19 may 19:26manset

AFFA ölkə futbolunu inhisara alıb?

AFFA ölkə futbolunu inhisara alıb?
Tahir Süleymanov ciddi islahatları zəruri sayır

Mayın 12-də AFFA Lisenziya Komissiyasının açıqladığı qərar – yalnız bir klubun premyer-liqaya buraxılması, növbəti mövsüm də 8 komandalı çempionatın keçiriləcəyi geniş müzakirələrə yol açdı. "Səbail"in elitaya yüksəlməsi, digər birinci divizion klublarına isə lisenziya verilməməsi futbol ictimaiyyətində belə bir fikir formalaşdırıb ki, AFFA futbolumuzu inhisara çevirib. Bir sıra klubları birbaşa və ya dolayı yolla AFFA (SOCAR) maliyyələşdirir ki, bu da birmənalı qarşılanmır. Bəziləri bu vəziyyəti absurd sayır, idman prinsiplərinin pozulması hesab edir, rəqabətə ciddi zərbə vurulduğunu düşünür. Ancaq bəziləri onsuz da heç kimin yaxın durmadığı klubların dağılmağındansa, AFFA-nın himayəsinə keçməsinin daha düzgün olduğunu düşünür. Fakt budu ki, yeni mövsüm premyer-liqada çıxış edəcək 5 klub - “Neftçi”, “Kəpəz”, “İnter”, “Səbail” və “Sumqayıt” birbaşa və dolayı yolla eyni mənbədən qidalanır. Bu isə 8 komandalı çempionatda heç də xoş mənzərə deyil. Hansısa başqa bir ölkədə oxşar vəziyyətin mövcudluğu inandırıcı deyil. Hələ birinci divizionu nəzərə almırıq. Orda vəziyyət daha da acınacaqlıdı.
Bəs bu durumdan qaçmağın yolu nədi? Doğrudanmı AFFA-nın bir neçə klubu himayəsinə götürməsi birmənalı şəkildə “baltalanmalıdı”? Ümumiyyətlə, bu durumda AFFA haqlıdı, yoxsa başqa yollara əl atmaq mümkündü? Məsələ ilə bağlı bir sıra futbol adamlarının fikirlərini öyrəndik.
Ceyhun Əliyev, sport24.az saytının baş redaktoru: “AFFA haranı zəbt edib? “İnter”i? Beynəlxalq Bank klubu himayəsində saxlamaqdan imtina etdikdən sonra AFFA hansı addımları ata bilərdi? Ya “gözüm aydın” deməli idi, ya da klubun yaşaması üçün əlavə xərcə düşməli idi. Hansı yolu seçdiyini bilirik. “Xəzər Lənkəran” “bizi sıxdılar, boğdular” deyir. Həqiqət necədi? Avrokuboklarda Azərbaycan adına ən böyük rəzaləti yaşadan “Xəzər Lənkəran” olub. Futbolçularla imzalanan müqavilələrdə fırıldaq işlədilməsi barədə UEFA və FİFA-dan gələn palaz-palaz məktubların səbəbkarı də həmin klub olub. Premyer-liqada çıxış edən “Neftçi”, “Sumqayıt”, “Kəpəz” AFFA-nın birbaşa və ya dolayı himayəsindədi. Bu gün ali qurum Gəncədəki stadionun ot örtüyünü dəyişdirir. Dediklərimi etməsəydi belə, həmin komandaların yaşamadığına görə hüquqi cəhətdən heç bir məsuliyyət də daşımayacaqdı. “Şəmkir”, “Turan Tovuz” kimi klublar elitada çıxış etmək istəyir. Əla, bunu kim istəməz ki? Ancaq kimin, nəyin hesabına? Tovuzun, Şəmkirin icra başçısı şəhərin komandasının elitada təmsil olunması üçün vəsait ayırmırsa, bunun günahı AFFA-dadı? Fakt budu ki, heç bir rayonun İcra Hakimiyyəti komanda saxlamaq istəmir. AFFA-nın da bəlli büdcəsi var. Həmin büdcədən kənara çıxmaq mümkünsüzdü. Divizionda belə, bölgələrdəki İcra Hakimiyyətləri komanda saxlamaqda maraqlı deyillər. Assosiasiya faktiki həmin icra başçılarının biganəliyini ört-basdır edir. Yəni elitada klub sayının az olmasının birbaşa məsuliyyəti bölgələrdəki icra başçılarının üzərindədi! Daha bir alternativ var. Bu da iş adamlarına vergi güzəştlərinin edilməsidi. Ancaq bu proses ətrafında illərdi söz-söhbət gəzsə də, əməli addım atılmayıb”.
Aslan Şahgəldiyev, PFL-in Mətbuat və İctimaiyyətlə Əlaqələr Departamentinin rəhbəri: “Ümumiyyətlə, hər kəsin fikrinə hörmətlə yanaşmaq lazımdı. Amma bir reallıq var ki, Azərbaycanda futbol biznes layihəsi deyil, sosial layihədi. Azərbaycan klubları qrup mərhələsində oynadıqdan və ya bir neçə mərhələ keçdikdən sonra pul qazanmağa başlayıblar. Buna qədər heç bir ciddi qazanc yox idi. İndiki məqamda sponsorun qoyduğu pulu əldə etməsi üçün avrokubpoklarda çıxış etməsi və uğur qazanması vacibdi. Necə ki, bunu “Qarabağ”, “Qəbələ”, “Neftçi”, “İnter” kimi klublar edib. “Böyük beşlik” ölkələrini çıxsaq, digər əksər ölkələrdə futbol qazanc gətirən sahə deyil. Ona görə də futbola sponsor qazandırmaq çətinlik yaradır. İndiki durumda Azərbaycanda futbolu himayəyə götürən başqa bir neçə şirkət yoxdusa və bunu SOCAR həyata keçirirsə, burda qəbahətli bir şey görmürəm. Bunun Peşəkar Futbol Liqasının keçirdiyi yarışlara heç bir mənfi təsiri yoxdu. Əksinə, çempionatda çıxış edən komanda istəyər ki, uğur qazansın. Komandanın uğur qazanması eyni zamanda ona rəhbərlik edən şəxsin uğur qazanması deməkdi. Burda haqlı-haqsız məsələsi gündəmdə deyil. İş burasındadı ki, reallıq bunu tələb edir. Və biz reallığı ön planda tutub işlərimizi görməliyik. SOCAR-ın futbola maliyyə ayırması dövlətin futbola dəsətəyi deməkdi”.
Tahir Süleymanov, sabiq FİFA referisi və futbol funksioneri: “Tək klub futbolunun deyil, ümumi Azərbaycan futbolun inkişafına birbaşa AFFA cavabdehdi. Son 10-12 ildə futbola yatırılan milyonlar sayəsində heç bir layihə uğurlu olmayıb. AFFA ilə SOCAR səhv salınır. Federasiya heç kimə sponsorluq edə bilməz. Buna maliyyə imkanları da yoxdu. SOCAR dövlət deməkdi. Maliyyəni dövlət ayırırsa, bu dövlətin adına yazılmalıdı, AFFA-nın yox. Təəssüf ki, dövlətin yardımını, qayğısını federasiyada oturanlar öz adlarına yazırlar. Daha pisi isə dövlətin, xalqın vəsaiti ilə futbolda monopoliya yaradıb klubları ələ keçirirlər. FİFA və UEFA-nın futbol qanunlarında da klublar müstəqil olmalıdı. Necə ki, dövlət qurumlarının federasiyanın işinə müdaxiləsini FİFA, UEFA yolverilməz sayır... Son illər elə vəziyyət yaradıblar ki, məşhur rus filmində olduğu kimi, "myasokombinat, ya" prinsipi ilə federasiya məmurları klublara yeridilir, eyni insanlar həm AFFA-da, həm də klublarda çalışır. Buna nə ad vermək olar? AFFA-nı bir qrup insanın qohum, dost, tanışları üçün şəxsi şirkətə çeviriblər. Bəzi klubların dağılmasında günahkarlardan biri özləri idisə, ümumi vəziyyətin belə dözülməz duruma gəlməsinin səbəbkarı da federasiyada oturanlardı. 