12 fev 16:17liqa, reportaj

“Kəpəz” yenə “ağ bayraq qaldırdı”, Diniyev kövrəldi

 “Kəpəz” yenə “ağ bayraq qaldırdı”, Diniyev kövrəldi
“Gedişimi kimlərin istədiyini bilirəm, bir yerdən idarə olunurlar”

67 Sumqayıt - Kəpəz (Gəncə) 3:1 (2:0)
1. Fərhad Vəliyev – 5,5
19. Azər Salahlı – 5,5
13. Bəhlul Mustafazadə - 5,5
14. Bəxtiyar Həsənalızadə (k) – 5,5
42. Kamran Abdullazadə - 5,5
20. Fərhad Qıstarov – 4,5
(97. Xəyal Nəcəfov, 53) – 4,5
8. Nicat Muxtarov – 5,0
(5. Seymur Əsədov, 68) – 5,0
7. Sergey Çernışev – 6,0
10. Məhəmməd Qurbanov – 5,5
(22. Mirabdulla Abbasov, 78) – qiymətsiz
74. Yusif Nəbiyev – 5,5
9. Amil Yunanov – 5,5
Ehtiyat oyunçular
94. Tərlan Əhmədli
18. Süleyman Əhmədov
21. Nasır Abilayev
77. Ehtiram Şahverdiyev
Baş məşqçi: Samir Abasov
Komandanın ən yaxşısı: Sergey Çernışev

88. Tadas Simaitis – 3,5
21. Novruz Məmmədov – 4,0
15. Azad Kərimov – 4,0
23. Tural Nərimanov – 4,0
13. Şəhriyar Rəhimov (k) – 4,0
5. Kərim Diniyev – 4,5
7. Vüqar Bəybalayev – 4,5
(17. Nicat Qurbanov, 69) - 4,5
68. Əli Nuri – 3,0
(90. Jülyen Ebah, 24) – 4,0
77. Serjinyo – 4,5
(9. Tural Qürbətov, 87) – qiymətsiz
10. Dario Federiko – 5,0
19. Orxan Əliyev – 4,5
Ehtiyat oyunçular
30. Davud Kərimi
6. Ceyhun Cavadov
14. Fərid Məmmədov
80. Tural Rzayev
Baş məşqçi: Şahin Diniyev
Komandanın ən yaxşısı: Dario Federiko
Qollar: S.Çernışev, 7 (1:0). A.Salahlı, 29 (2:0). M.Qurbanov, 61 (3:0). K.Diniyev, 71 (3:1).
Vərəqələr: N.Muxtarov, 45 (qeyri-idman hərəkəti). X.Nəcəfov, 59 (qeyri-idman hərəkəti). N.Məmmədov, 67 (qeyri-idman hərəkəti). K.Diniyev, 72 (qeyri-idman hərəkəti). Ş.Rəhimov, 79 (hakimin qərarına etiraz) – sarı.
Hakimlər: RƏHİM HƏSƏNOV, Akif Əmirəli, Cavanşir Yusifov, Orxan Məmmədov (hamısı Bakı).
Hakim-inspektor: Əhmədağa Cabbarov (Bakı).
AFFA nümayəndəsi: Rauf Əmirov (Qax).
9 fevral. Sumqayıt. Kapital Bank Arena. 1200 tamaşaçı (1320 yerlik).
Birinci hissəyə 1, ikinci hissəyə 3 dəqiqə artırılıb.
Oyunun qiyməti: 6,0.
Bir gün öncə "Zirə"nin uduzması "Sumqayıt"ın qələbə istəyini ikiqat artırmışdı. Mümkün 3 xal "kimyaçılar" üçün ötən tur əldən çıxan 4-cü pillənin geri qaytarılması anlamına gəlirdi. Odu ki, Abasovun komandası premyer-liqanın 3-cü dövrəsinə iki məğlubiyyətlə start verən "Kəpəz" üzərində qələbə qazanmaq üçün əlindən gələni edəcəkdi. Qərb təmsilçisi isə hadisələrin uğursuz axarına son qoymaq üçün özündən bir pillə öndə olan qonşusunu məğlub etməyi hədəfləmişdi. Hər iki komandanın müdafiə xəttində ciddi itkilər var idi. "Sumqayıt"da ötən oyun sarı vərəqə limitini dolduran Vurğun Hüseynovla Rail Məlikovun yoxluğu qeyd edilməlidi. "Kəpəz"də isə Renan "Zirə" ilə görüşdə "qırmızı" aldığından, qarşılaşmanı buraxırdı. Qərb təmsilçisinin arxa xətlə bağlı daha bir problemi Şəhriyar Əliyevin zədəli olması idi.
Oyunda ilk təhlükəli vəziyyəti 5-ci dəqiqədə gəncəlilər yaratdı. Vüqarın uzaqdan zərbəsindən sonra top cüzi fərqlə dirəyin yanından keçdi. Meydan sahibləri bunun cavabını qolla verdi. Daha doğrusu, Çernışevin zərbəsindən sonra Kərimə dəyən top istiqamətini dəyişib qapıçını da yanıldaraq tora daxil oldu. Əslində gəncəlilər 16-cı dəqiqədə “status-kvo”nu bərpa edə bilərdi. Ancaq Darionun ötürməsindən sonra “çərçivə”ni nişan alan Serjinyonun vuruşunda dəqiqlik çatmadı. Cəmi 4 dəqiqə sonra Nəbiyev cərimə zərbəsi ilə təhlükə yaratsa da, topu ələ keçirmək Simaitis üçün çətin olmadı. Diniyev isə erkən dəyişikliyə əl ataraq, gənc və meydanda faktiki heç nə ilə yadda qalmayan Əli Nurini Ebahla əvəzlədi. Ancaq bu dəyişiklik ciddi fərq yaratmadı. Əksinə, 29-cu dəqiqədə “Kəpəz” yenidən meydanın mərkəzinə dəvət olundu. Kornerdən ötürülən topu Amil başla qapıya yönəltsə də, tir onun sevinməsinə imkan vermədi. Simaitis dönən topu ələ keçirmək əvəzinə onu Salahlının önünə atdı və müdafiəçi premyer-liqada qol hesabını açdı. Bundan sonra da mübarizə səngimədi. Əksinə, bu dəqiqələrdə qarşılıqlı hücumlar bir-birini əvəz edirdi. 33-cü dəqiqədə Çernışevin vuruşu zamanı top cüzi fərqlə qapının üstündən keçdi. Çox keçmədən Azadın cərimə zərbəsindən sonra Fərhad topu səliqəli olmasa belə, qaytardı. İlk yarının sonuna 5 dəqiqə qalmış Xəlilovun elə də təhlükəli sayılmayan vuruşunu da qeyd edək.
İkinci hissəyə qonaqlar fəal başladı. Diniyev yetirmələrinə nə tapşırıq vermişdisə, “sarı-göylər” uzaqdan zərbələrlə Fərhadın sayıqlığını yoxlayırdı. 52-ci dəqiqədə Ebah başla topu tora sancsa da, haqlı ofsayd qərarı onun sevinməsinə mane oldu. Bir saatın tamamında isə gəncəlilər rəqibin cərimə meydançası daxilində sərbəst zərbə vurmaq hüququ qazandı. Azadın qüvvətli vuruşunu müdafiəçilər zərərsizləşdirdisə, Xəlilovun təkrar zərbəsindən sonra da top Salahlıdan geri döndü. Həmin epizodda Azər əllə oynadığına görə qonaqlar penalti tələb etsə də, hakim davam işarəsi verdi. Mübahisəli vəziyyət idi. Elə həmin epizodda sürətli əks-hücum təşkil edən “Sumqayıt” 3-cü dəfə qonaqların qapısına yol tapdı. Çernışev uzun və sürətli reydin ardından qapı önünə ötürmə etdi, Tadas topu tutmaq əvəzinə yenə də əlindən buraxdı, lazımi anda lazımi yerdə olan Məhəmməd isə boş qapını dəqiq nişan aldı. Nəhayət, 71-ci dəqiqədə Kərim buraxılan qollardan birinin əvəzini çıxdı. Qoldan ruhlanan gəncəlilər 5 dəqiqə sonra yenidən fərqlənməyə yaxın oldu. Lakin Darionun zərbəsindən sonra top dirəkdən döndü. Oyunu izləyən hər kəs bu fikirdə idi: “Kəpəz” bu dəqiqələrdə qol vursa, məğlubiyyətdən də qaçacaq. Qonaqların rəqibi qapısına doğru sıxışdırdığı bu dəqiqələrdə Federiko yenidən diqqət mərkəzinə düşdü. Ancaq braziliyalının uzaqdan vuruşunu Fərhad zərərsizləşdirdi. Qalan vaxtda nə Diniyevin yetirmələrinin fəallığı bəhrə verdi, nə də “Sumqayıt”ın əks-hücumlarından hansısa qolla nəticələndi. Beləliklə, “Kəpəz” ardıcıl 3-cü məğlubiyyətini aldısa, “kimyaçılar” yenidən turnir cədvəlində 4-cü pilləyə yüksəldi.
Reaksiyalar
Şahin Diniyev: “Uşaq səhvlərindən qollar buraxdıq. Fərdi səhvlər hesabın böyük olmasına səbəb oldu. Fasilədən sonra nəticəni dəyişmək istəsək də, alınmadı. Düzdü, daha yaxşı oynadıq. Ancaq məğlubiyyətdən qaça bilmədik. Deyiləsi bir şey yoxdu. “Qara zolağ”a düşmüşük. Standart cümlələr olsa belə, deməliyəm. Növbəti matçlara hazırlaşmalıyıq. Komanda psixoloji cəhətdən sınıb, təzyiq altından çıxa bilmir. Bu oyunda rəqib daha istəkli idi. İstefa? Komandanı belə vəziyyətdə qoyub getmək istəmirəm. Bu zəiflik əlamətidi. Sona qədər vuruşmaq lazımdı. Əli Nuri? Müdafiəçilərimizin olmaması təsirini göstərir. Gənc oyunçudu, bir az həyəcanlı idi. Oyun planında axsamaları olduğuna görə əvəzlədik, amma ona gələcəkdə şans verəcəm. Gedişimi kimlər istəyir? Bilirəm kimlərdi, bir yerdən idarə olunurlar. Mənim istefa mədəniyyətim var, sadəcə, sona 11 tur qalmış gedişim nəyisə dəyişəcəksə, bunu edərəm. Çalışacam dönüş edək. O ki qaldı Kərimə oğlum olduğuna görə üstünlük verməyim haqda deyilənlərə, bu, uşaq söz-söhbətidi, şəxsi qərəzdi. Kərim bu gün ən yaxşılardan idi. Hamı yaradıcı futbolçu istəyir, amma yaratmaq üçün dağıdıcı da olmalıdı. Bayaq dediyim kimi, bir-iki insan bu cür fikirləri yayır. Onları da Allaha tapşırıram. “Qarabağ”la oyun? Meydançamız bəlkə 30-40 ildi dəyişdirilmir. “Zirə” ilə matçda meydana çıxsaydıq, ot örtüyü məhv olardı. Vəziyyət hələ ki naməlumdu, hava şəraitinə uyğun qiymət veriləcək”.
Samir Abasov: “Allah futbolçularımızın əziyyətini yerdə qoymasın. İki ağır oyundan sonra bu gün çox güc sərf etdik. Uşaqlara “çox sağ ol” deyirəm. Bu gün Bəhlul premyer-liqada ilk matçına çıxdı. Başqa sistem qura, başqa futbolçulara da güvənə bilərdik. Ancaq keçən dəfə də dedim ki, hansısa uşaqda potensial görsək, deməli, o oynayacaq. Açığı, bu gün “Xəzər Sumqayıt” haqda düşünmürdüm. İstək var ki, əvvəlki ənənəni qaytaraq, “Xəzər Sumqayıt” kimi rəqiblərin canına qorxu salaq. Komandanı kökləməyi bacardıq, nəticə də gəldi. Tribunadakı narazılıqlar orda qalsın. Yeni futbolçularla bağlı onu deyə bilərəm ki, çox böyük seçimimiz yox idi, iki futbolçu var idi, onları da götürdük. Yəni biz komandaya futbolçu cəlb edərkən 5-10 nəfər arasında seçim etməmişik ki, ən güclünü götürək”.
Gözdən qaçmadı
* Start fitindən öncə “Sumqayıt”ın Müşahidə Şurasının üzvləri Telman Salahov və Abdulla Məmmədov, eləcə də cəzalı olduğuna görə komandasına kömək edə bilməyən “kimyaçılar”ın kapitanı Vurğun Hüseynov meydanın mərkəzində göründü. Salahov ötən tur 100-cü oyununa çıxan Vurğuna üzərində futbolçunun ad-soyadı yazılmış 100 nömrəli formanı hədiyyə etdi.
* İkinci hissənin əvvəllərində qonaq azarkeşlərin tribunasında qarışıqlıq düşdü və polislə fanatlar üz-üzə gəldi. Düzdü, qarşıdurma çox da böyümədi. Əldə etdiyimiz bilgiyə görə, azarkeşlərdən bəziləri futbolçulara qarşı kobud ifadələr işlətdiyindən, fanatlar arasında mübahisə düşüb. Nəticədə asayiş keçikçiləri müdaxilə etməli olub.
* İlk yarıda qolsuz formada oyunu idarə edən Rəhim Həsənov soyuq olduğu üçün ikinci hissədə həm qollu köynək geymişdi, həm də əlcək taxmışdı.
* Oyundan sonra Şahin Diniyev və “Kəpəz”in Müşahidə Şurasının üzvü Mikayıl Nərimanoğlu narazı gəncəli azarkeşlərin əhatəsinə düşdü. Nərimanoğlu fanatların suallarına cavab verməklə yanaşı, “bu komanda Avroliqada tarix yazıb, çalışıb vəziyyətdən birlikdə çıxmalıyıq” deməklə hər kəsi birliyə çağırırdı. Onsuz da yetərincə qəmgin görünən Diniyev isə azarkeşlərin onu alqışlamasından sonra daha da kövrəldi.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar