31 avq 16:59liqa

Üç turda görünən nöqsanlar: hərənin bir dərdi var

Üç turda görünən nöqsanlar: hərənin bir dərdi var
Yalnız “Qarabağ” ümid verir
Yığmanın Millətlər Liqası çərçivəsində Kosovo və Malta ilə keçirəcəyi oyunlar bəzi premyer-liqa təmsilçiləri üçün göydəndüşmə oldu. Yay fasiləsindən lazımınca yararlana bilməyən və legionerlərə gec qovuşan komandalar üçhəftəlik fasilədən maksimum yararlanmağa çalışacaq. İmkanları ilə topladığı xal uzlaşmayan “Keşlə”, yeni baş məşqçi ilə anlaşan “Zirə”, ilk qələbəsini 3-cü turda qazanan “Səbail” və problemlərin olduğu aşkar görünən “Qəbələ” fasilədə əyər-əskiklərini düzəltməlidi. Fasilə, demək olar, bütün komandalar üçün göydəndüşmə oldu. Çünki hər birinin yaydan qalan nöqsanları var.
Neftçi
7 xalla lider kürsüsündə əyləşən “ağ-qaralar”ın yay toplanışından məharətlə istifadə etdiyini deyə bilərik. Roberto Bordinin kollektivin başına vaxtında keçməsi və Avroliqa macərasının başlamamış bitməsi çempionata istənilən səviyyədə hazırlaşmağa kömək etdi. İtaliyalı mütəxəsissin dönəmində cəlb olunan yerli və əcnəbi futbolçuların komandaya uyğunlaşdığını deyə bilərik. Bu mənada yoldaşlıq görüşlərinin ciddi təsiri oldu. Bakılıların çempionata nə dərəcədə hazır olduğunu turnir cədvəlindəki mövqeyi göstərir. “Sumqayıt”ı məğlub edən “ağ-qaralar” iki əsas rəqibindən “Qəbələ”ni udmağı bacardısa, “Qarabağ”la rəqib meydanında heç-heçəyə razılaşdı. Komandanın hücum potensialı yetərincə yaxşıdı. Yəni qol vurmağı bacarırlar. Hər halda, 3 oyuna 5 qol pis göstərici deyil. Amma müdafiə xəttindəki anarxiya hələ də həllini tapmayıb. Xüsusilə “Qəbələ” və “Qarabağ” kimi rəqiblərlə qarşılaşmalarda arxa xətdə yol verilən nöqsanlar aşkar görünürdü. “Neftçi”nin bəxti gətirməsəydi, bəzən də rəqib oyunçular dəqiq oynasaydı, indi “buraxılan toplar” xanasında 2 yox, daha böyük rəqəm yazılacaqdı. Bordin fasilə dönəmində müdafiə xəttində yer alanlara dərs keçməlidi.
Və ən vacib məqam - müdafiənin mərkəzinə yeni futbolçunun alınması. Ruslan Abışovun zədələnməsi, Kiril Petrovun zədəyəmeyilli olması, Slavko Braliçin isə güvənli biri olmaması transferi şərtləndirir.
Sabah
Bu komanda 2015-in yayında çempionatda debüt edən “Zirə”ni xatırladır. O vaxt zirəlilərin heç nə ilə yadda qalmayacağı, ortabab futbolçularla papağını günə yandıracağını təxmin edirdik. Lakin sonluq fərqli oldu. “Qartallar” ardıcıl iki mövsüm avrokuboklara vəsiqə qazandı. Təxminən eyni vəziyyət “tələbələr”də müşahidə olunmaqdadı. Premyer-liqada iştirak edəcəyinə son anda qərar verilən, tez-tələsik yeni baş məşqçi və futbolçularla müqavilə bağlayan komandanın 3 turdan sonra 6 xal toplayıb 2-ci pillədə yer alacağı heç kimin ağlına gəlməzdi. Daha bir maraqlı məqam budu: “Sabah” cari mövsümdə 4 qol vurub ki, hamısının müəllifi eyni futbolçudu – Marko Deviç. Bu isə o deməkdi ki, kollektivin hücumla bağlı problemi yoxdu. Rəqibi azlıqda tutanda əks-hücum qurmağı və fərqlənməyi bacaran debütantın əsas üstünlüyü sürətdi. Cinahlarda Bəxtiyar Soltanovla Elşən Abdullayev, yarımmüdafiədə Vitali Kvaşuk sürəti və texnikası hesabına rəqiblərə başağrı yaradır. Amma daha bir hücumçunun alınması mütləqdi. Sabah Deviç zədələnsə, komanda Tural Qürbətovun ümidinə qalacaq. Onsuz da heyətdə cəmi 6 əcnəbi var. Daha birinin alınması artıqlıq etməz.
Elşad Əhmədovun görməli olduğu iş müdafiə xəttinə əl gəzdirməkdi. “Sabah” 4 oyunda bu sayda top vurubsa, bir o qədərini də buraxıb. Xüsusilə “Sumqayıt”la görüş arxa xətdə nöqsanların olduğunu göstərdi.
Qəbələ
Roman Qriqorçukun boşaltdığı posta sahib çıxan Sənan Qurbanov üçün mövsümün yaxşı başladığını demək olmaz. İlk turda yarımcan “Səbail”i udan bölgə təmsilçisi səfərdə “Neftçi”yə uduzub, evdə “Sumqayıt”la heç-heçə etdi. İnsaf naminə, “qırmızı-qaralar”ın “ölü” təsir bağışladığını deyə bilmərik. Komanda kifayət qədər “diridi” və hər oyunda qol imkanları yarada bilir. Ən böyük problem hücumların məntiqi sonluğa çatdırılmamasıdı. Düzdü, “Qəbələ”nin hesabında 5 top var. Amma nəzəri cəhətdən say 10-15 olmalıydı. Hücum xəttində “vuran ayaq” problemi özünü göstərir. Qriqorçukun dönəmində qalan “xəstəliyə” hələ də çarə tapılmayıb deyə bilərik. Top rəqibin cərimə meydançasına qədər gətirilir və hücum “qırılır”, yaxud da qapı qarşısına ötürmə edilir, vuran tapılmır.
Sənan bəy limiti doldurmaq haqda ciddi düşünməlidi. Bəhlul Mustafazadəyə müdafiənin mərkəzi kimi həssas mövqeyi tapşırmaq böyük riskdi. Üstünlüyü Roman Hüseynova, Qismət Alıyevə, yaxud başqa birinə verməlidi. “Arxa”nın mərkəzi isə Ramaldanovla Stankoviçin ixtiyarında olmalıdı.
Sumqayıt
Nazim Süleymanova inanmayanlar indi barmağını dişləyir. İndiyə qədər məşqçi kimi ciddi uğura imza ata bilməyən ötənlərin məşhur futbolçusu sumqayıtlı azarkeşlər üçün maraqlı komanda formalaşdırmağı bacarıb. Heyətdə xeyli sayda təcrübəli futbolçunun yer alması oyun planında özünü göstərir. Hücumdan başqa bütün mövqelərdə “ağsaqqal” tapmaq olar. Bir tərəfdən yaxşıdı, digər tərəfdən pis. Yaxşı tərəfini izah etməyə gərək yoxdu. Pis cəhəti odu ki, komanda xüsusilə ikinci yarının sonlarında ağır təsir bağışlayır. Düzdü, “Qəbələ”nin qapısına son dəqiqələrdə yol tapdılar. Amma bu heç də hansısa sürətli əks-hücumun nəticəsi deyildi.
Süleymanov ilk növbədə futbolçuların fiziki hazırlığının qayğısına qalmalı, “Sumqayıt”ın sürəti artırması yönündə çalışmalıdı. O ki qaldı heyətin güclənməsinə, bəli, buna ehtiyac var. Amma hazırkı vəziyyətdə legioner hücumçu almaq mümkün deyil. Yerlilər arasında isə belə biri yoxdu.
Qarabağ
Cəmi 2 oyuna çıxıb 4 xal qazanan son 5 ilin çempionunda nöqsan axtarmaq dünya gözəlində eyib axtarmağa bənzəyir. Bəli, ağdamlıların avrokubok oyunları üçün kifayət qədər düzəlməsi vacib səhvləri var. Amma eyni sözləri çempionat üçün demək çətindi. Heyət baxımından vəziyyətləri güldü. Bütün komandaların həsəd apara biləcəyi heyətə, futbolçulara sahibdilər. Oyun planında da əyər-əskiklik nəzərə çarpmır. 2 oyunda 3 top vurub, qapılarından cəmi birini buraxıblarsa, əlavə şərhə ehtiyac qalmır. Çempionluğa iddia edən “Neftçi”ylə görüş bir daha “köhlən atlar”ın rahat çempion olacağını ortaya qoydu. Təsəvvür edin, “Qarabağ” 7-8 əsas heyət oyunçusu olmadan hesabda geri düşdüyü oyunu heç-heçə başa vurmağı bacardı. Üstəlik, xeyli sayda qol imkanını boşa verdi. “Neftçi” isə rəqibin hücuma atılmasından istifadə edib əks-hücumlarda fərqlənməyə çalışırdı. Qurban Qurbanovun üzərinə düşən yeganə vəzifə bir neçə yerə parçalanan “Qarabağ”ın futbolçularını psixoloji cəhətdən çempionata hazırlamaqdı.
Səbail
Kifayət qədər təcrübəli yerli və keçmişi parlaq olan futbolçulardan qurulan “dənizçilər”in ən böyük problemi komandanın yenilənməsidi. Bunun nəticəsidi ki, bütün mövqelərdə “axsama” müşahidə olunur. Lap dəqiq desək, anlaşma istənilən səviyyədə deyil. “Qəbələ”ylə səfər qarşılaşmasında vəziyyət olduqca acınacaqlı idisə, “Qarabağ”la görüşdə nisbətən inamlı komanda izlədik. “Keşlə”ylə matçda isə Aftandil Hacıyevin yetirmələri çoxlarının gözləmədiyi halda qələbə qazanıb, vəziyyətin düzəlməyə doğru getdiyinə işarə vurmuş oldu. Ən böyük problem komandada oyun qurucusunun olmaması idi ki, Yevgeni Koçukun gəlişi ilə bu çətinliyin aradan qalxdığını deyə bilərik. Fasilə dönəmində “Səbail”in əsas işi azı iki-üç yoldaşlıq görüşü keçirməkdi. Belə olduğu halda futbolçular arasında anlaşma səviyyəsi yaxşılaşacaq. Xüsusən də müdafiə xəttindəkilər bir-birinin oyununa yaxından bələd olmalıdı. 3 oyuna 6 qol buraxmaq yaxşı göstərici sayıla bilməz.
Keşlə
Təxminən eyni sözlər bu komandaya da aiddi. Mladen Milinkoviçin kollektivə gec qoşulması açıq-aşkar özünü göstərir. Baş məşqçi oyun fəlsəfəsini futbolçulara yeridə bilməyib. Meydanda top dalınca qaçanların serbiyalı çalışdırıcının onlardan nə tələb etdiyini nöqtə-vergülünə qədər qavraya bilməməsi göz qabağındadı. Zarafat deyil, ötən mövsüm kuboku başı üzərinə qaldıran “qırmızılar” qapısının toxunulmazlığını qoruya bilməyib. Nəticədə 3 oyunda qapılarında 5 top görüblər. Milinkoviçin “5-li” müdafiəni “4”ə çevirməsi istər-istəməz özünü göstərir. Bir başqa məqam Adrian Skarlatakeni ehtiyatda saxlamasıdı. Halbuki çiyinlərində illərin təcrübəsini daşıyan rumın müdafiəçi arxa xətdə Denis Silva ilə tandem təşkil etməlidi. Və başqa bir nöqsan komandanın hücumlar zamanı nə etmək istədiyini bilməməsidi. Problemlər kifayət qədərdi, onları aradan qaldırmaq üçün isə vaxt var.
Zirə
“Qartallar” haqda uzun-uzadı danışmağın mənası yoxdu. Ayxan Abbasovun əvəzinə yeni baş məşqçi gəlib ki, Samir Abasov işə sıfırdan başlamalıdı. Nələri dəyişəcəyi isə futbola baxış bucağından asılıdı. Bu gün “Zirə”nin ən böyük bəlası komandada qalib ruhunun ölməsi, yəni psixoloji yüklənmənin olmasıdı. Abasov onsuz da heyətə əl gəzdirə bilməyəcək. Əsas işi oyun fəlsəfəsini aşılamaq və dediyimiz kimi, futbolçuları bu ilin qışından davam edən uğursuzluq sindromundan çıxarmaqdı.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:43 Tarixi uğurun memarı hədəfini açıqladı Bu gün, 13:40 “Neftçi”lilər “Səbail” azarkeşlərinə “erməni” deyib Bu gün, 13:38 Nizami “Çərkəzköy 1911”dən ayrıldı Bu gün, 13:36 Xanım referi bu dəfə Heydər Əliyev Fonduna müracət edib Bu gün, 13:28 “Qarabağ”ın işçisi klubdan ayrıldı Bu gün, 13:24 Tahir Süleymanov İK-nın qərarını gülünc sayır Bu gün, 13:23 “Qəbələ”nin meneceri inzibatçını günahsız saydı Bu gün, 13:21 Obradoviç təklifini bəzi klublar dəstəkləmədi Bu gün, 13:20 “Arsenal” finala çıxsa, UEFA Mxitaryana görə ingilislərə dəstək verəcək Bu gün, 12:58 Baş katib qayıtdı, “Kəpəz”in rəisi klubdan ayrıldı Bu gün, 12:56 MOİK darmadağın oldu, "Sumqayıt-2" fərqi azaltdı Bu gün, 12:50 Tahir Süleymanov “Ayaks”dan və “Futbol+”dən yazdı Bu gün, 12:49 Alesio toplanışı dəyərləndirdi Bu gün, 12:47 İkinci oyunda uduzdular Bu gün, 12:43 İntizam Komitəsi Jozef-Monrozu bağışladı, Rıbkaya güzəşt etdi Bu gün, 12:39 Essyen yenidən “Stemford Bric”də görünəcək Bu gün, 12:36 “Qəbələ” üçün yarımfinal ərəfəsində üçüncülük şansı Bu gün, 12:34 “Tobol”un səhifəsi Emili maraqlı paylaşımla təbrik etdi Bu gün, 12:33 “Hələlik Aynur Sofiyeva 2-ci yerdədi” Bu gün, 12:30 Mirabdulla Abbasov hərəkətinə aydınlıq gətirdi Bu gün, 12:21 Yığma Ukraynaya uduzdu Bu gün, 12:18 Projektor olmasa da, final istənilən halda Naxçıvanda keçiriləcək 17-04-2019, 16:52 Turun statistikası 17-04-2019, 16:50 Turun məşqçisi 17-04-2019, 16:49 Turdan məqamlar 17-04-2019, 16:46 “Neftçi”nin çempionluq şansını itirmədiyini düşünürlər... 17-04-2019, 16:44 “Səbail”in vaxtla bağlı etirazı gülməlidi 17-04-2019, 16:42 Turun oyunçusu 17-04-2019, 16:41 Turun sitatı 17-04-2019, 16:40 "Keşlə”yə baxışa fransız oyunçu gəlib 17-04-2019, 16:36 “Neftçi” üstünlüyü bu cür əldən verdi… 17-04-2019, 16:33 Fariz Nəcəfov Tale Heydərovla görüşmək üçün ölkəni tərk etdi 17-04-2019, 16:32 Fariz Nəcəfov “Zirə”ylə oyundan sonranı nişan verdi 17-04-2019, 16:28 Jozef-Monroz Azərbaycan xalqından üzr istədi 17-04-2019, 16:27 Erkin İbrahimov “Neftçi”nin maraqlandığı argentinalını bəyənməyib 17-04-2019, 16:25 Ötən həftə premyer-liqaya vəsiqə qazandı, sabah çempion ola bilər 17-04-2019, 16:24 Yığma bu gün Ukrayna ilə qarşılaşacaq 17-04-2019, 16:22 Hakimlərin mühakiməsi 17-04-2019, 16:21 İlham Allahverdiyev Türkiyəni Qusara dəyişdi 17-04-2019, 16:19 Eddidən məhsuldar ötürmə və "sarı" 17-04-2019, 16:17 Yığma serblərə qalib gəldi 17-04-2019, 16:14 Azər Bağırov AFFA-nın tələblərini yerinə yetirməkdə problem görmür 17-04-2019, 16:14 “Kəpəz”in icraçı direktoru postuna namizəd ittihamlara cavab verdi 17-04-2019, 16:12 “Neftçi”nin gələn mövsüm 1-5-ci yerlərdən birini tutacağına inanıram” 16-04-2019, 16:16 Kubok proqramı açıqlandı 16-04-2019, 16:15 “Qəbələ” bacıoğlunun, SOCAR-ın, yoxsa ərəblərin olacaq? 16-04-2019, 16:13 Niyazi Bayramovla görüşə bilməyən Elxan Məmmədov Tovuza baş çəkdi 16-04-2019, 16:11 Emil oynayır, “Tobol” qələbələri sıralayır 16-04-2019, 16:06 “Qarabağ”dan Qurbanova 3 xallı, 3 qollu təbrik 16-04-2019, 16:02 Vitali Borisov 2 metrin söhbətini edir... 16-04-2019, 16:00 Autsayder ADBTİA-nın önünə çıxmadı 16-04-2019, 15:59 Samir Abasov həmşəhərlilərini əliboş yola saldı 16-04-2019, 15:56 “Qəbələ” qələbəni Tale Heydərova həsr etdi 16-04-2019, 15:52 “Keşlə”dən ardıcıl 4-cü məğlubiyyət 16-04-2019, 15:49 Aftandil Hacıyev hakimliyə üsyan etdi 16-04-2019, 15:46 “Səbail” flaqmanı “taxtdan saldı” 16-04-2019, 15:43 Həftənin idman proqramı Bütün xəbərlər
Ən çox oxunanlar