09 mar 18:13liqa

“Xəzər Lənkəran” “İnter”lə “Bakı”nın “kölgəsində yatır”

“Xəzər Lənkəran” “İnter”lə “Bakı”nın “kölgəsində yatır”
Üç həmyaşıdın müqayisəsi faktların gözündə

Artıq tarixin yaddaşına qovuşmuş, bir qədər də dəqiqləşdirsək, əsas komandası məhv olunmuş “Xəzər Lənkəran”ın bu gün quru adı qalıb. Bir də aşağı yaş qruplarından ibarət liqalarda çıxış edən bir neçə komandası. Bu da səbəbsiz deyil. Lənkərandakı baza və stadion boş qalmasın deyə, “bizim də komandamız var” demək üçün. Yarananda sağa-sola milyonlar xərcləyən klub rəhbərliyi indi diqqətini ağartı məhsullarının istehsalına və satışına ayırıb. Çünki futbolu düzgün siyasətlə idarə etməyə, “Neftçi”, “Qarabağ”, “İnter” və “Qəbələ” kimi ardıcıl uğurlar qazanmağa gücləri çatmadı. Bəli, məhz çatmadı. Elementar futbol savadı və bu oyun növünə xüsusi sevgi olsaydı, bu gün “Xəzər” də belələrinin sırasındaydı. 12 il ərzində cəmi 8 il azarkeşlərini titullarla sevindirən klub son 4 ili ortabablar sırasında keçirdi, sonda məhv oldu. Halbuki cənub təmsilçisi ilə həmyaşıd olan “İnter” bütün çətinliklərə baxmayaraq, hələ də çempionluq uğrunda mübarizə aparır, “Bakı” həvəskarlar liqasında olsa belə, varlığını göstərir. Yazıda bu üç həmyaşıd klubun qazandığı uğurlara nəzər salıb, yekun nəticə çıxaracağıq.
Xəzər Lənkəran
Əslində pis başlamamışdılar. Mübariz Mənsimovun milyonları bir çox adlı-sanlı oyunçuların Lənkərana axın etməsinə şərait yaradanda nəticənin olacağı gözlənilirdi. İlk mövsümdə gümüş medalları boyunlarından asan futbolçular 2007-cı ili “qızıl dubl”la başa vurdu. Bu, “Xəzər Lənkəran”ın tarixində ilk və son çempionluq idi. Növbəti il daha bir ölkə kubokunu qazanmaq sevincini yaşayan klub qarşıdakı iki mövsümdə mükafatçılar sırasına düşə bilmədi. 2010/11 mövsümünün yekununda çempionatda “gümüş” və daha bir ölkə kuboku əldə olundu. Bir il sonra daha bir “gümüş” və bu da son. Yalnız 2013-cü ildə Naxçıvanda baş üzərinə qaldırılan superkubok azarkeşləri nisbətən həvəsləndirsə də, təsəllidən başqa bir şey deyildi. Bura 2008-ci ildə vətənə gətirilən “Birlik kuboku”nu da əlavə edə bilərik. “Gəmiçilər”in avrokubok dosyesi isə fiaskodan başqa bir şey deyil. 2005-də UEFA kubokunda Moldova “Nistru”suna ümumi hesabda 2:5 məğlub olmaq ilk cəhddə uğursuzluq idi. 2 il sonra Zaqreb “Dinamo”su səddini keçmək mümkünsüzə çevrildi – 2:4. İllər keçir, təcrübə topladıqca uğura doğru addımlayacağı gözlənilən “Xəzər Lənkəran” sevimlilərini üzməkdə davam edirdi. 2008-in yayında “Lex”ə “ilişən” (0:1, 1:4) cənublular bir il sonra faciə yaşadı. Ortabab Moldova “Olimpiya”sı ilə görüşlərdə qeydə alınan iki bərabərlikdən sonra mərhələ adlamaq sevincini rəqib yaşadı. 2011-in iyulundakı rəqib Təl-Əviv “Makkabi”siydi. Bu dəfə də arzular puç oldu.1:3-lük ümumi hesabda israillilər yola davam etdi. Yaxşı ki, Estoniyanın hər cəhətdə “Xəzər Lənkəran”dan 10 dəfə geri qalan “Nımme Kalyu”su vardı. Mənsimovun milyonlar xərclədiyi komandanın gücü, nəhayət, ilk mərhələdə Estoniya təmsilçisini mübarizədən kənarlaşdırmağa imkan verdi. Növbəti mərhələdəki rəqib yenə “Lex” idi ki, mübarizəni davam etdirmək istəyi alınmadı. 2013-ün yayı, yəni “Xəzər Lənkəran”ın sonuncu dəfə avrokuboklarda mübarizə apardığı mövsüm ölkə futbolu adına biabırçılıqla nəticələndi. Malta “Slima Uonderers”ini Lənkəranda vurulan yeganə qol hesabına keçən komanda 2-ci mərhələdə “Makkabi”yə rast gəldi. Kaş ki gəlməzdi. Hayfalılar Mübariz Mənsimovun komandasına “divan tutdu” – 0:8, 0:2. Bu fakt artıq “Xəzər Lənkəran”da işlərin uçuruma getdiyinə, klubun dağılacağına işarə idi. Odu ki, faciədən bir neçə ay sonra qazanılan superkubokdan başqa yadda heç nə qalmadı. Cənublular sonrakı 3 ili, sadəcə, yola verdi. Təbii ki, yenə də əcnəbi və yüksəködənişli futbolçularla. Klubun tarixi ərzində qazanılan uğurlar bunlardı: 1 “qızıl”, 3 “gümüş”, 3 ölkə kuboku, “Birlik kuboku” və superkubok.

İnter
Çoxlarının qəbul etmədiyi klubun siyasəti əsasən əcnəbilərə maraq olsa da, sabiq bank təmsilçisi azarkeşlərini məmnun etmək baxımından ciddi çətinliklə üzləşməyib. “Xəzər Lənkəran”dan fərqli, “ağ-göylər” 2 dəfə çempionluq sevincini bayram edib: biri 2008, digəri 2010-un yayında. Gümüş medalların sayına görə isə öncüllərdəndilər. 2008/09, 2012/13, 2013/14, 2014/15 mövsümlərini 2-ci pillədə başa vurublar. Üç dəfə ölkə kubokunun finalına yüksəlsələr də, qəniməti başları üzvlərinə qaldırmaq istəkləri puç olub. Buna baxmayaraq, “Birlik kuboku”nu sonuncu dəfə Bakıya gətirən də məhz “İnter”di. Həm də Ermənistan “Mika”sını məğlub etdikləri turnirdə. Avrokuboklara gəlincə, ilk illərdə mərhələ adlaya bilməyən paytaxt təmsilçisi 2012-dən bu yana iştirak etdiyi hər yarışda mərhələ adlamağı bacarıb. 2012-də “Narva Trans”ı ümumi hesabda darmadağın (7:0) edəndən sonra bəxtlərinə “Asteras” düşsə də, penalti vuruşlarında bəxt rəqibin xeyrinə işlədi. Bir il sonra Avroliqanın ilk mərhələsindəki rəqib “Mariehamn” idi. “İnter” fin səddini keçdi və “Tromse” ilə qarşılaşdı. Norveçlilərin üzü hakimin Salukvadzeyə göstərdiyi yanlış “qırmızı” sayəsində güldü. Nəhayət, 2015-in yayında futbol ictimaiyyətinin diqqəti “Qarabağ” və “Qəbələ” ilə yanaşı, “İnter”ə yönəlmişdi. İlk mərhələdə “Laçi”ni, ardınca “Hafnarfyordur”u mübarizədən kənarlaşdıran Zaur Svanadzenin yetirmələrinin bəxtinə 3-cü cəhddə Bilbao “Atletik”i çıxdı. Onsuz da yekun nəticə öncədən gözlənilirdi. Buna baxmayaraq, bakılılar İspaniyanın köklü klublarından birinə Bakıda uduzmayaraq alqış qazandı. Göründüyü kimi, “İnter”in avrokuboklarda fiaskoya uğramayıb. Uduzsalar da, minimal hesablı yenilgilər olub.

Bakı
Bir çox cəhətlərdə elə müqayisə etdiyimiz “Xəzər Lənkəran”ı xatırladır. Böyük pullar xərclənsə, adlı-sanlı məşqçi və futbolçular gətirilsə də, israfçılıq ön plana çıxır. Buna baxmayaraq, “zolaqlılar” də “İnter” kimi 2 dəfə çempion olmağı bacarıb - 2005/06 və 2008/09 mövsümlərinin yekununda. 2009/10 mövsümünü 2-ci pillədə başa vurublar. Daha 2 “bürünc”ləri var ki, 2007 və 2012-nin yaylarına təsadüf edir. Əvəzində ölkə kubokunu qazanmaqda çoxlarına nümunə olmağı bacarıblar. 2004-cü ildə yaranan klub 2004/05, 2009/10 və son olaraq 2011/12 mövsümlərində kubokun finalında rəqiblərindən üstün olub. Avrokuboklardan danışırıqsa, başqaları kimi, “Bakı”nın da ilk cəhdləri uğursuz alınıb. 2006-da “Sioni”, bir il sonra “Daçiya” səddinə “ilişiblər”. Buna baxmayaraq, 2009-un yayında ölkə futbolunda “Qarabağ”la birgə ilkə imza atdılar. Çempionlar Liqasında “Ekranas”ı mübarizədən kənarlaşdıran “zolaqlılar” “Levski”yə müqavimət göstərə bilməyib Avroliqanın pley-offuna yollandı. Budəfəki rəqib “Bazel” idi ki, isveçrəlilər Hafiz Məmmədovun klubuna yerini göstərdi. Həmin uğurun davamı növbəti il də gələ bilərdi. “Buduçnost”dan üstün olan paytaxt təmsilçisi cəzalı Joel Epallenin meydana çıxmasının qurbanı oldu. Nəticədə həmin vaxt Vinfrid Şeferin rəhbərlik etdiyi komandaya texniki məğlubiyyət verildi. 2012-də isə “Mura-05” qəzasına şahidlik etdik.

Nəticə
Titul və nəticələrə nəzər salanda bir çox məqamlar diqqəti çəkir. Məsələn, o illərdə hamıdan çox pul xərcləyən “Xəzər Lənkəran”ın tarixi ərzində cəmi bir dəfə çempion olması düşündürücü məqamdı. Halbuki həmyaşıdları bu uğura 2 dəfə imza atmağı bacarıb. Ölkə kubokuna gəlincə, finala yüksəlmək həyəcanını “İnter” də 3 dəfə yaşayıb. Sadəcə, son anda sayıqlığı əldən veriblər. “Bakı” isə elə “Xəzər Lənkəran” qədər kubok qazanıb. “Birlik kuboku”ndan danışırıqsa, “İnter”in dili lənkəranlılar qədər uzundu. Daxili yarışlarda lənkəranlılar yalnız superkubokla öyünə bilər ki, Naxçıvandakı oyundan sonra müəyyən şübhələr yaranmışdı. Avqustda Lənkəranda kütləvi davanın olması, azarkeşlərin həbsi hər kəsi narahat edirdi. Odu ki, bunu nəzərə alan “Neftçi” rəhbrəliyi hay-küyün yatması üçün superkubokun Lənkərana getməsini istəmişdi. Hər halda, belə deyilirdi. Hə, söhbət komandaların əsl gücündən, yəni avrokubok göstəricisindən gedirsə, “Xəzər Lənkəran”ın “Olimpiya” səddini keçə bilməməsi, “Makkabi” önündə darmadağın olması faktları var. “İnter” isə Avroliqada rəqibinə 5 cavabsız qol vuran, 2 mərhələ adlayan, “Atletik”i Bakıya gətirən kollektiv kimi yadda qalıb. “Bakı”, az öncə qeyd olunduğu kimi, 2009-da Avroliqanın pley-offuna yüksəlməyi bacarmışdı. Bütün bunlardan sonra bir nəticəyə gəlmək olur: uğur baxımından “Xəzər Lənkəran” “İnter”lə “Bakı”nın “kölgəsində yatır. Həm çempionluq sayı baxımından, həm də avrokubok göstəricilərində. Düzdü, klubun vitse-prezidenti Tuyqun Nadirova tribuna versək, yəqin ki, bu qədər uğursuzluqlara hansısa izah tapacaq. Bəlkə də əlacsızlıqdan günahı səmavi qüvvələrin boynuna yıxacaq. Hər nə isə, uğurların arxasında dəqiq, planlı, məqsədəuyğun iş dayanmalıdı, daha dollar bağlamaları və səmavi qüvvələr yox. “Xəzər Lənkəran” rəhbərliyi indi çox olan boş vaxtlarında bütün bu məqamlar üzərində dərindən düşünsəydilər, kluba könlünü verən sevimli cənublu azarkeşlərə böyük yaxşılıq etmiş olardılar.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 19:46 Yığma üzvü zədələnib Dünən, 19:44 Yığmanın baş məşqçisi mətbuat konfransı keçirəcək Dünən, 19:41 “Xəzər Lənkəran” mərkəzi stadionu “Masallı”ya verildi Dünən, 19:39 Yığmamız mövqeyini qorudu Dünən, 19:36 Federasiya klublarla çempionatı müzakirə etdi Dünən, 19:32 “Qarabağ” rəsmisi qazondakı problemləri problem saymır Dünən, 19:30 “Qarabağ” rəhbərliyi ilə AFFA prezidenti arxa qapıdan yararlanıb Dünən, 19:27 AFFA-nın gözü yol çəkir, Prosineçki vətənindən əl çəkmir Dünən, 19:25 Yol polisi Rəşadın maşınını əlindən alıb Dünən, 19:22 “Qəbələ” “Qalatasaray”la oynayacaq? Dünən, 19:16 “Mil-Muğan”da köhnə-yeni baş məşqçi Dünən, 19:13 Elmar Vəliyev stadiona görə Yevlaxın icra başçısına zəng vurub Dünən, 19:11 Yeni yaradılan “Xəzər” birinci divizionda çıxış edəcək Dünən, 19:07 “Qarabağ” “Parken”də dəstəksiz qalmayacaq Dünən, 19:02 Şehiç yığmaya dəvət aldı Dünən, 18:56 “Qarabağ” səfərdə nə etməlidi? Dünən, 18:52 “Qarabağ” iki gün əvvəl gedir Dünən, 16:41 Əsasnamənin havadan asılı qalan müddəaları Dünən, 16:39 “Fikrimcə, ikili müqavilələr tək “İnter”də yox, başqa klublarda da var” Dünən, 16:32 Ramil yenə meydana çıxmadı Dünən, 16:29 Kəmaləddin Heydərov postunda qaldı Dünən, 16:25 AQF saxta konfrans keçirib, Yaşar Məmmədovu neytrallaşdırdı Dünən, 16:22 Dünya mətbuatı Ramil Quliyevdən yazır Dünən, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı Bütün xəbərlər
Ən çox oxunanlar