09 mar 18:28liqa

“Neftçi”nin hədəfə çatmasını əngəlləyən səbəblər

“Neftçi”nin hədəfə çatmasını əngəlləyən səbəblər
Bu dəqiqə futbol ictimaiyyətinin bir gözü “Qarabağ”la “Qəbələ”də, digəri “Neftçi”dədi. Birinci məqamda söhbət çempionluqdan və aradakı rəqabətdən gedir ki, söhbətin məğzi aydındı. “Ağ-qaralar”a gəlincə, bu il 80 illik yubileyini qeyd edəcək klubun hansı nəticəyə imza atacağı həvəslə gözlənilir. Bu həvəsi yaradan isə baş məşqçi Elxan Abdullayevlə sponsorlar oldu. Vəziyyət qış fasiləsinəqədərki kimi olsaydı, “Neftçi” çoxdan “basdırılmışdı”. Lakin dekabrın sonunda və yanvarda həyata keçirilən transferlər bir anda hər kəsdə ümid yaratdı. Qışda 9 futbolçunun alınmasına xərclənən pullardan sonra komandanın ardıcıl dördüncü mövsümdə medal qazana bilməməsi, bu azmış kimi, son üç mövsümü titulsuz başa vurması əsl faciə sayılacaq. Hələlik hər şey buna doğru aparır. Madam ki, üçüncü dövrə başa çatdı, 5 həftəlik müddətə qısa “səyahət etməyin” vaxtıdı.

21 xaldan cəmi 11-i
“Ağ-qaralar” 2017-də 7 premyer-liqa oyununa çıxıb. “Qarabağ”la heç-heçə (1:1) edən kollektiv növbəti matçda səfərdə “Qəbələ”yə boyun əydi – 0:1. Bundan sonra üzlər gülməyə başladı. “İnter”in (3:1), ardınca “Sumqayıt”ın (1:0) məğlub edilməsi azarkeşlərdə “Neftçi” axır ki oyununu tapdı, bundan sonra qarşısıalınmaz olacaq” fikrini yaratdı. Ardıcıl 2 qələbənin gətirə biləcəyi mümkün arxayınlıq görünürdü. “Qarabağ”la başabaş oynayan, “İnter”i birnəfəsə udan komandanı növbəti 3 qarşılaşmada “asan gəzinti” gözləyirdi - “Kəpəz” və “Zirə” ilə ev oyunları, autsayder AZAL-la səfər görüşü. Proqnozlar minimum 7, maksimum 9 xal deyirdi. Lakin son 3 qarşılaşmada gözlənən “9”un heç yarısı da gəlmədi. “Kəpəz”lə bərabərə qalan bakılılar AZAL səddini 1 qolla keçdi. Sonuncu turda isə “Zirə” məğlubiyyəti... İndi sual yaranır: Elxan Abdullayevin istəyi ilə alınan futbolçulardan qurulmuş komanda 7 oyunda neçə xal toplamağa nail oldu? 21 mümkün xaldan cəmi 11-ni. Yaxın izləyicilərindən “Zirə” bu müddətdə 12, “Sumqayıt” isə 8 xal yığa bilib. “Kəpəz”in durumu da məlumdu – cəmi 3 heç-heçə. Yəni yenilənmiş “Neftçi” nəticə baxımından ciddi mənada heç nə ilə yadda qalmadı.

7 oyuna 7 qol
Statistikadan danışırıqsa, ən kiçik məqamlara da diqqət yetirməliyik. “Neftçi” meydana çıxdığı oyunların yalnız ikisində qol vura bilməyib. Belə deyək, “Qəbələ” ilə “Kəpəz”in qapıçılarını məyus etmək mümkün olmayıb. Əvəzində “İnter”ə vurulan 3 qol var. Yəni bu 7 qarşılaşmada “ağ-qaralar” rəqib qapılarına cəmi 7 qol vurub. Top buraxmaq baxımından üzlər gülürdü. İlk 3 oyunun hər birində qapısında 1 top buraxan komanda növbəti 3 oyunda rəqiblərin fərqlənməsinə imkan vermədi. Lakin “Zirə” ilə qarşılaşmada Maksim Vaylonun buraxdığı 2 qol böyük şübhələrə yol açdı. Ümumi götürsək, bakılılar 7 yeni legionerlə son 7 oyunda 7 dəfə fərqlənərək öz qapısında 5 top görüb.

Anlaşma istənilən səviyyədə deyil
Təbii, indiki durum nə klub rəhbərliyini, nə də baş məşqçini razı salır. Azarkeşləri isə qətiyyən. Məqsəd avrokuboklara vəsiqə verən yerlərdən birini, real görünən 4-cü pilləni tutmaqdı ki, bu da çətin görünür. Bu gün 4-cü pillədəki “Zirə” ilə “Neftçi” arasında 9 xallıq fərq var. 5-ci yerdə qərarlaşan “Sumqayıt”la aradakı bu göstərici isə 5-di. Nəzərə alaq ki, paytaxt təmsilçisi dördüncü dövrədə bu iki əsas rəqibi ilə səfərdə, yəni süni örtükdə oynayacaq. “Neftçi” niyə ümidləri doğrultmur? Niyə yenilənmiş komanda 21 xaldan cəmi 11-ni toplamağa müvəffəq olub? Sualın ilk cavabı həmin “yenilənmiş” sözündədi. Yəni komanda üzvləri bu gün çox çalışsa, meydanda can qoysa, ustalıq baxımından rəqiblərdən üstün görünsə də, oyun planında müəyyən axsamalar müşahidə olunur. Xüsusilə hücum qurmaq baxımından ciddi problem var. Abdullayevin yetirmələri 7 oyundan cəmi 2-də - “İnter” və “Sumqayıt”la qarşılaşmalarda rəqib qapıçıları və müdafiəçiləri həyəcanlandıra bilib. Başqa cür desək, “Neftçi”nin adına yaraşan futbol sərgilənib. Qalan görüşlərdə ehtiyatı əldən verməməyə hesablanmış tapşırıqların sonu heç də yaxşı olmayıb. Yarımmüdafiə ilə hücum arasındakı bağlar istənilən səviyyədə deyil. Ucaboy, fiziki cəhətdən hazırlıqlı Daniel Seqoviyanı cərimə meydançası daxilində topla təmin etmək lazım gəlir ki, ispan hücumçu istəyinə çata bilmədiyini görüb geri çəkilir. Orta sahədə sırf yaradıcı futbolçunun olmaması azmış kimi, cinah yarımmüdafiəçiləri kefinə düşəndə diqqəti çəkir. Buna görədi ki, qələbəni gətirə biləcək qolları vurmaq əngələ çevrilib.

İtkilər və rotasiyalar
Sabit heyətin olmaması da sözünü deməkdədi. Yəni Elxan Abdullayev üzürlü və üzürsüz səbəblərdən eyni “11-liy”ə güvənə bilmir. Məsələn, qış fasiləsindən sonra “Qarabağ” və “Qəbələ”yə qarşı oyunlarda ilk dəqiqələrdən meydanda olan Cavid İmamverdiyev hazırda zədəsini sağaltmaqla məşğuldu. Halbuki Antalya toplanışındakı yoldaşlıq görüşlərində baş məşqçi ona müntəzəm əsas heyətdə yer verirdi. Çünki ikinci hücumçu, başqa cür desək, oyun qurucusu kimi faydalıdı. “Kəpəz”lə matçda isə orta sahənin aparıcı üzvü sayılan Ruslan Abışov da sıradan çıxdı. Kapitanın meydanda olmadığı son 3 qarşılaşmada komandası 5 xal itirib. Rəhman Hacıyevin qeyri-sabit oyunu da Elxan bəyi narahat edir. Mövsümün ilk yarısında, hələ “Neftçi”nin ən pis dönəmində diqqətləri üzərinə çəkən sürətli və texnikalı yarımmüdafiəçi yeni futbolçuların gəlişindən sonra özünə bənzəmir. “Kəpəz”lə matçda ehtiyatda qalması da buna görə idi. Bacarığına böyük ümidlər bəslənən İqnasio Errera da rəqabət üzündən daim “11-lik”də yer almır. Halbuki söhbət yarımmüdafiənin cinahından gedirsə, orda tez-tez dəyişiklik edilməsi həm həmin cinahdakı müdafiəçinin, həm də ona yaxın oynayan digər orta sahə oyunçusunun işini çətinləşdirir. Qısası, ayrı-ayrı futbolçuların hazır olmaması, yaxud zədədən əziyyət çəkməsi hazırki “Neftçi”nin yaralı yeridi.

Arxayınlığın nəticəsi belə olmalıydı
Qış fasiləsindən qayıdan “ağ-qaralar”ın ilk sınağı “Qarabağ”a qarşı idi. Suraxanıdakı stadionda “Neftçi”nin sərgilədiyi futbol hər kəsi təəccübləndirmişdi. Ardınca Qəbələdə də özlərini yaxşı tərəfdən göstərdilər. Hakim səhvi olmasaydı, xalla qayıtmaq da mümkün idi. “İnter”in qapısına 3 qol vurduqları oyunda isə bakılılar qarşısıalınmaz təsir bağışlamışdı. “İnter Arena”dakı görüşün davamına “Bakcell Arena”da şahidlik etdik. Qarlı havada yaradılan 7-8 real qol imkanından yalnız 1-i qolla nəticələndi. Bu nəticələrdən sonra “Neftçi” ictimaiyyətin fikrini müsbət yönə dəyişə bildi. Artıq çoxları “ağ-qaralar”ın kuboka sahib çıxacağını iddia edirdi. Görünür, bu məqam futbolçuların psixoloji durumundan da yan keçmədi. Arxayınlıq, bir az da özündənrazılıq. Əsas mərhələni, yəni ilk “3-lük”dəki rəqiblərlə oyunların geridə qaldığını düşünən futbolçular son 3 matçın “asan gəzinti” xarakteri daşıyacağını düşünürdü. “Kəpəz”lə oyunda rəqib qapısına yol tapa bilməyəndən sonra növbəti xallarını Şüvəlanda itirəcəkdilər. Yaxşı ki, Seqoviya Kamil Hüseynovun kobud səhvindən sonra fərqlənməyi bacardı. “Zirə” ilə matçda isə Seqoviyanın hesabı açmasından sonra 3 xalın ciblərində olduğunu zənn etdilər. Yekun nəticə göz qabağındadı.

Vaylo – baş məşqçini “yandıran” fiqur
Heyətdə 3 legioner ola-ola, daha yeddisinin keçidinə nail olan baş məşqçinin bu baxımdan ciddi problemlə üzləşəcəyi gözlənilirdi. Deyək ki, Filyo oynamayacaqdı və bu əvvəldən bilinirdi. Qalan doqquzunun arasından hər matçda altısının əsas heyətdə yer alması digər üçünün ehtiyatda qalması anlamına gəlirdi. Həmin “3-lüy”ü müəyyənləşdirmək isə Elxan Abdullayev üçün asan olmayacaqdı. Yenilər oynamaq üçün gəlib, köhnələrdən Boban Baykoviçlə Edson Kastilyo “köhnə qvardiya”dan üzüağ çıxanlar arasında idi. Edsonun zədələnməsi baş məşqçi üçün göydəndüşmə oldu. Hüqo Barqası da “hazır deyil” deyib yanında oturtdu. Yerdə qalan bir “qurban” isə Baykoviç seçildi. Layiqli əvəzləyicisi olmayan Baykoviç. İstedadını indiyə kimi görmədiyimiz Maksim Vaylonun qapıda durması və bir çox kobud səhvlərlə yadda qalması istər-istəməz futbolçuların da əhvalını pozur. 90 dəqiqə meydanda can qoyanlar sonda qapıçının uşaq səhvi ucbatından məyus olursa, əlavə şərhə ehtiyac qalmır. Sadəcə, etik qaydalara riayət edib baş məşqçiyə etiraz edə bilmirlər. Lakin istənilən halda, “Neftçi”nin qapısını qorumaq Vaylonun başı üçün deyil. Niyə oynayır, meneceri AFFA-nın hansı rəsmisidi? Bu artıq başqa söhbətin mövzusudu. Dağıstanlı Şahruddin Məhəmmədəliyev yığmaya dəvət ala bilirsə, ukraynalı Maksim niyə oynamasın?

Yenə başqasının payına sevinəcəklər?
Bu və başqa səbəbləri Elxan Abdullayev bizdən də yaxşı bilir. Öz istəyi ilə alınan futbolçulardı. Ona görə də zəhmət çəkib çıxış yolunu tapmalıdı. İndi ki “bu futbolçularla uzağa getmək mümkün deyil” deyə bilmir. Bir məqam dəqiqdi ki, bu gedişlə “Neftçi”nin işi çətin olacaq. İndi də “İnter”ə avrokuboklar üçün lisenziya verilməyəcəyi deyilir. Çünki klubun sponsoru və bank təminatı yoxdu. Eynilə ötən mövsüm olduğu kimi. Belədə “ağ-qaralar” 5-ci yerlə də Avroliqaya vəsiqə qazana biləcək. Deyəsən, hər şey buna hesablanıb axı. Amma klubun 80 illiyində mövsümü titulsuz başa vurmaq normal qəbul olunacaqmı? Bax, əsas sual budu...
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Oqtay Atayev fenomeni… 17:52AFFA rəhbərliyi Foqtsu əsəbiləşdirirmiş... 17:49“Azərbaycan yığmasına üstünlük verdiyi üçün 1 milyon dollar qazanacaq və ev veriləcək” 17:48Böyük ajiotaj və gözlənilən xəyal qırıqlığı 17:39Yiğma üzvlərinin qiymətləndirməsi 17:35Orsato kapitanımızı bağışladı 15:25Löv yığmamızı təriflədi 15:24Nəyə ümid edirdik, nə oldu… 15:17“Turan Tovuz” 1:1 itirir 15:14Saxta profil tanınmış hakimi gülməli vəziyyətə saldı 15:11Şakir Eminbəylinin təklifi “atışmaya” səbəb oldu 15:11“Qəbələ” rəsmisi PFL-i qınadı 15:09ABŞ-da yaşayan Bakıəsilli yəhudi Banişevskini yad etdi 15:06Zaur Suxumidə sevindi 15:04İslam Həmrəyliyi Oyunlarına 20 min bilet satılıb 15:02Rəşad Sadıqov: “Bu gün daha çox azarkeşləri sevindirə bilmədiyimizə görə məyusam” 15:00“Neftçi”də zədə sindromu 13:42Qriqorçuk Sadiqovsuz çətin olduğunu etiraf etdi 13:40Yetirmələrinin oyunu Kamran Əlibabayevi bezdirib 13:36Təqvim “Qəbələ” üçün ağır görünsə də... 13:34“Heydər Əliyev kuboku”na 8-10 komandanın qatılacağı planlaşdırılıb 13:32Bundestim hava limanına yığışan tərəfdarlarını məyus etdi 13:30Ümid verən 5 məqam 13:2826 mart lənətinə son qoyun! 13:26Foqts Elxan Məmmədovla görüşdü 13:24Biro Jade çempion kimi ilk müsahibəsini “Futbol+”ə verdi 13:22“Araz” çempion oldu! 13:16Yığma, yoxsa “Niyə də yox?!” komandası? 13:12Olimpiya çempionu güləşçimizi təriflədi 13:10“Marafon”a basqını Aynar Məmmədov təşkil edib? 13:08Yığmamız “Novruz” turnirində niyə NTD-nin formasında oynayıb? 13:04“Qəbələ” üçün “Şüvəlan sindromu” davam edir 19:15“Kəpəz” yenidən Avroliqa mübarizəsinə qoşuldu 19:12“Rəvan” Elxan Məmmədovla Apellyasiya və Ekspert Komitəsinə məktub göndərib 19:01Yığma üzvləri penaltiləri boşa vermədi 18:56“Qaradağ Lökbatan” üçüncü pilləyə yüksəldi 18:55“Neftçi” yubiley məclisində jurnalistləri görmək istəmir! 18:52Ölkə kubokunun finalı Naxçıvanda keçiriləcək 18:50Azarkeşlər almanlara qarşı birləşdi 18:48“Neftçi”dən “Neftçi”yə yubiley hədiyyəsi 13:30İzləyiciləri büdrədi, lider “taxtını bərkitdi” 13:28Bayrama bayram qatanlar 13:24“Qarabağ” fürsəti qaçırdı 13:23Almanlar “Hilton”da məskunlaşacaq 13:18“Məğlub olmasaq, Azərbaycan yaxşı mənada partlayacaq” 13:16Məşqçilər yenə Rəsul Çunayevlə Həsən Əliyev arasında seçim edəcək 13:13İslam Həmrəyliyi Oyunlarının biletləri satışa çıxarıldı 13:10“Marafon”da idmançılar dalaşıb 13:05“Formula-1” üçün “İdman Azərbaycan”dan 400 min avro tələb olunub 13:03"Neftçi" yubiley tədbirində jurnalistləri görmək istəmir! 23:22“80 yox, 100 yaşı da olsa, mənim gözümdə uşaq kimi qalacaq” 14:54“Zirə”lilər “Qarabağ”la oyuna adi yanaşır 14:50“Kəpəz” azarkeşlərə Novruz hədiyyəsi etmək istəyir 14:48Superkubok da “Şəfəq”in oldu 14:46“Xəmsə” yeni loqosunu təqdim etdi 14:40“Zirə”dən İslam Həmrəyliyi Oyunlarına dəstək 14:39Kamerun vətəndaşlarının meyidləri ölkələrinə göndərildi 14:37 Bütün xəbərlər
Ən çox oxunanlar