04 in 13:20liqa

Fərhad Vəliyev özünü şanslı sayır

Fərhad Vəliyev özünü şanslı sayır
“Sumqayıt”ın avrokuboklardan kənarda qalması məni mənəvi cəhətdən sındırdı”
Ötən mövsüm premyer-liqada meydana çıxan futbolçular arasında ən yaşlısı “Sumqayıt”ın qolkiperi Fərhad Vəliyev idi. 21 il elitada çıxış edən, millinin şərəfini qoruyan, avrokuboklarda meydana çıxan qolkiper bu yay əlcəklərini mismardan asmaq qərarına gəldi. Artıq onu yox, yetirmələrini yaşıl meydanda görəcəyik. Veteran qolkiper futbolçu karyerasına başa vurub, məşqçiliyə başlayacaq. Artıq onun iş yeri də məlumdu. “Səbail”in məşqçilər korpusunda yer alacaq Vəliyevlə söhbətdə bir çox mətləblərə toxunduq.
- Sonuncu dəfə səninlə görüşəndə demişdin ki, daha bir il yaşıl meydana çıxmaq istəyirsən. Ancaq bugünlərdə əlcəklərini mismardan asmaq qərarına gəldin. Səni bu addımı atmağa nə vadar etdi?
- Açığı, daha bir il qapıda dayanmaq istəyirdim. Fiziki cəhətdən buna hazıram. Ancaq “Sumqayıt”ın avrokuboklardan kənarda qalması məni mənəvi cəhətdən sındırdı. Son turlarda yaşanan uğursuzluqlardan sonra tez-tez özümə sual verirdim: davam, yoxsa tamam? Sonda düşündüm ki, artıq getmək vaxtıdı.
- Uzun illər ölkənin müxtəlif aparıcı klublarının şərəfini qorumusan, millinin formasını geymisən. Necə düşünürsən, sənə vida matçı keçirilməlidi?
- “Hə” desəm, təvazökarlıqdan uzaq olacaq. “Yox” desəm, deyəcəklər özü-özünə qiymət vermir. Çox çətin sualdı. Ancaq nəzərə alsaq ki, məndən də möhtəşəm karyeraya malik futbolçularımız səhnəni səssiz-səmirsiz tərk edib, bunda təəccüblü heç nə yoxdu.
- Bəziləri futbolçu karyerasını başa vurandan sonra bir müddət dincəlməyə üstünlük verir. Sən isə artıq məşqçi işləyəcəksən.
- Həyatım boyunca zəhmətsevər olmuşam. Heç vaxt tənbəllik edib “bu gün dincəlim, sabah işə başlayaram” deyə fikirləşməmişəm. Hələ “Qarabağ”dan ayrılanda mənə iş təklifi gəlmişdi. Lakin həmin vaxt “yox” cavabı vermişdim. Ancaq getmək qərarını verəndən sonra Aftandil Hacıyev məni “Səbail”ə dəvət etdi. Onun məşqçilər korpusunda çalışmağımı istədi. Böyük məmnuniyyətlə dəvəti qəbul etdim.
- Getmək qərarını vermək çətin olmadı?
- Əlbəttə, çətin idi. Ancaq daxilən özüm-özümü buna hazırladım. Özünüz də qeyd etdiz ki, 21 il yüksək liqada çıxış edən müxtəlif komandaların şərəfini qorumuşam. Məşqlər, təlim-məşq toplanışları, səfərlər – belə gərgin iş rejimindən sonra sakit həyata uyğunlaşmaq bir qədər çətindi. Hətta bəzi futbolçuların karyeralarını başa vurduqdan sonra bir müddət depressiyaya düşdüyünü də bilərəm. Ancaq mənim bəxtim gətirib (gülür). Fasilə vermədən, ancaq bu dəfə başqa statusla futbolun içində olacam. Çalışacam məşqçi kimi özümü doğruldum.
- “Kimyaçı”, “Viləş”, “Şahdağ”, “İnter”, “Neftçi”, “Qarabağ” kimi klubların şərəfini qorumusan. Fərhad Vəliyev özünü harda tapdı?
- Çıxış etdiyim bütün klubların həyatımda öz yeri var. Ancaq heç şübhəsiz, “Qarabağ” mənim üçün çox doğmadı. 2008/09 mövsümünü isə heç vaxt unutmayacam. Həmin il Qurban Qurbanovun rəhbərliyi altında komanda ölkə kubokunun qalibi oldu. Avrokuboklarda isə “Rusenborq” kimi nəhəngi mübarizədən kənarlaşdırdıq. Elə bil yuxudaydıq. Sevincimizin həddi-hüdudu yox idi.
- Bəs hansı kluba keçdiyinə görə bu gün də özünü bağışlaya bilmirsən?
- Tam səmimi deyirəm, beləsi yoxdu. Ola bilsin, həmin komandalar nəticə qazana bilməyib, turnir cədvəlinin sonlarında qərarlaşıb. Ancaq heç vaxt seçimimə görə peşman olmamışam. Ən azı “artırıb”, aparıcı klubların diqqətini cəlb etmişəm. Qapıçıların inkişafı üçün autsayder klubdan yaxşı yer yoxdu. Gənc “çərçivə qoruyucuları” məhz belə komandalarda - üzərində təzyiq olmayan, hər səhvə görə çarmıxa çəkilmədiyi – təcrübə toplayır, özünəinam formalaşır, bərkiyir.
- Uzun illər yığmanın da şərəfini qorumusan. Yaddaqalan və heç vaxt xatırlamaq istəmədiyin matçlar hansılardı?
- Milliyə yenicə çağırıldığım vaxtlar idi. Bakıda yoldaşlıq görüşündə Türkiyə ilə qarşılaşırdıq. Matç 1:1 hesabı ilə başa çatdı. Həmin oyundan sonra çox xoşbəxt idim. Həmin illərdə Türkiyə yığması çox güclü idi. Heyətində dünya səviyyəli oyunçular çıxış edirdi. Ən bərbad, yada salmaq istəmədiyim qarşılaşma isə Serbiyaya 1:6 hesabı ilə uduzduğumuz görüşdü. O qədər şanssız bir gün idi ki, serblərin hər hücumu qolla nəticələndi.
- Həmin matçdan sonra hansı hissləri keçirirdin?
- Hiss qalmışdı ki, nəsə keçirim (gülür). Utandığımdan adam içinə çıxa bilmirdim. Ancaq tək qalmaq, heç kimlə danışmaq istəmirdim. Bir neçə gün yata da bilmədim. Gözümü hər dəfə yumub yatmaq istəyəndə, həmin oyun gözümün qabağına gəlirdi. Çox çətin idi.
- Peşəkar karyerana Sumqayıtda başalayıb, elə orda da bitirdin. Bu təsadüf idi, yoxsa əvvəlcədən planlaşdırmışdın?
- Sumqayıt mənim doğma şəhərimdi. Orda küçədə futbol oynaya-oynaya futbola gəldim. İlk illərdə şəhərimin təmsilçilərinin şərəfini qorudum. Sonrası artıq hamıya məlumdu. Fürsətdən istifadə edib boynumda haqqı olan məşqçilərə qəzetiniz vasitəsilə təşəkkür etmək istəyirəm. Onların sayəsində aparıcı klublarda çıxış etdim, milliyə qədər yüksəldim. Plana gəlincə, bu barədə heç vaxt düşünməmişdim, sadəcə, belə alındı. Belə alındığına görə də çox şanslıyam. Hər futbolçuya karyerasını başladığı yerdə başa vurmaq qismət olmur.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar