13 fev 18:32liqa, manset

“Kəpəz”də nə baş verir?

“Kəpəz”də nə baş verir?
Üçüncü dövrəyə uğursuz start verən, ardıcıl 3 oyunda meydanı başıaşağı tərk edən “Kəpəz”in başının üstünü qara buludlar alıb. Artıq neçə vaxtdı kuluarlarda Gəncə təmsilçisinin düşərgəsində “oyunlar” getdiyi barədə söz-söhbətlər dolaşır. İlk vaxtlar “sarı-göylər”in futbolçuları, məşqçilər korpusu, rəsmiləri yayılan xəbərləri dedi-qodu adlandırıb, bunun kimlərinsə uydurması olduğunu söyləyirdilərsə, “Sumqayıt”la matçdan sonra gəncəlilərin baş məşqçisi oyunsonrası mətbuat konfransında açıq-aydın etiraf etdi ki, kimlərsə onun istefasını istəyir: “Gedişimi kimlər istəyir? Bilirəm kimlərdi, bir yerdən idarə olunurlar”.
Artıq kartlar yavaş-yavaş açılır. Vaxt ötdükcə, komanda məğlubiyyətləri sıraladıqca masa arxasında oturanlar açıq oynamağa qərar verirlər. Bir tərəfdə Şahin Diniyev, qarşıda isə adları hələ ictimaiyyətə açıqlanmayan, ancaq daim Gəncə futbolunda söz sahibi olmağa çalışan mister X və yaxın çevrəsi. Əslində Diniyevin üstüörtülü eyhamından bilmək olur ki, ona qarşı kampaniya aparan həmin qara qüvvələr kimlərdi. Ancaq hələ ki heç kim qarşıdurmanı açıq müstəviyə çıxarmaq istəmir. Belədə isə itirən “Kəpəz” və Gəncə futboludu. Vəziyyət artıq o həddə çatıb ki, ölkənin ikinci ən böyük şəhərinin azarkeşləri də iki cəbhəyə bölünüb: Diniyevi dəstəkləyənlər və onun istefasını tələb edənlər. Belə qarışıq vəziyyət isə sonda tarixi ənənələri olan, ölkənin ən titullu klublarından sayılan “Kəpəz”in gələcəyini şübhə altına salır.
Komandanı bu vəziyyətdən çıxarmağın yeganə yolu bir-birinə əks olan tərəfləri “atəşkəsə” dəvət etmək, ən azı mövsümün sonuna kimi düşərgədə ab-havanı yoluna qoymaqdı. Bu missiyanı isə heç şübhəsiz, Gəncə futbolunun ağsaqqaları öz üzərlərinə götürməlidi. Onlardan biri hazırda klubun Müşahidə Şurasının üzvü olan Müzəffər Qasımovdu. Dünən Müzəffər bəylə əlaqə saxlayıb “Kəpəz”in son durumuna və düşərgədə baş verənlərə münasibət bildirməsini istədik. Ancaq Qasımov fikir bildirməkdən çəkindi: “Mən heç nə deyə bilmərəm. Komanda daim Bakıda, mən isə Gəncədəyəm. Bilirsiz ki, mən Müşahidə Şurasının üzvüyəm və bu səbəbdən fikir bildirməyim düz çıxmaz. Şahin müəllimin söylədiklərinə gəlincə, bu il Diniyevi heç bir dəfə də olsun görməmişəm. Onun söylədikləri ilə də tanış deyiləm. 2017-ci ildə “Kəpəz”in heç bir oyununu canlı izləmədiyimdən düşərgədə nələrin yaşandığını, ayrı-ayrı futbolçuların necə təsir bağışladığını bilmirəm. Mənimlə komandanın düşərgəsi arasında yüzlərlə kilometr məsafə var. Mən orda nə baş verdiyini hardan bilim? Gəncə təmsilçisinin Bakıda məskunlaşması çox söz-söhbətə səbəb olsa da, mən o işə qarışmıram”.
Müzəffər bəyin klubun düşərgəsində yaşananlardan xəbərsiz olduğunu görüncə (bu fakt bir daha göstərir ki, əksər klublarda Müşahidə Şurası oyuncaq qurumdu), şuranın digər üzvü, eyni zamanda AFFA-nın Mətbuat və İctimaiyyətlə Əlaqələr Departamentinin rəhbəri Mikayıl Nərimanoğlu ilə əlaqə saxladıq: “Açığı, komandanın son matçlarda sərgilədiyi oyun azarkeşlər kimi, rəhbərliyi də qane etmir. Sanki futbolçular özlərini toparlaya bilmirlər. Halbuki ötən yay məhz bu kollektiv Avroliqada mərhələ adlamaqla, Gəncə futbolu adına tarix yazdı. 1959-cu ildən, yəni Gəncədə peşəkar futbolun əsası qoyulandan bu bir ilk idi. Şəraitlə bağlı da heç bir narazılıq yoxdu. “Sumqayıt”la matçdan sonra fərdi qaydada, demək olar, əksər futbolçularla görüşüb söhbət etdim. Onlara bildirdim ki, hansısa probleminiz varsa, heç nədən çəkinmədən söyləyin. Hamısı da heç bir çatışmazlığın olmadığını qeyd etdilər. Başda Şahin müəllim olmaqla, məşqçilər korpusu ilə müzakirələr apardıq. Çox qəribədi ki, komanda uğursuzluğa düçar olsa da, ortada bunu şərtləndirəcək hansısa problem yoxdu. Diniyevin açıqlamasına gəlincə, bilsək ki, komandanın daxilində çaxnaşma yaratmaq istəyən qüvvələr var, biz o saat onlara qarşı kəskin tədbirlər görərik. Bu gün “Kəpəz”ə kənar qüvvələrin təsir mexanizmi deyərdim ki, sıfırdı. “Kəpəz”in Gəncədə yox, Bakıda məskunlaşması da çox söz-söhbətə səbəb olub. Azarkeşləri başa düşürəm, onlar istəyir ki, komanda gözləri önündə olsun. Bir komandanın ki, əvəzediciləri Şəmkirin hansısa kəndində məşq edir, belə olan halda əsas komanda nə etməlidi? Gəncədə normal şərait olsa, “Kəpəz” doğma şəhərdə qalar da, paytaxta niyə üz tutur? Üçüncü dövrənin iki oyununu təqvimə uyğun səfərdə oynamalıydıq. “Zirə” ilə matç isə Gəncədə baş tutmalıydı. Sadəcə, hava şəraitinə görə yerdəyişmə etdik. Həmin qarşılaşma Gəncədə oynanılsaydı, meydanın ot örtüyü tam sıradan çıxacaqdı. Növbəti turda “Qarabağ”ı “doğma divarlar” arasında qəbul edəcəyik. Sonda bir daha təkrarlamaq istəyirəm: hansısa kənar qüvvə komandanın daxilinə çaxnaşma sala bilməz. “Kəpəz” bir ailədi, azarkeşlər, şəhər ictimaiyyəti də bu ailənin bir üzvüdü. Gəncədə futbola olan sevgi haqda nəsə söyləmək artıqdı. Bunu hamı bilir. Ümid edirəm ki, tezliklə komanda “qara zolaq”dan çıxacaq”.
“Sarı-göylər”in lizenziyalaşdırma üzrə sabiq meneceri Nofəl Əzizov isə uğursuzluğa görə Şahin Diniyevi qınamağın yersiz olduğunu vurğuladı: “Futbolda bəzən belə hallar yaşanır. Ən böyük klublar belə, bir də görürsən ki, ardıcıl bir neçə oyunda meydanı xalsız tərk edir. Komandanı, baş məşqçini qınamaq da düz deyil. Nə daim bir yerdə məskunlaşırlar, nə də məşq etməyə daimi ünvanları var. Klubda çalışanda da bu fikirləri söyləyirdim. Azarkeşlərin də nəticə tələb etmək haqqıdı. Onlar da istəyir ki, daim dəstəklədikləri komanda yüksək pillələrdə olsun. Hamı düşüb Şahin müəllimin üstünə, ancaq onluq heç nə yoxdu. Baş məşqçinin son oyundan sonra səsləndirdiyi fikirlərlə tanışam. Və bilirəm ki, bizi nəzərdə tutmayıb. Təxmini hamı bilir ki, Şahin müəllim bu sözlərlə kimin “bostanına daş atır”. Ancaq sizi əmin edirəm ki, bu şəxs Mehman Allahverdiyev deyil. Diniyevin sözlərinin kimə ünvanlandığını bilənlər çoxdu, o cümlədən mən. Sadəcə, bununla bağlı mətbuata açıqlama vermək istəmirəm. Diniyevdə heç bir günah görmürəm”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 21:06 Emin Cəfərquliyev “Səbail”dən ayrılıb, “Binə”yə keçdi! Dünən, 21:05 “Binə” Batumi “Dinamo”sunu da məğlub edib Dünən, 21:04 Araz “Anortosis”də ilk rəsmi matçına çıxdı Dünən, 21:01 2000 manata görə məhv olan uşaq futbolu Dünən, 20:58 "Qəbələ" darmadağınla zirvəyə yüksəldi Dünən, 20:57 HAKİMLƏRİN MÜHAKİMƏSİ Dünən, 20:55 TURDAN MƏQAMLAR Dünən, 20:43 U-13 gürcülərə qalib gəldi Dünən, 20:41 Zirvədəki “Zirə” Dünən, 20:40 Yevlax stadionunun qazonu hamını şoka saldı Dünən, 20:37 “Qarabağ” azarkeşlərinin piketi nəticəsiz qaldı Dünən, 20:34 “Qarabağ” Kopenhagenə çatdı... Dünən, 20:31 “Qarabağ”, “Kopenhagen”i “Parken”də də susdur! Dünən, 20:30 “Neftçi” azarkeşi uğuru olan məşqçi istəyir Dünən, 20:29 Müjdə: Elxan Abdullayev “Neftçi”dən getdi Dünən, 20:27 AFFA “Bakcell Arena”nı elə-belə seçməyib Dünən, 20:26 "İmarət Avropa" Kopenhagenə "casus" göndərib Dünən, 20:24 Mehdi Nağıyev ittihamlara cavab verdi Dünən, 20:23 Bakıda gördükləri “Vostok”un baş məşqçisini heyrətə gətirib Dünən, 20:18 İlk görüşdə qələbə Dünən, 20:17 Güləşçilər çox pis başladı... 22-08-2017, 18:38 Əvəzediciləri “Neftçi”nin təsəlli yeridi 22-08-2017, 18:37 Qol vuran qələbə qazandı 22-08-2017, 18:35 “Qəbələ” 3 xal qazandı, Qriqorçuk hakimlikdən narazı qaldı 22-08-2017, 18:33 “İmarət Avropa”dan “Vətən”ə cavab gəldi 22-08-2017, 18:32 Azərbaycanlı azarkeşlərin idmançısının yanında olmaq hüququ yoxdu! 22-08-2017, 18:31 “Zirə” bostanlıqda “Kəpəz”in dərsini verdi 22-08-2017, 18:29 Futzal çempionatına iddialı debütantlar gəlir 22-08-2017, 18:29 Rauf Əliyev “Kukesi”də debüt etdi 22-08-2017, 18:24 1 yaşlı uşaqdan 80 yaşlı qocaya sillə 22-08-2017, 18:21 “İnter” 88 dəqiqə dözdü 22-08-2017, 18:17 “Qarabağ”ı böyük ekranda izləmək üçün 500 nəfər müraciət edib 22-08-2017, 18:15 Futbol ictimaiyyəti “Neftçi”ni “asıb-kəsdi” 22-08-2017, 18:14 “Kopenhagen”dən əzmkar qələbə... 22-08-2017, 18:09 Samit Nuruzadə yenə səbr etməyi məsləhət görür 22-08-2017, 18:07 Faiq Həsənov susdu! 22-08-2017, 18:06 Qısa xəbərlər 22-08-2017, 18:04 Belfor pula qaçır... 22-08-2017, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi Bütün xəbərlər
Ən çox oxunanlar