30 in 00:13liqa

Qurban Qurbanov və Tərlan Əhmədov

Qurban Qurbanov və Tərlan Əhmədov
Hər “futbol ili”ndə olduğu kimi, 2017/18 mövsümündə də “Futbol+” ənənələrini davam etdirdi. Söhbət çempionatla bağlı olan qiymətləndirmədən gedir. Yox, söhbət futbolçuların performansının dəyərləndirilməsindən getmir. Belə ki, qəzetimiz artıq bir neçə ildi baş məşqçilərin də işini qiymətləndirir. Hər turdan sonra çalışdırıcıların əməyini dəyərləndiririk. Özü də hər tura aid müəyyənləşdirdiyimiz nəticə ilə yanaşı, orta xal durumunu da diqqətinizə çatdırırıq. Bir daha xatırladaq ki, qiymətləndirməni üç meyara əsasən aparırıq: 1. Nəticə. Komandası hesabat turunda qələbə qazanan məşqçilərə 3, heç-heçə edənlərə 1 xal verilir, uduzanlar xalsız qalır. 2. Oyuna hazırlıq. Bura komandanın fiziki, texniki-psixoloji hazırlığı, rəqibin təhlili və məşqçinin taktiki sxemi daxildi. Bu qiymətləndirməyə görə 0-5 aralığında xal verilir. 3. Oyuna müdaxilə. Bura oyun ərzində məşqçinin taktiki dəyişiklikləri, rotasiyaları, əvəzetmələri və psixoloji təsiri daxildi. Bu qiymətləndirməyə görə 0-5 aralığında xal verilir. Qeyd edək ki, turda qazanılan xal eyni olarsa, o halda ardıcıl bu meyarlara üstünlük verilir: qələbə, səfərdə qazanılan nəticə, top fərqi. Əlbəttə, “Qarabağ”ın hansısa ortababı məğlub etməsi ilə autsayderin həmin komandanı udması tərəzinin eyni gözünə qoyula bilməz. Elə 2-ci bəndə görə xal verilərkən bu məqamı da nəzərə almışıq.
13 baş məşqçi + 3 köməkçi
Öncə onu qeyd edək ki, ötən mövsüm premyer-liqada 13 baş məşqçi iş başında oldu. Elitanın 8 komandasından 5-i çalışdırıcısına “futbol ili”ndə sadiq qaldı. Bunlar “Qarabağ”, “Qəbələ”, “Zirə”, “Sumqayıt” və “Səbail”di. “Kəpəz” iki, “Keşlə” və “Neftçi” isə üç baş məşqçiyə ehtiyac duydu. İlk iki turdan sonra “Neftçi” Elxan Abdullayevlə yollarını ayırdı və əvəzedicilərin çalışdırıcısı Elşad Əhmədova həvalə olundu. O, müvəqqəti olaraq bu işi icra edirdi və “ağ-qaralar”ı iki oyuna çıxardıqdan sonra postu Tərlan Əhmədova “təhvil verdi”. “Keşlə”də 10-cu turdan sonra Zaur Svanadze istefa verdi. Onun əvəzinə Ramiz Məmmədov gəldi və əslində o da bu işin müvəqqəti icrasçısı idi. Məmmədovun rəhbərliyi altında paytaxt təmsilçisi keçirdiyi 4 oyunun hamısında uduzdu və rəhbərlik ukraynalı Yuri Maksimovla anlaşdı. “Kəpəz”də isə Şahin Diniyev 12-ci turdan sonra uğursuz nəticələr üzündən postundan ayrıldı. Onu əvəzləyən Yunis Hüseynov daha bərbad göstəricilərlə yadda qaldı və nəticədə Gəncə təmsilçisi birinci diviziona yuvarlandı. Ancaq bəzi köməkçilər də özünü baş məşqçi kimi “hiss etdi”. Elnur Çodarov 6, Səttar Əliyevlə Seymur Rəhimov hərəyə 1 dəfə texniki zonada baş məşqçi funksiyasını yerinə yetirdi. Təbii, turlar üzrə qiymətləndirmədə köməkçilərin də işini dəyərləndirmişdik. Ancaq yekunda məhz baş məşqçilər ön plana çıxdı.
Qurbanov birinci, Hüseynov sonuncu
Əvvəlcə 28 turdan sonra orta xal durumunu yada salaq. Belə ki, komandası çempion olan Qurban Qurbanov ilk pillədədi. Təbii, bu gözlənilən bir sonuc idi. Yetirmələri elitanı tərk edən Yunis Hüseynov isə sonuncudu. Maraqlı məqam isə Ayxan Abbasov, Roman Qriqorçuk və Yuri Maksimovun eyni xal toplamasıdı. Qriqorçuk gümüş medalçıdısa, Maksimovun işinin uğurlu alındığını hamı qəbul edir. Ayxan bəy isə qışa qədər əla nəticələr qazanmaqla ümumi balansda adı çəkilənlərdən geri qalmadı. Sıralamada Samirlər qonşudusa, “Neftçi” ilə “bürünc” qazanan Əhmədov ikinci pillədədi. Beləliklə, ötən mövsüm üçün məşqçilərin yekunda hansı qiymət aldığını xatırladaq.
