16 fev 16:30liqa, reportaj

Tərlan Əhmədov yenə “İnter”ə bata bilmədi

Tərlan Əhmədov yenə “İnter”ə bata bilmədi
Rəşad Qasımov sabiq komandasını paltardəyişmə otağında təbrik etdi

71 AZAL (Bakı) - İnter (Bakı) 0:1 (0:0)
23. Aqil Məmmədov – 6,0
24. Emin Cəfərquliyev (k) – 5,0
3. Tural Hümbətov – 4,5
5. Kamil Hüseynov – 5,0
18. Ruslan Əmircanov – 5,0
14. İlqar Ələkbərov – 4,5
77. Arkadi Qalperin – 5,0
(19. Elnur Süleymanov, 61) – 4,5
8. Sadio Tounkara – 5,0
7. Kamal Mirzəyev – 4,5
27. Rəşad Abdullayev – 5,0
9. Röyal Nəcəfov - 4,5
(10. Nuqzar Kvirtiya, 73) – 4,5
Ehtiyat oyunçular
1. Tərlan Qasımzadə
2. Elşad Manafov
11. Frank Madu
16. Feyzi Aşkan
17. Eltun Hüseynov
Baş məşqçi: Tərlan Əhmədov
Komandanın ən yaxşısı: Aqil Məmmədov

1. Səlahət Ağayev - 5,5
22. İlkin Qırtımov - 5,5
3. Denis Silva - 5,5
14. Zurab Xizanişvili - 5,5
27. Adrian Skarlatake - 5,5
4. Slavik Alxasov - 5,0
24. Fuad Bayramov - 5,0
10. Elnur Abdullayev - 5,0
8. Nizami Hacıyev (k) - 6,5
7. Mirsahib Abbasov - 5,5
( 9. Pərdis Fərcad-Azad, 80) - qiymətsiz
11. Rauf Əliyev - 5,5
(6. Samir Zərgərov, 90+3) - qiymətsiz
Ehtiyat oyunçular
13. Orxan Sadıqlı
2. Sertan Taşkın
17. Abbas Hüseynov
19. Mirhüseyn Seyidov
Baş məşqçi: Zaur Svanadze
Komandanın ən yaxşısı: Nizami Hacıyev
Qol: N.Hacıyev, 84.
Vərəqələr: T.Hümbətov, 30 (qeyri-idman hərəkəti). F.Bayramov, 66 (qeyri-idman hərəkəti). N.Kvirtiya, 90+1 (qeyri-idman hərəkəti) - sarı.
Hakimlər: ELVİN ƏSGƏROV, Knyaz Əmiraslanov, Vüsal Qənbərov, Rəhim Həsənov (hamısı Bakı).
Hakim-inspektor: Məlik Həsənov (Bakı).
AFFA nümayəndəsi: Əsgər Əmirəliyev (Abşeron).
13 fevral. Şüvəlan. AZAL Arena. 500 tamaşaçı (3050 yerlik).
Yalnız ikinci hissəyə 3 dəqiqə əlavə olunub.
Oyunun qiyməti: 5,5.
AZAL 3-cü dövrəyə 3 məğlubiyyətlə start verib. Düzdü, həm "Qarabağ", həm də "Qəbələ" ilə görüşdə hakim ədalətsizliyiylə üzləşib. Hər halda, Tərlan Əhmədovun komandası son pillədən qurtulmaq istəyirsə, əlindən gələndən artığını etməlidi. "İnter" isə çempionatın 2-ci yarısına "Kəpəz" üzərində darmadağınla başladı. Lakin davamını gətirə bilmədi. Belə ki, "Sunqayıt"la heç-heçə edən Zaur Svanadzenin yetirmələri ötən tur "Neftçi"yə uduzdu. Bir sözlə, hər iki komandaya qələbə hava-su kimi vacib idi.
Bəribaşdan qeyd edək ki, oyun darıxdırıcı olmadı. Matçın əvvəli və ilk yarının sonları qarşılıqlı hücumlar, ikinci hissə isə tam qonaqların aşkar üstünlüyü şəraitində keçdi. Qol vəziyyətlərinin sayı yetərincə çox oldu. Artıq 2-ci dəqiqədə "İnter" "təyyarəçilər"in müdafiəsinin çürük olduğunu ortaya çıxardı. Mirsahib təkbaşına topla xeyli irəliləyib rəqibin cərimə meydanına daxil oldu. Zərbə anında ona riskli “sürüşmə” fəndiylə təhlükəni önləyən Tural Hümbətov mane oldu. Bir qədər sonra Rauf Mirsahibin ötürməsindən sonra qapıçıyla üzbəüz qalsa da, yan xətt hakiminin ofsayd bayrağı hücumu başa çatdırmağa imkan vermədi. AZAL-ın ilk həmləsi 8-ci dəqiqəyə təsadüf etdi. Daha doğrusu, Sadio uzaqdan zərbə ilə qapıçını sınağa çəkdi. Zərbə qüvvətli alınsa da, hədəfdən azacıq yayındı. 17-ci dəqiqədə Rəşad Abdullayevin cərimə zərbəsi də yaddaqalan oldu. Bu dəfə top sol dirəyin bir neçə santimetrliyindən çölə çıxdı. Yarım saatın tamamında Tural Hümbətov cərimə meydançasının həndəvərində sarı vərəqə hesabına növbəti təhlükəni önlədi. Əks halda, Nizami Aqil Məmmədovla üzbəüz qalacaqdı. Baş hakim Elvin Əsgərov Əmircanovun yaxında olduğunu nəzərə alıb, epizodu “son ümid folu” kimi dəyərləndirmədi. Hissənin sonlarına doğru yenidən hər iki tərəf açıq oynamağa başladı. Gah bu, gah da digər komanda meydanın mərkəzini sürətlə keçsə də, qeyri-dəqiqlik hesabın açılmasına mane olurdu.
Qeyd etdiyimiz kimi, ikinci hissədə meydanda ağalıq edən tərəf “İnter” idi. Fasilədən sonra ilk təhlükəli vəziyyət 51-ci dəqiqəyə təsadüf etdi. Nizaminin uzaqdan zərbəsini Aqil yumruğuyla dəf etdi. Qayıdan topa daha yaxın olan Slavikin iki metrdən baş zərbəsində isə dəqiqlik çatmadı. Hərçənd qol olsaydı belə, hesaba alınmayacaqdı. Çünki Alxasov zərbə anında ofsaydda idi. Bir neçə dəqiqə sonra "İnter" yenidən qola yaxın oldu. Mirsahibin cinah ötürməsini Nizami sol ayaqla tamamlasa da, Aqil əla reaksiya ilə qola imkan vermədi. Epizodun davamında Slavikin hədəfə düşməyən zərbəsini daban toxunuşu ilə "çərçivə"yə yönəldən Rauf isə ofsayda düşdü.
Getdikcə təzyiqi artıran qonaqlar 68-ci dəqiqədə AZAL-a həyəcanlı anlar yaşatdı. Nizaminin bir dəqiqə ərzində ardıcıl iki zərbəsini Aqil əla reaksiya ilə dəf etdi. 75-ci dəqiqədə bu ikili növbəti dəfə diqqət mərkəzinə düşdü. Hacıyevin 22-23 metrdən mükəmməl vuruşunu təcrübəli qolkiper eyni gözəllikdə - baxımlı seyvlə tirin üstündən aşırmağı bacardı. Pərdis oyuna qoşulandan sonra AZAL-ı tam meydanın özünə aid hissəsinə çıxışdıran "İnter" 84-cü dəqiqədə hesabı açmağı bacardı. Nizami, nəhayət, istəyinə çatdı. Onun cərimə meydançasının qarşısından qüvvətli zərbəsindən sonra əla qol izlədik. Top tirə dəyib tora düşdü. Zaur Svanadzenin yetirmələri qoldan sonra da təşəbbüsü əldən vermədi. Beləliklə, AZAL üçün kabusa çevrilən “İnter” “təyyarəçilər”in qələbə həsrətini 14 oyuna çatdırdı.
Reaksiyalar
Zaur Svanadze: “Bizim üçün vacib oyun idi. “Neftçi”yə məğlubiyyətdən sonra toparlanmaq lazım idi və bunu bacardıq. Oyunumuzun keyfiyyətindən razı qaldım. Çoxlu qol vəziyyəti yaratdıq. Gec də olsa, qələbə topunu vurub 3 xal qazandıq. Artıq bu matçı unudub "Zirə" ilə görüşə hazırlaşacağıq. Nizami haqda nəsə demək artıqdı. Qol vurur, komanda üçün çox iş görür. Robert Prosineçkiyə onunla bağlı nə deyə bilərəm? Məncə, nəsə deməyə ehtiyac yoxdu. Siz də görürsüz, qiymətləndirirsiz. Nizami belə davam etsə, yığmanın qapıları onun da üzünə açılacaq".
Tərlan Əhmədov: "Bu gün komandamı tanıya bilmədim. Qış fasiləsindən sonrakı üç oyundakı çıxışımızdan əsər-əlamət yox idi. Hücumla orta xəttin əlaqəsi çox zəif idi. Artıq bu oyun arxada qaldı, səhvlər aradan qaldırılmalıdı. Görünür, hələ çox işimiz var. Rəqibi təbrik edirəm. "İnter" bizim üçün arzuolunmaz rəqibdi. Mənim rəhbərliyim altında bu rəqibi yenə bilməmişik. Görünür, 5 müdafiəçili sistemə qarşı zəifik. Belə müdafiəni yarmaq üçün fərdi ustalığı yüksək olan futbolçulara ehtiyac var. Rəşad Abdullayevlə Sadio Tounkara bu funksiyanı lazımınca yerinə yetirmədi. Aqressivliyimiz çatışmırdı. Zəif oyunumuzu ötən turlarda üzləşdiyimiz hakim səhvləriylə əlaqələndirmək istəməzdim. Bu, bizim üçün bəhanə ola bilməz. Peşəkar futbolçu dünənlə yaşamamalıdı”.

Gözdən qaçmadı
* Qar yağmasına baxmayaraq, oyunu xeyli azarkeş izləyirdi. "İnter"li tərəfdarlar da az deyildi. Onların ikinci hissənin gedişində səsləndirdiyi şüar isə diqqəti daha çox çəkdi. “İnter”in aramsız hücumları nəticəsində Aqil Məmmədovun üzərinə çox yük düşdü. Səlahət Ağayev isə işsiz qalmışdı. Azarkeşlər də buna görə Aqillə zarafatlaşdılar: “Səlahət məşq edir, Aqil tərləyir".
* Hakimin final fitindən dərhal sonra tribunadan enən "İnter"in sabiq prezidenti Rəşad Qasımov paltardəyişmə otağına baş çəkib qələbə münasibətiylə futbolçuları təbrik etdi.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 21:06 Emin Cəfərquliyev “Səbail”dən ayrılıb, “Binə”yə keçdi! Dünən, 21:05 “Binə” Batumi “Dinamo”sunu da məğlub edib Dünən, 21:04 Araz “Anortosis”də ilk rəsmi matçına çıxdı Dünən, 21:01 2000 manata görə məhv olan uşaq futbolu Dünən, 20:58 "Qəbələ" darmadağınla zirvəyə yüksəldi Dünən, 20:57 HAKİMLƏRİN MÜHAKİMƏSİ Dünən, 20:55 TURDAN MƏQAMLAR Dünən, 20:43 U-13 gürcülərə qalib gəldi Dünən, 20:41 Zirvədəki “Zirə” Dünən, 20:40 Yevlax stadionunun qazonu hamını şoka saldı Dünən, 20:37 “Qarabağ” azarkeşlərinin piketi nəticəsiz qaldı Dünən, 20:34 “Qarabağ” Kopenhagenə çatdı... Dünən, 20:31 “Qarabağ”, “Kopenhagen”i “Parken”də də susdur! Dünən, 20:30 “Neftçi” azarkeşi uğuru olan məşqçi istəyir Dünən, 20:29 Müjdə: Elxan Abdullayev “Neftçi”dən getdi Dünən, 20:27 AFFA “Bakcell Arena”nı elə-belə seçməyib Dünən, 20:26 "İmarət Avropa" Kopenhagenə "casus" göndərib Dünən, 20:24 Mehdi Nağıyev ittihamlara cavab verdi Dünən, 20:23 Bakıda gördükləri “Vostok”un baş məşqçisini heyrətə gətirib Dünən, 20:18 İlk görüşdə qələbə Dünən, 20:17 Güləşçilər çox pis başladı... 22-08-2017, 18:38 Əvəzediciləri “Neftçi”nin təsəlli yeridi 22-08-2017, 18:37 Qol vuran qələbə qazandı 22-08-2017, 18:35 “Qəbələ” 3 xal qazandı, Qriqorçuk hakimlikdən narazı qaldı 22-08-2017, 18:33 “İmarət Avropa”dan “Vətən”ə cavab gəldi 22-08-2017, 18:32 Azərbaycanlı azarkeşlərin idmançısının yanında olmaq hüququ yoxdu! 22-08-2017, 18:31 “Zirə” bostanlıqda “Kəpəz”in dərsini verdi 22-08-2017, 18:29 Futzal çempionatına iddialı debütantlar gəlir 22-08-2017, 18:29 Rauf Əliyev “Kukesi”də debüt etdi 22-08-2017, 18:24 1 yaşlı uşaqdan 80 yaşlı qocaya sillə 22-08-2017, 18:21 “İnter” 88 dəqiqə dözdü 22-08-2017, 18:17 “Qarabağ”ı böyük ekranda izləmək üçün 500 nəfər müraciət edib 22-08-2017, 18:15 Futbol ictimaiyyəti “Neftçi”ni “asıb-kəsdi” 22-08-2017, 18:14 “Kopenhagen”dən əzmkar qələbə... 22-08-2017, 18:09 Samit Nuruzadə yenə səbr etməyi məsləhət görür 22-08-2017, 18:07 Faiq Həsənov susdu! 22-08-2017, 18:06 Qısa xəbərlər 22-08-2017, 18:04 Belfor pula qaçır... 22-08-2017, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi Bütün xəbərlər
Ən çox oxunanlar