10 in 13:08liqa

Nazim Süleymanovun minimum hədəfi Avroliqadı!

Nazim Süleymanovun minimum hədəfi Avroliqadı!
“Futbolçu kimi yetişdiyim şəhərin futbol tarixinə tarix yazan məşqçi kimi möhür vurmaq istəyirəm”
Sonuncu dəfə 2013/14 mövsümündə “Neftçi”nin “sükanı arxasında” olan Nazim Süleymanov 4 illik fasilədən sonra yenidən baş məqşçi kimi premyer-liqa təmsilçisini çalışdıracaq. Ötən sayımızda xəbər verdiyimiz kimi, ötənlərin məşhur futbolçusu dünyaya göz açdığı, futbolda ilk addımlarını atdığı Sumqayıtın eyniadlı komandasının baş məşqçisi təyin olunub. Dünən “kimyaçılar”ın yeni çalışdırıcısı ilə söhbətləşdik. Nazim bəy yeni mövsüm üçün iddialı, avrokuboklara vəsiqə uğrunda mübarizə aparmaq iqtidarında olan komanda formalaşdırmağı planlaşdırdığını bildirməklə yanaşı, başqa mətləblərə də toxundu.
- Öncə “Sumqayıt”ın baş məşqçisi olmağınız münasibəti ilə sizi təbrik edirik.
- Təbrikə görə təşəkkür edirəm.
- Necə düşünürsüz, “Sumqayıt”ı çalışdırmaq sizin üçün çətin olmayacaq?
- Sualınıza sualla cavab vermək istəyirəm. Sizin işiniz asandı?
- Siz necə düşünürsüz?
- Məncə, ən çətin işi sizinkidi. Elə bizim işimiz, yəni məşqçi işi də asan deyil. Ümumiyyətlə, dünyada asan iş yoxdu. Hər peşənin özünəxas məsuliyyəti var. Əsas odu, sənə tapşırılan vəzifənin öhdəsindən gələsən. Mən də çalışacam ki, etimadı doğruldum və futbolçu kimi ilk addımlarımı atdığım Sumqayıtın komandasını daha yüksək pillələrə qaldırım. Bu işin öhdəsindən gələcəm, ya yox - bunu çempionat göstərəcək. Ümid edirəm ki, bu çətin missiyanın öhdəsindən gələcəm.
- Ötən mövsüm Samir Abasovun rəhbərlik etdiyi “Sumqayıt” avrokuboklara vəsiqə qazana bilməsə də, baxımlı oyunla, demək olar ki, hamının rəğbətini qazanmışdı. Yeni baş məşqçi kimi bunun davamını gətirə biləcəksiz?
- Doğrudan da geridə qalan mövsümdə Abasovun komandası premyer-liqanın ən yaxşı komandalarından biri idi. Bunu hamı etiraf edir. Ancaq müəyyən səbəblərdən son nöqtəni qoymağı bacarmadılar. Çalışacam ki, “Sumqayıt”ı yeni pilləyə qaldırım. Açıq deyirəm, futbolçu kimi yetişdiyim şəhərin futbol tarixinə tarix yazan məşqçi kimi möhür vurmaq istəyirəm. Minimum vəzifəmiz Avropa Liqasına vəsiqə qazanmaqdı.
- Rəhbərlikdən iş təklif alanda hansı hissləri keçirdiz?
- Klub prezidenti Riad Rəfiyevdən dəvət gəldi. Bir neçə dəfə görüşdükdən sonra razılığa gəldik. Dünən (srağagün) axşam isə təyinatım rəsmiləşdi.
- Ötən “futbol ili” ilə müqayisədə heyətdə yetərincə itkilər var. Əksər aparıcı futbolçular klubdan ayrılıb. Bəziləri də yol üstədi. Yeni komanda formalaşdırmaq çətin olmayacaq?
- Bu işin altına girmişiksə, deməli, özümüzə güvənirik və yeni planlarımız var. Məncə, çətin olmayacaq.
- Baş məşqçi kimi yeni işinizdə ilk addımınız nə olacaq?
- Bu suala artıq cavab vermişəm. Təkrarın biliyin anası olduğunu nəzərə alsaq, bunu deyə bilərəm. Müqavilə bağlanılıbsa, deməli, artıq işə başlamışıq. İlk növbədə transfer çalışmaları ilə məşğul olmalıyıq. Sonra isə yay hazırlıq planlarını müəyyənləşdirəcəyik. Komandadakı futbolçuların və yeni transferlərin siyahısı mənə təqdim olunub. Hamısını bir daha nəzərdən keçirəcəm.Yeni mövsümə hazırlıq baxımından yetərincə vaxtımız var.
- Özünüz müqavilə bağlasaz da, hələ ki köməkçilərinizin adına aydınlıq gəlməyib. Kiminlə işləyəcəksiz?
- Hələ ki bununla bağlı yekun qərara gəlməmişəm. Düzdü, müəyyən planlarım var. Ancaq köməkçi kimi nəzərdə tutduqlarımın mövqeyini öyrənmədiyimdən hələ bu suala konkret cavab verə bilməyəcəm.
- "Sumqayıt"ın geridə qalan mövsümdə qarşıya qoyulan məqsədə çata bilməməsində ehtiyat oyunçular skamyasının kasad olması da sözünü dedi. Yəqin ki, bu nüansları nəzərə alacaqsız...
- Bununla bağlı rəhbərliklə söhbətimiz olub. Heyət nə qədər güclü olsa da, ehtiyat oyunçular skamyasında oyunu gücləndirəcək, baş məşqçinin işinə yarayacaq futbolçular olmalıdı. Elə etməliyik ki, ehtiyat qüvvə lazım olan anda bizə yardım etsin. Bu yöndə də iş aparılacaq.
- Baş məşqçi olaraq qarşınıza konkret hədəf qoyulub?
- Rəhbərliklə bu barədə də müzakirələrimiz olub. Danışıqlardan sonra belə razılaşdıq ki, Avroliqaya vəsiqə uğrunda mübarizə aparaq. Baş məşqçi olaraq çalışacam ki, hədəfə çataq.
- Sizcə, məhdud büdcə ilə buna nail olmaq olar?
- Hələ vaxtımız var. Çalışacağıq ki, komandanı gücləndirək. Gedənlərin yerinə yenilər dəvət olunacaq. Büdcəsindən, imkanından asılı olmayaraq, hər bir komandada yeniliklər olur. Yeni dəvət olunanlar da etimadı doğrultmalı, komandaya faydalı olmalıdılar.
- “Sumqayıt”ın bəlli strategiyası var. Siz də bilirsiz ki, doğma şəhərinizin komandasına legioner dəvət olunması qadağan olunub. Legionersiz qarşıya qoyulan hədəfə çatmaq çətin olmayacaq? Onu da nəzərə alın ki, sələflərinizin hamısı bu məsələyə görə narazılıq ediblər.
- Strategiya belə müəyyənləşibsə, çalışacağıq ki, azərbaycanlı futbolçularla irəli addımlayaq. Hər kəsin hadisələrə öz baxış bucağı var. Ona da hörmətlə yanaşmaq lazımdı. Samir Abasov yaxşı komanda yaratmışdı. Amma son oyunlarda yaşananları nəzərə alsaq, nəsə çatmadı. Səhvlərdən nəticə çıxarmaq, irəliyə boylanmaq lazımdı.
- Heyət məsələsinə toxunmadız...
- Ötən mövsüm əsas heyətdə yer alan Amil Yunanov, Tural Axundov, Rəşad Eyyubov, Azər Salahlı kimi futbolçular komandanı tərk edib. Əsas qolkiper Fərhad Vəliyev isə karyerasını bitirərək, məşqçilik fəaliyyətinə başlayıb. Adını çəkdiklərimiz iistisna etsək, qalanları yenə düşərgədədi. Heç şübhəsiz, yaranan boşluqları dolduracağıq və komandaya yeni oyunçular dəvət olunacaq. Bununla bağlı klub prezidenti ilə söhbətimiz olub. Çalışacağıq ki, daha yaxşı komanda formalaşdıraq.
- Əfran İsmayılov, Elvin Məmmədov və Şəhriyar Əliyev. Bu futbolçular böyük ehtimalla yeni mövsümdə rəhbərliyiniz altında çıxış edəcəklər...
- Fikrimcə, hər bir baş məşqçi belə futbolçuları premyer-liqada sərəncamında görmək istəyər. Hər birinin yetərincə təcrübəsi var və inanıram ki, bizim komandaya gələcəkləri halda “Sumqayıt”a faydalı olacaqlar. Rəhbərliklə söhbət zamanı transfer məsələsinə də xüsusi toxunduq. Klubun prezidenti Riad Rəfiyev və idman direktoru Zamiq Hüseynov bu məsələyə həssas yanaşdıqlarını bildirdilər.
- “Sumqayıt”ın mövsümlərarası hazırlıq planı hazırdı?
