15 avq 23:25liqa

Premyer-liqada start təəssüratı

Premyer-liqada start təəssüratı
Arif Əsədov: “Yuri Maksimovun komandası daha balanslaşmış görünürdü”
Avqustun 11-i və 12-də keçirilən oyunlarla premyer-liqada yeni mövsüm start götürdü. Düzdü, başlanğıc heç də mükəmməl alınmadı. Ən azı ona görə ki, ilk turda artıq bir oyun təxirə salındı. Belə ki, açılış matçı avqustun 10-na planlaşdırılmışdı və “Qarabağ”la “Zirə” birincilərin meydanında üz-üzə gəlməliydi. Ancaq “köhlən atlar” BATE ilə oyuna daha yaxşı hazırlaşmaq üçün PFL-ə qəsəbə təmsilçisi ilə matçın təxirə salınmasıyla bağlı müraciət etdi, təşkilatçı qurum da qarşı tərəfin razılığını alandan sonra oyunu təxirə saldı. Sözügedən matçın sentyabrın 26-da keçiriləcəyini də qeyd edək. Beləcə 27-ci ölkə çempionatının ilk oyunu “Dalğa Arena”da “Sumqayıt”la “Neftçi” arasında gerçəkləşdi. Bununla da daha bir marafona, hədəfə çatmaq yolunda bir-birinə güzəşt etməyəcək komandaların mübarizəsinə start verildi. Sonda kimin hansı yeri tutacağını, elita iştirakçılarından hansıların məqsədinə çatıb-çatmayacağını zaman göstərəcək. İndidən bu haqda qəti proqnoz vermək çətindi. Bununla belə, başlanğıc təəssüratını bölüşmək olar. Söhbət təkcə komandaların ilk sınaqda necə təsir bağışlamasından getmir. Ümumilikdə startda yaranan suallara, çatışmazlıqlara, müsbət və mənfi məqamlara nəzər yetirmək olar.
Azarkeş sayı
Premyer-liqanın birinci turunun oyunları zamanı tribunalarda 1700 nəfər azarkeş olub. Bu da hər oyuna orta hesabla 566 tamaşaçı deməkdi. “Qəbələ” – “Səbail” görüşünü 600, “Keşlə” – “Sabah” matçını 300, “Sumqayıt” – “Neftçi” duelini isə 800 futbolsevər izləyib. Təbii, üç çempionat oyunu üçün tamaşaçı sayının 2 minə çıxmaması acınacaqlı mənzərədi. Halbuki premyer-liqanın startı olduğundan azarkeşlərin stadionlara həvəslə yollanacağını düşünürdük. Deyək ki, “Dalğa Arena” “Sumqayıt”ın öz stadionu deyil və məhz bu üzdən də həmin oyunda azarkeş sayı mini aşmadı. Hərçənd bir neçə klubun stadionu təmirə bağlandığı üçün Mərdəkandakı arenaya sığınması say məsələsində hələ çox xəyal qırıqlığı yaradacaq. “Dalğa Arena”ya gediş-gəlişin “su içimi” omadığını hamı bilir. Xüsusən bizim canına əziyyət vermək istəməyən tamaşaçılar üçün belə bir şey göydən düşmüş oldu. Bəhanə var – yol uzaqdı. “Dalğa Arena”nı kənara qoyaq. Hər halda, stadionlar hazır olanda hər kəs öz doğma meydanına dönəcək. Bəs digər qarşılaşmalar? Yerli mütəxəssisə həvalə olunan “Qəbələ”nin ilk oyununa bazar günü, münasib saatda və sərin havada cəmi 600 tamaşaçı gəlirsə, artıq sözə ehtiyac qalmır. Onsuz da bu şəhərdə futbola marağın olmadığını dəfələrlə yazmışıq. Gələnlərin yarıdan çoxunun tuma “güc verməsi”, gedəndən sonra oturacaqlarda “dərin iz buraxması” ayrı bir dərddi. “Keşlə” – “Sabah” görüşündə isə təəccüblənmədik. Aşağı-yuxarı elə bu qədər tamaşaçının gələcəyini gözləyirdik. 8 klubdan 7-si ev oyunlarını paytaxtda keçirirsə, qalan yeganə komanda isə məşqlərini Bakıda keçib, oyunda-oyuna bölgəyə yollanırsa, boş tribunalar hələ çox “göz oxşayacaq”.
Diqqəti çəkən məqamlar
Təbii, ilk turda yaddaqalan məqamlar oldu. Bir neçə baş məşqçinin, eləcə də ölkəmizə yeni gələn legionerlərin çempionatımızda debütünü, bəzi əcnəbi oyunçuların premyer-liqaya dönüşünü qeyd edə bilərik. “Neftçi”nin baş məşqçisi Roberto Bordinin mətbuat konfransında mərhələli tərcümə də diqqəti çəkdi. Paytaxt klubundan yaranan durumla bağlı verilən açıqlama ötən sayımızda var idi. Daha bir yaddaqalan an Qəbələdə yaşandı. Belə ki, çempionatın Əsasnaməsinə görə futbolçuların formasının arxasında onların adı və ya soyadı Azərbaycan dilində yazılmalıdı. Ancaq "Qəbələ"nin yerli oyunçularında soyadlar ingiliscə idi. Əsasnaməyə zidd olsa da, buna görə kluba cəza verilməyib, sadəcə, xəbərdarlıq edilib. Təşkilatçılıqla bağlı isə qüsur görmədik.
Kim necə təsir bağışladı?
Bir oyuna görə komandalar haqda hökm vermək doğru olmaz. Özü də “Qarabağ”la “Zirə”nin oyunu təxirə salındığından, kimlərin hansı yerə namizəd olduğunu söyləmək, demək olar, mümkünsüzdü. Ancaq oyunlardakı çalarlara əsaslanıb, həm də ötən mövsümlə müqayisəli şəkildə müəyyən fikir yürütmək olar. Həm “Səbail”in, həm də “Sumqayıt”ın ötən mövsümlə müqayisədə zəiflədiyini deməliyik. Görünür, nə paytaxt klubunun baş məşqçisi Aftandil Hacıyev, nə də “kimyaçılar”ın çalışdırıcısı Nazim Süleymanov heyəti komplektləşdirə bilib. Ola bilsin, oyundan-oyuna, zaman keçdikcə bu komandalar “artırsın”. Lakin ilk turdakı görüntü müsbət fikirlər üçün əsas vermir. “Neftçi” ilə “Qəbələ”nin isə yüksək yerlər uğrunda mübarizə apara biləcəyi az-çox hiss olundu. Hər iki komanda “quru” qələbə qazansa da, oyun planında çatışmazlıqlar diqqəti çəkdi. Təbii, ilk turda heç bir komandanın 100 faiz hazır olmadığını məşqçilər özləri dəfələrlə qeyd edib. Debütant “Sabah” isə premyer-liqaya qələbəylə başladı və mövsümboyu rəqiblərə başağrı ola biləcəyini, daha doğrusu, “asan yem” olmayacağını göstərdi. Ötən mövsümdəki “Keşlə” ilə indiki arasında yerlə-göy qədər fərq var. Belə davam edərsə, Mladen Milinkoviçin “sükan”ı uzun müddət əlində saxlaması çətin olacaq. Hər halda, Zaur Axundovun uğursuz nəticələri sıralayan məşqçilərə uzun müddət güvənmək kimi xarakterinin olmadığını yaxşı bilirik. Bütün bunlar öz yerində. Ancaq komandalar haqda daha konkret fikir yürütmək üçün premyer-liqada yaranacaq fasiləni gözləmək lazımdı. Çünki ona qədər artıq 3 tur geridə qalacaq.
Mütəxəssis rəyi
Komandaların ilk turda necə təsir bağışlaması ilə bağlı mütəxəssi fikri də öyrəndik. Arif Əsədov startı belə dəyərləndirdi: “Düzdü, ilk tura əsasən komandaların durumu ilə bağlı nəsə demək çox çətindi. Ancaq bərabərsəviyyəli oyunlar izlədik. Belə bir nəticəyə gəlmək olar ki, “Qarabağ”ın çempionluq şansı daha çoxdu. Onunla “qızıl” uğrunda mübarizə aparacaq komandalardan “Neftçi”ni, bir qədər də “Qəbələ”ni qeyd etmək olar. “Avrokubok zonası” üçün isə bütün elita iştirakçıları mübarizə apara bilər. Hələ tam hazır olmayan komandalardan “Səbail”in adını çəkmək olar. Görünür, paytaxt klubu tam formalaşmayıb. Oyunçuların bir-biri ilə anlaşması, xətlərarası əlaqə yaxşı səviyyədə deyil. “Sabah” debütant olmasına rəğmən, səfərdə “Keşlə”dən 3 xal alırsa, deməli, komandaların aşağı-yuxarı eyni gücdə olması ilə bağlı dediklərimiz təsdiqini tapır. “Keşlə”yə yeni baş məşqçi gəlib, sistem dəyişib. Ancaq ortada bir şey nəzərə çarpmadı, komandanın oyun üslubu görünmədi. Bəlkə də vaxt lazımdı, məşqçi deyə bilər ki, təzə gəlmişəm, mənim yığdığım heyət deyil. Amma ötən ilin “Keşlə”si daha etibarlı idi. Yuri Maksimovun komandası daha balanslaşmış görünürdü. Yeri gəlmişkən, “Sabah”ın heyətinə baxsaq, görərik ki, bir çox komandanın heyətindən daha təcrübəli, ölkə futboluna bələd olan oyunçular yığılıb. Hansı ki, bu futbolçulardan bəziləri “Neftçi”nin heyətində Avroliqanın qrupunda çıxış ediblər. Burdan da belə görünür ki, deyildiyi kimi, gənc futbolçulara şans vermək və ya çempionatda yerini qorumaq üçün yox, daha iddialı görünür. “Neftçi”nin isə hələ də Avroliqadakı uğursuzluğun təsirindən çıxa bilmədiyi hiss edilir. Oyun baxımından heç də xoş görünməsə də, “ağ-qaralar” ilk turlar üçün önəmli sayılan 3 xal qazandılar. Komandanım özünəinamını qaytarması baxımından bu xalların əhəmiyyəti böyükdü. Bu qələbə “Neftçi”də psixoloji durumu da qaydasına sala bilər. “Sumqayıt” oyuna pis başlamasa da, hücumçu problemi hiss olunur. Görünür, Nazim Süleymanov komandanı hələ tam formalaşdırmayıb. Bu üzdən mütləq hücumçu transfer olunmalıdı. Növbəti turlarda “Sumqayıt” arzuladığı oyunu göstərmək və nəticə qazanmaq istəyirsə, dediyimiz məqam olduqca vacibdi. “Qəbələ”yə gəlincə, bu komandada da dəyişikliklər olub. Həm heyətdə, həm baş məşqçi postunda. Komanda istəkli idi, mübariz təsir bağışladı. Qələbə qazanmaq istəyi aşkar görünürdü. Yerli futbolçulara üstünlük verilməsi müsbət haldı. Xüsusən gənc Bəhlul Mustafazadənin oynaması xoş təəssürat doğurdu. Bilirsiz ki, Azərbaycan futbolunda libero problemi var. Ona görə də belə gənclərə şans vermək, onları ölkə futbolun qazandırmaq lazımdı. Bütün bunları “Qəbələ” adına müsbət məqam kimi qeyd etmək olar. Oyuna gəlincə, “qırmızı-qaralar” da oyununu tam tapmayıb. Bu üzdən indidən nəsə demək doğrudan da çətindi”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-09-2018, 23:17 Tomaş Ayan EOC-dan narazıdı 21-09-2018, 23:14 "Arsenal"la oyuna maraq böyükdü 21-09-2018, 23:13 U-17 yenə darmadağın oldu 21-09-2018, 23:10 Stadiona 9-cu mərtəbədən baxış, portəgiz jurnalistin təəccübü və 27 azarkeş... 21-09-2018, 23:07 Yenilgidə hakim izi olmadı 21-09-2018, 23:06 Üzücü başlanğıc 21-09-2018, 23:04 Vitali Borisovun imtinası absurd faktı üzə çıxardı: liqa peşəkardı, futzalçılar yox! 21-09-2018, 23:02 Baba Rzayev Mingəçeviri futbolsuz qoydu 21-09-2018, 23:01 AFFA 10 min manata görə özünü hörmətdən salır 21-09-2018, 22:52 Sabiqlər yerli sədrin tərafdarıdı 21-09-2018, 22:50 Babək Quliyev Vüsal Əliyevi nişan verdi 21-09-2018, 22:48 “Sumqayıt-2” zirvəyə darmadağınla yüksəldi 21-09-2018, 22:46 “Turan” adının yaradıcısı dünyasını dəyişdi 21-09-2018, 22:44 Dünya çempionatına yaxşı başlamadıq 21-09-2018, 22:42 “Sumqayıt”ın “qırmızı” problemi 21-09-2018, 22:39 Adil Məmmədov 60-ı geridə qoydu 21-09-2018, 22:24 İsgəndər Cavadov doğum günündə tarixi vərəqlədi 21-09-2018, 22:23 İkinci tur 2 günə sığacaq 21-09-2018, 22:21 Mik Benet təqdim olundu 21-09-2018, 22:20 Qurban Qurbanov gözləmədiyi sualı eşitdi 20-09-2018, 22:07 “Bayıl Arena”da Əliyar Ağayevin də səhvi olub 20-09-2018, 22:05 Stuxlik Xaqani Məmmədovun otağında oturur 20-09-2018, 22:04 Emin Ağayev yığmada potensial görür 20-09-2018, 22:02 “CBC Sport” DÇ-ni yayınlamaq istəyir 20-09-2018, 22:01 Cüdo yığmamızda məcburi dəyişiklik 20-09-2018, 22:00 Dünya çempionatının püşkü atıldı 20-09-2018, 21:56 “1982-ci il” ilə Lissabona 7 saatlıq səfər 20-09-2018, 21:54 Uğurun bünövrəsi Lissabonda qoyulsun! 20-09-2018, 21:52 "Arsenal"la oyunun biletləri satışda 20-09-2018, 21:24 Vaqner "Qarabağ"ı portəgizlərə təriflədi 20-09-2018, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” 20-09-2018, 21:04 Alesio yığmanın heyətini açıqladı 20-09-2018, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi 20-09-2018, 21:00 Mundialda üzümüzü kim(lər) güldürəcək? 20-09-2018, 20:58 Məmmədyarova “qaralar”la xal qazana bilmir 20-09-2018, 20:55 Sənan Qurbanov “Qəbələ”nin problemlərini açıqladı 20-09-2018, 20:53 “Kəpəz” ilk qol və ilk xal axtarışında 20-09-2018, 20:52 Anar Salmanovun reaksiyası gecikmədi 20-09-2018, 20:51 Azarkeşlər ÇL oyunları zamanı çətinliklə üzləşir 20-09-2018, 00:29 Almaniyada Ömər Paşayevin səhhətində ciddi problem aşkarlanmayıb 20-09-2018, 00:27 Heç bir klub mətbuat katibinə protokol doldurmağı tapşırmır 20-09-2018, 00:26 Xaqani Məmmədovun düşmənləri sosial şəbəkədə “at oynadır” 20-09-2018, 00:23 Voleybolçular dünya çempionatına inamlı yollanır 20-09-2018, 00:21 Alesio yığmanın heyətini bu gün açıqlayacaq 20-09-2018, 00:19 “Sportinq” qrup mübarizəsinə uğursuz başlayır 20-09-2018, 00:05 Turun oyunçusu 20-09-2018, 00:04 TURUN SİTATI 20-09-2018, 00:02 Məhsuldarlıq rekord vurdu 20-09-2018, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Bütün xəbərlər
Ən çox oxunanlar