02 may 12:50liqa

Yunis Hüseynov bəhanələrlə “Kəpəz”in axırına çıxdı

Yunis Hüseynov bəhanələrlə “Kəpəz”in axırına çıxdı
“Mən söz vermişəm ki, son pillədən çıxacağıq”
Premyer-liqanın 25-ci turu gəncəli azarkeşlər üçün heç də xoş olmadı. Belə ki, “Kəpəz”in elitanı tərk edəcəyi rəsmiləşdi. “Sarı-göylər” səfərdə “Qəbələ”yə uduzdu, “Keşlə” ilə “Səbail”in qələbəsi isə bütün suallara aydınlıq gətirdi. Artıq qalan oyunlar Gəncə təmsilçisi üçün heç nəyi dəyişdmir və komanda mövsümü sonuncu yerdə başa vuracaq. Əsasnaməyə görə premier-liqanı son pillədə başa vuran komanda elita ilə vidalaşmalıdı. Düzdü, futbol rəhbərliyinin növbəti “futbol ili” ilə bağlı hansı qərarı verəcəyini indidən qətiyyətlə söyləmək olmaz. Bəlkə də komanda sayı artırıldı, tələblərə cavab verən iştirakçı tapılmadı və “Kəpəz”i yenidən güclülər dəstəsində saxladılar. Çoxları hadisələrin məhz bu axarda gedəcəyini proqnozlaşdırır. Ancaq 8 komandalı sistemin davam etdiriləcəyinə qərar verilsə, çox güman, “sarı-göylər” növbəti mövsüm birinci divizionda mübarizə aparacaq. Bu məsələnin necə sonuclanacağını zaman göstərəcək və biz hazırkı duruma görə vəziyyətə qiymət verməliyik. İndiki halda “Kəpəz”in sonuncu olacağı artıq rəsmiləşib və Əsasnaməyə dəyişiklik edilməzsə, komanda elitanı tərk edir. Odu ki, Gəncə təmsilçisinin keçirdiyi uğursuz mövsümə, acınacaqlı duruma bir daha nəzər salaq, problemlərin səbəblərini saf-çürük edək.
Şahin Diniyev getdi...
Əslində “Kəpəz” elitaya döndükdən sonrakı ilk iki “futbol ili”ndə heç də pis təsir bağışlamadı. Şahin Diniyevin rəhbərliyi altında komanda 2015/16 mövsümündə hətta Avroliqaya vəsiqə qazandı. Burda isə tarixində ilk dəfə mərhələ adladı. Düzdü, sonrakı il uğurun davamını gətirə bilmədi. Ancaq komanda yenə də rəqibləri üçün “asan yem” deyildi. Lakin cari “futbol ili”ndə “sarı-göylər”in işləri heç də qaydasında getmədi. Nəticələr bir yana, klubda yaşanan olaylar da acınacaqlı idi. Nəhayət, 12-ci turda Gəncədə “Səbail”ə məğlubiyyət (2:3) Diniyev üçün son oyun oldu. Həmin matçdan sonrakı mətbuat konfransında mütəxəssis istefa verdiyini açıqladı: “Öz istəyimlə istefa verdim. Qərarımı oyunsonrası mətbuat konfransında açıqladım. Qərarım rəhbərlik tərəfindən qəbul olundumu? Mən sözü bir dəfə deyirəm, geriyə dönüş yoxdu. İstefa verdimsə, deməli, bu postu tərk edirəm”.
Qeyd edək ki, Şahin bəyin rəhbərliyi altında komanda 7 xal toplamışdı. Keçirdiyi 12 oyundan 2-də qalib gəlib, 1 heç-heçə edən, 9 görüşdə uduzan Diniyevin komandası 9 qol vurub, 20-ni buraxmışdı.
...Yunis Hüseynov gəldi, nəticələr daha da pisləşdi
“Kəpəz”in baş məşqçisi postu Diniyevdən sonra gəncəli mütəxəssisə tapşırıldı. Yunis Hüseynovun gəlişindən sonra azarkeşlər də ümidlənmişdi. Ancaq yeni baş məşqçi daha çox qışdan sonranı nişan verirdi. Belə deyək, “bu mənim komandam deyil, fasilədən sonra görüşərik” vədləri verildi gəncəli futbolsevərlərə. Özü də qış fasiləsində Hüseynov əməlli-başlı heyətə əl gəzdirdi. 11 futbolçu ilə yollar ayrıldı, 12 yeni oyunçu cəlb olundu. Yunis bəy Kərim Diniyev, Viktor Laki, Novruz Məmmədov kimi əsas heyət üzvləri ilə vidalaşmağı lazım bildi. Həmin vaxt əksəriyyət “heyətə baş məşqçi cavabdehdi, öz komandasını qurur, buna görə onu suçlamaq olmaz, nəticə verməsə, məşhər ayağına çəkmək olar” fikrini irəli sürürdü. Bəs nəticə hanı? Komandanın hesabında cəmi 13 xal var və sonuncu yerdədi, relqamentdə dəyişiklik olmasa, elitanı tərk edir. Deməli, Hüseynovun rəhbərliyi altında komanda 13 oyunda cəmi 6 xal qazanıb, 6 qol vurub, 22 top buraxıb. İndi də AFFA rəhbərliyinin verəcəyi qərara ümid edir ki, bəlkə elitada saxladılar. O boyda şəhərin komandasının belə acınacaqlı duruma düşməsi faciədi. Yunis bəyin verdiyi vədlər isə boşa çıxdı. Kor-kor, gör-gör. Diniyevin nəticələri Hüseynovdan daha yaxşı idi. “Qəbələ” ilə matçdan sonra çalışdırıcı oyunçularına təzyiqdən, zənglərdən danışır. Bu isə bəhanələrin arxasına gizlənməkdən baş bir şey deyil. “Həmişə demişəm ki, 8 komandalı çempionat futbolumuza ziyandı” sözləri heç də kənardan xoş görünmür. Maraq üçün Yunis bəyin “Kəpəz”in “sükanı arxasına” keçdikdən sonra verdiyi vədlər, səsləndirdiyi fikirlər ilə tanış olaq.
“Qəbələ” ilə oyundan (1:6) sonra
Hələ bilmirəm, nədən başlayım. Komandamız çox pis məğlub oldu. “Kəpəz”in bütün oyunlarına baxırdım. Amma bugünkü kimi zəif çıxış görməmişdim. Elə bunun nəticəsidi ki, belə hesabla uduzduq. Demirəm ki, 3 futbolçu olsaydı, qalib gələcəkdik. Amma iki əsas müdafiəçimiz yox idi. Uşaqlara iradlarımı bildirdim. İlk oyunum idi, istəməzdim belə məğlub olaq. Azarkeşlərə də söz vermişəm ki, bu komandanı düzəldəcəm. Qış fasiləsində 2-3 oyunçu gətirəcəyik. Komandanın vəziyyətini dərk edib gəlmişəm. Buna görə də oturmaq yox, işləmək lazımdı. Transfer məsələsi mənə həvalə olunub. Amma bahalı oyunçu ala bilmərik. İndidən axtarışdayam. Ayağımızı yorğanımıza görə uzadacağıq. 3-4 əcnəbi də gətirmək lazımdı. Gəlmişəmsə, əziyyət çəkməliyəm.
Azarkeşlərlə görüşdə
Futbolçunun yaxşı oynaması azarkeşdən asılıdı. Həmişə belə düşünmüşəm. Sizə təşəkkür edirəm, bura gələndən azarkeş dəstəyini görürəm. Belə də davam edin, “Kəpəz”ə güc verin. Gəncə azarkeşi pis və yaxşı günündə komandanın yanında olub. Dəstəyinizi əsirgəməyin. “Kəpəz”ə ürəklə gəlmişəm, bura mənim evimdi. Komandaya can-başla xidmət etməyə hazıram. Doğma klubumuzu bu vəziyyətdən birlikdə çıxarmalıyıq. Əziyyət çəkməliyik, bunsuz iş olmur. Sizə söz verirəm ki, yaxşı komanda qurmaqla uğurlu şəkildə çıxış etməyə çalışacağıq. Çempionatda itirdiyimiz xallar çoxdu, odu ki, kubokda bacardıqca irəli getmək istəyirik. Qış fasiləsi üçün fikrimizdən keçən oyunçular var, onlarla danışıqlar aparmaq niyyətindəyik. Komandamıza xeyir verə biləcək futbolçuları heyətimizə qatmalıyıq.
“Keşlə”yə məğlubiyyətdən (2:3) sonra
Kubokda mübarizəni dayandırdıq. Qış fasiləsindən sonra bütün diqqətimizi premyer-liqaya yönəldəcəyik. İnşallah, yaxşı toplanış keçib, qarşıdakı oyunlara baxacağıq. Yaya kimi əsas məqsədimiz güclü komanda formalaşdırmaq və bacardıqca yuxarı pillələrə qalxmaq olacaq.
Qış hazırlığı zamanı
Fasilə müddətində, yəqin ki, məndən başqa hamı yaxşı istirahət etdi. Çünki bütün gün oyunçu axtarışı ilə məşğul oldum, dincəlmək bilmədim. Əsas işim-gücüm bu istiqamətdə idi. Bu vaxtlarda oyunçu tapmaq, seçmək çox çətindi. Amma yaxşı komanda formalaşdırmağa çalışacağıq. “Kəpəz”dən gedən futbolçular oldu, onlara uğurlar arzulayırıq. Heyətdə qalan uşaqlar elə fikirləşməsinlər ki, artıq yerlərini möhkəmləndiriblər. Əsla belə deyil. Bu oyunçularla bir daha ciddi söhbətimiz olacaq. Verdiyimiz şansdan lazımınca yararlanmalı, özlərini yaxşı tərəfdən göstərməli, təsdiq etməlidilər. Dəyişikliklər bundan sonra da mümkündü.
Yoxlama oyununda “Tecon Sitizen”ə qalib gəldikdən (1:0) sonra
Oyunçular yaxşı təsir bağışladılar. Meydanda döyüşkən komanda gördüm. Mübarizə keyfiyyətləri xoşuma gəldi. Mehriban kollektiv formalaşıb. Futbolçular meydandan kənarda da bir yerdədilər. Sözləri bir-birinə xoş gəlir (gülümsəyir). Əsas budu. Kollektiv yaxşı olanda bu, nəticədə də əks olunur. Amma çatışmayan cəhətlər var və bunun üzərində işləyirik. Vəziyyəti düzəltmək üçün əlimizdən gələni edəcəyik. Azarkeşlərimiz elə bilməsinlər ki, dayanmışıq, əsla, gecə-gündüz axtarışdayıq. Menecerlər tərəfindən çoxlu futbolçu təklif olunur, onları təhlil edirik. Oyunçular hazırlıq prosesində öz üzərlərində səylə çalışırlar, yaxşı əhval-ruhiyyə ilə məşq edirlər, onlardan razıyam.
“Yagelloniya” önündə darmadağından (1:8) sonra
Bu cür oyunlarda mən heç vaxt nəticəyə baxmıram. Onların çemponatında oynasam, nəzərə alardım, amma mən Azərbaycanda, onlar Polşada oynayır. Uduzmağı kim istəyər ki?! Hələ bu hesabla uduzmağı heç kim sevməz. Amma yorğunluq çox idi. Bunu mütləq nəzərə almalıyıq. Sizi inandırım ki, mən bu komanda ilə bir də oynamaq istəyərdim. Menecerimizə deyəcəm, ayın 31-də bu komanda ilə imkan varsa, bir matç yenə salsın. Revanş deməyək, sadəcə, inanıram ki, komandam bunlarla bacara bilər. Göstərmək istəyirəm ki, bu nəticə təsadüfi olub.
Serbiya “Spartak”ını məğlub etdikdən (2:0) sonra
Qələbə mənim üçün maraqlı deyil, amma qalib gəlmək də həmişə gözəldi. Psixoloji cəhətdən istərdim ki, həmişə oyunçularım qalib gəlsinlər və buna öyrəşsinlər. 1:8 hesablı məğlubiyyət? Mən həmin oyunda səhv elədim. Elə bilirdim, bugünkü komanda ilə oynayırıq. Oyunçulara da yükləmə vermişdim. Sonra meydanda bildim ki, polşalılardı rəqibimiz. Onu bəhanə eləmirəm, amma uşaq səhvlərindən qollar buraxdıq. Həmin nəticəyə görə uşaqlarla iclas da keçirdik, dedim ki, belə məğlubiyyət yolverilməzdi.
“Neftçi” ilə heç-heçədən (1:1) sonra
Bu gün yeni “Kəpəz” gördük. Fikrimcə, daha bir-iki turdan sonra komanda tam komplektləşəcək. Komanda hələ yenidi. Buna görə tam istədiyim oyunu sərgiləyə bilmir. Belə deyim, komanda 70 faiz hazırdı. Fikrimcə, vaxt keçdikcə daha yaxşı olacaq.
“Qarabağ”a səfərdəki məğlubiyyətdən (0:1) sonra
Rəqib 86-cı dəqiqədə fərqləndi. Kaş 20-ci dəqiqədə qol buraxıb uduzardıq. Belə uduzmaq ağırdı. Yaxşı oyun sərgiləməsək də, uşaqlar bu gün döyüşdülər. Qol epizoduna təkrar baxmalıyam. “Keşlə” ilə oyunda qapımıza qolu ofsayddan vurdular. Məncə, bugünkü oyunda da buraxdığımız qolda ofsayd var idi. Komanda qurmaq bir neçə ayın işi deyil. Mən söz vermişəm ki, son pillədən çıxacağıq. Komanda qurmaq üçün vaxt lazımdı. Hazırda pis deyilik. Ancaq vaxt lazımdı.
“Qarabağ”a evdəki məğlubiyyətdən (0:1) sonra
İndiki futbolçulara hörmətlə yanaşıram. Lakin yeni Yunis Hüseynov gəlməyəcək. Eləcə də Vidadi Rzayev və başqaları. İndinin futbolu ilə o vaxtkı futbol da tam fərqli idi. Futbolçular komandanı arxasınca aparacaq səviyyəyə çatmaq üçün öz üzərində işləməlidilər. Çalışsalar, onlar da bu cür futbolçu ola bilərlər.
Nəticə
Göründüyü kimi, Hüseynov qışdan sonra daim yaxşı olacağı vədini verib. Hətta komandanı son pillədən çıxaracağına söz verdiyini də etiraf edib. Ancaq vədlər işə yaramadı və nəticə göz qabağındadı.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar