23 may 11:07liqa

Miya “Neftçi”ylə “Zirə”də oynamağa qarşı deyil

Miya “Neftçi”ylə “Zirə”də oynamağa qarşı deyil
“Standard” rəhbərliyi ilə danışmaq lazımdı”
Azərbaycana gələn legionerlər, heç şübhəsiz, klublarımıza tramplin gözüylə baxır. Məsələn, “Səbail”, “Kəpəz”, “Keşlə” kimi komandalarda top qovanların arzusu özünü “Qarabağ”la “Qəbələ”nin baş məşqçilərinə bəyəndirmək olur. İddialı komandalarda çıxış edənlərin hədəfi isə avrokuboklardı. Onlar Avroliqada və ya Çempionlar Liqasında səviyyəsini ortaya qoymaqla daha adlı-sanlı, imkanlı klubların diqqətini çəkmək istəyirlər. Dino Ndlovunun 750 min avroya satılması, Riçard Almeydanın yolüstə olması dediklərimizin sübutudu.
Müsahibim Faruk Miyadı. Həmin Miya ki, müqavilə ilə Belçika nəhəngi sayılan “Standard”a məxsus olsa da, yanvardan sonra dünyada heç kimin tanımadığı “Səbail”də top qovmaq qərarına gəldi. Uqanda yığmasının yarımmüdafiəçisinin məqsədi forma yığmaq, daha iddialı komandalardan birinə keçmək idi. Az vaxt keçməsinə baxmayaraq, Faruk özünü yaxşı tərəfdən göstərə bildi. Və bunun nəticəsində adı “Neftçi” və “Zirə”ylə yanaşı çəkilir. Əslində onunla çoxdan söhbətləşmək istəyirdim. Lakin telefonda danışmaq istəmədiyindən, müsahibəni üzbəüz verə biləcəyini deyirdi. “Səbail” – “Keşlə” matçından sonra, yorğun olmasına baxmayaraq, danışmağa razılıq verdi.
- Çempionat başa çatdı. Özünü necə hiss edirsən?
- Bu gün qalib gəlmək istəyirdik, amma alınmadı. Bir var zəif oynayıb uduzasan, bir də var o qədər qol şansını boşa verib məyus olasan. Mənə ən çox təsir edən budu. Həm “Səbail”, həm də mənim üçün premyer-liqada ilk mövsüm idi. Düzdü, sondan 2-ci pilləni tutduq, amma heç bir rəqibin qapazaltısı olmadıq. Bu sevindirici haldı. Təcrübəsizlik özünü göstərirdi. Hər oyunda azı 2-3 real qol şansını əldən verirdik. Bu da yekun nəticədə özünü göstərdi. “Qarabağ” və “Qəbələ” ilə görüşlərdə qolları vursaydıq, qalib də gələ bilərdik.
- “Səbail” üçün premyer-liqada ilk mövsüm olduğunu başa düşdüm. Bəs sənin üçün? Burda qalmaq fikrin var?
- Mən əlimdən gələnin ən yaxşısını etməyə çalışdım. Bundan sonraki proses məndən asılı məsələ deyil. Bildiyiniz kimi, “Standard”a məxsusam, Azərbaycanda çempionat başa çatdı, bu isə o deməkdi ki, Belçikaya qayıtmalıyam.
- Ürəyindən nə keçir? “Səbail”də qalmaq, yoxsa “Standard”da oynamaq?
- “Standard” Avroliqaya vəsiqə qazanıb. Bu isə olduqca yaxşı haldı. İlk növbədə klub rəhbərliyi ilə görüşüb, danışmalıyam. Təbii, hər bir futbolçu avrokuboklarda oynamağı arzulayır, o cümlədən də mən.
- “Səbail”də əsas heyət üzvü olmaq yaxşıdı, yoxsa “Standard”da ehtiyatda qalmaq?
- Bu dəqiqə nəsə demək çətindi. “Standard”dakı vəziyyətə baxmalıyam. Bu dəqiqə orda nəyin necə olduğunu bilmirəm. Baş məşqçinin haqqımda nə düşündüyündən də xəbərsizəm. Deməyim odu ki, hər şey mənim istəyimlə deyil. Baş məşqçi, yaxud rəhbərlik “burda qal” deyəndən sonra nəyisə dəyişə bilmərəm.
- Son vaxtlar adın “Neftçi” və “Zirə”ylə yanaşı çəkilir. Xəbərdarsan?
- Fasilə dönəmində bir futbolçunun adının digər komandaların transfer planında olması normaldı. Tək mən deyiləm, bütün futbolçularla maraqlanırlar.
- Deməli, doğru məlumatdı...
- Mənə heç kim zəng vurmayıb, nə də kiminləsə danışmışam.
- Maraqlansalar, zəng vursalar, necə?
- Mənim üçün heç bir problem yoxdu. Az öncə dediyim kimi, avrokuboklarda çıxış etmək hər bir futbolçunun arzusudu. Mən də qüvvəmi orda sınamaq istərdim. Lakin bu məsələdə əsas söz sahibi mən deyiləm. “Standard”la danışmaq lazımdı.
- Bəs sənin mövqeyin?
- Heç bir problem yoxdu, oynayaram.
- Yeri gəlmişkən, “Standard”dan Azərbaycana, həm də debütant “Səbail”ə gəlməyin necə baş tutdu?
- Belə bir variantın olduğunu öyrənəndən sonra bir qədər düşündüm. Özüm üçün müəyyən təhlillər apardım və gələcəyim baxımından əlverişli şans olduğunu qərara alıb gəldim. Rəhbərlik də sağ olsun, heç bir maneə törətmədilər. Bura gəlməklə düz qərar verdiyimi deməliyəm. Üstəlik, özümü xoşbəxt hiss edirəm. Azərbaycanda oynamaq mənim üçün yaxşı təcrübə oldu. Yeni dostlar qazandım, yeni mühitlə tanış oldum. Həm də klub seçməkdən çox şey asılıdı. “Səbail” mənim üçün uğurlu komanda oldu. Bir neçə ay əvvəl Çempionlar Liqasının qrup mərhələsində çıxış edən “Qarabağ”la oyunlarda qapımızdan cəmi 1 qol buraxırıqsa, deməli, bu komandanın gələcəyi var. Növbəti mövsüm əla olacaq.
- Azərbaycan futbolunun, çempionatının səviyyəsi haqda nə deyə bilərsən?
- Ümumilikdə normaldı. Amma kifayət qədər çatışmazlıqlar var ki, onları aradan qaldırmaq problem deyil. Ən çox diqqətimi çəkən oyunlar arasında fasilənin çox olmasıdı. Avropanın aparıcı futbol ölkələrində komandalar həftədə üç oyun keçirir. Və futbolçular bundan məmnundular, daha çox oynamaq istəyirlər. Azərbaycanda isə əsasən həftəyə bir oyun düşür. Çox nadir hallarda iki görüş keçirə bilərsən. Belə olduqda da oyunların tempi aşağı düşür, dinamiklik azalır. İnsanların futbola az maraq göstərməsini də başa düşə bilmirəm. “Qarabağ” Çempionlar Liqasının qrupunda çıxış edir, Avroliqaya vəsiqə uğrunda 3-4 komanda arasında qızğın mübarizə gedir, lakin azarkeşlər stadiona gəlmək istəmir. Razılaşın ki, oyun keyfiyyəti nə qədər üstün olsa da, azarkeşsiz tribunalar meydanda yaşananları “öldürür”.
- Bura gələnə qədər ölkəmiz, futbolumuz, mədəniyyətimiz haqda nəsə bilirdin?
- Düzünü deyim? Yalnız Azərbaycan adlı ölkənin varlığından xəbərdar idim. Başqa heç nə bilmirdim. Təklif alandan sonra müəyyən məlumatlar topladım və dərhal razılıq verdim.
- Diqqətini çəkən nə oldu?
- Hər şeydən əvvəl “Qarabağ”ın Çempionlar Liqasında oynaması və “Ateltiko”yla görüşlərdə məğlub olmaması. Başa düşdüm ki, bu cür komandanın mübarizə apardığı liqa zəif ola bilməz. İnternet qaynaqlarına göz gəzdirdim və məlum oldu ki, vaxtilə “Qəbələ”ylə “Neftçi” Avroliqanın qrupunda çıxış edib. Digər xoş məlumat isə Azərbaycanın müsəlman ölkəsi olmasıdı. Çünki özüm də müsəlmanam. Bakının gözəlliyindən danışmağa dəyməz. İnanılmaz paytaxtınız var, çox müasir və işıqlıdı.
- Dediyin kimi, müqavilə ilə “Standard”a məxsussan və ola bilsin, bir də Azərbaycana qayıtmadın. Xaricdəki dostlarına ölkəmizdə gördüklərin barədə nə danışacaqsan?
- Yalnız və yalnız xoş sözlər deyəcəm. Haqlı olaraq tərifləyəcəm, şəkillər göstərəcəm. Burda olduğum 4 ay ərzində özümü doğmalarımın yanında hiss etdim. Hamı mənə qardaş gözüylə baxdı və bundan çox razıyam. Siz məni yola salırsız? (gülür)
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:47 Həftənin idman proqramı Dünən, 18:46 Rüstəm Orucov çempion oldu Dünən, 18:45 Anar Salmanova təhsil məsələləri tapşırılıb Dünən, 18:43 “Forza Neftçi” bir müddət stadionlara getməyəcək Dünən, 18:41 İlin futbolçusunu birlikdə seçək! Dünən, 18:39 Xanım hakimdən Elçin Məmmədova şok ittihamlar Dünən, 18:36 “Traktorsazi” ağır zərbə aldı Dünən, 18:32 “Neftçi”də baş məşqçi dəyişikliyi Dünən, 18:28 “Sumqayıt”dan “Neftçi”yə növbəti zərbə Dünən, 18:12 “Qəbələ” avtoqolla sevindi Dünən, 18:06 ADBTİA yenidən zirvədədi! Dünən, 18:05 Püşk atıldı, yüksək liqa ilə bağlı qərar verildi Dünən, 18:03 Renat qələbə qolunu vurdu Dünən, 18:00 Emil “dənizçilər”in “Dalğa”da boğulmasına” imkan vermədi Dünən, 17:51 Ceyhun Sultanovun cəzası yarıbayarı azaldıldı Dünən, 16:24 Yığma uduzdu, Rusiyadan oyunçu gəldi Dünən, 16:21 UEFA “Arsenal”ı fevralda cəzalandıracaq Dünən, 16:19 Gerye özünü ilin yaxşı legioneri sayır Dünən, 16:17 “Keşlə” cavab oyunu üçün ümid yeri saxladı 16-12-2018, 14:53 "Keşlə"nin Türkiyə planı təsdiqləndi, amma... 16-12-2018, 14:51 “Bakı yox, bölgə seçiminin olması da təqdirəlayiqdi” 16-12-2018, 14:50 “Qarabağ” təxribatçı erməni ilə bağlı UEFA-ya müraciət edib 16-12-2018, 14:49 “Elxan Məmmədovla görüşmək istəyirəm” 16-12-2018, 14:46 Beşinci dəfə 1/16 finala qədər uzanmayan marafon 16-12-2018, 14:44 “Emireyts”də 21 minə yaxın azarkeş olub 16-12-2018, 14:43 Mövsümü 26-cı yerdə başa vurduq! 16-12-2018, 14:41 Tribunadakı gərginlik Mehini ağladıb 16-12-2018, 14:38 Yarımfinala gedən yol: üçü Bakıda, biri bölgədə 16-12-2018, 14:36 AFFA-nın namizəd siyahısı genişdi 16-12-2018, 14:34 “Liman” - “Neftçi” üçün dərman! 16-12-2018, 14:17 Baş məşqçilər ehtiyatlı danışdı 16-12-2018, 14:16 Lider dəyişdi 16-12-2018, 14:14 Türk mütəxəssis yığmaya təqdim olundu 16-12-2018, 14:09 “Qurban Qurbanov bir il əvvəl, yığmanı çalışdırmaq təklifi alanda seçim etməliydi” 16-12-2018, 14:06 Ümummilli sorğu start götürür! 16-12-2018, 14:05 Kərim Ağayev Şəmkirdə top payladı 13-12-2018, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı Bütün xəbərlər
Ən çox oxunanlar