09 mar 18:30liqa

Xaqani Məmmədovun faydasız qış hazırlığı...

Xaqani Məmmədovun faydasız qış hazırlığı...
...və ya dövrəyə damğa vuran 10 kobud səhv

Premyer-liqanın 3-cü dövrəsinə hakim səhvləri damğa vurdu desək, yanılmarıq. Halbuki qış fasiləsinə kimi ədalət təmsilçiləri pis-yaxşı işinin öhdəsindən gələ bilmişdi. Ən azı kütləvi səhvlər yox idi. Həm bu, həm də Əliyar Ağayevin beynəlxalq oyunlardakı performansı azərbaycanlı futbol azarkeşlərini sevindirmişdi. Hər kəs hakimliklə bağlı problemlərin aradan qalxmasının sevincini yaşayırdı. Ancaq nə oldusa, fasilədə oldu. Türkiyəyə - təlim-məşq toplanışına yollanan ədalət təmsilçiləri qardaş ölkədə “artırmaq” əvəzinə, sanki olan-qalanını da orda qoyub, geri döndülər. Biabırçı, nəticəyə təsir edən səhvlər 3-cü dövrənin bütün turlarında qeydə alındı. Belə ki, baş tutan 28 matçda 10 kobud səhvi fərqləndirə bilərik. Düzdü, bütün yanlış qərarları yada salsaq, siyahının ucu-bucağı olmaz. Ancaq “10-luq”dakı səhvlər ən çox müzakirə olunan, hansısa komandaların haqqının yeyilməsinə səbəb olan, oyunların nəticəsinə təsir edənlərdi.

15-ci tur
Qarabağ – Neftçi (1:1)
Qış fasiləsindən sonrakı ilk turda “Neftçi”nin haqqı yeyildi. Necə deyərlər, “siftə”ni Ramil Diniyev korladı. Xırda səhvlərini bir kənara qoyaq. Onun ən ciddi yanlış qərarı 67-ci dəqiqəyə təsadüf etdi. Maksim Medvedev Rəhman Hacıyevə qarşı “Qarabağ”ın cərimə meydançasında kobudluq etsə də, ədalət təmsilçisi penalti təyin etmədi. O, əksinə, “Neftçi”lini simulyasiyaya görə sarı vərəqə ilə “mükafatlandırdı”. Halbuki həmin epizodda aşkar qayda pozuntusu var idi. Elə İntizam Komitəsi də Hacıyevin “sarı”sını ləğv etməklə “ağ-qaralar”ın halal penaltisinin ədalət təmsilçisi tərəfindən “yeyildiyini” etiraf etdi. Özü də həmin vaxt “Neftçi” 1:0 hesabı ilə öndə idi və “ağ-qaralar”ın haqlı penaltisi verilsəydi, şübhəsiz, nəticə fərqli ola bilərdi. Bu qərar qış fasiləsindən sonra iddiası artan “Neftçi”yə əməlli-başlı zərbə idi.

16-cı tur
Qəbələ - Neftçi (1:0)
Premyer-liqanın 16-cı turu da nəticəyə təsir edən hakim səhvləri ilə əlamətdar oldu. Bunlardan biri Qəbələdə yaşandı. Əslində isə oyunun baş hakimi Fariz Yusifovdan daha çox, kobud səhv laysman Yaşar Abbasovun idi. Belə ki, “Qəbələ”nin qələbə qolu qeydə alınmamalıydı. Çünki Daniel Subotiçə məhsuldar ötürmə edən Ürfan Abbasov aşkar ofsaydda idi. FİFA laysmanının bu cür biabırçı səhvə yol verməsi Hakimlər Komitəsinin nüfuzuna ciddi zərbədi. O başqa məsələ ki, daha bir zərbə yenə də “Neftçi”yə dəydi. “Ağ-qaralar” növbəti dəfə hakim səhvinin qurbanı oldu.

Zirə - Kəpəz (1:0)
Zirədə meydan sahiblərinin qolu yeyildi. Oyunun baş hakimi Elvin Əsgərovu da köməkçisi “yandırdı”. Belə ki, həmin matçda sonradan fərqlənən Nurlan Novruzov daha öncə də toru silkələmişdi. Lakin laysman oyundankənar vəziyyət qeydə aldı. Halbuki bu tam yanlış qərar idi.

Sumqayıt – İnter (2:2)
Bu oyunda da İnqilab Məmmədov qonaqların penaltisini yedi. İlk hissəyə əlavə olunan dəqiqədə künc zərbəsindən sonra Rauf Əliyevin başla qapıya ünvanladığı top Rail Məlikovun əlinə tuş gəldi. Həmin an hakimin penalti təyin etməməsini anlamaq çətin idi.

17-ci tur
Qəbələ - AZAL (2:0)
Qəbələdəki oyunda verilməyən penalti olmasaydı, İnqilab Məmmədovun idarəçilyini normal adlandırmaq mümkün idi. Qeyd etdiyimiz epizod isə 73-cü dəqiqədə yaşandı. Rəşad Abdullayevin yerinə yetirdiyi cərimə zərbəsindən sonra top qapı qarşısında açıq-aşkar Daniel Subotiçin əlinə dəysə də, hakimin fiti susdu. Halbuki epizod düz Məmmədovun gözü önündə baş vermişdi. Həmin qapının arxasında qərarlaşan Rəvan Həmzəzadə də baş hakimi düzgün məlumatlandırmadı.

18-ci tur
Zirə - Qəbələ (2:2)
Mübahisəli matçlardan biri yenə Zirədə baş tutdu. Həmin oyunun 74-cü dəqiqəsində Ürfan Abbasovun meydandan qovulmalı olmasını, 3-cü uzatma dəqiqəsində “Zirə”nin hücumu zamanı Akim Latifunun ötürməsindən sonra topu ələ keçirmək istəyən Nurlan Novruzovun Ürfanı güləş fəndi ilə yerə yıxsa da, qayda pozuntusunun qeydə alınmamasını demirik. Matçın son saniyələrində Riçard Qadze aşkar oyundankənar vəziyyətdən hesabı bərabərləşdirdi. Nə yan xətt hakiminin bayrağı qalxdı, nə də Əliyar Ağayev məsuliyyəti üzərinə götürdü. Son saniyələrdə oyunun nəticəsinə təsir edən bu cür səhv bağışlanmazdı.

Kəpəz – Qarabağ (0:1)
Ömər Paşayevin Gəncədəki görüşün 86-cı dəqiqəsində Ağabala Ramazanova göstərdiyi sarı vərəqənin, yəqin ki, dünyada analoqu yoxdu. Halbuki Ramazanov Davud Kərimi ilə toqquşmadan öncə komanda yoldaşı ilə nəyisə müzakirə edirdi. Qapıçını yalnız son anda gördü ki, orda toqquşmadan qaçmaq mümkünsüz idi. Ümumiyyətlə, belə vəziyyətə görə FİFA referisinin əlini cibinə atması gülməliydi. Maraqlıdı ki, bu cür absurd qərara rəğmən, İntizam Komitəsi (İK) vərəqəni ləğv etmədi. Bəlkə də növbəti turda “Qarabağ”ın “Qəbələ” ilə oyununun olması da İK-nın qərarına təsir etdi. Nəticədə heç nədən Ağabala derbini buraxmalı oldu.

19-cu tur
Neftçi – Kəpəz (0:0)
Tarixi derbidə Rauf Cabbarovun ən böyük səhvi “Neftçi”nin haqlı penaltisini verməməsi idi. Hakim 14-cü dəqiqədə Tural Axundovun cərimə meydançası daxilində Zdenek Folprextə qarşı hərəkətini kobudluq kimi dəyərləndirmədi. “Kəpəz”in kapitanının niyyəti topa oynamaq olsa da, “sürüşmə” fəndindən istifadə edərkən, topu almaqdan çox rəqibin ayağına “işlədi”. İki ayaqla “sürüşmə” fəndi edən Turalın hərəkəti aşkar penalti idi. Amma Rauf belə gərgin durumda riskə getmək istəmədi ki, bu mənada “Neftçi”nin haqqı yeyildi. Bu isə “ağ-qaralar”a qarşı ədalət təmsilçilərinin 3-cü biabırçı səhvi idi.

20-ci tur
Kəpəz – Qəbələ (1:1)
Əslində bu oyunda Əliyar Ağayevin idarəçiliyinə birmənalı qiymət vermək çətindi. Ancaq “Qəbələ” rəmsiləri ilə hakimlər briqadası arasında yaşananları nəzərə alıb, bu oyunu da “10-luğ”a daxil etməyi lazım bildik. “Kəpəz”in hesabı açdığı epizodda Rza Məmmədovun ofsayd bayrağını qaldırmamasını doğru qərar saymaq olar. Hərçənd nə videogörüntülər, nə də şəkillər tam dəqiq fikir yürütməyə əsas vermir. Ancaq Nicat Qurbanovla Nika Kvekveskiriyə göstərilən qırmızı vərəqələrlə bağlı mübahisə etməyə dəyər. Nicatı çənəsindən itələyən gürcü sarı vərəqəni haqq edirdi. Ancaq onun birbaşa “qırmızı”yla cəzalandırılması ağır qərar oldu. Ehtiraslar da məhz bu epizoddan sonra qızışdı və mövsümün ən böyük qalmaqalı Gəncədə yaşandı.

21-ci tur
Kəpəz – AZAL (1:1)
Dövrənin son turunda isə Orxan Məmmədov işinin öhdəsindən gələ bilmədi. Bəlkə də sabiq FİFA referisi üçün hər şey yaxşı qurtaracaqdı, gözdən qaçan bir epizod olmasaydı. Belə ki, ədalət təmsilçisi Omeqa Robertsin Jülyen Ebahı qəsdən təpikləməsini gözdən qaçırdı. Həmin epizodda top oyunda olduğundan AZAL-ın qapısına penalti təyin edilməliydi. Üstəlik, Roberts yerdə qalan Ebahı qəsdən vurduğuna görə yüz faiz qarşısında qırmızı vərəqə görməliydi. Bu epizodu gözdən qaçıran Məmmədovu köməkçiləri də xəbərdar etmədilər. Burda da “Kəpəz”in haqqı yeyildi. İntizam Komitəsi isə epizodu izləyib, liberiyalını 3 oyunluq cəzalandırdı. Çox güman, Hakimlər Komitəsinin sədrti Xaqani Məmmədov da yetirməsinə eyni münasibəti göstərəcək.

Nəticə
Bir sözlə, 3-cü dövrədəki idarəçilik bərbad durumda idi. İnanaq və ümid edək ki, hər şeyi müəyyən edəcək son dövrədə bu biabırçılığın davamı gəlməyəcək. Yaxşı ki, Fariz Yusifov var. Yoxsa hadisələrin axarı necə olacaqdı, bilinmir. Xüsusən onun “Qəbələ” – “Qarabağ” oyununun (2:0) öhdəsindən gəlməsi bəlkə də çempionatı xilas etdi. Hə, Yusifov qışda hakimlərlə birgə Antalyaya getməmişdi. Elə köməkçiləri Azər Əsgərovla Elman Musayev də. Görünür, bu onların xeyrinə imiş. Əks halda, Xaqani Məmmədovun çətin anda kimə güvənəcəyi maraq doğurur.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 18:38 Əvəzediciləri “Neftçi”nin təsəlli yeridi Bu gün, 18:37 Qol vuran qələbə qazandı Bu gün, 18:35 “Qəbələ” 3 xal qazandı, Qriqorçuk hakimlikdən narazı qaldı Bu gün, 18:33 “İmarət Avropa”dan “Vətən”ə cavab gəldi Bu gün, 18:32 Azərbaycanlı azarkeşlərin idmançısının yanında olmaq hüququ yoxdu! Bu gün, 18:31 “Zirə” bostanlıqda “Kəpəz”in dərsini verdi Bu gün, 18:29 Futzal çempionatına iddialı debütantlar gəlir Bu gün, 18:29 Rauf Əliyev “Kukesi”də debüt etdi Bu gün, 18:24 1 yaşlı uşaqdan 80 yaşlı qocaya sillə Bu gün, 18:21 “İnter” 88 dəqiqə dözdü Bu gün, 18:17 “Qarabağ”ı böyük ekranda izləmək üçün 500 nəfər müraciət edib Bu gün, 18:15 Futbol ictimaiyyəti “Neftçi”ni “asıb-kəsdi” Bu gün, 18:14 “Kopenhagen”dən əzmkar qələbə... Bu gün, 18:09 Samit Nuruzadə yenə səbr etməyi məsləhət görür Bu gün, 18:07 Faiq Həsənov susdu! Bu gün, 18:06 Qısa xəbərlər Bu gün, 18:04 Belfor pula qaçır... Bu gün, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi 20-08-2017, 13:56 Tofiq Heydərov fikrindən daşınıb? 20-08-2017, 13:55 AMKF yeni sponsorun yolunu gözləyir 20-08-2017, 13:54 “Turan” rəsmisi PFL-in iradları ilə razılaşdı 20-08-2017, 13:52 Norveç səfirliyi viza vermədi, "Qarabağ" azarkeşləri piket keçirəcək 20-08-2017, 13:50 "Traktorsazi" ilk qələbəsini qazandı 20-08-2017, 13:49 Ölkə çempionu Şahmat Federasiyasına etiraz edir 19-08-2017, 19:46 Yığma üzvü zədələnib 19-08-2017, 19:44 Yığmanın baş məşqçisi mətbuat konfransı keçirəcək 19-08-2017, 19:41 “Xəzər Lənkəran” mərkəzi stadionu “Masallı”ya verildi 19-08-2017, 19:39 Yığmamız mövqeyini qorudu 19-08-2017, 19:36 Federasiya klublarla çempionatı müzakirə etdi 19-08-2017, 19:32 “Qarabağ” rəsmisi qazondakı problemləri problem saymır 19-08-2017, 19:30 “Qarabağ” rəhbərliyi ilə AFFA prezidenti arxa qapıdan yararlanıb 19-08-2017, 19:27 AFFA-nın gözü yol çəkir, Prosineçki vətənindən əl çəkmir 19-08-2017, 19:25 Yol polisi Rəşadın maşınını əlindən alıb 19-08-2017, 19:22 “Qəbələ” “Qalatasaray”la oynayacaq? 19-08-2017, 19:16 “Mil-Muğan”da köhnə-yeni baş məşqçi 19-08-2017, 19:13 Elmar Vəliyev stadiona görə Yevlaxın icra başçısına zəng vurub 19-08-2017, 19:11 Yeni yaradılan “Xəzər” birinci divizionda çıxış edəcək 19-08-2017, 19:07 “Qarabağ” “Parken”də dəstəksiz qalmayacaq 19-08-2017, 19:02 Şehiç yığmaya dəvət aldı Bütün xəbərlər
Ən çox oxunanlar