13 fev 12:50liqa

Hakimlərin mühakiməsi

Hakimlərin mühakiməsi
Hakimlər üçün ağır həftə
Premyer-liqanın 16-cı turu hakim idarəçiliyi baxımından ağır oldu. Hakimlər Komitəsinin sədri Frits Stuxlik üçün o qədər “material” var ki... Qorxuruq ki, qış fasiləsində yalnız nəzəriyyə ilə kifayətlənən, yoxlama görüşlərinə çıxmayan və beləliklə, oyun praktikasının azlığından əziyyət çəkən hakimlər qarşıda daha çox səhvə yol versin.
SƏBUHİ BAYRAMOV, Sabah – Qəbələ
Turun mərkəzi oyununun gənc Səbuhi Bayramov həvalə edilməsi özü maraqlı seçim idi. Hakimlər Komitəsinin sədri Frits Stuxlik də adı çəkilən ədalət təmsilçisinin idarəçiliyini tribunadan izləmək üçün “Əlincə Arena”nın yolunu tutmuşdu. Şübhəsiz, matçda əsas məqam Marko Deviçin qırmızı vərəqə ilə cəzalanmasıdı. Qeyd edək ki, Ukrayna yığmasının sabiq üzvü 17 və 45+1-ci dəqiqələrdə eyni səbəbdən – simulyasiyaya görə sarı vərəqə aldı. Başlayaq ilk epizoddan. “Sabah”ın hücumu zamanı Deviç cərimə meydançasına daxil oldu və Voislav Stankoviçlə yanaşı qaçarkən yerdə qaldı. Düzdü, Stankoviç əli ilə ona toxunmuşdu, ancaq bu qayda pozuntusu deyildi. Elə vərəqə aldıqdan sonra Deviçin hakimin əlini sıxması da hər şeyi deyirdi. İkinci epizoda gələk. Cavid İmamverdiyev cərimə meydançasının həndəvərindən qapını nişan aldı, Dmitri Bezotosnı topu qaytardı, qapıçı ikinci dəfə “kürə”ni əli ilə uzaqlaşdıraraq Markonun “dəri kürə”yə yiyələnməsinə imkan vermədi. Bu vəziyyətdə Deviç yerdə qalıb, penalti tələb edincə, hakim ona ikinci sarı vərəqəni göstərdi. Doğrudu, ədalət təmsilçisininin qərarına səhv deyə bilmərik. Hakimi aldatmağa cəhdin “mükafat”ı sarı vərəqədi. Lakin belə bir oyunda ədalət təmsilçisi vərəqə verməsəydi belə, çətin ki, onu qınayan tapılacaqdı. Dəfələrlə olub ki, hakim simulyasiya edən futbolçuya əli ilə “qalx” işarəsi verib və “sarı”sız ötüşüb. Bəlkə də qarşılaşmanın statusunu nəzərə alıb iki epizoddan birində təcrübəli forvarda güzəştə getmək olardı. Son dəqiqələrdə isə kuryoz hal yaşandı. Saşa qapını tərk edib hücuma aludə olduğu vaxtda “Qəbələ” əks-hücum qurdu. Atakora Lalavele topla bir qədər irəlilədi, “mərmi”ni “çərçivə”yə ünvanladı, ancaq Tərzin Cahangirov topu qapı xəttindən qaytardı. Bu vaxt Ceyms Adeniyi təkrar zərbəylə toru silkələsə də, hakim ofsayda işarə edib qolu qeydə almadı. Çünki Atakora zərbə endirərkən Adeniyidən sonra yalnız bir nəfər – Tərzin var idi. Nəticəyə təsir edən səhvi olmasa da, xüsusən “Qəbələ” tərəfi hakimə tez-tez etiraz edirdi. Bunun nəticəsi idi ki, “qırmızı-qaralar”ın məşqçilərindən Zaur Həşimov tribunaya qovuldu. Bundan başqa, aut atışları zamanı mübahisələr də yarandı ki, onların bəzilərində hakim yanlış qərar verdi.
ORXAN MƏMMƏDOV, Sumqayıt – Qarabağ
Sumqayıtdakı hakimlik də müzakirəsiz ötüşmədi. Xüsusilə Filip Ozobiçin qolunda yan xətt hakimi Cavanşir Yusifovun tərəddüd etməsi ilə ara qarışdı. Halbuki topun qapı torunu içəridən deşərək çölə çıxdığını hər kəs gördü. Yan xətt hakiminin tərəddüd içində olması Orxan Məmmədovun qolu gec qeydə almasına səbəb oldu. Baş hakim isə vərəqələrə həddən artıq meyilli idi. Buna baxmayaraq, 48-ci dəqiqədə Əfran İsmayılova qarşı kobud oynayan Dani Kintanaya mütləq vərəqə göstərilməliydi.
İNQİLAB MƏMMƏDOV, Neftçi – Keşlə
İnqilab Məmmədovun idarəçiliyi zəif alındı. Hər halda, o, bir neçə mübahisəli qərarla yadda qaldı. Əvvəla, əksər xırda follarda “Neftçi”nin xeyrinə qərar verirdi. Başqa sözlə, meydan sahiblərinə rəğbətini aşkar hiss etdirirdi. Bu zaman “Keşlə” rəsmiləri “İnqilab bizim oyuna gəldisə, udmağımız mümkün deyil, bu hakim bizi həmişə sıxışdırıb” deyərək etirazını çatdırırdı. Düzdü, baş məşqçi Tərlan Əhmədov cəzalanacağından ehtiyatlanıb mətbuat konfransında “bilmirəm, həmin epizodda penalti var idi, ya yox. Baxıb sözümüzü deyəcəyik. Bir epizodda bizim futbolçuya, Klennona kobudluq oldu, saxlamadı” şəklində yüngülcə deyindi. Amma qeyd etdiyimiz kimi, Məmmədovun qərarları əsasən qonaqların ziyanına olurdu. Düzdü, bəzən şablon fitlərlə özünü “sığortalamağa” çalışırdı. Konkret bir epizodda ikili mübarizə zamanı yan xətt hakimi Rahil Ramazanov bayrağını qaldırdı, bir qədər tərəddüddən sonra “Neftçi”nin xeyrinə cərimə zərbəsinə işarə etdi. Bu zaman Tərlan Əhmədov və yetirmələri kəskin etiraz bildirdi. Top oyuna daxil olan kimi isə yüngül təmasa görə fitini səsləndirdi və bu dəfə “Keşlə”nin xeyrinə qərar verdi. Başqa sözlə, səhvi səhvlə “sığortaladı”. 37-ci dəqiqədə Vüsal İsgəndərliyə heç nədən vərəqə göstərdi. Əslində Vüsal topu Kiril Petrovdan qaydalar çərçivəsində “oğurlamışdı” və qol üçün əla imkan yaranmışdı. Hücumu dayandıran referi üstəlik İsgəndərliyə “sarı” da göstərdi. Penalti epizodu etirazlara daha çox səbəb oldu. Hətta kənardan belə göründü ki, Dabo simulyasiyaya əl atdı. Ancaq insafən, bu epizodda hakimi günahlandırmaq yersizdi. Üç müdafiəçinin əhatəsində olan Dabonun sinəsinə Azər Salahlı ayaqla zərbə endirir. Bir qədər bəsit görünsə də, penalti var idi. Amma bəlkə də “Keşlə” tərəfinin uzun müddət etiraz bildirməsinə görəydi ki, İnqilab Məmmədov “11 metrə”nin iki dəfə yerinə yetirilməsinə göstəriş verdi. Hər halda, indiyə qədər dəfələrlə şahidi olmuşuq ki, zərbə vuran futbolçudan başqa, cərimə meydançasına girənlər olur.
ƏLİYAR AĞAYEV, Səbail – Zirə
FİFA referisinin işinin öhdəsindən gəldiyini demək olar. Buna baxmayaraq, idarəçilikdə qüsurlar da gözə dəydi. İlk növbədə yan xətt hakimi Akif Əmirəlinin qətiyyətsiz göründüyünü vurğulamalıyıq. Laysman top yan xətti tərk edəndə belə, bayrağını qaldırıb baş hakimə baxır, Əliyardan kömək gözləyirdi. FİFA referisi də bu dəfə sanki tempin artmasından ehtiyatlanır, xırda follara fit çalırdı. İlk hissənin sonlarına yaxın Yevgeni Koçukla İlkin Muradov arasında ikili mübarizə zamanı Ağayev fitini səsləndirməyə də bilərdi. Təsadüfi deyil ki, moldovalı yarımmüdafiəçi buna “siz istəyirsiz mən rəqibə “zəhmət olmasa, topu mənə ver deyim? Heç yerdə belə futbol oynamırlar. Hər xırda şeyə görə fit çalmağınız düz deyil” şəklində kəskin etiraz bildirdi. Matçın sonlarında Əliyarın işi daha çox oldu. Elvin Yunuszadəyə göstərilən qırmızı vərəqə tam haqlı idi. İkinci xəbərdarlıqdan sonra meydandan kənarlaşdırılan müdafiəçi rəqibi əli ilə tutub çəkərək, perspektivli hücumun qarşısını aldı. Bir qədər sonra “Zirə”nin futbolçusunu sinəsindən itələyən “Səbail”li Maudo Jarjue də ikinci “sarı”nı – “qırmızı”nı haqq edirdi. “Səbail”in sayılmayan qoluna gəlincə, bunu yan xətt hakiminin vicdanına yazmaq lazımdı. Çünki bunu nə stadionda, nə də videotəkrar əsasında müəyyənləşdirmək mümkündü.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib 13-02-2019, 13:20 “Neftçi”nin bazasında işlər davam etdirilir 13-02-2019, 13:14 “Keşlə” Vaqif Cavadovdan qurtuldu 13-02-2019, 13:11 Almeyda “Qarabağ”dan ayrıldı 13-02-2019, 13:09 “Salam, “Çelsi”, nətərsən?” 13-02-2019, 13:05 Moldova futboluna azarkeşlik edən rus təqaüdçü 13-02-2019, 12:59 Turun statistikası 13-02-2019, 12:56 Turun məşqçisi 13-02-2019, 12:56 Turun oyunçusu 13-02-2019, 12:55 Turun sitatı 13-02-2019, 12:54 Cənub zonasında havaya görə təxirəsalma 13-02-2019, 12:50 Hakimlərin mühakiməsi 13-02-2019, 12:48 “Banişevski kuboku”nda 6 komanda mübarizə aparacaq 13-02-2019, 12:47 “Zirə”dən 6 aylıq icarə və növbəti transfer 13-02-2019, 12:45 Turdan məqamlar 13-02-2019, 12:44 Futzal millimiz apreldə iki ölkəyə səfər edəcək 13-02-2019, 12:43 Balayev üçün rəqiblər bilindi, Paşayev məşqlərə başladı 13-02-2019, 12:42 PFL “Qarabağ”ın müraciətini müsbət cavabladı 12-02-2019, 18:12 Belə oxuculara görə yaşamağa dəyər! 12-02-2019, 18:11 Həftənin idman proqramı 12-02-2019, 18:09 U-19 toplanış ərəfəsində yenildi 12-02-2019, 18:07 Yığmanın potensial baş məşqçisi “kartları açmadı” 12-02-2019, 18:05 Bacarığının sərhədlərini tanıyan, münaqişələrdən qaçan, çılğınlıqdan uzaq, iddiasız biri... 12-02-2019, 18:03 “Qəbələ” şikayət etmək iddiasından çəkildi 12-02-2019, 18:01 Qurban Qurbanov “Sumqayıt”ın iki hücumçu ilə oynayacağını düşünürmüş 12-02-2019, 17:58 “Qarabağ” üçün birgünlük sevinc 12-02-2019, 17:50 “Qəbələ”: bir olsun, pir olsun! 12-02-2019, 17:45 “Kapital Bank Arena”nın qapı torları dəyişdiriləcək 12-02-2019, 17:42 “Forza Neftçi” yubileyini qeyd etdi 12-02-2019, 17:39 Nazarov oynamadı, komandası darmadağın oldu 12-02-2019, 17:34 Liderlər büdrəmədi, “Qəbələ” “üçlüy”ə yaxınlaşdı 12-02-2019, 17:33 Elbrus Məmmədovun ağ yalanı Bütün xəbərlər
Ən çox oxunanlar