15 may 00:07liqa, reportaj

Qriqorçuk: “Siz bu yalanları hardan götürürsüz, niyə çalışırsız ki, nəsə uydurasız?”

Qriqorçuk: “Siz bu yalanları hardan götürürsüz, niyə çalışırsız ki, nəsə uydurasız?”
Oyundan sonra keçirilən ənənəvi mətbuat konfransında əvvəlcə qonaqların çalışdırıcısı Roman Qriqorçuk göründü.
- Uşaqların hər birinə afərin. Çox çalışdılar. Hesab bizi qane etdiyi halda daha bir qol vurdular. Onların oyuna belə yanaşması məni çox sevindirdi. Paltardəyişmə otağında özlərinə də bunu dedim.
- “Qarabağ”la son oyunda əsas heyətə güvənəcəksiz, yoxsa ehtiyat qüvvəyə meydana çıxmaq şansı yaradacaqsız?
- Ehtiyat heyət söhbəti yoxdu. Kim hazır olacaqsa, o da meydana çıxacaq. Rəqibimiz "Qarabağ"dı. Çalışacağıq qələbə qazanaq. Bu görüş bizim üçün kubokun finalından öncə çox önəmlidi.
- Düşünmürsüz ki, bu görüşdə ustalıq səviyyəsi daha çox rol oynadı?
- Ustalığı və "Sumqayıt"la özümüzü müqayisə etmək istəməzdim. Ustalıq səviyyəmiz olduğu üçün yaradılan imkanlardan istifadə edib iki qol vurduq.
- Filip Ozobiçi süni örtüyə görə oynatmadız?
- Onun kiçik zədəsi var. Süni örtükdə oynaması məsləhət bilinmədi. Ancaq komanda ilə ümumi hazırlıqda iştirak edir. Durumuna qarşıdakı günlərdə aydınlıq gələcək.
- Yuri Maksimovla münasibətlərinizin qaydasında olmadığı deyilir. Bunu Ukrayna mətbuatı da qeyd edir. Finalda məğlub olmaqdan qorxmursuz?
- Bunlar yalan söhbətlərdi. Maksimovla münasibətlərimiz normaldı və heç bir soyuqluqdan söhbət gedə bilməz. Ukrayna mətbuatı nəyə görə belə yazmalıdı? Heç vaxt belə yazan olmayıb. Heç yerdə bunu görməmişəm (əsəbi formada danışır). Siz bu yalanları hardan götürürsüz, niyə çalışırsız ki, nəsə uydurasız? Xahiş edirəm, həmin yazını mənə göndərin. Bilirəm ki, Maksimov da bu sualınıza məhz belə cavab verərdi. Mənim həm sizə, həm də ukraynalı jurnalistlərə böyük hörmətim var. Ancaq belə yalanlar uydurub, ictimaiyyəti çaşdırmaq lazım deyil. Futbolda heç nədən qorxmaq olmaz. Şadam ki, "Qəbələ"nin baş məşqçisi kimi finalda oynayacam. Buna görə hər gün Allaha təşəkkür edirəm. Hər bir baş məşqçinin arzusudu ki, komandası ölkə kubokunun finalına yüksəlsin. Bu, komandam üçün çox vacibdi. Qələbə qazanmaq və maksimumu ortaya qoymaq istəyirəm.
- "Qarabağ"a qarşı ciddi mübarizə aparacağınızı dediz. Belə olan halda oyunun Bakıda keçirilməsinə necə yanaşırsız?
- Məndən fikir öyrənsələr, Bakıda oynamağa razı olduğumu söyləyəcəm. Çünki oyundan sonra mükafatlandırma olacaq. Bu barədə rəhbərliklə də söhbətim olub. Etirazım olmayacaq.
Qriqorçukun ardınca media nümayəndələri qarşısına Samir Abasov çıxdı. Komandasının məğlub olması azmış kimi, Avroliqaya vəsiqə uğrunda əsas rəqiblərinin qələbə qazandığını eşidən 40 yaşlı mütəxəssis çox əsəbi görünürdü.
- Deyiləsi bir şey yoxdu. Nə deyəcəyimi bilmirəm. Hər şeyi özünüz gördüz. Neçə qol imkanını əldən verdik. Qol vurmaq üçün ürək lazımdı. Belə görüşlərdə topla birgə tora girmək lazımdı. Oyunçunun keyfiyyəti lazımi anda hər şeyi örtür. 32-33 yaşlı adama ötürmə verməyi öyrədə bilmərəm. Bunların bacarığı elə budu. Siyasət dəyişməsə, belə davam etsə, “5-ci yeri tutsaq, əla olar” deyirlərsə, bu komandadan bir şey gözləməyə dəyməz. Kimlərsə “Amil Yunanov niyə oynamadı” sualı verib, mənə onda hücumçuya xas keyfiyyət göstərsə, ürəyiniz nə istəsə, barəmdə yaza bilərsiz. Son 5 matçın diskini sizə verim, baxın. Görün Yunanov nə qədər səhvə yol verib. Bu günə kimi komandadan göndərdiyimiz futbolçular hardadı? Hamısı birinci divizionda belə əsas heyətə düşə bilmirlər. İndiki heyətin də yarısından çoxu belədi. Onları aşağı dəstəyə göndərsək, birinci divizionda çürüyüb qalarlar. Açıq deyirəm, belə futbolçularla uzaq yola çıxmaq qeyri-mümkündü. Mənə 11 legioner verərdilər, onda görərdiz ki, bu futbolçuların yeri haradı. Budu bizim Azərbaycan futbolu. Əfsuslar olsun ki, Dabomuz, Almeydamız yoxdu. "Kəpəz", "Səbail" və "Qəbələ" ilə oyunlarda yaxaladığımız fürsətlərdən yararlansaydıq, indi avrokuboklardaydıq. Bu düzgün olmayan strategiyanın badına şəhərimiz getdi.
- "5-ci yerdə olsaz, əla nəticə sayılar" sözlərini kim demişdi?
- Klubumuzun sabiq prezidenti Kamran Quliyev mövsümün əvvəlində mənimlə görüşdə “komandanın hazırkı potensialı 6-cı yerə uyğundu. Sonda 5-ci pilləni tutsaq, sevinəcəyik” demişdi. Mən isə “siz belə istəsəz də, mən özüm üçün çalışacam. Yer tutmaq istəyirəm” cavabını verdim. Lakin meydanda oynayan mən deyiləm. Qapıçı ilə təkbətək çıxıb, müdafiəçinin qorxusundan tələm-tələsik topdan canını qutarmaq istəyən oyunçudan nə gözləyəsən? Qapı önünə asma verə bilməyən futbolçuya nə deyəsən? Bütün bunları peşəkar komandanın baş məşqçisi başa salmalı deyil. Çempionat oyunlarına bir daha baxsaz, görəsiz ki, “Sumqayıt”ın əksər hücumları düşünülmüş formada olub. Yəni həftəboyu keçirilən məşqlərdə bunun üzrərində işləyirik. Ancaq yenə deyirəm, iki metrdən qapıya düşməmək artıq həmin futbolçunun zəifliyinin göstəricisidi.
- Lisenziyalaşdırma Qrupunun “Kəpəz”lə bağlı qərarı bugünkü nəticələrə necə təsir etdi?
- İcraiyyə Komitəsinin iclası mayın 20-dən sonra olsaydı, nə olacaqdı? Dünya dağılmayacaqdı ki? İndi "Kəpəz" gedib "Neftçi" və ya “Zirə” ilə necə oynasın? 2 turdan sonra nə qərar verirsizsə, verin də... Niyə bizimlə oyundan əvvəl bu qərarı vermirsiz? O istidə, saat 4-də biz “Kəpəz”ə qarşı oynayırıq. Fasilədə uşaqlara irad bildirmək istədim. Gördüm ki, Ehtiramın dodaqları ağappaqdı. İstinin təsirindən uşaqlar qaça bilmirdilər. Biz həmin oyunda qızıldan qiymətli 2 xal itirdik. Hələ Amilin yerdə qaldığı epizoda görə verilməyən penaltini demirəm. Bir neçə il öncə "Sumqayıt" mövsümün sonunda 12-ci yeri tutduğu halda premyer-liqada qalmışdı. İndi necə olur ki, "Kəpəz"i saxlamırsız? Bütün bunları görəndə istər-istəməz düşünürsən ki, hər şey “Neftçi” üçün hesablanıb.
- Klubun strategiyasından narazılığınızı bildirdiz. Amma digər tərəfdən, müqavilənizi uzatdığınıza dair xəbərlər yayılıb...
- 1 turdan sonra hər şey bəlli olacaq. İndi deyəcəyim hər bir söz futbolçularıma mənfi təsir edə bilər. Son oyunumuzdan sonra sizi maraqlandıran bütün suallara cavab verəcəm. Onsuz da bu günə kimi mediaya qarşı səmimi olmuşam.
- Son turda nə baş verəcək?
- Nə olacaqsa, olacaq.
- "Zirə" ilə son turun matçına hansı motivasiya ilə çıxacaqsız?
- Həyatında birinci dəfə Avroliqaya düşmək futbolçu üçün motivasiya deyil? 3-cü yerdə gedəndə bütün Azərbaycan “Sumqayıt”dan və onun oyunçularından danışırdısa, təsəvvür edin, Avropa Liqasına vəsiqə qazansaq, vəziyyət necə olacaq. Bəyəm bunu futbolçular bilmir, başa düşmür? Əlimizdən gələni edəcəyik ki, "Zirə"yə qalib gələk.
- Konkret hansı futbolçulardan gözlədiyinizi ala bilmirsiz?
- Heç kimin adını çəkməyəcəm. Son tur ərəfəsində bu yerinə düşməz.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
25-05-2018, 14:03 “Qəbələ”nin futbolçularına 100 min manat “atıblar” 25-05-2018, 14:02 “Qarabağ” bayrama bayram qatmışdı 25-05-2018, 13:51 Turun statistikası 25-05-2018, 13:43 Turun məşqçisi 25-05-2018, 13:38 Turdan məqamlar 25-05-2018, 13:36 AÇ-yə rekord sayda idmançıyla qatılacağıq 25-05-2018, 13:35 Şəhriyar Məmmədyarov üçün ciddi sınaq 25-05-2018, 13:33 Gimnastımız Macarıstanda fərqləndi 25-05-2018, 13:32 DÇ-yə hazırlıq başladı 25-05-2018, 13:30 Futbolçular Cavid İmamverdiyevi seçdi 25-05-2018, 13:25 Yığma yenə ilk setdən sonra ayıldı 25-05-2018, 01:06 Sumqayıtın təsəllisi Region Liqası oldu 25-05-2018, 01:04 DÇ-nin “elçiləri” Rövnəq Abdullayevlə görüşdü 25-05-2018, 01:02 Elxan Məmmədov “Kəpəz”lə bağlı son nöqtəni qoydu 25-05-2018, 01:00 Moskvadan gələn var... 25-05-2018, 00:57 “Keşlə”ni növbəti mövsümdə də Maksimov çalışdıracaq 25-05-2018, 00:55 “Səbail” Samir Əliyevlə yollarını ayırdı 25-05-2018, 00:54 Samir Abasov tələsik qərar verdiyinə görə peşman olub 25-05-2018, 00:53 PFL medalçıların siyahısını açıqladı 25-05-2018, 00:51 “Marafon” “Uğur”a yerini göstərdi 25-05-2018, 00:49 Turun oyunçusu 25-05-2018, 00:48 Turun sitatı 25-05-2018, 00:46 Hakimlərin mühakiməsi 25-05-2018, 00:45 Amit Quluzadə Kosovoda pul xərcləyə bilmirmiş 25-05-2018, 00:41 Cavid Hüseynov 3 oyunluq cəzalandı 25-05-2018, 00:40 Cümhuriyyətin yubileyini "sülh"lə qeyd etdilər 25-05-2018, 00:38 Transfer dövləri açıqlandı 24-05-2018, 23:58 Kənan Hacıyev İtaliyadan kubokla qayıtdı 23-05-2018, 12:21 Makedoniyada güləşçimizin çempionluğunu əlindən aldılar 23-05-2018, 12:19 “Sumqayıt”ın üzvləri baş məşqçiyə etiraz etmədi 23-05-2018, 12:15 Samir Abasov Roman Qriqorçuku əvəzləyəcək 23-05-2018, 12:10 “Sumqayıt” kapitanı saxladı 23-05-2018, 12:06 Portuqaliyalı agentlər İmamverdiyevi izləmək üçün Sumqayıta gəlib 23-05-2018, 12:05 “Uğur” Region Liqasının qalibi olmağa köklənib 23-05-2018, 11:07 Miya “Neftçi”ylə “Zirə”də oynamağa qarşı deyil 23-05-2018, 11:05 Nağıyev “Qarabağ”a qələbə qazandırdı 23-05-2018, 11:04 Antirekordla bitdi 23-05-2018, 11:02 Mövsümün son turu qonaqları güldürdü 23-05-2018, 11:00 Qurban Qurbanov 27 futbolçuya dəvət göndərdi 23-05-2018, 10:59 Çempion kubokuna qovuşdu 23-05-2018, 10:57 “Qarabağ”ın “qızıl”ı penaltiylə ağır gəldi 23-05-2018, 10:54 “Qarabağ” “Cümhuriyyət turniri”nin qalibi oldu 23-05-2018, 10:52 “Alfa Liqa”nın qalibi üçün kubok İtaliyada hazırlanıb 22-05-2018, 16:42 Yığmanın sabiq üzvü ev tikib satmaqla məşğuldu 22-05-2018, 16:40 “Araz-Naxçıvan” finaldan kənarda qaldı 22-05-2018, 16:39 “İmarət Tayfa” “Qəbələ” ilə oyuna xüsusi hazırlaşmayıb 22-05-2018, 16:37 Adil Nadirov “Qarabağ”dan inciyib 22-05-2018, 16:35 Ayxan Abbasov “Zirə”də qalacaq 22-05-2018, 16:31 Samir Abasov istefa verdi 22-05-2018, 16:28 Sumqayıtlıların Avroliqa arzusu puç oldu 22-05-2018, 16:21 “Keşlə”ni sevindirən mənasız qələbə 22-05-2018, 16:18 “Sumqayıt” strategiyanı dəyişməyəcək 22-05-2018, 16:16 Ömər Paşayevin sağlıq durumunda ciddi problem var 22-05-2018, 16:15 Amit Kosovo çempionu oldu 22-05-2018, 16:11 “Bürünc” “İçəri Şəhər”in oldu 22-05-2018, 16:08 AHF prezidenti Qlazqoya yollanacaq 22-05-2018, 16:06 MOİK Moskvada uğurlu çıxış etdi Bütün xəbərlər
Ən çox oxunanlar