11 yan 19:50liqa

Tərlan Əhmədov Orxan Sadıqlının atmacasına cavab verdi

Tərlan Əhmədov Orxan Sadıqlının atmacasına cavab verdi
“Mənim işlədiyim komandada təriqət söhbəti, dini, irqi ayrı-seçkilik ola bilməz”
“Keşlə” – “Qaradağ Lökbatan” qarşılaşmasından sonra paytaxt təmsilçisinin baş məşqçisi Tərlan Əhmədov jurnalistlər üçün brifinq keçirdi. Əvvəlcə hazırlıq prosesini dəyərləndirən təcrübəli mütəxəssis yeni transferlər, həmçinin Vaqif Cavadov, Orxan Sadıqlı və gələcək planlar barədə sualları cavabladı.
- Hazırlıq prosesinə yanvarın 5-dən başlamışıq. Ağır yükləmədən sonra bu gün "Qaradağ Lökbatan”la matçda futbolçuların güc və hərəkətliliklərinə baxmaq istəyirdik. Həm bu matçı, həm də 5 günlük toplanışı axşam təhlil edəcəyik. Heyətdə üç yeni futbolçu var. "Zirə”dən Vüsal İsgəndərlini, Türkiyənin Bal Liqasında çıxış edən Emin Mehdiyevi və Qazaxıstan "Kaysar”ından Con Kamaranı götürmüşük. Pleymeyker mövqeyi üçün bir nəfər axtarırıq. Bunun üçün danışıq apardığımız bir neçə oyunçu var. Bu məsələ yaxın iki-üç gündə, yəni Antalya toplanışına qədər həllini tapacaq. Beşgünlük tsikli normal başa vurmuşuq. İki gündən sonra Türkiyənin Antalya bölgəsinə təlim-məşq toplanışına yola düşəcəyik. Orda da 4 matç keçirəcəyik.
- Yerli futbolçuları tanıyırıq. Bəs Kamara barədə nə deyə bilərsiz?
- Onun oyunu ilə tanış idik, çıxışına baxmışdıq. Noyabrda "Kaysar”ın heyətində keçirdiyi matçı tam izləmişik. Bizə təqdim edilən 20-yə yaxın futbolçu arasından oyun tərzimizə ən yaxını, bəyəndiyimiz Kamara oldu. Bu gün çıxışından razı qaldım. Düzdü, təxminən 20 gün idi məşq etmirdi, tam formada deyil. Buna baxmayaraq, bu gün də bəzi epizodlarda onda görmək istədiyimiz keyfiyyətlərin şahidi olduq.
- Litva "Jalgiris”indən Ceremi Manzorronu da transfer edəcəyiniz deyilirdi. Bu məsələ nə yerdədi?
- Bəli, belə bir futbolçu var, təklif də göndərmişik. Amma o, daha çox pul istəyib. Bizim də həmin məbləği ödəmək imkanımız yoxdu. Həm də seçim qarşısındadı, vaxtilə birgə çalışdığı bolqar məşqçi onu Qazaxıstana çağırır. Ona görə də gündən-günə məbləğ qalxır. Bəlkə də bizim təklifdən sonra öz qiymətini qaldırıb, onu deyə bilmərəm. Bu transferin üzərində ayyarım idi işləyirdik. Təəssüflə qeyd etməliyəm ki, bu məsələyə nöqtə qoyulub.
- Bir pleymeyker axtardığınızı dediz. Komandaya cəmi bir legioner gələcək?
- Üç nəfər götürmüşük, biri də gələcək. Yəni qış fasiləsində 2 yerli, 2 əcnəbi götürmüş olacağıq. Əlimizdə olan vəsaitə uyğun futbolçu seçirik.
- Belə başa düşdük ki, heyətdəki oyunçuların sayı azalacaq. Çünki qış fasiləsində 7 futbolçu göndərdiyiniz halda, dördünü götürürsüz...
- Bəli, 3 oyunçu transfer etmişik, say 4-ə çatacaq. Bununla belə, Cavid Əliyevi əvəzedici heyətdən götürmüşük, 19 yaşı var. Orxan Fərəcov var, "Neftçi”də U-19-da oynadığı vaxtdan onun istedadına bələdəm. O da bizimlədi. 17 yaşlılarda Pərviz Azadov var, dünənə qədər bizimlə məşqlərdə idi. Bir sözlə, artıq akademiyaya üz tutmuşam. Kəmiyyətin çox, keyfiyyətin aşağı olmasını istəmirəm. Bəzi futbolçuları ehtiyatda oturtmaq mənim üçün ağır olur. Amma bu uşaqlara da şans vermək lazımdı. Potensialları böyükdü. Üstünlük verdiyim cavanları da əsas komandaya cəlb edəcəm.
- Vaqif Cavadovun məsələsinə nöqtə qoyulub?
- Dekabrda klub prezidenti Zaur Axundovla söhbətimiz oldu. Transfer məsələlərində bütün səlahiyyət mənə verilib. Komandanı qurmaq üçün yeni futbolçular dəvət edilməli, bəziləri getməli idi. Amma bu, o demək deyildi ki, Vaqif futbolçu kimi yaramır. Əksinə, şans verdik ki, başqa klubda daha çox oynamaq imkanı olsun. Bizdə qalsa, şansı olmayacaqdı. Yarım mövsüm ehtiyatda oturmaq və ikinci yarım ildə də eyni şeyi etmək onun üçün də yaxşı olmazdı. Mənim tərəfimdən bu məsələyə son qoyulub. Başqa işlərə, futbolçuların köhnə müqavilələrinə qarışmıram.
- Xidmətinə ehtiyac duymadığınız qapıçı Orxan Sadıqlı deyib ki, "Keşlə”də bəzi məşqçilər var, adlarını mömin qoyublar, ancaq futbolçunun puluna qarışırlar. Bu barədə nə deyə bilərsiz?
- Dünən mənə çatıb, bu barədə deyiblər. Kimin mömin, kimin kafir olması Allaha məxsus məsələdi. Mənim işlədiyim komandada dini təriqət söhbəti, dini, irqi ayrı-seçkilik ola bilməz. Bu qəbulolunmazdı. Bəli, ibadət edən insanlarıq. Amma yeri gələndə başqa təriqətin insanları ilə ibadət edirəm. Hamı üçün Allah birdi. Hamı özü dərk etdiyi formada ibadət edir. O sözü deyən adam özü izahını da verməlidi. Mən baş məşqçi postuna gələndə komandada üç qapıçı vardı – Kamran Ağayev, Davud Kərimi və Şahin Zəkiyev. Onlara üstünlük vermişəm və inanıram. Səhvlərimiz olsa da, güvənirəm. Sadıqlı mənim siyahımda olmayıb. Mənə qədər nə olub, Orxan Sadıqlı komandan necə və niyə gedib – bunu açıqlamıram. İstəmirəm onun gələcək karyerasına mənfi təsiri olsun. Ona yaxşı yol arzulayıram. Yenə deyirəm, ilk gündən Orxan Sadıqlı mənim siyahımda olmayıb.
- Fiziki hazırlıq üzrə məşqçiniz Aleksandr Karakliç komandanı tərk etdi. Onun yerinə başqa mütəxəssis götürəcəksiz?
- Bizim üçün gözlənilməz gediş oldu. Dekabrın 30-da mənə zəng vurdu ki, getmək istəyirəm, Çindən təklifim var. Bildirdi ki, ona burdakından 4-5 dəfə artıq maaş verirlər, bu təklifə razılıq verməklə serb məşqçilərin də yolunu aça bilərəm və s. Klub prezidentini xəbərdar etdim və belə məsləhət oldu ki, yaya qədər fiziki hazırlığa özümüz baxaq. Əslində "Neftçi”də işləyəndə, komanda Avropa Liqasının qrupuna düşən vaxt fiziki hazırlığa mən nəzarət edirdim. Yəni bu işi bilirəm. Lazım olsa, yayda bu məsələyə baxılacaq.
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 21:40 “Ağsu Siti” də kampaniyaya qoşuldu Bu gün, 21:36 Bir daha Çingiz İsmayılova ayrılan yardım haqda Bu gün, 21:30 Riad Rəfiyev “asan yol” arzulamır Bu gün, 21:21 “Sumqayıt” 40 həmvətənimizi himayəyə götürdü Bu gün, 20:55 Avanürist ideya: yarımfinal bir oyundan ibarət olsun! Bu gün, 20:35 “Old Wolf”u üç futbolçu təbrik edib Bu gün, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar Bütün xəbərlər
Ən çox oxunanlar