19 apr 20:17manset

AFFA və PFL-dən Əsgər Abdullayevi təbrik etməyiblər

AFFA və PFL-dən Əsgər Abdullayevi təbrik etməyiblər
“Mənim missiyam, məqsədim komandanı çempion etmək idi”

Aşağı dəstənin 24-cü turunda “Turan Tovuz” MOİK-ə qalib gələrək çempion olmaqla yanaşı, məğlubiyyətsizlik seriyasını 11 oyuna çatdırıb. Əsgər Abdullayevin komandası bu görüşlərin 10-da qələbə qazanıb. “Zaqatala” ilə heç-heçə isə ikinci pillənin sahibi “Səbail” üçün ardıcıl 4-cü məğlubiyyətsiz matç olub. Bölgə təmsilçisi son iki görüşdə heç-heçə oynamaqla turnir cədvəlinin 6-cı pilləsinə yuvarlanıb. Səfərdə “Mil-Muğan”ı məğlub edən və 3-cü pillədəki mövqeyini qoruyan “Qaradağ Lökbatan”ın 2 oyunluq qələbə seriyası var. Turda digər diqqəti çəkən məqam “Bakılı”nın böyükhesablı qələbəyə sevinməsidi. Paytaxt təmsilçisi ardıcıl 15 oyundan sonra 3 xala hesabına yazıb. İndi isə sizi baş məşqçilərin fikirləriylə tanış edirik.
Əsgər Abdullayev, “Turan Tovuz”un baş məşqçisi: “İndi desəm ki, çempion olacağımı bilirdim, düzgün çıxmaz. Lakin məndə inam var idi. Çünki mövsümün əvvəlində əsas məqsədim bu olub. Öz gücümüzə güclülər dəstəsinə vəsiqə qazanmaq məqsədi ilə yaşayırdıq. Nə yaxşı ki, arzumuza çatdıq, sona 2 tur qalmış çempion olduq. Bu uzun yol bizə asan başa gəlmədi. Çətinlik çəkdiyimiz məqamlar da oldu. Adicə sonuncu oyunda çox çətinliklə üzləşdik. Mövsümün soyunda uşaqlarda müəyyən yorğunluq var. Həm də bu oyun bizim üçün final xarakteri daşıyırdı. Komandaya əməlli-başlı təzyiq var idi. Qarşılaşmaya yaxşı başladıq. İlk yarıda xeyli qol imkanı yaxalasaq da, yararlana bilmədik. İkinci hissədə də vaxt azaldıqca oyun intizamı pozulurdu. Uşaqlarda həyəcan getdikcə artırdı. Buna baxmayaraq, komanda sona kimi vuruşdu, lazım olan qolu vura bildi. Eyni vəziyyəti 2 tur əvvəl biz yaşamışdıq. “Mil-Muğan”la ev oyununda hakimin əlavə etdiyi dəqiqələrdə qol buraxmışdıq. Bu dəfə biz qol vurduq. Çempionluq bizim olsa da, çempionat bitməyib. Hələ qarşıda iki tur var. Oyunlara eyni ciddiliklə yanaşacağıq. Düzdü, əsas heyətdən bir neçə futbolçuya istirahət veriləcək. Onların əvəzinə mövsüm ərzində şans qazana bilməyən futbolçular meydana çıxacaq. Çünki onları da yoxlamaq istəyirəm. Yəni heyətdə dəyişikliklər olacaq. “Şahdağ” yaxşı komandadı. Oyun təcrübəsi az olan futbolçuları həmin matçda yoxlamalıyıq. “Qaradağ Lökbatan” da bilirsiz ki, medallar uğrunda mübarizə aparır. Hər iki oyun bizim üçün çətin olacaq. Çempion olandan sonra AFFA və PFL rəhbərliyindən şəxsən məni kimsə təbrik etməyib. Ola bilər ki, rəhbərliyə zəng edib, təbrik ediblər. Premyer-liqaya yüksəlmək şanslarımıza gəlincə, bu suala da rəhbərlik daha dolğun cavab verə bilər. Çünki mənim missiyam, məqsədim komandanı çempion etmək idi. Bunu da bacardım. Qalan məsələlərə rəhbərlik baxır, onlar cavabdehdi. Təbii ki, mən bu komandanı elitada görmək istəyirəm. Rəhbərlik də həvəslidi. Nə edəcəklər, nə iş görəcəklər, hansı lazımi məsələləri həll ediblər - bunları rəhbərlik bilir. Hər şeyi zaman göstərəcək”.
Aqil Məmmədov, “Mil-Muğan”ın baş məşqçisi: “Mövsümün sonu olsa da, komandanın fiziki durumunda problem yoxdu. Bizim dərdimiz başqadı. Turnir cədvəlindəki vəziyyətimiz elədi ki, uduzsaq, aşağı düşmürük, qalib gəlsək, yuxarı qalxmırıq. Bu üzdən ola bilər ki, uşaqlarda müəyyən arxayınlıq var idi. “Qaradağ Lökbatan”la oyunda da bu məqam bəlkə də həlledici oldu. İlk 30 dəqiqədə çox zəif çıxış etdik. Rəqib bizdən üstün oynadı. Ardıcıl 3 qol buraxdıq. Fasilədə isə müəyyən dəyişikliklər etdik. Ondan sonra vəziyyət düzəldi, hətta rəqibdən üstün oynadıq. Lakin hesab arasındakı fərq böyük olduğundan komandanın mübarizə aparması çətin idi. Uşaqların özünə gəlməsi problem idi. Amma 0:4-dən sonra yaxşı oyun sərgilədik. 2 qol vurmaqdan əlavə, çox yaxşı qol imkanları yaratdıq. Hətta hesab 4:4 də ola bilərdi. Təəssüf ki, bütün zərbələr qol olmur. Qarşıda iki oyunumuz qalıb. Hər oyuna qalib gəlmək üçün çıxırıq. “Göyəzən”lə “Energetik” autsayder olsalar ki, mövsümün sonunda sözlərini demək istəyəcəklər. Biz mübarizə aparmalı, qalib gəlməliyik. İndiki mövqedə olmağımızın səbəbi son xal itkiləri yox, ilk dövrədəki büdrəmələrdi. Çempionat başlamamış gec toplandıq. Hazırlıq prosesi çox qısa çəkdi. Bu üzdən komandanı formalaşdırmaq çətin oldu. Sistemin oturuşması zaman tələb edir. Nəticədə vacib xallar itirdik. İkinci yarıda isə nisbətən yaxşı çıxış etdik. Ümid edək ki, növbəti mövsüm ya premyer-liqada, ya da elə aşağı dəstədə daha yaxşı komanda yığıb, ən yüksək pillələr üçün oynayarıq”.
Elxan Muradov, “Göyəzən”in baş məşqçisi: “Mövsümün sonlarıdı, komandada bir az yorğunluq var. “Bakılı” ilə oyunda heç nə edə bilmədik. Rəqibin heyətində kapitan Aslan Hüseynov çox möhtəşəm oyun sərgilədi. Demək olar ki, bizi təkbaşına uddu. Mən bilmirəm, “Bakılı” niyə bu gündədi? Baxdım, çox yaxşı komandadı. Niyə onların nəticələri yoxdu? O komanda məndə olsaydı, indi turnir cədvəlinin ortalarındaydıq. Bizim oyunçular süni qazonda heç oynaya bilmirlər. Bizimkilər kələ-kötür meydana öyrəşiblər, düz meydanı görəndə ayaqları əsir. Süni meydanda heç cür oyun alınmır. Peşəkar futbolçu hər örtükdə oynamağı bacarmalıdı. Bizimkilər tam peşəkar deyillər. Bu üzdən əziyyət çəkirik. Bu mövsüm də belə getdi. Görək, yayda başımıza nə gəlir... Ümid edək ki, yaxşı yöndə xeyli dəyişiklik olacaq”.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar