27 may 10:41liqa

Samir Abasov “Sumqayıt”a dönməyəcək

Samir Abasov “Sumqayıt”a dönməyəcək
“İddialı, ciddi hədəfləri olan klubu çalışdırmaq, nəticə qazanmaq istəyirəm”
“Zirə” ilə oyundan sonra keçirilən mətbuat konfransında “Sumqayıt”dan ayrıldığını bildirən Samir Abasovun adı bu gün müxtəlif klublarla yanaşı hallansa da, 40 yaşlı mütəxəssisin yenidən “kimyaçılar”ın “sükanı arxasına” dönəcəyi də söylənilir. İstər “ağ-göylər”in prezidenti Riad Rəfiyev, istərsə də AFFA-nın baş katibi Elxan Məmmədov Samir bəylə bağlı suala ikibaşlı cavab verməklə yadda qalmışdılar. Qeyri-müəyyənliyi aradan qaldırmaq üçün dünən Abasovla danışmağa qərar verdik.
- Yəqin ki, ağır keçən mövsümdən sonra istirahət edirsiz?
- Belə istirahətdən heç olmaz. Neçə gündü qızdırma içindəyəm. Sifətim də şişib. Ola bilsin, ilboyu yığılıb qalan stress, keçirdiyim əsəb sarsıntıları indi-indi özünü göstərir. Axşam U-20-nin oyunu izləmək üçün Mərdəkana getmək istəyirdim. Ancaq bilmirəm, bu vəziyyətdə gedə biləcəm, ya yox. Hələ məktəblərdə tədris mövsümü başa çatmadığından uşaqları dərsə aparıb-gətirirəm, evin bəzi yarımçıq qalan işlərini yoluna qoymağa çalışıram. Bir sözlə, hələ istirahətə vaxt yoxdu.
- Son günlər yenidən “Sumqayıt”ı çalışdıracağınızla bağlı söz-söhbət dolaşır.
- Mən bilmirəm, kim sizə nə deyib, nəyə əsaslanıb “Samir Abasov “Sumqayıt”da işinə davam edəcək” fikrini səsləndirib. Bu barədə nə Elxan Məmmədovla, nə də Riad Rəfiyevlə söhbətimiz olub. “Zirə” ilə matçdan sonra klub prezidenti zəng vurub görüşmək istədiyini bildirdi. Sözünü yerə salmayıb, onunla görüşdüm və qərarımı dəyişməyəcəyimi bildirdim. Fikrimcə, geriyə addım atıb, fikrimi dəyişsəm, Sumqayıt azarkeşlərinə xəyanət etmiş olaram. Düzdü, onu da bilirəm ki, onların əksəriyyəti məni yenidən baş məşqçi postunda görmək istəyir. Lakin artıq “qatar gedib”. Mən gündə bir fikrə düşüb, vədinə əməl etməyənlərdən deyiləm. Pis-yaxşı “Sumqayıt”da nəsə etdim. Bu şəhəri, şəhərin komandasını bəlkə də məndən çox istəyən ikinci bir məşqçi yoxdu. Buna baxmayaraq, qərarımı dəyişmək niyyətim yoxdu.
- Müsahibələrinizin birində Rusiyada olan tanış agentlərdən sizə yeni klub tapmağı xahiş edəcəyinizi bildirmisiz. Ölkə xaricinə yollanmaq fikriniz ciddidi?
- Bunun nəyi pisdi? Bəlkə yanlış addım atıram? Bəlkə nəsə bilirsən, mənə demirsən?
- Niyə bu qədər narahat olduz? Sadəcə, istər bəzi futbolçular, istərsə də məşqçilər klubsuz və ya işsiz qalan kimi “mənə xaricdən təklif var” deyib ucuz piarla məşğul olurlar.
- Bununla nə demək istəyirsən? Sən ki idman mediasında məni hamıdan yaxşı tanıyırsan. Səncə, mən belə edərəm? Nə futbolçu, nə də məşqçi kimi heç vaxt reklam dalınca qaçmamışam. Belə fikrim də olmayıb. O ki qaldı Rusiya məsələsinə, Moskvada futbol camiəsində çalışan dostlarım və tanışlarım var. Onların arasında məşqçilər, klub funksioneri, agentlər çoxdu. “Spartak”ın məşqçilər korpusunda yer alan, ÇSKA rəhbərliyinə yaxın olan dostlarım daim “Sumqayıt”ı izləyiblər, nəticələrdən xəbərdardılar. İş prinsipimə pis-yaxşı bələddilər. Burda özümə iş tapmasam, onlardan xahiş edəcəm ki, mənə yardımçı olsunlar. İşsiz qalası deyiləm ki... Özüm də darıxıram. Mənim üçün fərqi yoxdu, Azərbaycan, Türkiyə, Rusiya və ya başqa Avropa ölkəsi. Təki normal işləmək üçün şərait olsun.
- Ancaq adınız bəzi yerli klublarla yanaşı hallanır.
- Vallah, hamı deyir, mətbuat yazır. Ortada isə konkret heç nə yoxdu.
- Bir neçə klubdan eyni vaxtda təklif alacağınız halda, seçim zamanı nəyə üstünlük verəcəksiz?
- İlk növbədə klubun qarşıya qoyduğu məqsədə. Artıq iddialı, ciddi hədəfləri olan klubu çalışdırmaq, nəticə qazanmaq istəyirəm.Bu yolu seçəndə qarşıma bir məqsəd qoymuşam: məşqçi kimi zirvələri fəth etmək. Ortabab klublarda çalışmaq mərhələsini adlamışam. Mənim maaşla bağlı söylədiklərim ictimaiyyət arasında başqa cür yozuldu. Bir çoxları “Samir pul davası edir” düşündülər. Pul çox şeydi, ancaq hər şey deyil. Bəli, mən də hamı kimi çox qazanmaq istəyirəm. Kimsə bunun əksini desə, deməli, o adamın başı ya xarabdı, ya da yalançıdı. Ancaq indiki məqamda məşqçi kimi mənə ən vacib olan, yenə deyirəm, ciddi hədəfləri olan klubda işləməkdi. Maaş məsələsi şərtlərim arasında 4-cü, 5-ci pillədədi.
- “Zirə” ilə oyundan sonra işlətdiyiniz “reabilitasiya mərkəzinə çevrilmiş komandada nəsə etmək olmur” sözləri heç də birmənalı qarşılanmadı. Çoxları bunu futbolçuları aşağılamaq kimi qəbul etdi. Doğrudan da sizin komandanızda “şikəstlər” top qovurdu?
- Niyə media hər şeyi qara görməyə çalışır? Reabilitasiya mərkəzində şikəstlər yox, bərpa dövrü keçənlər olur. Mən də bunu nəzərdə tutmuşam. “Sumqayıt” məhz belə idi. Heç kimə lazım olmayan futbolçuları əlacsızlıqdan düşərgəyə dəvət etmişik. Sizə bir nümunə çəkim. İki il öncə Rəşad Eyyubovu komandamda görmək istəyirdim. Fikrimi Ceyhun Sultanova bildirdim. O da sağ olsun, futbolçu ilə danışdı. Ancaq Rəşad “Qəbələ”də qalmaq istədiyini söylədi. Özüm də onunla danışdım. Eyni sözləri mənə də təkrarlayıb “Qəbələ”də özümü göstərib əsas heyətin oyunçusu olmaq istəyirəm” deyərək, “Sumqayıt”a gəlməkdən imtina etdi. Həmin mövsüm isə Eyyubov “Qəbələ”nin heyətində səhv etmirəmsə, 1 və ya 2 oyuna çıxdı. O bizə heç kimə lazım olmayan vaxtda gəldi. Və yaxud Cavid İmamverdiyev nümunəsi. Hamı deyirdi ki, o daha heç vaxt yüksək səviyyədə futbol oynamayacaq. Ancaq “Sumqayıt”a gələndən sonra üzərində işlədik, dəfələrlə təkbətək söhbət edib özünə əminliyini qaytardıq. Bu gün hamı İmamverdiyevdən danışır. Belə nüansları nəzərə alıb “reabilitasiya mərkəzi” fikrini səsləndirmişəm. Bir məşqçi də bir mövsümə 2-3, uzağı 4 futbolçunu “dirildə” bilər. Bütün komanda ilə bunu etmək qeyri-mümkündü. Bu gün mətbuatda “Sumqayıt”la anlaşmağa yaxın olan futbolçuların adları qeyd olunur. Baxın, görün onlar kimlərdi? Yenə eyni melodiya. Mənim yenidən, daha dəqiq desəm, sıfırdan komanda qurmağa həvəsim yoxdu. Bir mövsüm onurğa sütununu yaradırsan ki, növbəti ildə heyətə bir qədər də əl gəzdirib, nəyəsə nail olasan. Ancaq hər dəfə mövsümlərarası fasilə gələndə eyni sözləri eşidirsən.
- 11 turluq məğlubiyyətsiz seriyadan sonra mövsümün sonunu bərbad keçirdiz. Məhz son nöqtəni qoya bilmədiyinizə görə bu gün “Sumqayıt” Avropa Liqasından kənarda qaldı. Sizcə, “sınma anı” harda oldu və kimdi buna görə müqəssir?
- Hamımız. Kollektiv olaraq, məqsədimizə çatmamışıqsa, deməli, hamının az-çox günahı var. Hər şey “Keşlə” ilə kubok oyunlarından başladı. Kubokda uğursuz çıxışdan sonra komanda toparlana bilmədi. Əslində belə olacağını mən və köməkçilərim əvvəlcədən bilirdik. Hətta öz aramızda gec-tez kollektivdə eniş yaşanacağını danışırdıq. Bunu da şərtləndirən səbəb ehtiyat oyunçular skamyasının kasad olması idi. Hansısa aparıcı oyunçu zədələnirdisə və ya cəzalanırdısa, onu meydanda layiqincə əvəzləyə biləcək futbolçu tapa bilmirdim. Sonuncu pillədə qərarlaşan komandanın belə ehtiyat qüvvəsi bizdən çox idi. 13-14 futbolçu ilə mövsümü yola vermək çox çətindi. Bütün bunlar ən pis məqamda, mövsümün sonunda özünü göstərdi. Media da “Sumqayıt”a qarşı bir qədər yaxşı davranmadı. Ən gərgin məqamda əksər futbolçularımızın adları başqa klublarla yanaşı çəkildi. Bunun düz-yalan olduğunu deyə bilmərəm. Ancaq bu tip xəbərlər istər-istəməz oyunçuya təsir edir, oyuna köklənməyə mane olur. Fikri haçalanan futbolçu heç vaxt meydanda var qüvvəsi ilə mübarizə apara bilməz. Bunu futbolçu olduğum dönəmdən yaxşı bilirəm.
- Sizinlə birgə məşqçilər korpusu da “Sumqayıt”dan ayrıldı. Yeni iş yerində yenə həmin köməkçilərlə işləyəcəksiz?
- Buna şübhəniz olmasın. Biz bir komandayıq və nəyə qadir olduğumuzu bilmək istəyirik. Bəlkə elə doğrudan da bizim yarıtmaz işimiz “Sumqayıt”ı avrokuboklardan kənarda qoydu. Hansısa klubdan iş təklifi alsam, ilk şərtim köməkçilərimin də mənimlə birgə işləməsi olacaq. “Sumqayıt”ın büdcəsi kasad olduğundan video-analitik, fiziki hazırlıq üzrə məşqçimiz yox idi. Yeni klubda isə onların da olmasını istəyəcəm. Keyfiyyətli iş üçün bunların hamısı vacibdi. Bunu özümdən uydurmuram, bütün Avropa bu yolla gedir.
- Futbol camiəsində belə fikir dolaşır ki, növbəti mövsümdə premyer-liqanın səviyyəsi daha da aşağı enəcək. “Qarabağ” aparıcı oyunçularla vidalaşır, “Neftçi”nin yeni transferlərindən səs-soraq yoxdu, “Qəbələ”nin gələcəyinin necə olacağı kubokun finalından asılıdı. Siz necə düşünürsüz?
- “Qarabağ”a görə narahat olmayın. Gedənlərin əvəzinə daha səviyyəli, onların yaratdığı boşluğu dolduracaq futbolçular dəvət olunacaq. Buna əmin ola bilərsiz. Bildiyim qədər “Neftçi” də xeyli güclənəcək. “Zirə” və “Qəbələ” də normal kollektiv formalaşdıracaq. “Keşlə”nin də planlarından az-çox xəbərim var. “Səbail”, “Sabah” və “Sumqayıt” barədə isə heç nə deyə bilmərəm. Bu sualı həmin klubların rəhbərliyinə verin.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar