13 fev 18:35liqa

Moldovalı futbolçu “İnter”in çempionluğu və ölkə kubokunu bilərəkdən uduzduğunu iddia edir

Moldovalı futbolçu “İnter”in çempionluğu və ölkə kubokunu bilərəkdən uduzduğunu iddia edir
“İnter”in və Moldova millisinin sabiq futbolçusu İon Testimitsianu ölkəsinin mətbuatına geniş müsahibə verib. Müdafiəçi paytaxt təmsilçisində top qovduğu 2008/09 mövsümünə də toxunub. Daha doğrusu, şok iddialarla çıxış edib. Futbolçu yaxşı məvacib müqabilində “bankirlər”ə keçdiyini deyib: “İnter”ə 34 yaşımda yollanmışam. Onlara təcrübəli futbolçular lazım idi. Leonid Kuçuk (“Şerif”in sabiq baş məşqçisi) isə məni buraxmaq istəmirdi. Çünki həmin vaxt “Şerif” Çempionlar Liqasının təsnifat mərhələsində oynayırdı və mən məşqçilər korpusuna çox lazım idim. Azərbaycanda isə mənə həmin dövr üçün çox yüksək maaş təklif etdilər. Təbii ki, ora gedib pul qazanmaq istədim. Buna acıqlanan Kuçuk isə məni ÇL-in “Aktobe” ilə cavab oyununda ehtiyatda saxladı. “Şerif” 4:0 hesabı ilə qalib gəldi. Qarşılaşmadan sonra Kuçuka yaxınlaşıb dedim: “Görürsüz, mənsiz də qələbə qazana bilirsiz”. Onu çox özündənrazı və yaxşı əhval-ruhiyyədə yaxaladım. Cavabı isə belə oldu: “Seçim sənindi, hara istəyirsən, get”.
İon jurnalistin “çempion olmağa yaxın idiz, amma titul uğrunda Aleksey Savinov və Vadim Boretsin oynadığı “Bakı”ya yenildiz” sualına maraqlı cavab verib. Onun sözlərinə görə, “İnter həmin mövsüm çempionluğu və ölkə kubokunu bilərəkdən verib: “Həmin vaxt, demək olar ki, bütün mövsümboyu 1-ci yerdə idik. “Bakı”dan həmişə bir və ya iki xal öndə gedirdik. 2008/09 mövsümündə biz “Bakı”nı ilk oyunda 3:1 hesabı ilə məğlub etdik, ikinci oyunda isə 0:1 uduzduq. Çox yaxşı kollektivimiz var idi. Bunu nəticəsidi ki, ölkə kubokunun finalına vəsiqə qazandıq. Həmin vaxt komandaya gəldim və uşaqlara dedim: “Mən bura Azərbaycan çempionu olmaq üçün gəlmişəm. İstəyirəm arzumu reallaşdırım”. Lakin son 4 oyunda qərib şeylər baş verdi. Belə ki, mövsümboyu əla oynayan, komandanı irəli daşıyan Oleq Şışkini və Kiyev “Dinamo”sundan gəlmiş Valentin Belkeviçi heyətə daxil etmirdilər. Bu barədə heç bir açıqlama vermirdilər, məsələyə aydınlıq gətirmirdilər. Səbəbsiz yerə son 4 oyunda adıçəkilən iki oyunçu heyətdən kənarda qaldı. Bildiyim qədər “İnter” rəhbərliyinin həmin vaxt böyük borcları var idi. Bu üzdən də çempionluğu və kuboku bilərəkdən uduzdu. Mən heyrətlənmişdim və hətta klubun idman direktoruna da yaxınlaşdım. Ona bildirdim ki, müqaviləyə uyğun mənimlə hesablaşın. Sonra evə döndüm. Bir müddət sonra isə mənə poçtla gümüş medal göndərdilər. Amma özümü ürəyimdə Azərbaycan çempionu hiss edirəm. Kubokun finalına isə televizordan baxdım. Oyuna baxa-baxa, sadəcə, gülürdüm. Çünki həmin qarşılaşmada da “İnter” bilərəkdən uduzmuşdu. Oleq Şışkin matçdan sonra mənə zəng etdi və dedi: “Vanya, biabırçılığı gördün?”
Qeyd edək ki, 2008/09 mövsümündə ölkə çempionu “Bakı” olmuşdusa, kuboku “Qarabağ” qazanmışdı. Testimitsianunun açıqlaması kifayət qədər ajiotaj doğurur. Bu üzdən həmin dönəmdə “İnter”də olmuş şəxslərin fikirlərini öyrənməyi lazım bildik. Əvvəlcə 2008/09 mövsümündə “bankirlər”lə gümüş medallara sahib çıxan, hazırda isə “Sumqayıt”da baş məşqçi kimi çalışan Samir Abasovla əlaqə saxladıq. O, məsələyə belə münasibət bildirdi: “Onun verdiyi açıqlama, sadəcə, biabırçıdı. İki futbolçunun adını çəkməklə İon yalançı olduğunu üzə çıxarıb. Oleq Şışkin “İnter”ə gələndən sonra əsasən əvəzedici komandada oynayıb. O necə əsas heyət üzvü olub ki? Əvəzedici komandada da meydana çıxdığı bir sıra oyunlarda qırmızı vərəqə alıb. Testimitsianunun Oleq haqda bəh-bəhlə danışmasına baxmayın. O, heç də yaxşı futbolçu deyildi. Heç vaxt əsas heyət üzvü olmayıb. Biz özümüz də “Şəfa”da onun oyunlarını izləyirdik. O cümlədən Belkeviç də əsas heyət oyunçusu deyildi. Onun da “İnter”dəki karyerasının çox hissəsi əvəzedici komandada keçib. Onu mövsümün sonlarına yaxın komandaya gətirmişdilər. Elxan Abdullayev Ukraynada olanda özü ilə ordan gətirmişdi. O yaxşı futbolçu olsa da, əsas oyunçulardan deyil. Valentinə Allah rəhmət eləsin. Super oynayırdı. Arada meydana çıxır, şans qazanırdı. Amma əsas komandada bərkiyə bilmirdi. Həm də baş məşqçi Valentin Xodukin əsas heyət oyunçularını tez-tez dəyişmirdi. Oyunların satılması, çempionluq və kuboku qəsdən uduzmağımız kimi məsələlər boş şeydi. Pul və borclar məsələsinə gəlincə, bu da doğru deyil. Həmin dönəmdə klubun maliyyə imkanları çox yaxşı idi. Kiməsə borc yox idi. Əksinə, Kaxaber Tsxadadzenin dönəmində müəyyən sıxıntılar yaşandı. Onu da yoluna qoydular. Mən gedəndən sonra 1 il də hansısa problem olmayıb. Elə oldu ki, müəyyən müddət başqa klubda oynadım. Həmin vaxt “İnter”dən zəng edib deyirdilər ki, gəl, maaşını al. Bilərəkdən hansı ağılsız çempionluğu əldən verər? “Bakı” ilk pilləni ona görə tutdu ki, biz “Qarabağ”la 1:1 oynadıq. Həmin görüş Tofiq İsmayılov adına Suraxanı qəsəbə stadionunda keçirilməliydi. Biz də ora köklənmişdik. Amma görüş Quzanlıda baş tutdu. Oyunu heç nədən ora saldılar. Gedib Quzanlıda əziyyət çəkdik. “Bakı” da “Simurq”a qalib gəlib bizi keçdi".
Məsələ ilə bağlı “İnter”in sabiq prezidenti Georgi Nikolovla da danışdıq: “Testimitsianu ağzına gələni danışıb. Başa düşmürəm, bizim kimə borcumuz vardı? “Bakı”ya, yoxsa “Qarabağ”a? Son turda biz "Bakılı" ilə oynayırıdıq, lider "Bakı" isə "Muğan"la. Rəqibimiz 4:0 hesabı ilə qalib gələrək çempion oldu. Amma əslində hər şey daha erkən başlamışdı. Yadınızdadısa, çempionatın sonlarına yaxın "Qarabağ" ev oyunlarını Quzanlıda keçirməyə qərar verdi. Ondan sonra vəziyyət dəyişdi. Kubokun finalından sonra Samir Abasovun sabiq komandası "Qarabağ"a oyun satdığını söyləməyimə gəlincə, bu, emosional şəkildə deyilmiş fikirlər idi. Samirin belə iş tutacağına inanmıram. Mən onun kimi döyüşkən futbolçu görməmişəm. Hətta oyunların birində başından ağır zədə almasına baxmayaraq, 3 gün sonra yenidən meydana çıxdı. Həmin mövsüm Samir “İnter”in ən yaxşı futbolçularından biri idi. Sizcə, mən onu oyun alğı-satqısında ittiham edə bilərəm? Ona qarşı haqsızlıq etmiş olaram. Bəli, kubokun finalında penaltiyə səbəb oldu. Amma bu hamının başına gələ biləcək bir şeydi. Bir sözlə, borca görə oyun satmaqdan söhbət gedə bilməz. Testimitsianun illər sonra hansı səbəbdən belə açıqlama verdiyini anlamıram".
Xatırladaq ki, 2008/09 mövsümündə "Bakı" 62 xalla çempion olub. Bir xal az toplayan "İnter" gümüş, hesabında 53 xal olan "Simurq" bürünc medal qazanıb. Ölkə kubokunun finalında isə "İnter" "Qarabağ"a 0:1 hesabı ilə uduzub.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar