ilə danışmağı lazım bildik. Baş məşqçinin verdiyi birgünlük fasiləni dincəlməyə həsr etmək istəyən futbolçu danışmaqdan boyun qaçırmadı.
- Ağır təlim-məşq toplanışından sonra özünü necə hiss edirsən?
- Hər şey əladi. Çox yaxşı hazırlıq keçdik. Əsas odu ki, yaradılan şərait mükəmməl idi. Yeganə problem yoldaşlıq görüşü keçirməməyimiz oldu. Amma yenə də bacardığımızın ən yaxşısını etməyə çalışdıq.
- Avstriyada, adətən, havalar qeyri-sabit keçir. Xüsusən də yağışlar normal hazırlıq keçməyə imkan vermir.
- Bilirəm, əvvəllər başımıza gəlib. Amma bu dəfə hava əla idi. Düzdü, arabir yağış yağırdı. Ancaq məşqi təxirə salacaq dərəcədə deyildi. Əsl yaz havası idi.
- Gərgin mövsümdən sonra cəmi 10 günlük fasilə oldu və yenidən yığmaya qoşuldun. Orqanizm tab gətirir? Yorğun olmamaq istəsən də, mümkün deyil.
- Əlbəttə, müəyyən mənada yorğunluq var. İnsanıq, robot deyilik ki. 8-9 ay ərzində üç “cəbhə”də mübarizə aparmaq istər-istəməz enerji alır. Amma belə şeylərə fikir verməməliyik. Futbolu özümüzə sənət seçmişiksə, bütün çətinliklərə, fiziki yüklənmələrə dözməliyik. İdmançının başqalarından fərqi də məhz yüklənməyə dözməsidi. Biz yorğunluqdan gileylənsək, onda Avropadakılar nə etsin? İl ərzində bizdən də çox oyun keçirirlər. Elə futbolçu var ki, 50-60 görüşə çıxır. Onlar yorğunluqdan gileylənmirsə, bizim nəsə demək haqqımız yoxdu. İşləməliyik, oynamalıyıq. Başqa yolumuz yoxdu.
- Dediyin kimi, yoldaşlıq görüşü keçirə bilmədiz. Bir aydan artıq müddətdə futbolçuların oyun təcrübəsindən məhrum olması Şimali İrlandiya ilə matç ərəfəsində həyəcan siqnalı deyil ki?
- Təbii ki, oynasaydıq, daha yaxşı olardı. Hamımız sınaq görüşünün baş tutmasını istəyirdik. Ancaq alınmadı.
- Niyə?
- Bunun səbəbi Azərbaycanda mövsümün daha erkən başa çatmasıydı. Biz istirahət edəndə, hazırlığa başlayanda, demək olar, bütün ölkələrdə çempionatlar davam edirdi, yığmalar bir araya gəlməmişdi. Çempionatlar mayın sonunda başa çatdı ki, futbolçular istirahətə buraxıldı. Ona görə də rəqibsiz qaldıq. Yeganə səbəb bu idi. Buna baxmayaraq, baş məşqçi boşluğu doldurmağa çalışdı.
- Necə?
- Öz aramızda ikitərəfli oyun keçirdik. Fikrimcə, olduqca faydalı alındı. Çünki hamı meydanda can qoyurdu, xüsusi istək var idi.
- Düzünü desəm, yığmanın Avstriyada yoldaşlıq görüşü keçirmədiyinə dair şübhələr var. Sanki oynamısız, sadəcə, Prosineçki bunun mətbuata çıxmasını istəməyib.
- Xeyr, belə şey olmayıb. Başa düşmədim, niyə istəməsin ki?
- Şimali İrlandiyanın rəsmiləri millimizin Riçard Almeydalı oyun modelini görməsin deyə.
- Tam səmimiyyətimlə deyirəm ki, hansısa rəqiblə yoldaşlıq görüşü keçirməmişik. İndi elə vəziyyət yaranıb ki, hansısa məlumatı əldə etmək su içmək qədər asandı. Lap oyun britaniyalılardan gizlədilsə belə, onlar hansısa yolla videoyazını tapacaqlar. Yaxud rəqib vasitəsiylə lazım olan bilgiləri alacaqlar. Digər tərəfdən, oynasaydıq, rəqib komandanın təmsil etdiyi ölkənin jurnalistləri bu haqda yazardı. Təsəvvür edin, Azərbaycanla yoldaşlıq görüşü keçirilir və bu haqda rəqibin ölkəsində heç nə yazılmır. Mümkün deyil!
- Düşərgədə ab-hava necədi? Yorğunluq əhval-ruhiyyənizə təsir edir?
- Atmosfer əladı Uşaqlar yaxşı başa düşür ki, bacardıqlarının 100 faizini ortaya qoymaq azdı. 150-200 faiz hazır olmalıyıq, çalışmalıyıq. Necə hazırlıq keçdiyimizi ən yaxşı baş məşqçi görə bilərdi. Toplanış başa çatandan sonra Prosineçki hər birimizin çalışqanlığından razı qaldığını deyib, bir-bir əlimizi sıxdı.
- Şimali İrlandiya ilə oyun yığmanın tarixi ərzində ən vacib qarşılaşmalarından biri, hətta birincisidi deyərdim. Belə olan halda, millidən hər zaman görmədiyimiz yeni oyun modeli gözləməyə dəyər? Rəqibi təəccübləndirəcək oyunu nəzərdə tuturam.
- Onsuz da Prosineçkinin gəlişindən sonra yığmanın oyun üslubu dəyişib. İndi hücum futbolu oynayırıq, topu özümüzdə saxlamağa çalışırıq, məntiqli hücumlar qururuq. Zamanla daha yaxşı olacağına əminəm. Sadəcə, bir az vaxt lazımdı.
- Sualdan yayındın...
- Hansı taktiki sxemlə və necə oynayacağımızı baş məşqçi bilir. Oyuna 6 gün vaxt var. Ona görə də indidən nəsə demək çətindi. Onsuz da oyun modelindən asılı olmayaraq, meydana 6 xal üçün çıxacağıq. Bu o qələbələrdən olmalıdı ki, istəyimizə çatıb hesabımıza 6 xal yazdıraq (“6 xallıq oyundu” demək istəyir – H.).
- Futbolsevərləri maraqlandıran əsas sual Riçard Almeyda ilə bağlıdı. Əvvəl iyunun 10-da oynayıb-oynamayacağı haqda “baş sındırırdıq”, indi də başqa sual yaranıb: Almeyda yeni komandada özünü necə hiss edirdi?
- Yığma Riçi üçün yeni komanda deyil. Futbolçuların böyük əksəriyyəti ilə “Qarabağ”da çiyin-çiyinə oynayır. Başqalarıyla da 5 ildi rəqib qismində üz-üzə gəlib. Yalnız legioner həyatı yaşayan bir neçə nəfərlə şəxsən tanış deyildi ki, bir-iki gün ərzində onları da tanıdı. Məndə elə təəssürat oyandı ki, Almeyda daha əvvəllər də yığmada olmuşdu və yenidən geri qayıdıb. Yəni özünü o dərəcədə rahat hiss edirdi. Həm də şən oğlandı, “qab”a girməyi bacarır. Olduqca səviyyəli futbolçudu, nəyə qadir olduğunu toplanışda da göstərdi. Yığmaya fayda verəcəyinə əmin ola bilərsiz. Bacarıqlı futbolçu olmaqla yanaşı, çox yaxşı insandı, yoldaşdı. Onunla çiyin-çiyinə oynayacağıma görə şəxsən sevinirəm.
- Dil problemi yaşanmırdı?
- Xeyr, qətiyyən. Bizim bildiyimiz bütün dillərdə bilir (gülür). Azərbaycan və rus dillərində dediklərimizi başa düşür, ingiliscə cavab verir. Hansı dili istəsəz, bilir. Onunla danışmaq, müsahibə almaq sizə də asan olacaq (gülür).
- Şimali İralndiya ilə oyunu xüsusi həvəslə gözləyən azarkeşlərə nə demək istəyirsən?
- Hər şeydən əvvəl onları stadiona səsləyirəm. Yanımızda olmaları vacibdi. Almaniya ilə matçda tribunalarda yaratdıqları ab-hava, sadəcə, möhtəşəm idi. Bununla hətta alman futbolçuların da diqqətini çəkməyi bacarmışdılar. Xahiş edirəm, həmin atmosferi ayın 10-da da yaratsınlar. Azarkeşlərin verdiyi dəstək bizim üçün əlavə üstünlükdü. Yorğun olanda belə, adam o dəstəyi görüb hər şeyi unudur.
- Qələbə?
- Yeganə məqsədimiz budu. Məğlubiyyəti, hətta heç-heçəni ağlımızın ucundan keçirmirik. Bütün kollektiv yalnız və yalnız qələbə haqda düşünür. Sonluq necə olacaq, bunu zaman göstərəcək.
- “Qəbələ”dəki gələcəyinlə bağlı nə deyə bilərsən? Bölgə təmsilçisi ilə qarşılıqlı razılıq əsasında yolunu ayırıb yenidən “Neftçi”yə qayıdacağın deyilirdi.
- “Qəbələ” ilə növbəti ilin yayına qədər müqaviləm var. Ona görə də heç yerə getmək fikrim yoxdu. Qarşıdakı bir ildə “Qəbələ”nin uğurları üçün tər tökəcəm. Sonrasına baxarıq.
- Komandada ciddi itkilər var. Artıq 8 futbolçu ilə yollar ayrılsa da, hələ ki yalnız İlqar Qurbanovla müqavilə bağlanıb. Məlum durum Avroliqakı çıxışınıza təsir edə bilər?
- Həmin futbolçuların “Qəbələ”ni tərk etməsinə çox üzüldüm. Hər biri ayrı-ayrılıqda güclü oyunçular idi. İmkanım olsaydı, hamısını komandada saxlayardım. Klub rəhbərliyi belə qərar qəbul edibsə, hörmət etməli, gözləməliyik. Yəqin ki, güclənmək yolunda ciddi işlər görüləcək və “Qəbələ” Avroliqada azarkeşlərini sevindirəcək.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 20:23 Avropa Yay Olimpiya Festivalına lisenziya qazandılar Dünən, 20:22 Otellərin sayı artsa, Bakıya daha çox “Formula-1” azarkeşi gələcək Dünən, 20:20 Ronaldoya millinin forması hədiyyə olundu Dünən, 20:17 Emil Balayev “Səbail”ə keçərkən Qurban Qurbanovla danışmayıb Dünən, 20:14 “Zirə” biletlərin qiymətini açıqladı Dünən, 20:12 Əliyar FİFA karyerasına sıfırdan başlayır... Dünən, 20:09 “Samtredia” ilə ilk oyunun başlama vaxtı dəqiqləşdi Dünən, 20:08 “İnter”in rəqibi son çempionu məğlub etdi Dünən, 20:06 Avroliqanın debütantı mübarizəyə hazırdı Dünən, 20:00 Sumqayıtda mükafatlandırma Dünən, 19:56 Yığmanın baş məşqçisi Ermənistanla oyundan danışdı Dünən, 19:55 Avroliqada ikinci dövrə başlayır Dünən, 19:52 Divizionda çıxış edəcək “Binə”nin büdcəsi 150 min manatdı Dünən, 19:47 Stamenkoviç “Mladost”un bəxtinin gətirmədiyini düşünür Dünən, 19:44 Fanklub rəhbərləri “Milan” azarkeşlərinə haqq qazandırdı Dünən, 19:42 “Fənərbaxça”nın baş məşqçisi Antalya kampından danışdı Dünən, 19:40 Millinin heyəti açıqlandı 22-06-2017, 19:21 Subaşiç “Mladost” haqda gizli heç nə qoymadı 22-06-2017, 19:18 “İnter” “Mladost”u “Dalğa Arena”da sınağa çəkəcək 22-06-2017, 19:17 Zaur Axundov Azərbaycana söz verdi 22-06-2017, 19:15 “Axmat” “Qarabağ”ı da bir qolla üstələdi 22-06-2017, 19:13 “Zirə” vətənə məğlub döndü 22-06-2017, 19:11 “İnter” və “Zirə” siyahını açıqladı 22-06-2017, 19:10 Vyana “Qarabağ”ının Bakıda fanklubu olacaq 22-06-2017, 19:08 “Mladost”la oyunu böyük ümidlərlə gözləyirik” 22-06-2017, 19:06 “Bursa BB”də qaldı 22-06-2017, 19:05 Erməni baş məşqçidən etiraf 22-06-2017, 19:03 Əsgərlərə açıq məktub yazdılar 22-06-2017, 19:00 Çimərlik futbolu yığması Belarusa gedir 22-06-2017, 18:58 Hakimlərimizdən videotəkrara fərqli yanaşma 22-06-2017, 18:57 “Səbail” Emil Balayevi saxladı 22-06-2017, 18:55 Elnur Cəfərov da “Neftçi”ylə müqavilə bağladı 22-06-2017, 18:54 “Qəbələ” bu gün Bolqarıstan çempionuyla qarşılaşacaq 22-06-2017, 18:52 Ölüm ayağında Fuad Musayevin yanında olan nəvəsi “Futbol+”ə danışdı 22-06-2017, 18:49 Fuad Musayevin “üç” mərasimində 300-dən çox adam iştirak etdi 22-06-2017, 18:46 Futzal yığmamızda “təmizlik”: Biro da getdi, Fineo da 22-06-2017, 18:45 Hakimlərimiz Avroliqaya təyinat aldı 22-06-2017, 18:43 Macarıstandan 7 medalla 22-06-2017, 18:42 Daha bir tribunaya biletlər tam satılıb 22-06-2017, 18:40 Yeddinci oldu 22-06-2017, 18:39 Çini büdrədib, Vyetnamla bacarmadılar 22-06-2017, 18:35 Natiq Aslanov “Qəbələ”lilərlə üzləşməyə hazırdı 22-06-2017, 18:34 Şəhriyar Fransada yarışır 21-06-2017, 20:56 Kevin Maqnussen də BŞH-ni bəyənir 21-06-2017, 20:54 Marşalları “Qazelli” məhsullarıyla təmin edəcək 21-06-2017, 20:51 Zeynəb Məmmədyarova yığmamızın yüksəlişdə olduğunu düşünür 21-06-2017, 20:50 Tural Meksikada fərqləndi 21-06-2017, 20:47 Şahmatçılarımız ruslara şok yaşatdı 21-06-2017, 20:45 Türkiyədə ikinci oldu 21-06-2017, 20:42 Rəqiblərimiz bilindi 21-06-2017, 20:40 Eddi İsrafilov La Liqadan kənarda qaldı 21-06-2017, 20:39 Avrokuboklardakı duellər 21-06-2017, 20:38 “Samtredia”nın baş məşqçisi Svanadze ilə Tsxadadzedən məsləhət alacaq 21-06-2017, 20:36 Samir Məsimov "Fakel”də 21-06-2017, 20:35 “Mladost”un baş məşqçisi püşkdən məmnundu 21-06-2017, 17:38 Pevtsov bu dəfə Çində sözünü dedi 21-06-2017, 17:37 Həmyerlimiz Yaponiyada kəmər qazandı Bütün xəbərlər
Ən çox oxunanlar