17 may 13:31manset

Musa Süleymanovdan acı etiraf

Musa Süleymanovdan acı etiraf
“İki ildə “Turan”ın ayaqüstə qalması üçün 5 milyon manata yaxın vəsait sərf etdim”
Ötən sayımızda “Turan Tovuz”un azarkeşlərinin AFFA-nın qarşısında aksiya keçirmək istədiyini xəbər vermişdik. Bu haqda tovuzlu azarkeşlər “feysbuk” sosial şəbəkəsində bəyanat paylaşıblar. Onların əsas tələbi başa çatan mövsümdə birinci divizonda çempionluğu bayram edən komandanın premyer-liqaya buraxılmamasıdı. Xatırladaq ki, qərblilər elitada çıxış etmək üçün tələb olunan bank təminatını Lisenziyalaşdırma Qrupuna təqdim etmədiyindən “oyundankənar vəziyyətdə qalıblar”.
Azarkeşlərin sevimli komandalarını elitada görmək istəyi anlaşılandı. İdman prinsiplərini nəzərə alsaq, “Turan Tovuz” bunu haqq edib. Ancaq onu da unutmaq olmaz ki, elitada çıxış etmək istəyən klub ən azı daxili çempionat üçün tələb olunan meyarlara cavab verməlidi. Kim zəmanət verə bilər ki, mövsümün ortasında Tovuz təmsilçisi məhz maliyyə çətinliyi üzündən çempionatdan geri çəkilməyəcək? Belə məqamda məhz bank təminatı verən qurum məsuliyyəti öz boynuna çəkib, mövsümü başa vurmaqda komandaya yardımçı olmalıdı. Azərbaycan reallığınında belə halların yaşanmasına dəfələrlə şahid olmuşuq. Uzağa getməyə, tarixi vərəqləməyə ehtiyac da yoxdu. Geridə qoyduğumuz “futbol ili”ndə “İnter”in timsalında buna şahidlik etdik. Odu ki, tovuzlu azarkeşlər AFFA-nın qarşısında aksiya keçirmək əvəzinə, rayonun imkanlı şəxsləri ilə görüşsünlər, onlardan komandaya yardım göstərməyi tələb etsinlər. Hər halda, Tovuzda və Bakıda əslən bu rayondan olan yetərincə imkanlı iş adamları var.
Məsələ ilə bağlı 2010-cu ildən 2012-nin qışına qədər klubun prezidenti olmuş Musa Süleymanovun fikirlərini öyrəndik. Görəsən, Musa bəy Tovuz təmsilçisinin belə çətin durumunda yenidən komandaya sahib çıxa bilər? Sabiq prezident sualımıza belə reaksiya verdi: “Tovuzda həmişə futbol olub və olacaq, orda daim istedadlı uşaqlar yetişəcək. Buna şübhəniz olmasın. Ancaq tovuzluların əsas problemi bir araya gəlib birləşə bilməmələridi. İki il “Turan”a sponsorluq etdim. Prezident olduğum dönəmdə çoxu elə bilirdi ki, mən komandaya kənardan gələn pulların hesabına baxıram. Elə düşünürdülər ki, kimlərsə kluba pul ayırır, mən də onun yarısını “Turan”a xərcləyib, yarısını cibimə qoyuram. Daha bilmirdilər ki, əziyyətlə qazandığım pullar hesabına komandanı saxlayırdım. İki ildə “Turan”ın ayaqüstə qalması üçün 5 milyon manata yaxın vəsait sərf etdim. Sonu nə oldu? Xatırlayırsızsa, 14 nəfər tovuzlu gənci İspaniyaya göndərmək istəyirdim. Namiq Məstanov isə bəzi fırıldaqçılarla əlbir olub həmin uşaqların valideynlərini yoldan çıxardı. Onların da dünyagörüşü dayaz olduğundan kənardan deyilən yalanlara inandılar. Guya mən həmin 14 uşağı qul kimi işlətmək üçün İspaniyaya aparmaq istəyirəm. Məndən sonra nə oldu? Namiq və havadarları həmin uşaqları dəyər-dəyməzinə başqa yerli klublara satıb ciblərini doldurdular. Prezidentlyim dönəmində bir gündə klubun bazasında 600-ə yaxın adam yemək yeyirdi, stadionu təmir etdirmişdim. Daha 3 meydança inşa etdirirdim. Lakin tovuzluların bunu qiymətləndirməməsi, kənar təsirlərə uyub əməyimə qiymət verməməsi məni həvəsdən saldı. Mən Tovuz Xeyriyyə Cəmiyyətinin sədriyəm. O vaxt “Turan” ağır vəziyyətdə olanda rayonun sayılıb-seçilən insanları komandaya yardımçı olmaqla bağlı mənə müraciət etdi. Mən də 20-yə yaxın iş adamını görüşə dəvət etdim. Onlara təklif etdim ki, hərəmiz ildə 50 min manat kluba ayıraq, pis-yaxşı “Turan”ı saxlayaq. Siz də mənimlə razılaşarsız ki, kənar yerdə “Tovuz” dedikdə ağla ilk gələn aşıq və futboldu. Bu üzdən istəmirdim “Turan” dağılsın. Hamısı “əla fikirdi” deyib, lazımi köməyi göstərəklərinə söz verdilər. Sonradan həmin adamların heç birini tapa bilmədim. Bir-iki ay Arif Əsgərov, bir az da Ramiz Zeynalov kömək etdi. Sonradan bütün yük mənim boynumda qaldı. Sizə açıq deyirəm, bundan sonra müraciət etsələr belə, “Turan Tovuz”a maliyyə ayırmaram. Adam bir dəfə səhv edər. Bəlkə də zəhmətimə qiymət verilsəydi, “çox sağ ol” demirəm, heç olmasa, işləməyə mane olmasaydılar, bu gün nəsə edərdim. Ancaq həmin dönəmdə gördüklərim məni futboldan soyudub”.
“Turan”ın ilk prezidenti Vidadi Əhmədov isə 90-cı illərdəki kimi imkanının olmadığını, ancaq cüzi də olsa, kömək edə biləcəyini söylədi: “Hamının bir fikri var – "Turan Tovuz” güclülər dəstəsində mübarizə aparmalıdı. Azərbaycan futbolunda Tovuz klubunun öz yeri var. Lakin fikir, istək başqa, reallıq başqadı. Etiraf edək ki, ortabab komandanı bir il saxlamaq üçün ən azı 600-700 min manat lazımdı. AFFA-nın da elitaya lisenziya almaq üçün bank təminatı 500 min manatdı. Assosiasiyaya klublara yardım etdiyi üçün təşəkkürümüzü bildiririk. Çox iş görüblər. Təəssüf ki, çatdırmaq çətindi. Kənardan baxan adama döyüş həmişə asan gəlir. Özüm bu işlərin içində olmuşam, futbol klubunu saxlamağın nə olduğunu, bu işin hansı əziyyətlər hesabına başa gəldiyini yaxşı bilirəm. Böyük vəsiat lazımdı. Fərdi olaraq kimlərsə nəsə etmək istəyə bilər. Lakin birlikdə heç bir iş görülməyib. Şəxsən mənim elə imkanım yoxdu. Lakin iş adamları bir araya gəlib komandanın gələcəyi üçün nəsə etsə, mən də gücüm çatan qədər onlara kömək edə bilərəm”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:46 Yığma üzvü zədələnib Dünən, 19:44 Yığmanın baş məşqçisi mətbuat konfransı keçirəcək Dünən, 19:41 “Xəzər Lənkəran” mərkəzi stadionu “Masallı”ya verildi Dünən, 19:39 Yığmamız mövqeyini qorudu Dünən, 19:36 Federasiya klublarla çempionatı müzakirə etdi Dünən, 19:32 “Qarabağ” rəsmisi qazondakı problemləri problem saymır Dünən, 19:30 “Qarabağ” rəhbərliyi ilə AFFA prezidenti arxa qapıdan yararlanıb Dünən, 19:27 AFFA-nın gözü yol çəkir, Prosineçki vətənindən əl çəkmir Dünən, 19:25 Yol polisi Rəşadın maşınını əlindən alıb Dünən, 19:22 “Qəbələ” “Qalatasaray”la oynayacaq? Dünən, 19:16 “Mil-Muğan”da köhnə-yeni baş məşqçi Dünən, 19:13 Elmar Vəliyev stadiona görə Yevlaxın icra başçısına zəng vurub Dünən, 19:11 Yeni yaradılan “Xəzər” birinci divizionda çıxış edəcək Dünən, 19:07 “Qarabağ” “Parken”də dəstəksiz qalmayacaq Dünən, 19:02 Şehiç yığmaya dəvət aldı Dünən, 18:56 “Qarabağ” səfərdə nə etməlidi? Dünən, 18:52 “Qarabağ” iki gün əvvəl gedir Dünən, 16:41 Əsasnamənin havadan asılı qalan müddəaları Dünən, 16:39 “Fikrimcə, ikili müqavilələr tək “İnter”də yox, başqa klublarda da var” Dünən, 16:32 Ramil yenə meydana çıxmadı Dünən, 16:29 Kəmaləddin Heydərov postunda qaldı Dünən, 16:25 AQF saxta konfrans keçirib, Yaşar Məmmədovu neytrallaşdırdı Dünən, 16:22 Dünya mətbuatı Ramil Quliyevdən yazır Dünən, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı Bütün xəbərlər
Ən çox oxunanlar