- Komandamız Avroliqaya vəsiqə qazanmadığından, hələ vaxtımız var. Rəhbərliklə bu barədə söhbət aparacağıq. Yəqin ki, toplanışın ilk mərhələsində Sumqayıtda bir araya gələcəyik. Ondan sonra isə Türkiyəyə yollanacağıq. Sonuncu - üçüncü mərhələ yenə Sumqayıtda olacaq. Çempionatın nə vaxt başlayacağını biləndən sonra planlarımız da tam dəqiqləşəcək.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 14:25 2020-də Bakıda CEO konfransı keçirilə bilər Dünən, 14:13 “Neftçi” daha üç futbolçu ilə yolları ayırır Dünən, 14:09 Mirbağır İsayev “Neftçi”də çalışacaq Dünən, 14:06 "Neftçi" azarkeşləri üçün cəlbedici təklif Dünən, 14:02 “Xəzər”in ölkədən qaçdığı deyilən sahibi tutuldu Dünən, 13:59 Futzalçılarımız Qazaxıstanda 3 min dollar qazandı Dünən, 13:36 Rəqiblər üzərində üstünlüyümüz var Dünən, 13:33 Şehiç “Ərzurumspor”a verdiyi sözü tutmadı Dünən, 13:31 Zeynal Zeynalov iddialı danışdı, ancaq… Dünən, 13:27 Avropa Liqası bu gün start götürür Dünən, 13:22 “Sumqayıt” Bakıya köçür Dünən, 13:07 Şərhçilər niyə özünü “feysbuk”da reklam edir? Dünən, 13:04 “Qarabağ” Fiorilloya görə “Peskara”ya 600 min avro təklif edir Dünən, 13:00 “Keşlə” Sezarın yolunu gözləyir Dünən, 12:57 “Qəbələ”nin oyununun yeri dəyişdirildi Dünən, 12:52 Azərbaycan futbolu daha bir veteranını itirdi Dünən, 12:50 Fransızlar futbolumuzdan xəbərsizdi Dünən, 11:31 AFFA “Cəsur ürəklər”i sevindirdi 22-06-2018, 15:04 “Keşlə” Maksimovsuz başladı 22-06-2018, 15:02 Kintana daha iki il "Qarabağ"da 22-06-2018, 15:01 “Sabah” da fasiləyə son qoydu 22-06-2018, 14:55 “Neftçi” Dabonu “Qəbələ”dən cəlbedici təkliflə qoparıb 22-06-2018, 14:50 Nail Kərimov araşdırmanı başa çatdırıb 22-06-2018, 14:49 “Bu yay işimiz daha çətin olacaq” 22-06-2018, 14:47 "Neftçili Yay Futbol Düşərgəsi” davam edir 22-06-2018, 14:45 Rəşad Abdullayev Mahmud Qurbanovun köməkçisi oldu 22-06-2018, 14:33 Eminlə Ruslan yeni transferlərdən razıdı 22-06-2018, 14:28 “Neftçi” sabah Bakını Türkiyəyə dəyişəcək 22-06-2018, 14:06 “Olimpiya”nın baş məşqçisini itkilər və vaxt azlığı narahat edir 22-06-2018, 14:05 Rəqiblərimiz müəyyənləşdi 22-06-2018, 13:54 “Xan Lənkəran” ictimaiyyətə təqdim olundu 22-06-2018, 13:51 “Xəzər”in prezidenti ölkədən qaçıb 22-06-2018, 13:50 Yığma İranla qarşılaşacaq 22-06-2018, 13:48 Bordin bəyənmədi, “Səbail”də qaldı 22-06-2018, 13:46 Səmədova gəldi, Poznyak getdi 22-06-2018, 13:40 Federasiya prezidentindən sərt mesaj 22-06-2018, 13:39 Şəhriyar blitsdə də ümidləri doğrultmadı 22-06-2018, 13:33 İngiltərə vətəndaşı Bakıda klub açıb 22-06-2018, 13:30 Yığma üzvü Rumıniya klubunda 22-06-2018, 13:28 “Dalğa Arena” avrokubok mövsümünə hazırdı 22-06-2018, 13:27 Amil Yunanov “Keşlə”də 22-06-2018, 13:25 Mahmud Qurbanov hədəfləri açıqladı 22-06-2018, 13:24 Bordin Moldovada necə xatırlanır? 22-06-2018, 13:23 Əcnəbi mütəxəssislərin “Neftçi” sərgüzəştləri... 22-06-2018, 13:16 Qurban Qurbanov “Qarabağ”a görə narahatdı 22-06-2018, 13:13 Rahil Məmmədov “Milli Dəstə”nin iradını haqlı sayır 22-06-2018, 13:11 “Sabah”ın məşqçilər korpusu formalaşdı 22-06-2018, 13:08 Ölkənin ilk idman brendi - “İl’Azero” yaradılıb 22-06-2018, 13:07 “Qaradağ Lökbatan”da qeyri-müəyyənlikdi 22-06-2018, 13:06 Nəbiyev “Slaviya”ya qoşuldu 22-06-2018, 13:05 “Qarabağ” Aqollini saxladı 22-06-2018, 13:03 Bordin Rusiyaya azarkeşlik edir 22-06-2018, 13:01 Say artsa da, ümid artmır... 22-06-2018, 12:59 İran yığmasında iki soydaşımız oynayır 22-06-2018, 12:54 TRANSFER DOSYESİ 15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş Bütün xəbərlər
Ən çox oxunanlar