15 in 14:53liqa

“Neftçi”də oynamaq Turalın uşaqlıq arzusu imiş

“Neftçi”də oynamaq Turalın uşaqlıq arzusu imiş
“Təklifi indi yox, hələ çempionatın gedişində almışdım”
Mövsümlərarası fasilə olmasına baxmayaraq, ən fəal klubun “Neftçi” olduğunu deyə bilərik. Klub rəhbərliyi dayanmaq bilmir. Çempionat başa çatandan sonra baş məşqçi Tərlan Əhmədovu və bir neçə futbolçunu yola salan “ağ-qaralar” yeni komanda formalaşdırır. Artıq yeni baş məşqçinin kimliyi məlumdu. Bakılıları uzun müddətdən sonra yenidən əcnəbi mütəxəssis – Roberto Bordin çalışdıracaq. Hələ ki edilən transferlər isə bizə yaxşı tanış olanlardı: Dario Federiko, Rəşad Eyyubov və Tural Axundov. Federikonu başa düşdük, bacarıqlı braziliyalıdı. Öz çıxışı ilə “Kəpəz”dən daha iddialı komandalarda oynamaq gücündə olduğunu çoxdan sübut edib. Lakin eyni sözləri ortabab premyer-liqa təmsilçilərinin əvəzolunmaz simalarından sayılan digər iki futbolçu haqda demək çətindi. “Neftçi” deyildiyi kimi çempionluğu hədəfləyibsə, Rəşad və Turalla bunu bacarmaq çətin olacaq.
Bu iki futbolçunun “kimyaçılar”ı “ağ-qaralar”a dəyişməsi sumqayıtlı azarkeşlərin qəzəbinə səbəb olub. Bir çoxu iddia edir ki, Turalla Rəşad yayda “Neftçi”yə keçəcəklərini bildiklərindən, çempionatın sonlarında “Sumqayıt”ın uğur qazanması üçün əllərindən gələni əsirgədilər. Ay aman ki, 3-cü yer ölkənin ən köklü klubuna qismət olsun. Lakin dünən əlaqə saxladığımız Axundov vəziyyətin heç də deyilən kimi olmadığını söylədi.
- Səni təbrik edir, gələcək karyeranda uğurlar arzulayırıq.
- Təşəkkür edirəm. Əlimdən gələnin ən yaxşısını etməyə çalışacam.
- “Neftçi”nin təklifi gözlənilməz olmadı?
- Düzünü desəm, yox. Çünki təklifi indi yox, hələ çempionatın gedişində almışdım. Lakin həmin vaxt danışıqlara başlamadım. Özlərinə də bildirdim ki, yalnız mövsüm başa çatandan sonra sizinlə söhbət edə bilərəm. Premyer-liqa yekunlaşandan sonra oturub söhbət etdik və razılaşdıq.
- Səni “Neftçi”yə nə apardı? Hər halda, “Sumqayıt”da əsas heyət üzvü idin, kifayət qədər sevilirdin.
- Əlbəttə, bunu yaxşı başa düşürəm. Amma “Neftçi” adının nə demək olduğunu siz məndən yaxşı bilirsiz. İstər tarixi olsun, istər ad-sanı, istər azarkeşləri, istərsə də iddiası – bunlar hamısı hər bir futbolçunun diqqətini çəkə bilər. Səmimi deyim, “Neftçi”də oynamaq uşaqlıq arzum olub. Futbola başlayandan “Neftçi” adını eşitmişik. Sumqayıtlı azarkeşlərin məni anlayışla qəbul edəcəklərini düşünürəm.
- “Sumqayıt”da qalmağı düşünürdün heç, yoxsa “Neftçi”yə keçmək üçün günləri sayırdın?
- Gün saymırdım, sadəcə, düşünürdüm ki, mövsüm başa çatandan sonra “Neftçi” rəsmiləri ilə söhbət etmək olar.
- Sualı başqa cür qoyum: Samir Abasov “Sumqayıt”ı tərk etməsəydi, komandada qalacaqdın?
- Açığı, “Neftçi”dən təklif gələndə Samir müəllimin özünə də demişdim. “Sumqayıt” mənə yeni müqavilə şərtləri ilə bağlı müraciət etmişdi. Sadəcə, çempionatın başa çatmasını gözləyirdim ki, başqa variantları da gözdən keçirim.
- Belə başa düşdüm ki, Abasov “Sumqayıt”da qalsaydı belə, sən “Neftçi”yə keçəcəkdin.
- Hər şey ola bilərdi. Həmin an nələrin baş verəcəyini, hansı qərar qəbul edəcəyimi indi demək çətindi. Çünki artıq “Neftçi”ylə müqavilə bağlamışam.
- Mövsümün sonlarına yaxın Samir Abasov dəfələrlə narazılığını dilə gətirmişdi. Başqa komandaların “Sumqayıt”ın futbolçularına təklif göndərməsinə görə. Görünür, elə bunu nəzərdə tuturmuş.
- Mənə “Neftçi”dən təklif olsa da, bütün fikrim “Sumqayıt”daydı. Pis niyyətim olsaydı, təklif aldığımı özümdə saxlayardım, heç kimə deməzdim. Onsuz da mövsümün sonuna yaxın futbolçuların çoxu ilə başqa klublardan maraqlananlar olur, tək mən deyiləm ki. Fikrimcə, dünyanın hər yerində belədi, normaldı.
- Sənin, ardınca Rəşad Eyyubovun “Neftçi” ilə müqavilə bağlamasından sonra sosial şəbəkələrdə narazılıqlar baş qaldırıb. “Sumqayıt”lı fanatlar sizin başqa komandaya, xüsusən də “Neftçi”yə keçməyinizi qəbul edə bilmirlər. Hətta iddia edirlər ki, “kimyaçılar”ın mövsümün sonlarına yaxın uğursuz təsir bağışlamasında sizin rolunuz olub. Ki, Avroliqaya “Neftçi” vəsiqə qazansın, siz də bu komandanın heyətində çıxış edəsiz.
- Bilirəm, narazılıqlardan xəbərim var. Bu da normaldı, anlayışla qarşılayıram. Azarkeş hər zaman komandasının uğur qazanmasını istəyir. Bu baş vermədikdə isə ağıllarına hər cür fikir gəlir.
- Sənə elə gəlmir ki, “Sumqayıt”ın avrokuboklardan kənar qalmasının bir səbəbi də sən və digər futbolçuların cismən “Sumqayıt”da, ruhən başqa komandada olmasıydı. Sanki Samir Abasovun da, özünüzün də gedəcəyinizi bilirdiz.
- Samir müəllimin gedəcəyi ilə bağlı söhbət yox idi. Bildiyimə görə, komandada qalmaq istəyirdi. Avrokuboklardan kənar qalmağımızın səbəbi, fikrimcə, ehtiyat qüvvəmizin yetərli olmamasıydı. Sona yaxın həm psixoloji, həm də fiziki yorğunluq vardı. Başqa səbəblər axtarmaq düzgün olmaz.
- “Neftçi”də səni heç də asan rəqabətin gözləmədiyini bilirsən. Müdafiənin “sağ”ında illərdi əsas milliyə cəlb olunan Məhəmməd Mirzəbəyov oynayır.
- Hədəfim rəqabətdən qalib ayrılıb, əsas heyətdə yerimi bərkitməkdi. Rəqabətdən qorxan futbolçu deyiləm. Bir də ki, komandanın uğur qazanması üçün mütləq hər mövqedə rəqabət olmalıdı. Bu baş verdikdə futbolçular da daha çox çalışır, “artırırlar”.
- “Neftçi”nin maliyyə şərtləri “Sumqayıt”ınkından daha cəlbedici oldu?
- Elə də ciddi fərq yoxdu, aşağı-yuxarı eynidi. Kimlərsə pul dalınca gəldiyimi düşünə bilər, amma belə deyil. Dediyim kimi, “Neftçi”ni seçməyimdə məqsədim arzuladığım komandada oynamaq istəyinə görə oldu.
- Bu cür seçim etməyinə Kamran Quliyevlə Ceyhun Sultanovun “Neftçi”də çalışması təsir etdi? Hər halda, bir-birinizi vaxtilə “Sumqayıt”dan tanıyırdız.
- Desəm ki, sırf Kamran müəllimlə Ceyhun müəllimə görə gəlmişəm, yalan olar. Əlbəttə, onların “Neftçi”də olması yaxşı haldı, tanıdığım insanlardı. Klubda, komandada necə ab-hava yaratmaq bacarığında olduqlarını bilirəm. İnanıram ki, “Sumqayıt”a olduğu kimi, “Neftçi” üçün də faydalı olacaqlar.
- Geyəcəyin futbolkanın nömrəsi bəllidi?
- Oynadığım bütün komandalarda, demək olar, “18”i geymişəm. “Neftçi”də bu nömrə boş idi deyə “18”i seçdim.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:58 Ramil Şeydayev qol vursa da... Bu gün, 13:51 AFFA idman jurnalistlərini çağırır Bu gün, 13:49 “Fırtınalar meydanı”nın qazonu yenə sıradan çıxdı Bu gün, 13:47 Futvolley turnirində böyük fırıldaq Bu gün, 13:44 Qolsuz, amma maraqlı gecə Bu gün, 13:36 “Olimpiya” getsin, “Kukesi” gəlsin! Bu gün, 13:11 Stolitsa “Qarabağ”a uğur arzualdı, Qurbanov suala “5” verdi Bu gün, 13:05 Ukrayna mətbuatı Hüseyndən yazdı Bu gün, 13:03 “Zirə” də getdi Bu gün, 13:02 “Sabah” Ramosu alıb, Baliçlə yolları ayırdı Bu gün, 13:01 “Xan Lənkəran”ın sponsorluğuna iki namizəd var Bu gün, 12:59 “Ağsu” yeni mövsümdə gənclərə güvənəcək 18-07-2018, 20:28 Rövşən Hüseynov özünü “təmiz” sayır 18-07-2018, 20:26 Qriqorçuk Almeydanı da Monteneqroya apardı 18-07-2018, 20:25 Şok: “Keşlə” baş məşqçisiz qaldı! 18-07-2018, 20:22 “Xan Lənkəran”ın büdcəsi 50470 manata çatıb 18-07-2018, 20:20 “Sabah”ın Bolu toplanışı başladı 18-07-2018, 20:18 “İmarət” “Qarabağ” üçün yenilik etməyəcək 18-07-2018, 20:15 “İdman Azərbaycan” yayın hüququnu “CBC Sport”dan “oğurladı” 18-07-2018, 20:14 “Qarabağ” Lyublyana uğurunun davamını gətirməlidi 18-07-2018, 20:12 “Forza Neftçi”nin dörd üzvü Budapeştə yollanır 18-07-2018, 20:08 DÇ-2018-ə Azərbaycandan baxış 18-07-2018, 18:22 Vüqar Məmməd yetirmələrini təbrik etdi 18-07-2018, 18:21 SOCAR-dan maliyyələşən klublar fəaliyyətini dayandıracaq 18-07-2018, 18:20 “Sumqayıt” Arif Daşdəmirovla ortaq məxrəcə gəlib 18-07-2018, 18:19 "Baltsan" "Hilton"da qalacaq 18-07-2018, 18:16 Yığma beynəlxalq turnirdə iştirak edəcək 18-07-2018, 18:15 Milli Mətbuat Günü ilə bağlı tədbir 18-07-2018, 18:14 “Sıradan bir komanda olmadığımızı lüksemburqlulara göstərəcəyik” 17-07-2018, 17:25 Ardıcıl ağır məğlubiyyətlər 17-07-2018, 17:24 Cüdoçularımız Almaniyada parladı 17-07-2018, 17:22 “Milli dəstə”nin üzvü Kamran Ağayevə etirazını bildirib 17-07-2018, 17:21 Macarıstana yollanmaq istəyənlər problemlə üzləşib 17-07-2018, 17:19 “Qəbələ” Differdanjda “Hilton” otelində qalacaq 17-07-2018, 17:18 “Sevilya”nın baş məşqçisi cavab görüşünü gözləyir 17-07-2018, 17:15 Skarlatake “Baltsan”ı keçəcəklərinə əmindi 17-07-2018, 17:13 Ayxan Abbasov afrikalıları geri göndərdi 17-07-2018, 17:12 U-19 “Keşlə”nin əvəzedicilərini darmadağın etdi 17-07-2018, 17:10 “Keşlə”nin oyunçuları “oxu atıb, yayı gizlətdi” 17-07-2018, 17:08 “Neftçi” səfərə çarterlə yollanacaq 17-07-2018, 17:07 Kapitan “Uypeşt” rəhbərliyini tənqid atəşinə tutdu 17-07-2018, 17:05 “Neftçi” Namiqi uzun müddətə itirdi 17-07-2018, 17:03 “Dalğa Beach”də Braziliya rüzgarı əsdi 17-07-2018, 17:01 Azər Bağırov çempionluğa iddialı komanda formalaşdırır 17-07-2018, 17:00 Şeydayev “Trabzonspor”un heyətində meydana çıxdı 17-07-2018, 16:58 Rövlan Muradov “Slaviya”dan ayrıldı 17-07-2018, 16:56 Jurnalistlər tennis oynadı 17-07-2018, 16:55 “Sabah” “Zirə”yə də uduzdu 17-07-2018, 16:53 “Səbail” ərəblərlə oyunda üstünlüyü əldən verdi 17-07-2018, 16:51 Rizvan Fərzəliyev “Araz”dan Alesionun istəyi ilə kənarlaşdırılıb 17-07-2018, 16:48 “Xan Lənkəran” 2019/20 mövsümündə elitada oynamaq istəyir 15-07-2018, 15:47 Qədir hamını qabaqladı 15-07-2018, 15:44 AFFA İcraiyyə Komitəsi iyulun sonu və ya avqustun əvvəlində yığışacaq 15-07-2018, 15:42 Zaur Axundov qayıtdı, “Keşlə” Maltada yubandı 15-07-2018, 15:41 Karapetyan oyunu “İdman Azərbaycan”dan izləyib 15-07-2018, 15:39 “Qəbələ” rəhbərliyi ümidini itirməyib 15-07-2018, 15:38 Paratskiylə Braliç 1:0, Ozobiç 2:1 dedi Bütün xəbərlər
Ən çox oxunanlar