2013-cü ildə İcraiyyə Komitəsi klublarda Müşahidə Şuralarının yaradılması ilə bağlı qərar qəbul etməməliydi. Ondan qat-qat öncə klublara kütləvi şəkildə transfer olunan legionerlərin qarşısı alınmalıydı. Bunun üçün sifariş vərəqinə hər klubun mövsüm ərzində maksimum 10 əcnəbi futbolçu sifariş etməsi ilə bağlı qərar kifayət idi. Əvvəlki illər qalsın bir tərəfə, 8 komanda arasında 7-ci olan "Neftçi" 16 legioner oynatdı. Qeyd etdiyim qərar olsaydı, heç bir klub bunu edə bilməzdi. Bu milyonların havaya sovrulması deməkdi. AFFA-nın lazımı qanunları qəbul etməməsindən klublarda və onların ətrafında olan işbazların boşluqlardan istifadə etməsidi. Mövzu çox geniş olduğu üçün ictimaiyyət arasında ətraflı müzakirələrə böyük ehtiyac var. AFFA-dakıların futbolu yox, özlərini düşünərək mövcud durumu yaradıb cəfakeş ata obrazında özlərini təqdim etməyə ehtiyac yoxdu. Futbolda ciddi islahatlara ehtiyac var”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır 21-05-2017, 13:53 Azərbaycan yenidən liderliyi ələ keçirdi 21-05-2017, 13:51 Əsgər Abdullayev AFFA-dan inciməyib 21-05-2017, 13:49 “Şəmkir”in prezidenti premyer-liqa iddiasından əl çəkdi 21-05-2017, 13:48 “Neftçi”yə yaxın duran yoxdu 21-05-2017, 13:47 Vidadi Rzayev Diniyevin köməkçisi oldu 21-05-2017, 13:22 Yeni mövsümün təqvimi yığmanın maraqlarına uyğun hazırlanacaq 21-05-2017, 13:17 Rəmiş Malıyev AFFA ilə vidalaşdı, yerinə xanım gəlir 21-05-2017, 13:16 Tural Qürbətov Türkiyə klubunda 21-05-2017, 13:14 Yığma üzvləri azarkeşləri finala səsləyir 21-05-2017, 13:11 Yığma üçün həlledici an 21-05-2017, 13:09 Turan Makedoniyanı cəzalandırdı 21-05-2017, 13:08 Reaksiyalar 21-05-2017, 13:04 Rəşad Sadıqov və komandası mükafatlandırıldı 21-05-2017, 12:51 Vəkil zərərcəkəni və məhkəməni qınadı 21-05-2017, 12:49 Kvekveskiri təklif bolluğunda “üzür” 21-05-2017, 12:48 Renat Dadaşov “Ayntraxt”la peşəkar müqavilə imzaladı 21-05-2017, 12:47 Qriqorçuk “Qəbələ”də qalacaq 21-05-2017, 12:43 Qurban Qurbanov Kintananın tezliklə sıraya dönəcəyinə ümid edir 21-05-2017, 12:42 Yığma bu gün vətəni tərk edir 21-05-2017, 12:39 Final mərhələsi başladı 21-05-2017, 12:37 Şəhriyar şərikli liderliyi davam etdirir 19-05-2017, 20:07 Daha bir dopinq şoku: bu dəfə Toğrul Əsgərov cəzalandı 19-05-2017, 20:05 Şahmatçılarımız "sülh bağladı” 19-05-2017, 20:04 Elxan Abdullayev: “Kim var, kimi alaq, namizəd var ki?” 19-05-2017, 20:01 “Kəpəz”dən ayrılanlar səbəb göstərdi 19-05-2017, 19:59 AZAL-lılar bu gün maaş alacaq 19-05-2017, 19:58 Kamran Quliyev AFFA-da iclas keçirəcək 19-05-2017, 19:52 Əlcəzairin baş məşqçisi də hakimlikdən gileyləndi 19-05-2017, 19:47 Yığma Əlcəzairə “2 verib” finala adladı 19-05-2017, 19:43 “Qəbələ” fanatı tribunaları coşdurdu Bütün xəbərlər
Ən çox oxunanlar