1. Qurban Qurbanov 8,3
2. Tərlan Əhmədov 7,6
3. Roman Qriqorçuk 6,8
4. Ayxan Abbasov 6,8
5. Yuri Maksimov 6,8
6. Samir Abasov 6,4
7. Samir Əliyev 4,6
8. Yunis Hüseynov 3,1
Maraq üçün komandalar qış fasiləsinə yollanarkən “məşqçilərin turnir cədvəli”ni də diqqətinizə çatdıraq.
1. Qurban Qurbanov 9,2
2. Ayxan Abbasov 8,1
3. Roman Qriqorçuk 8,1
4. Tərlan Əhmədov 6,5
5. Samir Abasov 6,5
6. Samir Əliyev 4,6
7. Ramiz Məmmədov 1,7
8. Yunis Hüseynov 0,5
Tərlan Əhmədov liderdi
Ümumi xal durumunda Qurban bəy hamıdan öndə olsa da, ən çox “turun məşqçisi” seçilən mütəxəssis Əhmədovdu. “Neftçi”nin sabiq baş məşqçisi 8 dəfə bu uğura imza atıb. Təbii, Tərlan bəyin belə aşkar fərq ortaya qoymasına rəğmən, yekun nəticədə Qurbanovdan geri qalması anlaşılmaz görünə bilər. Ancaq burda önəmli məqamı nəzər almalıyıq. Ən əsası odu ki, Qurban bəy sabit nəticələr hesabına orta xal durumunda Əhmədovu qabaqladı. Bundan başqa, turun məşqçisi 1 və ya 2 xal hesabına da rəqiblərini qabaqlaya bilər. Bu da ciddi fərq deyil və hansısa uğursuz nəticə ümumi xala böyük təsir göstərir. Beləliklə, məşqçilərin nə qədər və hansı turlarda (bu mötərizədə göstərilib) fərqləndirildiyinə nəzər salaq. Maraqlıdı ki, “Kəpəz”in sabiq baş məşqçisi Şahin Diniyev də 1 turdakı uğuru ilə siyahıda özünə yer edə bilib.
1. Tərlan Əhmədov 8 (8, 10, 15, 18, 21, 23, 24, 26)
2. Ayxan Abbasov 4 (3, 5, 11, 28)
3. Samir Abasov 4 (4, 14, 19, 20)
4. Samir Əliyev 4 (2, 6, 17, 25)
5. Qurban Qurbanov 3 (1, 13, 22)
6. Roman Qriqorçuk 3 (9, 12, 16)
7. Şahin Diniyev 1 (7)
8. Yuri Maksimov 1 (27)
Sonda daha bir məqamı qeyd edək. Belə ki, yuxarıdakı “8-lik”dən yalnız üçünü növbəti mövsüm premyer-liqada görəcəyik. Buna səbəb mövsüm bitəndən sonra klublardan bir çoxunun baş məşqçi ilə yollarını ayırmasıdı. Artıq 2018/19 mövsümündə baş məşqçilərin işi qiymətləndirilərkən siyahıda Roberto Bordin (Neftçi), Nazim Süleymanov (Sumqayıt), Elşad Əhmədov (Sabah), Aftandil Hacıyev (Səbail) və Sənan Qurbanov (Qəbələ) kimi yeni adlar olacaq.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:58 Ramil Şeydayev qol vursa da... Bu gün, 13:51 AFFA idman jurnalistlərini çağırır Bu gün, 13:49 “Fırtınalar meydanı”nın qazonu yenə sıradan çıxdı Bu gün, 13:47 Futvolley turnirində böyük fırıldaq Bu gün, 13:44 Qolsuz, amma maraqlı gecə Bu gün, 13:36 “Olimpiya” getsin, “Kukesi” gəlsin! Bu gün, 13:11 Stolitsa “Qarabağ”a uğur arzualdı, Qurbanov suala “5” verdi Bu gün, 13:05 Ukrayna mətbuatı Hüseyndən yazdı Bu gün, 13:03 “Zirə” də getdi Bu gün, 13:02 “Sabah” Ramosu alıb, Baliçlə yolları ayırdı Bu gün, 13:01 “Xan Lənkəran”ın sponsorluğuna iki namizəd var Bu gün, 12:59 “Ağsu” yeni mövsümdə gənclərə güvənəcək 18-07-2018, 20:28 Rövşən Hüseynov özünü “təmiz” sayır 18-07-2018, 20:26 Qriqorçuk Almeydanı da Monteneqroya apardı 18-07-2018, 20:25 Şok: “Keşlə” baş məşqçisiz qaldı! 18-07-2018, 20:22 “Xan Lənkəran”ın büdcəsi 50470 manata çatıb 18-07-2018, 20:20 “Sabah”ın Bolu toplanışı başladı 18-07-2018, 20:18 “İmarət” “Qarabağ” üçün yenilik etməyəcək 18-07-2018, 20:15 “İdman Azərbaycan” yayın hüququnu “CBC Sport”dan “oğurladı” 18-07-2018, 20:14 “Qarabağ” Lyublyana uğurunun davamını gətirməlidi 18-07-2018, 20:12 “Forza Neftçi”nin dörd üzvü Budapeştə yollanır 18-07-2018, 20:08 DÇ-2018-ə Azərbaycandan baxış 18-07-2018, 18:22 Vüqar Məmməd yetirmələrini təbrik etdi 18-07-2018, 18:21 SOCAR-dan maliyyələşən klublar fəaliyyətini dayandıracaq 18-07-2018, 18:20 “Sumqayıt” Arif Daşdəmirovla ortaq məxrəcə gəlib 18-07-2018, 18:19 "Baltsan" "Hilton"da qalacaq 18-07-2018, 18:16 Yığma beynəlxalq turnirdə iştirak edəcək 18-07-2018, 18:15 Milli Mətbuat Günü ilə bağlı tədbir 18-07-2018, 18:14 “Sıradan bir komanda olmadığımızı lüksemburqlulara göstərəcəyik” 17-07-2018, 17:25 Ardıcıl ağır məğlubiyyətlər 17-07-2018, 17:24 Cüdoçularımız Almaniyada parladı 17-07-2018, 17:22 “Milli dəstə”nin üzvü Kamran Ağayevə etirazını bildirib 17-07-2018, 17:21 Macarıstana yollanmaq istəyənlər problemlə üzləşib 17-07-2018, 17:19 “Qəbələ” Differdanjda “Hilton” otelində qalacaq 17-07-2018, 17:18 “Sevilya”nın baş məşqçisi cavab görüşünü gözləyir 17-07-2018, 17:15 Skarlatake “Baltsan”ı keçəcəklərinə əmindi 17-07-2018, 17:13 Ayxan Abbasov afrikalıları geri göndərdi 17-07-2018, 17:12 U-19 “Keşlə”nin əvəzedicilərini darmadağın etdi 17-07-2018, 17:10 “Keşlə”nin oyunçuları “oxu atıb, yayı gizlətdi” 17-07-2018, 17:08 “Neftçi” səfərə çarterlə yollanacaq 17-07-2018, 17:07 Kapitan “Uypeşt” rəhbərliyini tənqid atəşinə tutdu 17-07-2018, 17:05 “Neftçi” Namiqi uzun müddətə itirdi 17-07-2018, 17:03 “Dalğa Beach”də Braziliya rüzgarı əsdi 17-07-2018, 17:01 Azər Bağırov çempionluğa iddialı komanda formalaşdırır 17-07-2018, 17:00 Şeydayev “Trabzonspor”un heyətində meydana çıxdı 17-07-2018, 16:58 Rövlan Muradov “Slaviya”dan ayrıldı 17-07-2018, 16:56 Jurnalistlər tennis oynadı 17-07-2018, 16:55 “Sabah” “Zirə”yə də uduzdu 17-07-2018, 16:53 “Səbail” ərəblərlə oyunda üstünlüyü əldən verdi 17-07-2018, 16:51 Rizvan Fərzəliyev “Araz”dan Alesionun istəyi ilə kənarlaşdırılıb 17-07-2018, 16:48 “Xan Lənkəran” 2019/20 mövsümündə elitada oynamaq istəyir 15-07-2018, 15:47 Qədir hamını qabaqladı 15-07-2018, 15:44 AFFA İcraiyyə Komitəsi iyulun sonu və ya avqustun əvvəlində yığışacaq 15-07-2018, 15:42 Zaur Axundov qayıtdı, “Keşlə” Maltada yubandı 15-07-2018, 15:41 Karapetyan oyunu “İdman Azərbaycan”dan izləyib 15-07-2018, 15:39 “Qəbələ” rəhbərliyi ümidini itirməyib 15-07-2018, 15:38 Paratskiylə Braliç 1:0, Ozobiç 2:1 dedi Bütün xəbərlər
Ən çox oxunanlar