26 fev 13:34liqa

AZAL-ın heyətini gücləndirməsi elitada qalamağa hesablanıb

AZAL-ın heyətini gücləndirməsi elitada qalamağa hesablanıb
Eldəniz Yusifov: “Transferlərlə bağlı heç bir maliyyə sıxıntımız yoxdu”

Mövsümün ilk yarısını uğursuz nəticələr fonunda turnir cədvəlinin son pilləsində qapayan AZAL-ın heyətində qışda bir sıra dəyişikliklər reallaşdı. Əslində bu gözlənilən idi. Əks halda, ümid etməli bir şey qalmayacaqdı. Sonda isə komanda birinci diviziona yuvarlanacaqdı. Düzdü, təhlükə hələ realdı. Sadəcə, qış fasiləsində vəziyyəti düzəltmək üçün müəyyən addımlar atılmalıydı. Maraqlıdı ki, çempionatın ilk yarısında baş məşqçi Tərlan Əhmədova qış fasiləsində heyəti gücləndirməklə bağlı sual veriləndə, o qədər də nikbin danışmırdı. Bu da səbəbsiz deyildi. İki il öncə klubun büdcəsi kəskin azldıldı və bundan sonra “təyyarəçilər” məhdud büdcə ilə premyer-liqada mübarizə aparmağa başladılar. Ötən mövsüm hər şey qaydasında olsa da, cari “futbol ili”ndə heç də hər şey arzulanan səviyyədə deyil. Bunun isə səbəbləri çoxdu. Həm elitada daha az komandanın mübarizə aparması, həm də 2015/16 mövsümündən dərs çıxaran klubların AZAL-a daha ciddi yanaşması nəticələrdə özünü göstərir.
Ancaq razılaşaq ki, qış transfer çalışmalarında fəal klublardan biri də AZAL oldu. Hələ noyabrın sonu – dekabrın əvvəlində Sadio Tounkara ilə anlaşan Şüvəlan təmsilçisi fasilədə bir neçə legioneri rənglərinə bağladı. Arkadi Qalperin, Frank Madu və Alamandine Roberts transfer edildi. Həmçinin fasiləyə qədər “Sumqayıt”ın şərəfini qoruyan, “transfer pəncərəsi” dönəmində bir sıra xarici ölkələrdən təklif aldığı deyilən Vaqif Cavadov da sonda AZAL-la razılığa gəldi. Daha bir legioner isə bir neçə gün öncə komandaya qoşuldu ki, bu da Mehdi Taouil idi. Lakin sonuncu hələ ki, “təyyarəçilər”in heyətində rəsmi oyuna çıxmayıb.
Yeni transferlərin komandaya köməyi isə hələ də hiss olunmur. Belə ki, komanda fasilədən sonra keçirdiyi 5 qarşılaşmanın hamısında məğlub olub. Düzdü, bəzi oyunlarda AZAL-ın hakim haqsızlığı ilə üzləşdiyi də vurğulnmalıdı. Xatırladaq ki, “Qarabağ”la görüşdə (1:2) komanda hesabda öndə olarkən, azlıqda qaldı. Sadio Tounkaraya göstərilən ikinci sarı vərəqənin hansı məntiqlə verildiyini anlamaq mümkün deyil. “Qəbələ” ilə qarşılaşmada isə “qırmızı-qaralar” 1:0 hesabı ilə öndə olarkən, özü də matçın sonlarına yaxın Tərlan Əhmədovun yetirmələrinin haqlı penaltisi verilmədi. Bəlkə də bu oyunlarda idarəçilik qüsursuz olsaydı, “təyyarəçilər” indi daha çox xala malik idi. Ancaq fakt budu ki, hazırda AZAL-ın cəmi 8 xalı var və şüvəlanlıları 7-ci pillə ilə 8 xallıq məsafə ayırır. Bu məsafənin qapadılması isə elə də asan məsələ deyil. Çox güman, bu üzdən daha iki yerli futbolçu ilə razılığa gəlindi. Söhbət Samir Məsimovla Bəxtiyar Soltanovdan gedir. Bununla belə, hər iki futbolçu daha öncə oyun təcrübəsindən əziyyət çəkib. Onların hazır olması nə qədər inandırıcı görünmürsə, AZAL-a fayda verib-verməyəcəyi zamanın işidi. Hər halda, bu transferlər bir qədər gözlənilməz idi. Özü də komandanın maddi cəhətdən işləri qaydasından deyilsə, daha doğrusu, rəhbərlik məhdud büdcə müəyyənləşdiribsə, bu qədər transfer necə edilir? Məgər yeni razılığa gələn futbolçular qəpik-quruşa oynayır? Deyək ki, mövsümün sonuna kimi AZAL-da oynamağa razılıq verən yerlilər futbolsuz qalmamaq üçün, digər klubların diqqət mərkəzinə düşmək ümidi ilə çox az məbləğ qarşılığında Şüvəlan təmsilçisinin heyətində top qovacaq. Həmin 5 legionerin də çox az maaşa razılaşdığı heç də inandırıcı deyil. Kim minlərlə kilometr ailəsindən uzaqda 500-1000 dollara oynamağa “hə” deyər? Bax, məsələnin maraqlı tərəfi budu.
Transfer məsələləri ilə bağlı AZAL-ın meneceri Eldəniz Yusifovla danışmağı lazım bildik: “Son transferlərin hamısına “gözlənilməz” deməzdim. Mehdi Taouil ilə yanvarın sonunda anlaşmışdıq. Sadəcə, onun gəlişi bir qədər yubandı. Düzdü, Samir Məsimovu bir qədər gözlənilməz saymaq olar. Təbii, azad agent statusuna malik idi. Bəxtiyar Soltanov yayda da bizə müraciət etmişdi. Lakin baş məşqçi tərəfindən onun transferinə o qədər də isti yanaşılmadı. Bu dəfə isə dəvət etdik. Bəxtiyar istedadlı oyunlçudu, kifayət qədər təcrübəsi var. İndi və gələcəkdə bizə kömək etmək gücündə olan futbolçudu. Bizim transferlərlə bağlı heç bir maliyyə sıxıntımız yoxdu. Büdcə əvvəldən müəyyənləşib. Ona uyğun da iş görürük. Biz 9 futbolçu ilə vidalaşmışdıq. İki nəfər icarəyə verildi, 7 nəfərlə isə yollar ayrıldı. Onların yerinə 8 futbolçu gətirmişik. Belə deyim, 9 nəfər gedib, 8-i gəlib. Bu, ümumi büdəcədən kənara çıxmaq, əlvə xərc demək deyil. Gələn legionerlərin hamısını yüksək məbləğə gətirməmişik. Onlarla mövsümün sonuna kimi müəyyən məbləğə razılaşmışıq. Bizdəki maaş fondundan, əməkhaqqı üçün nəzərdə tutulan məbləğdən kənara çıxmamışıq. Bütün bunlar büdcəyə uyğun həyata keçirilib. Mövsümün əvvəlindən təsdiq olunan büdcəyə uyğun işimizi qurmuşuq. Samir və Bəxtiyarla mövsümün sonunda müqavilənin maliyyə şərtlərinə baxmaq şərtli ilə növbəti il üçün də razılaşmaq müzakirə olunacaq. Biz premyer-liqada qalmaq, yerimizi qorumaq, növbəti mövsüm də güclülər dəstəsində mübarizə aparmaq istəyirik. Bununla bağlı lazımi işlər görülür. Qarşıda hələ 9 tur var. Bu oyunlarda çox şeylər dəyişə də bilər. Çempionatın maraqlı hissəsi hələ qabaqdadı. Ümid etməsəydik, gücümüzə inanmasaydıq, gələcəyə nikbin baxmasaydıq, bu işləri görməzdik. Onu da deyim ki, artıq transfer çalışmalarını bitmiş hesab etmək olar”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:16 AÇ üçün heyət açıqlandı Dünən, 23:15 Ölkə çempionatı başa çatdı Dünən, 23:14 Ukrayna ilə bacarmadıq Dünən, 23:13 Nağı Səfərova yenə etimad göstərildi Dünən, 23:12 Bakıda “Red Bull”dan əzələ nümayişi Dünən, 23:10 Kamran Şahsuvarlı finalda Dünən, 23:08 Əliyar Ağayev “Rusenborq”un oyununa təyinat aldı Dünən, 23:07 UEFA-nın MDB üzrə əlaqələndiricisi “Futbol+”ə danışdı Dünən, 23:05 “Zirə”nin oyununda təcrübəsiz qazax Dünən, 22:56 “Qarabağ” oyuna çıxır, “Samtredia” hücumçuyla gücləndi Dünən, 22:55 “Neftçi” rəsmisi gördüyü işdən danışmaq istəmədi Dünən, 22:44 “Zirə”də yayın məsələsində qeyri-müəyyənlikdi Dünən, 22:43 “Dalğa Arena” avrokubok oyunlarına hazırdı Dünən, 22:42 Patrik Klyuvert “Vətən”ə təşəkkür edib Dünən, 22:37 Sloveniyada AÇ-yə gerisayım başlayır Dünən, 22:36 Fransa millisinin sabiq yarımmüdafiəçisi “Qəbələ”də Dünən, 22:34 Futzal millimiz yenə braziliyalıya tapşırılacaq Dünən, 22:33 Yığmamız qrupda qaldı Dünən, 22:31 BOK prezidenti MOK-a məktub göndərdi Dünən, 22:30 Ayxan Abbasov “Zirə”ni Avroliqaya hazır sayır Dünən, 22:27 "Zirə" rumın müdafiəçi transfer etdi Dünən, 22:09 TRANSFER DOSYESİ Dünən, 22:07 Zirə azarkeşləri oyunun Mərdəkanda keçirilməsindən razıdı Dünən, 22:06 “Sumqayıt” jurnalistlər üçün iftar süfrəsi açdı Dünən, 22:03 “Zirə”nin legionerləri Türkiyədə ləngidi 23-06-2017, 20:23 Avropa Yay Olimpiya Festivalına lisenziya qazandılar 23-06-2017, 20:22 Otellərin sayı artsa, Bakıya daha çox “Formula-1” azarkeşi gələcək 23-06-2017, 20:20 Ronaldoya millinin forması hədiyyə olundu 23-06-2017, 20:17 Emil Balayev “Səbail”ə keçərkən Qurban Qurbanovla danışmayıb 23-06-2017, 20:14 “Zirə” biletlərin qiymətini açıqladı 23-06-2017, 20:12 Əliyar FİFA karyerasına sıfırdan başlayır... 23-06-2017, 20:09 “Samtredia” ilə ilk oyunun başlama vaxtı dəqiqləşdi 23-06-2017, 20:08 “İnter”in rəqibi son çempionu məğlub etdi 23-06-2017, 20:06 Avroliqanın debütantı mübarizəyə hazırdı 23-06-2017, 20:00 Sumqayıtda mükafatlandırma 23-06-2017, 19:56 Yığmanın baş məşqçisi Ermənistanla oyundan danışdı 23-06-2017, 19:55 Avroliqada ikinci dövrə başlayır 23-06-2017, 19:52 Divizionda çıxış edəcək “Binə”nin büdcəsi 150 min manatdı 23-06-2017, 19:47 Stamenkoviç “Mladost”un bəxtinin gətirmədiyini düşünür 23-06-2017, 19:44 Fanklub rəhbərləri “Milan” azarkeşlərinə haqq qazandırdı 23-06-2017, 19:42 “Fənərbaxça”nın baş məşqçisi Antalya kampından danışdı 23-06-2017, 19:40 Millinin heyəti açıqlandı 22-06-2017, 19:21 Subaşiç “Mladost” haqda gizli heç nə qoymadı 22-06-2017, 19:18 “İnter” “Mladost”u “Dalğa Arena”da sınağa çəkəcək 22-06-2017, 19:17 Zaur Axundov Azərbaycana söz verdi 22-06-2017, 19:15 “Axmat” “Qarabağ”ı da bir qolla üstələdi 22-06-2017, 19:13 “Zirə” vətənə məğlub döndü 22-06-2017, 19:11 “İnter” və “Zirə” siyahını açıqladı 22-06-2017, 19:10 Vyana “Qarabağ”ının Bakıda fanklubu olacaq 22-06-2017, 19:08 “Mladost”la oyunu böyük ümidlərlə gözləyirik” 22-06-2017, 19:06 “Bursa BB”də qaldı 22-06-2017, 19:05 Erməni baş məşqçidən etiraf 22-06-2017, 19:03 Əsgərlərə açıq məktub yazdılar 22-06-2017, 19:00 Çimərlik futbolu yığması Belarusa gedir 22-06-2017, 18:58 Hakimlərimizdən videotəkrara fərqli yanaşma 22-06-2017, 18:57 “Səbail” Emil Balayevi saxladı 22-06-2017, 18:55 Elnur Cəfərov da “Neftçi”ylə müqavilə bağladı Bütün xəbərlər
Ən çox oxunanlar